見城日本料理 (已結業)

the first thing that came to mind after watching the movie jiro dreams of sushi was kenjo.  kenjo, a sushi bar in hong kong, is almost synonymous with high quality sushi.  it is a place where people used to revered and went for their very special celebration.  despite the myth on its price tag, going there for lunch is definitely affordable to most everyone.i have been a regular patron and will continue going in years and in the coming years.  i don't want to tell you which sushi or sashimi to o

見城早幾年前已聞其名, 不過那時候餐廳休假關門而落空。最近跟舊同事去棉登徑食午餐再度提起見城, 於是就訂檯食個午餐, 因為聽同事說晚餐收費較貴, 午餐相對地較抵食。估不到到達見城已坐無虛席, 所以想食一定要訂檯! 點了$190+10% 壽司套餐 (蒸蛋+面豉湯+八款壽司+卷物+甜品/餐飲)。蒸蛋幾滑, 有冬菇、蝦、銀杏等等配料不過我覺得同元氣食的差不多...因為我們坐bar檯, 師傅整好每件壽司就放上去, 不過放壽司落點未純熟, 例如放了第1舊在中間, 之後第2舊壽司又要移動第1舊的位置, 感覺好似未夠專業。而這是朋友點的8款壽司不能重複, 令我有點失望, 因為我較喜歡食三文魚壽司。不過最後選了 (由左到右) 雞蛋、甜蝦、(忘記什麼壽司)、墨魚、三文魚、瘦吞拿魚及下圖的海膽。卷物就是瘦吞拿魚卷。壽司飯比街外的份量較小, 不過手握的壽司飯較黏及暖, 配上魚生感覺不錯。大部份味道都不錯, 材料夠新鮮。而瘦吞拿魚印象較深刻, 因為我一向不好吞拿魚, 原來好味的吞拿魚壽司能入口即融, 可惜有少少筋, 舊同事說BB吞拿更好食, 可惜當時已售罄! 而卷物的紫菜很脆, 不會林的。而我又再挑戰海膽壽司

今日黎到依到,見城,係依個午市時間黎,好彩都有位,一開始先上既係依個茶碗蒸,咁佢就有D雞肉,銀杏同埋冬菇,依個我都幾鍾意,因為佢個蛋夠哂滑同嫩,而鹹味都做得岩岩好,好怕食銀杏會苦,不過依到就無,唔錯,加埋少少雞肉,唔同口感幾正。卷物就要依個鐵火卷,佢依到既鮪魚味道非常之咁香甜,外面既紫菜竟然唔係無味個種,仲食到少少鮮味,係我意料之外既,係唔錯既,之後就係依個生花膠魚,其實我聽都未聽過叫生花膠魚,以為佢係依個類似花膠咁既野,原來唔係,食落佢質地又爽口,味道就淡淡地的,都唔錯嫁,夠哂爽口,幾好,之後係海鰻,係一個熱上既壽司,佢醬汁份量控制得岩岩好,唔會太多,鰻魚肉質就比較鬆軟,食落幾有油香,唔洗點醬油同芥末就已經很好夠味 

今次朋友好彩朋友Book左位,如果唔係爆哂都唔知要等幾耐呀,今次兩個人都算叫得多野食,因為我地都比較大食既,首先係依個原隻海膽,食落無咩海水味，鮮甜味都唔算太食得出，比較啖口少少,同食開個種有出入,之後當然要叫Toro,食落有陣陣甘甜既魚味，最緊要係食完個種餘香,魚個種甘香係個口都長期唔散，夠哂正! 之後就到我鍾意既三文魚壽司,食落幾新鮮嫁,又夠哂大舊，脂肪都算分怖得夠平均唔錯, 鮭魚子壽司,今次食既另一種鮭魚子，睇落依個魚子係一串串﹐食落特別甜。依個係唔洗點豉油嫁，因為食落去好Juicy，多汁之外又有少少鹹又有鮮甜味。之後就開始食燒野喇,首先係燒元貝,面頭落左少少豉油一齊燒，加埋紫菜，食落熱辣辣,又有少少脆卜卜，元貝夠大隻之餘食落都好鮮甜，好食。 

星期五晚同個日本朋友食飯, 由於佢想食日本野既關係,所以上OPENRICE睇左幾間, 而呢間既評語都唔錯,就誤打誤撞咁揀左呢間~一去到門口, 大家都感覺應該幾貴, 門口出面冇餐牌, 唔知價錢,但已經成9點同埋好熱好攰, 就入去試一試吧~最初點了OMAKASE SUSHI, 因為唔想諗, 叫師傅安排,點知師傅黎左OMAKASE SASHIMI  (HK$450), 算數~照吃~ 全部刺身都好新鮮, 最好味既係大拖羅~食完後再各自點了自己想食既SUSHI,由於本人勁LIKE海胆, 所以點了海胆SUSHI (HK$80/PC),之前食既海胆, 唔多唔少都會有少少腥味,但係呢度既海胆, 係完全一啲腥味都冇, 味道可以話係清甜~~ 不錯! (但可能清甜既原故, 本人覺得味道不夠濃)後來再叫中拖羅壽司(HK$60), 由於之前刺身時已吃有大拖羅, 所以今次叫中試下,發覺中拖羅已經好夠, 非常正!最後由於我唔想食重覆既食物但又唔夠飽,諗住叫個大拖羅SUSHI試下(HK$70), 點知賣晒....師傅問中拖羅好唔好~~ 算! 再食多舊~ 哈哈! 但明顯第一次既感覺是最正的!總括, 呢度啲刺身唔止新鮮咁

星期五晚突然想起都有年幾2年無幫襯見城午餐一定星期六去食，(因為晚餐價$貴幾倍）打電話訂檯時，待應小姐話不用預訂你就咁來就得，心想唔通咁耐無來生意差咗。立刻上open rice看看先有多個食評都評論等位問題，咁咪再次打電話去訂檯，另一位待應接電話話不設預訂🙀，點解有2種不同答案！唯有放工立刻趕去wall in來到已有心理準備來到要稍等半小時以上。因為有20幾人等檯。有位女待應(高級店員)出黎安排帶位，我同問女待應我要等多少個佢唔耐煩地話你們要等5個同未計預訂檯（咁又話無得訂）之後足足等了45分鐘已經係2：30。看見menu 同以前一樣全部日本字，問下女待應（馬尾）松同竹的分別有toro同曼魚囉佢張嘴臉衰到無可以再衰同唔耐煩.....之後問有沒有燒飯團佢話要等半小時以上喎你等唔等呀....今時今日呢種服務態度........有大師傅坐鎮果然不同食物全部新鮮，對只限新鮮。我們叫咗松、toro魚生飯同海膽手卷。茶碗蒸先上的是茶碗蒸, 裡面有雞肉有點韌, 銀杏, 冬菇. 蛋很滑嫩但得一半份量要求換過馬尾小姐再展示唔耐煩的功力。海膽手卷紫菜姽口，但海膽無味$90，略貴。松多大件魚生很新鮮令立立，

係日本菜十多年前剛開始盛起的年代,見城呢個名一直視為香港高級日本料理其中代表之一,原因是佢價錢過高,食親下下都過千!!數年前佢開始做午市,開始做平民價價錢,不過曾經在幾年前聽聞有師傅鹹豬手女顧客事件(雖後來該師傅被炒以來再沒聽說過),但是因此風評也大減!!見城可說係古惑中的XO食店,古惑在D員工,尤其晚市更甚....D 待應會SELL特式菜/新鮮魚生卻搏你不問價錢,到俾錢時先知瀨野,一條魚隨時菜式過千,價錢高得嚇人....最恐怖可以食到$3000以上2個人也絕不稀奇,因此我並不向大家推介晚市去食(當然你肯花錢去冒險的話又另當別論),而總店駐場係日本師傅,但其他學徒都香港人,新開沒幾年既赫德道分店都係一樣,不過駐場既係以前總店同屬日本人既二廚.....然而晚市佢用的食材大多是新鮮或急凍沒太久的食材,午市卻不同了,午市完全係撞手神,甚至是撞手神之王,因午餐價錢大概為$160~$250左右一SET,通常係食材用唔哂擺一晚之後繼續用,而有一部份在食材不足時先會開新鮮俾你食,本來咁情況即使旁邊的另外2間的"道"或"旬菜富"都係咁做,但係問題人地唔係主打魚生同壽司,而你見城係....咁的話隨時我食

午餐選擇都算多 各自選了一個午餐 有sushi set, sashimi set, 自選sushi, 熟食的都有幾款 好像自選sushi最岩何車 但MENU上只有日本,文盲的我只請教店員 店員拿了中文MENU比我,哈哈 可能是日本人的堅持,明明睇日文既人較少 但都堅持,是對自己文化的尊重吧由於不可以重複,把所有吞拿選了,再亂點一輪(真係超愛吞拿)午餐跟蒸蛋的 超滑溜,蒸蛋很簡單 但很多地方都做得不好 見城真係好用心做 愈簡單愈難煮是常識吧普通吞拿魚,吞拿魚腩,吞拿魚卷幾好其實整體好好, 以價錢黎講 做足功課以綠茶雪糕作結,可惜雪糕同咖啡只可2選1

和client吃午飯在道和Kenjo之間選一間道好像full了而Kenjo又一直沒有試所以就來Kenjo了我們訂了5位給安排了房間大家各自選了一個午餐午餐選擇都算多有sushi便當, sashimi便當, 自選sushi, 熟食的都有幾款我就選了自選sushi由於不可以重複選了一些平時不會選的魚當給它們一次機會 但職員落單時講有甚麼魚可以選時講的超快根本沒有可能聽得到其實可以講慢一點囉所有午餐都跟蒸蛋超滑溜而且味道剛好不會太鹹或太淡這就是我的自選壽司午餐它上檯時才突然想起一些比較地道的日本店會default放一點wasabi但我一丁點wasabi都不要的有點lai野的預感如我所料每件壽司都沾了wasabi幸好只放了很少所以都可以照食In general都算唔錯但其中uni隔離的唔知甚麼魚壽司特別多wasabi亦食得出比較腥咬了一口就放棄了另外普通吞拿平時我都不會叫可惜這次沒有改變我對它的感覺...看來吞拿魚只有腩位才吸引到我了...最後以綠茶雪糕作結

I have heard that this place is really good so I made the trek over to TST (I'm a HK Island person). I've only been here for lunch and I was not impressed with their sushi. Now I know that lunch is usually leftover sushi from yesterday dinner, so maybe it's an unfair statement but still I've had lunch at other sushi places as well and had better quality. I chose the sushi set where you can pick your own fish and roll. I chose uni, salmon, toro, tuna, unagi, amaebi, yellowtail, saba, and the tuna

因為同事6月尾Last day，所以一齊Farewell他，看見當天門口有人要等位，推開門也是全滿的~來這裡食Lunch一定要預早訂?門面和室內設計有日本居酒居風格，但環境較迫，坐位不多。我們7人有6人也是Order SUSHI SET: $190+1(包括蒸蛋、麵豉湯和一小球雪糕)可以自選8件壽司(每款只可叫一件不可重覆) + 1份卷物(6小件)，但日文字看不懂，要問待應才會拿中文字牌給你。6人叫的不一樣，落order時都幾花時間有點混亂...如果可以改善為用紙仔給每人tick order像車仔麵的落單會比較有效率和清楚！其中壽司"baby吞拿魚"賣剩得1件所以不是人人有得試...可能中午人太多，等了很久很久...蒸蛋很熱很滑口，不會蒸得老和實，口感似鹹豆花~我份叫了:壽司: 三文魚、甜蝦(生)、吞拿魚腩、池魚、海鰻魚、海膽、...(其他忘記是什麼魚)卷物: 瘦吞拿魚卷最差是海鰻魚，SIZE很細小而薄片，是什麼味道不會吃得清楚...最好吃是海膽，放得滿滿的，味很鮮甜不會有腥味，可惜只可以叫一件...甜蝦(生)平時是兩隻小SIZE，這間是一隻大SIZE開邊，我很少見，都算甜美。當中有一

今次係第四次幫襯，不過唔會再有第五次。電話訂檯時，待應小姐話來到未有檯的話可能要等一陣，已有心理準備來到要稍等。訂1pm，我12:40pm到，同男店員報到，叫我稍等。其間，有位女待應(高級店員)出黎安排帶位，同樣訂左1pm而又遲過我o既人竟然可以先入。我同女待應講，我訂左1pm點解仲未有位。佢唔耐煩地話好快有。然後又有一班人黎，女待應向佢打招呼，仲話"x先，好快有位"(明顯係熟客)，女待應又企圖帶另一班比我遲黎o既人入座，我忍唔住講，"我o黎先，我訂o左1點"。佢竟然黑晒面同我講"唔好嘈啦！依家有位啦！"下！！呢種究竟係咩服務態度！？？？自己安排混亂唔肯認錯不特只，仲要向客人發脾氣，大好心情被佢一手破壞。 至於食物，叫左壽司套餐，附送o既蒸水蛋滑溜，合格，至於主角壽司水準真係麻麻地，飯團鬆散，有幾舊一夾就鬆開，海膽冇鮮味、左口魚冇魚香，稍為好係拖羅、玉子、三文魚子。$190一個set，唔合格。

壽司是我的至愛, 這店亦能滿足我食sushi的要求.首先是蒸疍（茶碗蒸し） - 疍的香味飘到空氣中, 香滑火侯夠嫩, 內裡的冬茹白果都浸入了疍香.舍拿魚卷 - 舍拿魚本身鮮甜, 中規中距再來四款不同壽司, 有マクロ、中トロ、鯛和甜蝦 - 先吃マクロ, 油份滿溢口腔, 上品; 中トロ和鯛魚都不失鮮甜味, 至於甜蝦非常甘甜燒鰻魚壽司 - 面上的醬汁是整件的靈魂, 甜度適中的醬汁另魚的味道加添層次感最后是海膽卷 - 海水味充滿海膽中, 極品.

由於之前吃過數次, 每次打電話訂枱都說不設訂座, 只可Walk-in. 所以今日Lunch time 特地早少少到達餐廳, 12:20, 空無一人 點知....某侍應說Full哂, 或者食到13:00要交枱 究竟幾時開始無啦啦可以reserve? 特地早到拎位, 一個食客都無, 但係話full左. 即刻問佢Book 位既野, 之後有位比較senior既waiter話可以食到13.15......(皇恩浩蕩=_=.......) 最後, 都係坐低左....(廢事再搵第間餐廳嘛..)食物方面, order左自選Sushi set.Chinese menu蒸蛋Ok, 可以更滑海膽不錯. 油甘魚, 池魚, Toro, Baby toro, sea eel, etc 都比 以前的見城 或 其他日本料理餐廳 差左, 可能係來貨地點不同(?). $190包埋甜品 - Lemon ice-cream食左未夠半個鐘, Waiters就開始係噤拾野, 未食完Sushi set 就問食咩desserts, 好趕好唔自在.對比 前幾次的見城 同埋 其他日本料理餐廳, 今次無噤好食, 短期內唔會再食見城!

同屋企人食飯，BOOK 了位午巿一點半，訂位時WAITRESS 話到時無枱會等一陣，OK，平時都係咁。去到門口，已經有一個等緊五人枱，另一個GROUP 等緊3人枱。見城不嬲無派飛，有個後生D的WAITRESS 乜都無TAKE DOWN 就叫我地四個人照排，後來有四個人遲過我地黎一齊等。大約二十分鐘後有個短髮應該資深D O既女職員叫左3人同4人枱入，遲過我地果幾個人竟然被安排坐先! 咁我BOOK 黎做乜?等到2點左右，終於有位坐，我地被安排入房仔，D待應根本就唔會主動過黎睇，我差不多要走出門口先有人應。我地好肚餓，大家都係諗住叫壽司SET，但佢張ORDER 紙得日文無中文，不嬲黎食都係WAITRESS 講俾我地聽再落。呢個馬尾侍應UP 完，我揀左幾個我食，但未揀夠，請佢REPEAT 一次。嘩，佢個咀臉真係衰到呢....好唔耐煩咁REPEAT，所以我都係求其揀了算。ORDER 完，等好耐都未有野食到。我大約兩點入去，當TAKE ORDER 10分鐘，我地等到2:40都只係得碗蒸蛋! 跟住個資深侍應就入黎話LAST ORDER 問有無野再叫。我話我除左個蛋乜都未到。跟住再等多十零分鐘左右先有