言居酒屋 (已結業)

真心想講一間餐廳就算食物超級好食但態度超級惡劣對唔住 呢d餐廳都唔會想再幫襯 更何況呢間野食物超級普通只係一般居酒屋嘅水平仲要叫乜無乜但當時只係7:30pm其實真心唔係要追求勁殷勤嘅服務態度但連基本待人禮貌都無黑面,態度差,無禮貌樣樣做齊真係好難叫第一次幫襯嘅客人回頭光顧所以!!!絕不再幫襯!!!p.s 同朋友講開 原來淨係對熟客service先至好咁我真係祝你呢間淨係用熟客生意嘅餐廳生意興隆同埋如果係咁 唔該喺門口貼埋只招待熟客啦!!!!!!!!!!

今日路經這間食店，見店一個都冇，於是入去食晏，等小朋友坐得舒服點，我們2人一入去問幾位之後就指我去近廁所和廚房門口的二人枱，除了這張2人枱，沒其他2人枱，於是我要求可否轉坐近窗位置4人枱，我們坐埋一邊，因當時一個人都冇。店員黑面即唔客氣話得，但等陣有人要坐你要同人搭枱或比番枱我。我們叫了滑蛋豬扒飯，份量不多，要80蚊。套餐只包少少沙津和一碗麵豉湯，味道普通，我當時不知道連茶都要自己攞杯和倒。所以茶都沒有杯，直到尾至見人自己攞，至知，食到差唔多中途，可能1點，有些客入來。到我仔仔食到剩番3啖左右的飯，有4個客入內，但當時仲有一張大枱6人和4個bar枱位。店員就好大聲咁喝我，喂你宜家就比番張枱我，你坐bar枱啦，完全沒禮貌語氣，但眼見其實有位。又完全沒過來幫我轉枱。要我自己拖住3歲幾小朋友拎住袋來來回回兩次取自己碗飯去坐bar 枱。我當時感到好無助。食餐飯食到好無奈，如果我一人， 我就無所謂，但有小朋友，佢應該要過來幫我拎飯餐轉枱，所以我話這間店完全服務極差，我們食完比錢，店員繼續黑面又沒一句多謝或唔好意思。雖然我見佢整間店好似兩個人，但連基本禮貌都沒有，每個餐至少70幾蚊以上，又唔係好平

食物一般，但是就食到一肚氣！一入到泥就見到waiter黑哂臉 態度又差 又囂張成餐食到成肚氣！以後唔會再泥本人第一次寫食評，誠心呼籲，如果老闆唔想做生意 唔該唔好打開門做生意！以免大家難受！

餐廳陳設古舊，有種在日本居酒屋嘅風味好適合一班人黎傾下計飲下酒 不過人手不多，只有兩位廚師所以要多少少時間等候長蔥碎吞拿魚腩飯坐在吧台，可以睇住廚師一羹一羹拖羅擺上個飯度都係一大享受吧食落完全係拖羅撈飯的快感選擇嘅吞拿魚腩唔會過肥，食到魚嘅油脂香但唔會覺得太漏 牛脷串每次吃串燒必點冇令我失望啊 厚切牛脷好香口加埋芥末 正啊

都唔記得今次係第幾次嚟食，每次都滿腹咁走，越食越多。今次食咗啲之前都無叫過嘅款式，老闆做咗個燒銀雪魚干，好好味。叫咗串燒小食，豬心、手羽先、豬肉。我無响香港食過關東煮，好入味。個刺身8點有我好鍾意嘅海胆、飽魚，重叫咗赤貝刺身，回味無窮。食完重覺得差啲嘢，叫咗醬油叉燒拉麵、豬骨湯叉燒拉麵、炸豬排飯，大滿足！

剛剛經過那區， 只是隨意走進這間居酒屋， 卻換來一肚氣。 不清楚點餐方法， 只想問清楚， 但回答十分晦氣及全程黑面。 講到食物質素 ，係冇乜質素可言。 拉麵不算彈牙，湯底也不特別。 食物不太緊要， 但服務就差到冇朋友。 係永遠冇朋友

午市烏冬套餐 垃圾食物質素 垃圾服務態度 金玉其外 敗絮其中居酒屋個樣望落幾好，食物款式又多， 所以諗住試吓。入到去都興致勃勃。坐卡位,，已經坐到好入，唔知店員定點相仲要叫我入d， 話冇位行，咁係你行路太呀咋， 係你間鋪頭設計得差， 可能係我30多腰64 kg都太肥。野食未黎之前已經要比錢， 已經覺得有古怪。叫咗兩個午市套餐，一個腐皮烏冬配三文魚刺身(80hkd) ，一個牛肉烏冬配鰻魚飯 （80hkd) ，烏冬冇調味茶記水平 ，三文魚刺身得三塊 ，薄切到一個點 ，鰻魚飯啲飯又凍又乾，得3×3 cm 。同個店長定唔知店員講話啲飯凍嘅，佢即刻攞咗去叮，拎完啲飯仲乾。個唔知店員定店長仲要將個叮左嘅飯拍落枱面，真係唔知係佢錯定我錯。我覺得係我錯，因為入咗間black店🤡·。 一順返條氣我哋去咗食M記新地 好食10倍， 完。

上次在大半年前來吃過午飯，留下不錯的印象。今晚放工與女友再次光顧，感覺截然不同。我倆各自叫了一碗叉燒拉麵，豚骨與味噌湯底濃厚，叉燒肉質鮮嫩，拉麵軟硬適中，溏心蛋的質感也好。我們額外要了高湯厚玉子燒，清甜多汁，值得一讚。可惜，從我入門到付款離開，店員都以極度黑面相待，好像什麼地方得罪了他一般，讓人感覺難受。可能是工作太忙吧(我見店整個鐘頭他都要又顧吧枱，又走樓面)食店的食物再好，服務也是不容忽視的，還望予以改進。本人則不敢再登門打擾了...

朋友介紹去。。。咁食物水準確係唔錯，炸豬排好juice，並唔係咁多地方做到。但係服務就。。。建議佢如果唔想麻煩，咪叫個客自己寫單交俾佢囉。。。黑面係解決唔到件事旣。

星期六食晏，我通常都會同Daddy食lunch。今日天氣好熱，又唔知食啲乜，所以爹哋就提議不如去食拉麵。我話：「都好呀！我都未試過喺佐敦嗰頭食拉麵。」當時大概下午1:15。咁爹哋都帶咗去長樂街嘅言居酒屋。如果你未去過長樂街，佢係一條喺彌敦道嘅橫街，就算星期六一點幾人流都唔多。入到餐廳都有四張枱有客人。我聽到廚師(我懷疑係老闆)同埋客人喺度傾計，客人話佢好耐之前已經有幫襯呢個廚師。之後佢個女嚟咗呢頭讀書(相信好大機會係拔萃女書院(小學))，所以佢就你得更多。根據餐廳位置同埋我我偷聽到佢哋講嘢嘅內容，我估計呢間餐廳都主要係做一啲熟客生意，而熟客亦都有幾多。隔咗陣，又有三批人，約莫10個入嚟幫襯。餐廳差唔多滿坐。由於香港依家有數之不盡淨係食拉麵嘅拉麵店，所以老實講，如果想食拉麵，我都會即時諗起去一啲拉麵店度食拉麵，未必會去一啲居酒屋食。店內有兩位廚師/侍應，雖然都好忙，但係我上邊都有提到，佢哋都會同啲客人有傾有講。呢間餐廳晏晝嘅時候都做lunch set。我就叫左一個豬骨湯拉麵set 配左個咖喱飯，加一杯橙汁。Daddy 就冇叫咖喱飯，叫咗個吞拿魚沙律。首先個咖喱飯同埋杯橙汁嚟咗先，咁我就先

食物是否出神入化，我就不懂。但老闆及伙記，黑囗黑面就一定了。時間：星期五-7pm1. 現場：只有三枱食客（佔了1/4左右）2. 入場：要坐幾分鍾，叫三數次才有餐牌3. 點菜：伙記超黑面，叫幾次才可以落單，客人講慢啲，伙會黑面走咗去。「叫你慢慢諗」。要分幾次先落到單。4. 食物：看似不錯，但由於服務態度差，搞到無哂胃口。5. 最後：因為好難找人落單，未食就埋單了後感：生意難做，服務要緊，朋友聚餐，為求開心，唔想受氣，咪去幫襯！

真心永遠唔會幫襯第二次，今晚收工約左舊 朋友聚舊，開開心心去到， 一坐低就畀 一個師傅用好嚴厲嘅語氣 呼喝我關番度門。我唔好手尾，認衰去山番， 之後我先到的朋友 細細聲告訴我呢個師傅好惡下，之前已經落單已經唔係咁好老脾。 當我睇完menu想落order 搵咗個以為有善啲嘅師傅落單，我: 唔該一客鰻魚壽司 唔係sorry sorry鰻魚手捲 先啱，個 師父竟然又係用好唔耐煩嘅語氣講 :點呀 壽司定手捲呀!我當堂呆一呆，都未呆夠两秒想再落order, 第一個兇神惡煞嘅師傅就開口話 畀佢諗埋先啦 !氣到食唔落走人返工要受氣，無諗過出嚟食餐飯都要咁樣受氣!

今日試下呢間居酒屋，佐敦站行過嚟大概5分鐘。入到去大部分人都揀坐bar 枱，因為有居酒屋feel D 😬呢隻啤酒帶甜味同好香麥味，好適合女士湯底好濃，裡面有全隻溫泉蛋😋蟹肉唔係好重，但薯仔蓉好好味，外層亦好鬆脆一向唔係好鍾意食玉子燒嘅我都覺得幾好味，可能因為佢唔怕太甜比預期多牛俐，個人認為多咗D乾蒜頭紫蘇梅醬食落酸酸甜甜，幾開胃。雞肉食落係雞軟骨總結：食物品質唔錯，係同朋友相聚嘅好地方

開完會黎到呢間居酒屋食晚飯。之前黎過食午餐好多人。今日晚餐反而唔算多。但你幾多位就會俾幾多位既枱你。我地兩個就坐二人位。好彩無叫太多野，唔係就一定唔夠位放。坐低叫完野食伙計就失晒終。連水都要自己倒，自己加。或者呢個係居酒屋既特式。（但我印象中既午市並唔係咁既）第一樣嚟嘅係豬骨湯叉燒拉麵，初初並見唔到隻蛋，仲諗緊點解拉麵會冇蛋嘅呢？原來有，不過響啲叉燒下面。拎返上嚟隻蛋已經變咗隻全熟嘅蛋並唔係生熟蛋。但除咗隻蛋失色之外啲叉燒同埋拉麵都好好味。之後來的係滑蛋豬扒飯，睇落去唔算多蛋但係足夠晒撈落啲飯度食。豬扒大都食唔晒。再嚟就係我至愛南瓜天婦羅。南瓜切得比較薄，但亦都因為咁，炸起上嚟天婦羅嘅厚薄啱啱好，南瓜做到外脆內軟嘅感覺。最後嚟嘅係我響居酒屋最鍾意食嘅雞腎。但偏偏呢個雞神係難食到嘔嘅。 首先你到呢見到一大堆蒜蓉放響雞腎面。色水已經一啲都唔吸引，蒜蓉係爛嘅一啲趣嘅感覺都冇。陣味仲要好難添。奇怪嘅事呢度有做刺身但我冇見到一台有人食刺身。唔知係咪佢嘅串燒同埋刺身都係唔得嘅呢？

咁啱要過佐敦攞野。經過就即入黎食個午飯, 時間還早, 我應該是第一位客人, 叫左個魚生飯set. 跟沙律同麵豉湯。一向唔多飲麵豉湯的我, 竟然覺得佢地個湯有驚喜, 湯料有好多紅蘿蔔同洋蔥, 另到成碗細細的湯感覺豐富起了, 不會水汪汪, 湯帶著洋蔥甜味加微微的麵豉味!正。主食魚生飯-魚生份量好多, 加上滿滿的蟹子, 還有一些绿色的食材,色彩已經好吸引,味道鮮甜, 不用落太多的鼓油去調味。