許留山 (已結業)

係我其他食評 【出街勁食！（2）】都是吃許留山……但今次的感覺真是天堂與地獄之分。返工飯鐘 lunch後，見天氣真的太熱便去食個甜品涼快下！今次食會員優惠【$28多芒小丸子】！（冇優惠券食新產品了）店內只有小量食客，落單不用等，快速！！好快有得食！！！終於不用揮手揮到似看演唱會才有店員理會！芒果汁底濃郁，多芒果肉！丸子全熟！雪糕夠凍！！食完好想再食多一碗！！！！！！！！整體！！！！！我比70分！！！！

在星記吃完晚飯，極之不飽，要找甜品吃。一行數人走著走著，到了附近的許留山，貪不用排隊是也。一員叫了個甚麼珍寶芒果雪糕丸子之類的物體，確實大堆頭，款款俱全。芒果的品種跟吃慣的不同，較為實肉，質感似南瓜，但香芒味是超然的。之不過最失敗的地方是雪糕不滑還可，吃下更有冰塊，雪得太過份了。反為平實的芒果雪米糍較為正路，大大顆又香又甜又凍又軟糯，小人不理三七二十一，連啪兩大粒，結果我們要多叫兩客才夠！到許留山的好處，就是不用排隊。

不用等位嘅許留山， 原來除了芒果甜品，都有好多其他選擇，小食、龜苓膏等，豈止芒果咁簡單?木瓜燉海底椰， 甜甜地滋潤。 鮮果海底撈野， 醒神解渴。款式多了嘢揀， 環境算是ok，軒尼詩道呢間易找又多位。

打完波朋友話去灣仔飲嘢，但果一刻我凈係想食生果。所以我滿腦子只有甜品。由於其他甜品店太多人，而我又好耐無試過許留山喇。所以入去試試。望到鴛鴦澇丸子。我一直都好鍾意，因為有一大盆生果，而且可以自選兩種味道！今日我㨂左芒果同椰子，雖然配搭比較奇怪，但係我就係想試試芒果選其他味。食到最尾當芒果汁同椰汁撈埋就好似怪怪地，但分開食既時候係幾好既。鍾意小丸子有咬口嘅感覺。今日既生果非常之甜，連芒果都無熟到變味。而且個價錢咁耐都無乜變。（咁係咪即係我讀書既時候太貴呢😜）

香港天氣濕熱，凍飲店舖和涼茶舖從來都受歡迎，兩者有一定關係。去了半山荷里活道的公利真料竹蔗水考察，便知涼茶，竹蔗水，龜苓膏是三兄弟，同出一源。許留山是在涼茶舖盛行的1960年代崛起，由涼茶鋪蛻變成為港式鮮果凍飲店。現在許伯伯已面對很多甜品妹妹和台灣式飲品帥哥挑戰。我仍然鍾情於A1芒果凍飲和芒果布甸。特別是前者。要批評的是分店多在尖沙咀和銅鑼灣，售價提高至近40元1杯，不設第2杯半價。明顯是劏遊客和趕香港人。建議去灣仔此店。注意是港鐵出口A2，靠左行1分鐘，十分方便。店內地方寛敞，清靜。佐敦店內環境同樣好，但出品不佳。年前去奧海城，西九四小龍分店光顧，每杯只需約17元，惜人流不足，先後結業。解決方法是真正做到是香港最大的連鎖甜品店（fb上自詡）。開拓芒果之外的甜品，而不是供應午飯和龜苓膏。

咁熱嘅天，適度咁食D糖水飲下冰都係种享受，仲可以降下溫，而選擇許留山係因為啱啱行到隔離見有D口渴，乜入來坐下咯！密製龜苓膏，所謂密製，就係因為裡邊加咗薄荷，許留山不愧係咗涼茶發家嘅，加咗薄荷嘅龜苓膏，薄荷味大大中和咗龜苓膏嘅苦味，有D霸，有D涼，食落去真係成身都輕鬆曬。芒果糯米糍，皮韌，椰絲香，芒果甜，裡邊芒果粒大大粒，真係又香又甜！楊枝金露，甜甜嘅芒果汁做底，然後新鮮嘅芒果有d小小小嘅酸味，果香味香濃，柚子粒粒粒飽滿，一咬會爆漿吖！呢碗嘢真係抵食。芒果撈，加入咗好多嘅新鮮芒果同埋芒果汁同椰汁，仲有滑滑嘅西米，食落去真係享受吖！

星期日這個陽光充沛嘅好日子，辣椒我竟然要一大早返工ot, 天啊真命苦。 為咗消感苦楚，順便消消暑氣，放工後決定走入附近最近嘅許留山，感受下被芒果包圍嘅感覺。坐低叫咗芒之戀，好快就送上，一盤有3小碗，芒果水晶粉，芒果糯米糍同芒果小丸子。唔知係咪我太out, 少食甜品，亦好耐好耐冇嚟許留山，覺得佢哋嘅出品賣相好好，好吸引。芒果水晶粉芒味濃郁，粉QQ的，好味。芒果糯米糍保持水準，至於芒果小丸子，辣妹一向對湯丸類嘅物體冇咩好感，尤其係冇餡嘅，就更加唔like, 所以完全放棄小丸子只飲咗芒果汁。但整體唔錯。食完之後成個人舒服哂。

通常我在農曆新年才會想起吃蘿蔔糕，若然過後想吃，酒樓及偶爾在粥品店也有機會去嚐，但如果說到口痕痕時又沒有理由勞師動眾上酒樓去，此時候輪到許留山出場了！今次的煎蘿蔔糕有很重的燶味，這個煎是關係於店職員，不過輪到蘿蔔糕質地問題則屬許留山中央廚房的事，它們粉太多、糕質削、蘿蔔少並帶苦味，完全與昔日出名好味、配xo醬的蘿蔔糕無得比。

話說本人嘅母校就位於灣仔，雖然果陣校規好嚴，唔容許我地著住校服係街度留連，但我同班同學一於少理，一放學就會先去吃個下午茶、逛陣街先去補習，所以灣仔對我黎講都有幾多回憶㗎！而許留山都係我中學時期經常去打躉既地方，最中意就係去sogo對面果間（已結業），因為啲椰汁呀火麻仁機都係出面，係入面買完之後店員就會比個杯你出去斟。通常我和朋友都會share一杯，飲完又會趁店員唔為意果陣refill，好鬼抵飲！今日黎到灣仔嘅許留山，要點就一定係點多芒小丸子啦！事關當時佢出多芒小丸子時我都淨係食佢，可以話陪住我成長。今次芒果唔會好酸，而芒果雪糕一如以往夠凍，有香濃芒果味。去到主角小丸子，坦白講有少少失望，以前既小丸子超煙韌，同埋比而家大粒小小，份量又多少少，但而家嘅小丸子又細粒又硬又實，咬落去勁有𡁻口，咬勁耐都未呑得，最後我放棄食小丸子，只係食哂啲芒果算數。

HLS have launched these cute buckets of fruit slushes in four flavoursineapple, longnan berry, strawberry and cucumber.Previously tried the cucumber which was too sweet so went for the Pineapple because Mjqueen7e said the coconut noodles were good.The promotional leaflets at this store were better and they had a pop up menu.You can get these $10 coupons for the slush buckets so they only cost around $23 but I didn't know about them and didn't see them giving it out.After tearing the coupons away

店名：許留山地址：灣仔軒尼斯道163號D鋪好味指數：7.3／10價錢：$20（團購價）懸浮果冰-香芒青檸味杯杯底層採用「亮晶晶」爽底，加入芒果，味道清新。夏天喝一杯，讓你立刻感覺透心涼。

有多少人知道楊枝甘露乃利宛廿多年前發明的，現在普遍至甜品店及大部分酒樓亦有售。以芒果汁為主，配以西柚肉即楊枝、西米為甘露，改良版加入芒果雪糕，令其更香滑豐富，集酸甜香滑於一身，凍吃夏日良品。是日試到許留山之出品，調味恰當無過甜過酸，新鮮芒果可口，原來可選套餐可配小吃，選了瑞士雞翼，炇至鼓油濃郁入味，且帶少許辣，意料之外好吃。多次光顧許留山之芒果甜品，芒之戀系列水準實在麻麻，今次最滿意。順便一提，小吃別選蘿蔔糕，鹹至受不了。

上星期去完美食展準備回家前見到巴士站旁邊有許留山，見不需等位，便和家人入内食完甜品再走。家人點了個多芒小丸子套餐，可自選一款小食，我没有試那碗多芒小丸子，，但就試了餐中的雞翼，雞翼煮得入味，但煮得過老，而且好細隻。之前會員續會拿了一大張優惠卷，今天就決定用當中的芒之戀8折優惠卷。芒之戀包含三小碗芒果甜品。第一碗是芒果雪糕伴透明啫喱河粉。雪糕像壓實了的刨冰，層次鲜明，啫喱河粉口感滑溜溜，好得意，而且不會過甜，整個甜品的最大亮眼點。旁邊的切粒芒果也夠甜。第二碗是芒果糯米糍伴芒果片。糯米糍夠煙un，只是大細偏小。切片芒果大大塊又甜，有7-8塊左右，不錯。第三碗是没了雪糕的迷你多芒小丸子。芒果汁底唔會死甜，但丸子偏硬，唔夠煙un。店員服務不錯，但以芒果甜品作賣點，水準還是有挺大的進步空間。

周六下午，與朋友一齊在會展參觀了教育展。參觀過後，大家又熱又累又肚餓。可又不想大熱天時食熱食快餐店，碰巧想起附近有許留山，就決定下午茶食糖水。記得小時候游泳課後家人久不久也會帶我到許留山。上一次食許留山已是半年前的事。進入店鋪後，意外地没有太多人，便在卡位坐下。感覺上餐單的選擇少了，最後大家各點了一個香芒小丸子餐，餐包一個甜品配小食，小食我們分別要了芒果糯米糍（3粒）和煎餃子（3個）。香芒小丸子：芒果雪糕口感有點像實身的刨冰。數量不少的芒果粒不酸，配上芒果汁底，不錯。但小丸子係伏嚟，雖然都有十零粒，但一d都唔煙un，咬落去係一團硬嘅粉團。芒果糯米糍：一碟3粒，煙un的皮包着香甜芒果，超正，但略嫌太細粒。是3様中最好。煎餃子：不過不失。上碟時只是微暖，並非熱辣辣，而且外面煎得不夠香脆。熟食非許留山拿手好戲，本就期待不大，這様質素算不錯了。BTW 嗰日順便用埋10蚊續許留山會，即場送10蚊現金卷同一杯指定芒果特飲，間唔時都會去有許留山嘅可以考慮下入會。

I was attracted to the new Durian dessert with Glutinous rice because of the Jar.Previously tried it before because Mjqueen7e got me the Frozen one from some local supermarket.According to their Facebook and product shots, the glutinous rice is on the bottom layer with fresh durian meat on top.There is a label on the jar in Chinese saying " Please take me home to be reused"The glutinous rice was in a plastic tub which was put inside the glass jar.The fresh durian was placed on top of the glutino