譚仔三哥米線 (威靈頓街)

營業中

休息中

等了一個鐘今日年初七人日 好多人都因為要等太耐 等唔到只是話無人手點解可以咁樣安排人手見住好多人因為等了超過一個鐘 要走 d面出完又要掉 超級不合邏輯 環保 經濟效益非常垃圾 平日已經好慢 今日更甚 沒有檢討

佢哋嘅麻辣米線，依然係咁好味！每次都係想食呢個，辣度剛好，米線滑溜，啖啖都好入味，真係好滿足。仲有土匪雞翼，嘩，真係好香！每一口都係滿滿嘅味道，外脆內嫩，食完真係唔夠。飲咗一杯凍檸茶，清爽又解渴，搭配米線真係一流。不過，呢間分店有個問題就係長期缺乏員工，午市時間人手真係好緊絀。每次去到，等位都要等一陣，食一碗米線竟然要等40分鐘，真係有啲耐性考驗。不過，食物質素好，值得等。總體嚟講，譚仔米線依然係我心目中嘅好去處，雖然等嘢食有啲耐，但食物真係好好食，值得一試。如果你鍾意麻辣味，真係唔好錯過呢個地方！希望佢哋可以改善人手問題，咁就更加完美啦！

今日同朋友咁啱去咗中環食飯諗唔到食咩就決定去譚仔三哥食晚餐，而家佢有一人嘅套餐，所以都非常抵食，包括左有一碗飯一個蒜泥白肉同埋一碗米線，蒜泥白肉嘅上面鋪滿蒜蓉再加埋少少餐廳本身自家製嘅辣又真係非常好食，可惜豬肉嘅厚度有少少薄，不過呢個價錢都冇乜可以挑剔，再另外加一碗米線有三個餸有雞肉，魚腐同埋冬菇，冬菇份量都多起碼四至五件，而且口感都正常、唔會話太差，米線嘅整體質素亦都可以保持到，辣湯底做得唔錯，令人覺得非常開胃，整體呢一個價錢嚟講係中環都唔算貴

之前嗌外賣漏左肥牛, 經理應承下次補返俾我~今日打去係一個姐姐聽, 講返佢知件事+我電話號碼&姓氏, 佢話自己唔知頭唔路, 幫我唔倒。乜都唔知唔識問同事？如果個個都話唔知, 咁係咪以後冇得補返俾我? 打到去我順便講埋杯嘢飲要少甜, 因為三哥個外賣係冇”備註”一欄俾人填特別要求。講完佢就放低左個電話, 同其他同事講: 杯嘢要少甜咼! 頭先佢又唔寫明, 仲話要補返xxxx……早知唔聽啦個電話! 最後另一個姐姐拎返起個電話, 我話我聽倒哂你地講咩, 如果要討論要鬧..起碼收左線先, 唔好俾我聽倒丫唔該

中環這些地方，人多就緊，但長時間做唔切，就好有問題，兩午餐時間，等位等20分鐘，落單後，次次都要追單，次次都要20-30分鐘先嚟，個個得一小時用餐，倒落口嗎？職員跟進服務欠佳，今天我格離個女士，等唔到走人，十分有問題，米線都是快餐類，如此速度好易流失客人。

講到譚仔三哥必食嘅土匪雞翼，真係搵唔到原因唔好食！加上中環分店店員雖然忙碌，但服務態度依然係一流❤️ 啲野食永遠係熱辣辣送上🍄 正！ 米線方面原來可以揀多麻，小辣真係好辣🧐😳不過辣完都係好回味 😋😋😋餸就揀左我最愛嘅腩肉，同埋木耳絲！真係肥瘦勻稱同爽口送麵❣️ 最後環境不得不讚揚一下，佢都算好乾淨，從來無見過一隻小強同啲抹布無異味！講真伙計唔多嘅情況下，真係好難得 😘所以Lunch time呢間餐廳係我地同事至愛，每個星期都要食一次 （起碼）🫣

位於中環威靈頓街 離中環站都幾近👍🏻應該係附近上班族最常去既三哥今次原本去中環食大餐點知餐廳放飛機🫠臨急臨忙搵到有三哥就沖入去晚市時間都差唔多無位 都幾Full👍🏻叫左一碗酸辣魚腐米線 一碗酸辣貢丸米線 雞翼兩碗都係酸辣米線 但兩碗明顯唔同色 一碗有酸菜但無酸辣味 另一碗就有酸辣味無酸菜🫠最有趣一碗入面竟然無左貢丸😱 結果只好叫店員後補🫠方便指數: 4/5環境指數: 3.5/5回頭指數: 2/5地址: 中環威靈頓街15-19號地庫

喺中環行街，發現咗間譚仔三哥米線，閂咗🌟閃閃嘅霓虹燈，實行型格得嚟！喺呢度試咗沙沙湯底，勁香👃但辣度適中，啱晒唔鍾意太刺激嘅朋友。而家啲龍蝦丸，老實講，勁普通嗰種，但其實都算得過咯。份量呢... 唔好意思，我得嘅好似少咗好似啲少，可能中環貴少少嘅關系？但環境👍正，如果想Feel吓靚環境嘅話，嚟呢度正！至於個過橋米線，青菜得嚟嗰少少，但米線分量都幾夠，過橋米線嗰種熱辣辣，食落勁滿足。串燒部分，就叫咗孜然烤菇，個味道中中哋，孜然香總算哂事。最後，土匪雞翼，呢個嘅味道，啱哂！👌拍手叫好！再嚟訪，一定要叫多啲份嚟慰勞自己！總括嚟講，呢度食得開心又滿足，真係值得一試。

今日網上訂咗餐,話中午12點47分可以去攞,一點鐘去到仲未出到,個女經理話今日好多人落單,要等好耐,好多人企响度等,問極都未出得到,終於等到1点半先至出到,簡直浪費人生,等到天荒地老!呢間餐廳嘅管理超級有問題,明知接咁多order做唔切,一定會俾人投訴,都仍然繼續接,有客投訴話要取消單,个女經佢就話即刻畫即刻煮,呢個就係最壞的榜樣,生意係要做的,但唔係咁樣做法,咁樣做會一定做爛個招牌,話过我以後都唔會幫襯呢間管理極度低劣的餐廳。

譚仔三哥米線每個月同事都會食幾次嘅譚仔三哥米線，相隔一排大家都會叫米線黎食。又其是土匪雞翼！今餐叫：魚腐 魚片頭 麻辣 10小辣米線份量都唔少㗎。唔使講咁多大家都知道一定好味啦😁

行行吓街又覺得肚餓，見到譚仔三哥就諗起兒時回憶，又平又抵食，又可以醫下一個肚。$36就有一個餸配米線，超級抵食。今次就食咗雞肉，麻辣三小。首先雞肉超級滑，一啲血腥味、雪藏未都冇，呢個超級抵讚。個湯底又夠辣，又有濃郁嘅豬骨湯味道。之後仲叫咗必食嘅土匪雞翼。$33有五隻土匪雞翼，土匪雞翼外脆內嫩滑，超級好味，識落仲有淡淡的芝麻味道，真係好正宗嘅土肥雞翼。譚仔三哥仲有下午茶可以俾你揀，唔太餓朋友仔可以試一試佢哋嘅下午茶套餐，都好抵食㗎。

成日食好多三哥唔同分店，中環外賣係特別細兜，叫米線又少 轉薯粉又少，單餸超級少！其他分店都唔係咁，中環貴啲份量又少啲，次次食完都唔飽🫠俾左好多次機會，唔係一次半次叫外賣一定一定預早打去，好多人去到先嗌，有排企

同同事在中環工作完突然落大雨 見到附近有譚仔三哥米線 就決定好午餐了過橋米線配麻辣湯底 三小辣 $62過橋米線好適合想一次過有齊不同配料的人 份量十足 配料十分多 (有豬肉 火腿 魚蛋 炸醬 腐皮 韭菜 牛肉牛丸 墨丸 芽菜 豆卜 竹笙  雞肉 腩肉 豬膶 酸菜 生菜等等) 十分滿足 不過今日湯底雖然叫了三小辣 辣度有點不足 可以再辣一點 另外米線有幾條偏硬 應該只是個別問題 而炸醬份量亦較以往少 有點可惜清湯米線配腐皮牛肉 $46同事不食辣 所以選擇了清湯 同事表示米線沒有偏硬情況 腐皮同牛肉亦一如以前土匪雞翼 (5隻) $35土匪雞翼是其中一個必點的小食 孜然粉味道十分惹味 雞翼外皮香脆 一咬開又有肉汁 譚仔三哥米線亦推出了不少特飲 同朋友各自試一款葡萄烏龍茶 跟餐+$11可以飲到烏龍茶的濃厚茶味 加上香甜的葡萄 甜度適中 十分解渴解膩鹹檸梳打 跟餐+ $11一上枱十分吸睛 有檸檬片加原粒脆梅作裝飾 鹹檸梳打酸酸咸咸甜甜 鹹檸梳打 配上麻辣米線 清新解辣譚仔三哥的米線有種魔力 是令人上癮的味道 隔一段時間就會想光顧一下 不少分店裝潢變得更現代 簡約木系風 加上霓虹燈燈牌 有種耳目一

🍚🎈 建議場合：#即興食飯👤 建議人數：1-4人（最多可容納4人檯）💸 人均消費：$50-100【1個人食咗啲咩？】- 普通酸辣魚腐（走韭菜走腐皮）- 蒜泥白肉（細）⭐⭐⭐「平有平食、一分錢一分貨」明明叫魚腐米線，但係姐姐送多左兩舊豬潤俾我，不過我唔食豬潤咁解😂湯底夠酸，辣辣地，惹味得黎清清地無負擔😋魚腐內膽少少似鯪魚肉，適合鍾意口感紮實嘅人，個人就比較鍾意鬆軟嘅魚腐米線整體ok，但係有一兩條特別硬🥲 希望佢下次可以全部煮熟曬蒜泥白肉好味～ 蒜味好足🧄 不過可能就滿足唔到想食辣嘅朋友仔

叫號機壞左，朋友app拿了飛，去到話叫號機壞左要動新拿過號。。。等了十幾分鐘入了。見有水煮湯底，試下先。。。完全無水煮味，只有salty.. 下次食番普通麻辣好d…