影片
港鐵銅鑼灣站 C 出口, 步行約5分鐘
繼續閱讀
電話號碼
28386116
開飯介紹
港式火鍋店，設有多間VIP房，私隱度高；主打高質牛肉及多款來自世界各地的海鮮。另外每日新鮮製作的點心，也是這裡的特色火鍋配料。
繼續閱讀
特色
適合大夥人
營業時間
今日營業
18:00 - 01:00
星期一至日
18:00 - 01:00
以上資料只供參考, 請與餐廳確認詳情
有關獎賞計劃
相關文章
閨蜜喜愛火鍋，小妹生日也不放過機會，地點和菜式全由她揸主意。火鍋店屬小有名氣的店子，環境整潔，可是當天只有三數枱食客，市道之差，可見一斑。火鍋材料選擇頗多，特色的配料和小食也不少。一向喜歡臭豆腐，這裡的臭豆腐切成橡皮擦大小，外皮炸得金黃酥脆，臭豆腐的獨有風味沒有傳統臭豆腐的濃烈，淡淡然的香氣非常容易入口。店家有幾款招牌湯底，魚唇雞湯屬其中之一，據聞可先喝頭湯，然後加湯水方開始打邊爐，可是頭湯實在太鹹，肉味亦不濃厚，大失所望。上等火鍋料之選有特選鮮肥牛、鱔片及手打蝦丸。鮮肥牛的各個部份都很肥美，油花分佈均勻，把牛胸爽切成心形，更見用心，蝦丸混入蝦肉增加口感，而鱔片也十分新鮮爽彈，幾種配料可說是火鍋的標配。幾種配料以黑栢葉和桂花蚌最佳，口感好的同時沒有不好的腥臊味，豬皮和牛栢葉則是正常水準，符合預期。點了幾樣蔬菜，全部都新鮮也清洗得乾淨，竹笙色澤雪白，外型整齊，口感爽脆但帶微酸，比較像培植的加工成品。水晶飽作為火鍋料許多年前曾經嚐過，不知何因，此物慢慢地便在火鍋界消失。今日再嚐，舊日回憶頓時回歸，兩款水晶飽均十分香甜，有機會也定必再點選。吃火鍋很多時候會選擇冰凍的飲品，但大家都是懂得保重身體的人士，因此微酸帶甜的薏米水便十分適合。紅豆糕是店家贈送，雖屬免費食物，但質素絕對不輸相同的收費成品。
繼續閱讀
.原來呢間老牌港式火鍋店已經營超過2️⃣0️⃣年位於銅鑼灣 面積約4000平方呎有包房私密度高而且湯底全部都精選.🌟招牌魚唇雞鍋 🍲唔講唔知🧑🏫 魚唇含有大量膠原蛋白🥚 可以維持皮膚彈性，緊緻度➕水分💦加埋新鮮雞隻熬製🐥湯味濃郁鮮甜 呈現微微乳白色🥰🥰質地順滑 帶有膠原蛋白的黏稠感喝起來滋補養顏‼️強烈建議飲多兩碗先好開始淥嘢😌😌.🌟花膠筒要補就補到極致🤣🤣大大個花膠筒 大過我隻手掌🤲煮完柔軟Q彈 膠質🈵🈵食完嘴唇黏黏的🥰🥰皮膚即刻充滿彈性 Facial都慳返🤣🤣.🌟水晶奶黃包/ 水晶叉燒包唔係間間火鍋店都有‼️外皮Q彈透明奶黃不過甜 適合當甜品叉燒肉質嫩滑 甜鹹平衡 感覺好新奇有趣.🌟鮮肥牛火鍋必點 肉質爽滑 牛味濃郁入口鬆軟帶牛脂香.🌟手打牛丸非常彈牙 咬落去有汁噴出嚟有返咗潮州嘅感覺🤭🤭👍🏿👍🏿.🌟招牌墨魚滑手工打製 白雪雪滑捋捋😬口感爽脆彈牙 食到新鮮嘅墨魚味入口有嚼勁但不黏牙我鍾意加埋XO醬更加有層次.🌟雲吞拼水餃🥟皮薄餡靚雲吞鮮蝦香濃 🦐水餃豬肉木耳風味豐富吸埋湯底嘅鮮甜 正👍🏿.叫得老字號質素當然有保證快啲約埋朋友家人嚟飲靚湯打邊爐 🍲.📍銅鑼灣謝斐道408-412號華斐商業大廈2-3樓.
繼續閱讀
銅鑼灣「謙記火鍋」開業20年依舊屹立不倒，而且好多時晚市都爆滿，而且甚多名人光顧，火鍋食材都是頂級絕不花巧，高質湯底、肉類、海鮮、手工餃子和手打丸子，全部都係誠意之作，其中招牌椰子雞鍋、特選肥牛拼盤、手打梅菜豚肉丸和被火鍋耽誤的黃金臭豆腐都係必食之選👍👍▪️椰子雞鍋 $ 258超人氣之選，湯底就是純椰子水加上椰子、紅蘿蔔，湯底就是清甜和清新，雞件滾起咗之後記得飲多兩碗湯，真係原汁原味嘅椰子雞湯，鮮雞雞味濃郁，而且肉質鮮嫩香滑，超讚▪️黃金臭豆腐 $ 108招牌美食不可不吃，神級之作黃金臭豆腐，一上枱聞到淡淡街頭臭豆腐的味道，炸得外酥內軟，沾上靈魂醬汁甜醬和香辣醬，一口一件，簡直係人間美味▪️特選鮮肥牛 $ 398 牛肉質素超高，拼盤分別有牛頸脊、肉眼邊、牛胸爽，滾幾秒就可以食，肉質入口滿滿油花、充滿油香、口感鮮嫩，牛胸爽更加不得了，入口爽脆好香牛油味味道，推薦必點▪️手打牛丸（小） $ 46用新鮮牛肉加上陳皮打成，口感厚實彈牙充滿牛肉香，最喜歡淡淡陳皮味道更加鮮味▪️手打芝士墨魚丸（小） $ 46新鮮爽口彈牙，包住流心芝士，簡單好食▪️梅菜豚肉丸（小） $ 46口感好似食緊梅菜蒸肉餅，肉質食得出好新鮮，推介必食，坊間少有▪️菜心苗 $ 48｜冬瓜片 $ 32點整個湯底必須要配上蔬菜，菜心苗和冬瓜片吸收湯嘅清甜鮮味，更加好食▪️自製酸梅湯 $ 68足料實在，入口濃濃酸梅味道，而且不太甜，生津解渴最後每枱客人在奉上墨西哥酥皮包作為飯後甜品，熱辣辣超好食👍
繼續閱讀
謙記火鍋原來有20多年歷史，地方寬敞，有多張大圓枱，幾啱一家人同埋一大班朋友黎聚聚。有數款特色湯底，任君選擇。有款水晶奶皇包更系吸引💛冇諗過火鍋店都食到😳✿ 椰子雞鍋 呢家好流行食椰子雞鍋，店員會擺椰子水同雞肉系度，椰子水倒落湯滲出陣陣清新椰香🥥雞肉夠嫩滑🐔傳統老字號店都推出椰子雞鍋別具創意～✿ 冰菜冇乜火鍋店有冰菜，一見到就會叫💚好似一點點水珠喺表面咁好得意💧整熟之後入口相當軟稔。✿ 百花煎蝦餅火鍋店都食到蝦餅😆令我諗起泰式蝦餅，每片都好大片，沾上酸甜醬更可口。✿ 蝦乾豚肉餃餃子就食得多🥟蝦乾同豚肉混合幾得意，蝦乾味道濃郁，豚肉肉質結實。✿ 手打牛丸牛丸充滿嚼勁，牛味香濃🐮✿ 手打芝士墨魚丸芝士丸同墨魚丸兩種都食過，兩樣mix真系第一次食😆墨魚丸有嚼勁🦑裡面又食到流心芝味🧀✿ 特選牛頸脊食打邊爐食牛肉是常識吧🐮牛頸脊油脂分佈均勻，同時吾影響本身牛肉味。 ✿ 檸檬薏米水有一大楂，薏米水本身有去濕去水腫作用，有埋檸檬味更酸甜開胃🍋✿ 水晶奶黃包出面系薄薄一層皮，裡面奶黃不至於太甜，當系飯後甜品食幾正💛
繼續閱讀
唔理係咩季節，打邊爐🍲都係一個方便、好食😋、又啱一大堆人圍爐既選擇～ 今次試下銅鑼灣呢間，感覺都唔錯～ 有地道既慢火🔥熬製湯底🥣、新鮮食材同特色既香港風味，地方亦都幾大，亦可以包房，適合唔同場合黎食～(5 😍 係滿分，🤩係半分）魚唇雞煲 🦈👄🐥🍲 - $268 (好味指數：😍😍😍😍)比較少見用魚唇🦈👄黎做火鍋湯底🍲🥣，魚唇係鯊魚鰭🦈之間既部分，有幾豐富骨膠原豐富，煲到軟腍，亦令到個湯🥣黏啲，感覺幾補🤩 另外用左三黃雞🐥新鮮豬骨🐷🍖煲左6個鐘，夠曬鮮甜，亦有半隻嫩滑香口既雞件🐥可以食～精選牛肉拼盤 🐮 - $388 (好味指數：😍😍😍😍)牛頸脊 🐮：位於牛頸部同肩膊既交接處，活動比較多，脂肪平均，喺鮮紅柔嫩瘦肉入可以見到幾靚嘅油花，味道清甜，肉質軟滑易入口～牛脷片 🐮👅：雖然係薄切，但牛味🐮依然濃郁，幾索湯底🥣既味道，口感爽脆多汁都幾好～新鮮牛坑爪粒 🐮🟫：牛坑爪其實係牛肋條 🐮🍖，位於前胸，為肋骨間的牛柳，雖然有脂肪，但無坑腩咁肥，唔會油淋淋感，嫩滑juicy又唔會韌手切牛肋肉 🐮🍖：有幾香濃既肉味，軟嫩又有咬口，帶有淡淡既煙燻香氣同埋油脂既香甜美國桶蠔 🦪 - $168 (好味指數：😍😍😍😍🤩)顏色雪白，真係超大隻，肥美飽滿🤩 煮熟左都唔會點縮水，細嫩滑溜，有幾清香既海水🌊氣息同鹹味，味道鮮甜四寶丸 - $88 (好味指數：😍😍😍🤩)手打蝦丸 🦐🟠：落左幾多蝦肉🦐去整，爽口彈牙～手打芝士墨魚丸 🧀🦑⚪️：食之前店員都會提我地小心熱，因為一咬開就爆汁😂 裡面係有鹹香又creamy既芝心餡🧀，整體幾爽口手打牛丸 🐮🟤：幾有咬口，有幾香濃既牛味🐮同幾juicy～梅菜豚肉丸 🥬🐷🔴：小編最鍾意呢個😍 有微甜帶有啲鹹香既梅菜🥬，配埋有油香既豬肉🐷，惹味香口又彈牙👍🏻唐生菜 🥬 - $32 (好味指數：😍😍😍😍)幾新鮮，淥完之後依然顏色翠綠，口感爽脆，食完一堆肉之後清下味蕾幾好自製酸梅湯 🥣 - $68 (好味指數：😍😍😍😍🤩)食熱辣辣既邊爐🍲最好就係配凍冰冰既野飲，酸梅湯🥣就啱曬，酸酸甜甜，口感清爽，入口回甘，有啲獨有既煙燻香味，又可以生津解渴，而且唔會稀幾好👍🏻最後仲送左個椰汁紅豆糕🥥🫘做甜品tim, 味道香甜，有清香既椰子味🥥同埋綿密既紅豆🫘，清下味蕾都唔錯～好味指數：😍😍😍😍推介指數：😍😍😍😍
繼續閱讀