詠藜園四川菜館

營業中

休息中

新店開後第一次去，環境好坐得多點了冷麵，小籠包，蝦仁炒蛋客飯，鳳尾鱼，抄手除了小籠包，樣樣好吃，小籠包皮不太薄，而且價錢有點高至欣賞鳳尾鱼，十分脆，新鲜，大碟，和其他店做的不一樣，推介冷麪十分多雞絲，如果醬濃一點更好最後要讚職員，十分有禮貌，知我們三個人送多一個湯给我們，貼心

金漆招牌一朝喪包點替工成禍根酸辣湯冇咗豬紅絲 大量粉絲少咗木耳絲 問咗個靚靚服務員 豬紅佬好耐冇貨交嚟 如果你要木耳絲我加返俾你 醉雞翼真係最經典喇 雞中翼中開 爛爛碎碎嘅雞肉 有酒味 咸到改寫你嘅人生鮮肉小籠包 鮮肉嘅血水可以在蒸包嘅過程中從多角度多方位流出 見到你都唔想食嗰隻蜜汁火方 以前未搬仲好地地 件戈包都鬆軟 而家就死實實 炸銀絲卷 做包點嗰個真係要打屁股 銀絲卷個面都可以做到穿窿 炸嘅時候啲油可以滲入銀絲卷裏面 你估我食油浸銀絲卷咩？一把年紀的我 三六九 四五六 老正興 喬家栅從細食到老 聽到老 一間一間咁執笠 味道已經從記憶裏慢慢消失 唔好要我將上海菜變成譚詠麟的幻影啦！依家香港出現嘅新派上海菜仲可以越開越多 真係你地自己迫自己㗎！永別了

7月2O日，揾食肥華想食，醬爆田螺，靚媽就想食，酥炸鳳尾魚，所以就選擇到呢間，在鳳凰邨經營多年，新近搬咗舖嘅，名氣上海飯店用午饍。而此店個，醬爆田螺亦冇令肥華失望，喺呢餐最好味嘅食品，有A+評分，而嗰碟鳳尾魚，則炸得夠酥夠脆，味道亦佳，雖然主角鳳尾魚比較細條，靚媽亦欣然收貨，此碟鳳尾魚同埋鱔糊湯麵，嗰碟韮王炒鱔糊肥華都俾A級評語，而鮮肉小籠包就不過不失，唔算難食亦唔講得好食俾過C+佢啦，而今餐最差嘅，食物，就喺鱔糊麵嗰碗湯麵，麵同湯都冇味，喺一碗祇值E級麵食。而此品牌新店舖嘅，食物，環境，及員工服待顧客態度，都勝過昔日老舖，唔怪得在午飯時段，都出現爆場盛况！此店值⭐️⭐️⭐️⭐️

十幾年前响舊舖食，見到啲蒸籠未洗就返用，食物粗糙，啲人態度又差又等位。。。事隔咁耐，中間由冇人識睇open rice 揾食，到勁多好評，到而家搬咗新舖，諗住唔洗排隊，就試一次啦。點知繼續仲伏。擔擔麵湯底冇味，豬扒炸到唔知似乜，賣相差不過仲食得入口。南京牛肉麵算係3碗裡面較好的，牛肉都淋，湯叫有味。另一碗雲吞麵啲雲吞直頭唔得。最後嚟個小籠包見到個樣又滴濕哂，個皮厚過面皮，好彩味道未至於唔入得口，只係個頭一舊粉硬啲，未至於生。服務就冇鬧人，不過見唔到有。我3人坐大枱一邊，明明送餐都送到嚟，點解要放枱嘅另一邊呢，結果我要企起身去攞。。。。整體叫做大咗冇舊舖咁迫，十幾年冇進步過。應該呢世都唔需要再嚟😅

眾所週知，這家是老字號店，之前在舊舖發現衞生問題（此乃大問題，大到可以執笠，這裡不予置評），唯有選擇從此不敢再光顧。最近得知搬新舖，當然再次光顧。新舖位置開楊，第一印象很不錯也甚期待的。通常都會叫擔擔麵、小籠包、酸辣湯⋯⋯都是必選。小籠包有湯汁，但不夠熱；擔擔麵好味入味兼抵食；其他款式不過不失，只可惜最令我失望的竟是酸辣湯，完全冇想過size是等同一碗車仔麵，譚仔碗米線都大碗過佢！餐牌也沒有寫明是碗/窩。原來係一碗，在我食過咁多次酸辣湯嘅歷史中，沒有試過如普通車仔麵size嘅酸辣湯，$78！是$78一碗，不是一鍋！而且酸辣湯材料雖足料但超鹹！最搞笑係食食吓嘢都聽到隔籬枱有人對住個侍應話⋯⋯點解碗嘢咁細？！個侍應竟然回應唔夠食，可以再叫。呢個相信唔係我一個人嘅主觀想法吧！不信？不妨去試試「碗」酸辣湯。

呢間四川餐廳搬咗新舖之後，今次特登嚟試吓味道。新舖光猛好多，位置方便，不過位就舊鋪多啲。❇️紅燒牛腩客飯（$60）味道唔錯，肉嘅份量比得都唔少，娃娃菜好入味❇️椒鹽排骨（$80）排骨味道就還好，比較乾身啲，亦冇乜特別❇️蜜汁火方半份（$98）呢道我好鍾意，甜甜地又有口感，不過略嫌饅頭整得唔夠厚身同埋大塊，唔可以完全包住啲餡茶位要加$4 花生要加$5，不過花生係一早擺定喺枱面，亦冇問過我哋要唔，最後計錢嘅時候先見到計埋花生價錢😅環境

詠藜園有好多間 但黃大仙宜間幾年前曾經係常食嘅晚餐list 近年少左食 但岩岩知道佢搬左新舖 就黎試下 吾知味道仲係咪keep到以前一樣呢？🤔🍽️酥炸鳳尾魚 $70冷盤小食酥炸鳳尾魚同以前一樣非常鬆脆 份量吾小 鳳尾魚脆得黎有少少甜甜地 幾香口 🐷鎮江肴肉 $44冷盤鎮江肴肉反而keep到仲幾好食 皮幾爽 肉同半透明嘅汁糕混合得幾好 沾黑醋食幾配 👍🏻🥟煎餃子 6隻 $48煎餃子不過不失 菜肉餡料味道幾好 但皮略厚硬 同比較多油🥟過橋水餃 20隻 $80水餃以前每次黎必叫 今次食份量一樣足 餡料多 配辣豉油同炸菜碎都仲幾好食🍜招牌擔擔面 $33擔擔面湯底比較杰 麵質不錯 花生醬味比較重 芝麻醬香味不算特出 兩者再平均啲會更佳🍲上海炒粗麵 $78上海粗炒睇色澤就知味道幾好 調味吾會太咸 配料都入味 可惜麵質地較淋同碎