影片
港鐵奧運站 C4 出口, 步行約7分鐘
繼續閱讀
特色
包場派對
營業時間
星期一
全日休息
星期二至日
12:00 - 22:00
以上資料只供參考, 請與餐廳確認詳情
今日一行三人經朋友介紹下黎到大角咀試下一間小店，由於平日放工時間，所以人流唔算多，正因為咁所以唔使等就有位。一入到店裡，面積真係唔大，一眼睇晒就只有16個位，果真係一間名乎其實既小店。坐低睇下Menu，發覺野食選擇唔算多，但係都可以滿足我地3個唔同口味既人既需要。最後，我地叫左一個漢堡包、一個意大利飯、一份豬肋骨，三樣野都係跟餐，所以有沙律、薯條仲有野飲，另外亦都再叫左4隻雞翼。首先黎既係薯條，本身諗住呢D跟餐既配菜多數都係同個主食擺埋一齊送埋黎，但係點知佢一黎到佢既賣相已經好吸引，佢一個器皿已經可以裝到薯條同埋兩款醬，真係好方便! 一放到我已經引唔住即刻拎一條黎試下，真係好新鮮，薯條係內脆外軟，而佢比既兩款醬，除左茄醬之外，另一款就好似沙醬咁，同薯條又估唔到咁夾喎!之後再黎就係沙律，細細杯咁但係份量並無想像中咁細，配埋佢比既醋，真係好好味，好醒胃!之後雞翼亦都送上，佢既賣相正正常常，無咩特別花巧，但一食之下估唔到好入味，烤得恰到好處，食完一隻已經引唔住想再食多一隻。最後終於到主食啦，先講漢堡包，賣相無咩特別，同出面食既都係好接近。一咬之下發覺面包較正常硬，諗住唔係整衰左麻，再問一問原來個面包係麥包黎，所以會較正常面包硬，但係相對就會健康D，咁樣都幾好可以減低一下我既罪疚感。繼續食落去，最主要既牛肉質感嫩滑，又有肉汁，加上佢中間有芝士不斷流出，真係好Juicy好正。之後睇番原來佢個牛肉係連埋燕麥一齊打，咁樣又再健康D，真係越食越少罪疚感，哈哈!到個意大利飯，送到上黎感覺好細碟，對於一個大男孩一睇就覺得唔會食得飽。不過唔緊要，始於都係味道行先，先試D飯，好味! 好岩自己，因為平時D意大利飯成日都整得好硬，但呢度就相對軟綿D，較易入口，而配上茄汁亦非常配。而主角大啡菇絕對係喜出望外之選，放入口竟然有種溶化既感覺，真係好鬼正，下次黎一定要encore。其實食到呢度都已經開始有D飽，最後黎埋個豬肋骨，真係有D頂唔住，不過都盡力食左幾條骨。呢款豬肋骨配以香橙黎烤，有別於平時食既味道，充滿新鮮感，但係可能就會唔係好食得慣，但係份量就十足，絕對係一個正常男人都食飽有餘!另外，飲品叫左一杯冰果菜，原來佢將幾款生果放埋一齊然後將佢地製成冰，然後放入杯茶度，慢慢等D冰溶生果味就會湧出黎，飲落都幾Fresh，算係又靚又好飲!
繼續閱讀
走進大全街，原本想試另一小店，但被呢間《黃色小貨櫃》吸引住。加上諗住品嘗飯前小食，非主餐，所以揀了它。店內座位不多，20個以內，木椅木桌，帶點古舊風，但椅子頗細小，坐得不太舒服！點了焗肉醬意粉配香烤蜜糖雞翼，最愛這些迷你餐具，帶點戶外風～肉醬意粉，味道甜酸洽宜；雞翼沾上蜜糖烤焗，香味無窮，而且有3隻。點了凍檸蜜，解渴也～尚有其他漢堡餐、沙律餐、小食等供應。小窩心推介：呢間小店沒有加一服務費，值得支持！
繼續閱讀
昨天去了一間很好的餐廳，位於大角咀大全街13號大同新邨大有樓地下的CORNER 32(角落三二)。店子小小的，但格局精緻，我們近最接近門口的位置，落地玻璃窗看著外面下著大雨，好有情調。我們點了：炸籃（雞翼，洋蔥圈，大啡菇，脆薯條，魚柳），角落芝心燕麥漢堡配薯條及田園沙津，香烤蜜糖雞中翼及心太軟配雪糕，和百花養生茶及青檸梳打特飲。炸籃（雞翼，洋蔥圈，大啡菇，脆薯條，魚柳），賣相實在好精緻，四個小炸籃，跟四款不同的醬料點食，可以有不同的味覺配搭，可以有很多變化。角落芝心燕麥漢堡配薯條及田園沙津，一座漢堡城堡，好高聳啊，當中還跟了薯條及田園沙律，份量好足料，最好與朋友分享。香烤蜜糖雞中翼，烤得皮好香脆，有蜜糖香味，內心不禁亨著，燒雞翼，我鍾意食。心太軟配雪糕，蛋糕夠熱，夠流心，配雪糕，一冷一熱，好正啊百花養生茶好足夠，當中有康仙花，金邊玫瑰，千日紅，紅棗，圓肉等，好足料啊總結：CORNER 32是在鬧市中，一間有格調的小餐廳，感覺不隨波逐流，都幾型，而且食物味道亦好，份量足，價錢亦算公道，值推介之選。
繼續閱讀
偶然係網上見到推介，專程到好少去的大角咀試新野見到好多人試呢兩款主菜，所以都跟住試下豬脾仔配蕃茄意大利飯，豬脾仔好夠淋，蕃茄意大利飯都好惹味呢款都好食，不過意粉偏辣，要慎選😂座位大概只有10幾個，飯市時間可能要預左排隊😓
繼續閱讀
大角咀是一個新舊交集的地區，舊式唐樓旁邊卻是新型豪宅，既有一群消費能力較高的中產，老區租金比大商場相對便宜，吸引了不少創業者來這裡小試牛刀，因此造就了各種不同的小店隱身於這個老區的角落。朋友就介紹我來到於大同新邨附近的角落 三二 Corner 32，以實惠價錢就可享受高質西餐！位置確實有點隱蔽，不太易找，而且店面相當迷你，裡面座位不過二十個，真是名副其實的「小」店。面積不大，坐得有點擠擁，不過氣氛安靜閒適，很適合兩口子來撐枱腳。晚餐選擇不算很多，不過連晚餐時段都不收加一，收費公道，份量又足，價錢相對貼地。冷泡黑醋原個溫室蕃茄 (去皮) $25冰凍酸甜的冷泡溫室蕃茄最適合作為清爽開胃的前菜，加上醋香撲鼻的黑醋，食材低脂低卡，營養豐富，將炎熱帶來的悶氣一掃而空。點了兩個set dinner 附送兩杯餐飲，選了凍檸茶及熱檸水。香橙燒汁烤豬肋骨配脆薯條及黑醋沙律 $148平時食豬肋骨大多是配上濃味的燒烤醬，但這次的香橙燒汁味道獨特，於惹味香甜的燒汁彌漫著清新微酸的果香。因為應該是煎完再焗的，所以豬肋骨的表面不會過焦，肉質鬆軟，不會過韌。選這個餐還會配上我最愛的脆薯條，厚切薯條連着薯皮炸得金黃，隨意點上茄汁或酸忌廉，口感外脆內軟，邪惡又美味，完全吃到停不了口！普羅旺斯慢煮豬脾仔配蕃茄釀意大利飯及焗香蒜 $128當日很不幸地這碟漏單了，結果等了好久，不過遲到好過無到...將原個蕃茄包住意大利飯，溢出流心的天然蕃茄汁，risotto 煮得略嫌有點太硬身，入口就不夠煙韌。將錫紙捲著豬脾仔的寸骨，即使用手吃也不怕會吃得很狼狽，肉質滑嫩，配合蕃茄汁相當醒胃。流心焦糖朱古力心太軟伴雲呢拿雪糕 $48心太軟向來是我的至愛，即使今次內餡換成本身偏甜的焦糖醬，但甜度尚算適中，不會過膩。切下脆脆的表層就會緩緩地流出香濃的焦糖醬溶漿，不會變成固體，結合微溫的朱古力蛋糕，伴雪糕吃，一冷一熱，就是最高享受。
繼續閱讀