譚仔三哥米線

營業中

休息中

獨門三酸撈薯粉配單骨雞翼同埋彈滑燕餃🔥有芫茜、蔥花、花生、辣椒圈、筍絲、薄脆及芝麻等配料🥒個辣汁係分開上🤣有少少嚇親👉🏻👈🏻因為平時太懶唔鍾意自己撈🥱撈嘅時候要小心啲汁彈到❗️不過佢都有圍裙提供🤙🏻單骨雞翼有四隻，即係兩隻原隻雞翼🙂‍↕️如果多一隻會開心啲🤓跟餐仲配咗個寒冰橙梳打🫧入面有幾粒橙肉🍊🍊🍊幾清新解渴👍🏻👍🏻👍🏻不過味道唔係話特別好飲😂試一次都可以嘅😉

平平哋兩個人食餐飯，見到譚仔出咗個二人餐，就同老公去試吓。$102 一個四餸米線，蒜泥白肉飯，兩款小菜，連埋野飲，其實都唔錯。如果識得揀，有菜有肉，都幾健康㗎。米線湯底可以轉其他款式。加錢轉左蕃茄茄湯，諗住清清地，但唔知係唔係四餸米線啲料偏油，又魚腐又牛肉，未加響鈴落去已經好油🫢 飲方面可以揀炸醬午餐肉飯或者蒜泥白肉飯。蒜泥白肉偏重口味，不過汁料調配得唔錯。可惜個飯底 爭d ，飯唔好食。配菜想清淡啲可以揀烚菜/涼拌雲耳都幾好食。新出嘅豬頸肉烤得幾香脆，食落去好腍，偏肥。整體黎講性價比都OK ，不過下次應該會散叫返。

今日午餐唔知食咩好 見到譚仔三哥就入咗去啦今日叫咗新出嘅酸菜湯煙鴨胸米線同糊辣腩肉魚片頭米線新出嘅呢個酸菜湯，好夠酸味，又有少少辣，我覺得唔錯，好似仲好食過佢原本嘅酸辣湯，幾開胃煙燻鴨胸嘅煙熏味唔太重，鴨肉唔騷之餘仲有少少咬口，個煙鴨胸令我幾驚喜，冇諗過三哥都整到呢種質素本阿湯就正正常常啦，少少香濃嘅辣味，比起腩肉我覺得個魚片頭浸咗湯之後都幾好食，唔錯不過我覺得依家三哥上菜嘅速度好慢，有時都係貪快先食佢，點知佢太慢啊，今日我碗米線都等咗10幾分鐘先有杯芝麻奶蓋可以一試 有芝麻味，但唔太濃，唔會搶走啲奶味

本身係因為佢個鴨血米線而去食，點知原來佢得午餐先有一場嚟到都試吓佢另一個期間限定啦就係duckduckduck米線，有佢嘅鴨胸同埋鴨腎花講真一上枱其實係有啲失望以下嗰張相已經係我執一執佢啲餸嘅擺位佢啲鴨胸好少，而且好奀，即係好似好唔健全咁🫠好細塊。食落去就正正常常，個湯底酸辣味都適中，幾好，但係啲餸真係唔得。另一個加咗$10食一人尖椒皮蛋呢個又係唔得，個皮蛋一擺上枱就知道好老，唔新鮮。食落去亦都唔好食。唔知係唔係因為我太夜去食？去到嘅時候都8:30，所以俾埋啲貨尾我？

❣️我最近去了譚仔三哥用餐，如果你平日到譚仔三哥食米線食到有點悶，可能嘗試一下他們新推出的熱鍋，真是幾好味道，而且一個鍋夠兩個人食。❣️我們可以自己選擇一款湯底、材料本身個餐包兩款（可以加錢自己加多啲材料）、小食揀兩款、最後可以揀食飯或者麵，仲有飲品。❣️他們在menu上有推薦的食物組合，假如你想不到如何做配搭，可以參考他們推薦的食物組合。值得大家一試👍🏻❣️但留意熱鍋要晚上6時後才供應喔！6點前去是沒有供應的🤣

三哥下午茶都出左一段時間由初初嘅一片混亂😂到宜家個個都識嗌之前一路都係食 兩餸米線再加 蒜泥白肉.. 豬耳.. 雲耳果D食到悶悶地今次見到個 香辣三寶就嗌黎試下😂但係原來無得自助落單要叫姐姐幫拖落但又唔係個個姐姐有機幫你落🙃都攪左一輪先落到單兩餸米線簡左 腩肉＋雞肉對一個食左咁多年嘅人黎講雞肉真係大不如前腩肉正正常常下午茶米線份量小D岩岩好唔洗嗌小米線🤗🤗至於香辣三寶叫左豬皮＋魚片頭＋魚腐就係多左個香辣汁豬皮夠淋魚腐唔知點解好細粒魚片頭正常！！加埋野飲$42埋單算係咁架啦以前嗌 兩個餸加埋嘢飲都要$50下午茶份量黎講岩岩好😎

返工同屋企附近都冇三哥，所以一直都係比較多食譚仔今次行遠少少搵到間三哥食，一食完真係不得了我真心覺得三哥好食好多不過估唔到我平日lunch Time時間去已經12點之前到，都要等大概三個字先可以入座啲餐又唔算太快嚟到如果趕時間嘅話，真係有啲棘手首先講佢期間限定個豬頸肉 勁juicy 勁惹味真心希望佢可以固定成為Menu嘅一部份🥹🥹🥹之後再叫咗個砂鍋肥牛魚腐米線個套餐勁抵，個鍋又唔錯可惜又係期間限定😢點解公司同屋企附近都冇三哥😫😫😫😫😫

不知所謂，姐姐落錯單同我死撐，我叫了麻辣味湯底，佢幫我落了原味湯底，但來到後死撐麻辣味湯底就是咁樣，真係無言，我又不是叫你換，只係叫你比啲辣味給我，但你都吾想做野咁。。。。。唉

星期日晚市，6點幾已經要等位。好在只等了20分鐘左右。其實店是有枱，但人手不足見佢執唔切枱。自己QR 落單最好，因為佢冇咩人手。食客多，樓面職員2-3個。叫了新的軟殼蟹水煮湯底。本身有一隻軟蟹同埋兩粒豆腐卜，加了豬潤。最欣賞佢可以加$3 轉菜底，可以揀生菜，韭菜，或者芽菜。我覺得佢菜底份量比得算多，試過其他分店俾得好少。豬潤有4-5 片，很好吃。加了皮蛋和避風塘豬扒。避風塘豬扒第一次食，不過唔推薦，雖然只係17蚊，但冇咩肉嘅，得啲粉，豬扒細細件。朋友的三餸米線，墨魚丸唔好食，其他正常。兩人都飲凍檸茶，埋單二人$170 左右。

舖入面有位又唔俾人入去食去櫃檯問又叫禁飛等禁咗飛仔等三人檯不斷放二人檯B飛入由B119等到B128都唔叫C飛全部獲安排入座嘅檯都可坐4人到櫃檯問C飛幾時有又話我禁嘅時間遲過人我睇住B126-128檯客禁飛無可能遲過佢哋嬲到走咗😡

店員有善，一入門口就馬上帶位入座，上菜速度快。過橋米線分量足夠二人享用，抵食之選👍🏻葡萄烏龍茶甜度適中，跟餐加配只需+$11⚠️唯一缺點就是土匪雞翼太多油，導致外皮不脆🥺🥺

我們不算是譚仔的常客，但一個月總有食一兩次，今次竟然有新意！適合我這類少糖一族。 這碗適合我不想攝取太多澱粉質的健康一族。營養師都說：避免攝取過高糖份、澱粉質，好似白飯、米線、麵包、蕃薯、薯仔...這碗有：芽菜、韮菜、黑木耳、鮮牛肉、腐皮「牛肉、黑木耳清湯米線」（米線轉芽菜）味道：4/5抵食：4/5衛生：4/5服務：4/5 這碗適合是我的家人的！這碗有：生菜、韮菜、竹笙、腐皮、芽菜「竹笙、生菜清湯米線」味道：3.5/5抵食：3.5/5

身為譚仔三哥fans，一聽到出新系列，當然要馬上去會一會佢😍今期仲有靚仔Jeffrey Ngai 魏浚笙 代言，真係好吸引🙈🍜砂砂湯肥牛鹿茸菇米線砂砂湯其實係混合馬來西亞喇沙、泰國辣湯、三哥秘製濃湯嘅湯底，味道似喇沙，亦有沙茶嘅味道，帶點花生香味🥜幾中意呢一款層次豐富嘅湯底😍肥牛份量都唔少🐂而且吸收哂湯底精華，食起上嚟好惹味，每一啖都充滿住湯底嘅香麻口感🤤另一款配料鹿茸菇都吸盡湯汁精華，正👍🏻如果想加配料，建議加啲可以索滿湯汁嘅🙈例如竹笙、豆卜、魚腐等等，咁食一定好滋味🤤🐖煳麻辣椒豬肚呢款新出小食，有齊煳辣同麻辣雙重滋味！🔥配料有芫荽、花椒等，個煳麻辣汁又香又麻🤤唔食得辣嘅朋友可能要留意下，因為無得揀辣度🌶豬肚爽口彈牙，而且夠入味，吸盡麻辣汁，食得好過癮☺️🥭奶蓋芒果蒟蒻椰香金露呢款新出特飲，作為芒果控當然要試一試😍芒果果肉都幾多，食落香甜，仲有Q彈蒟蒻增添口感😆芒果同椰汁嘅比例剛好，撈埋香濃芝士奶蓋，配辣野解辣解渴一流！

2022年5月20日1945到達，場内最少有6成吉位，要派飛，0K攞飛，足足等到2015前面只有1張1人，一路唔比入，唔叫，只比二人入，眼見全場保持有一半吉位。 唔怪得譚仔業績差㗎喇， 咁垃圾嘅員工趕客。以後不會再來D間德福三哥譚仔食。著黑衫個個系叫飛的，店長❓對工作冇熱誠請離開，嚴重影響三哥譚仔品牌

仔三哥又有新嘢喎，作為三哥嘅粉絲點可以唔去試吓呀！咁就叫晒三個最新出嘅所有單品，話俾大家聽有咩特別😆~🍴三哥水煮湯老油條鴨血米線 五小辣 $42 (8/10)三哥水煮湯有5小辣至特辣選擇，咁就揀咗五小辣，因為唔係好食得辣🤣🤣值得一讚老油條另上，真係好細心，唔會比湯浸淋！湯底真係超級香濃，似我哋平時食水煮牛肉嗰種湯，真係唔可以睇小，五小辣都好辣，非常麻香，係辣油嗰種，辣到出汗，越食越辣，超級過癮！鴨血好嫩滑，仲有成四大舊，油條比較乾身，非常香脆。真心個湯鍾意食辣嘅話會好鍾意！🍴蒜香雞翼尖及蒜辣雞翼尖 $15 (7/10)雞翼尖煮得啱啱好，唔會太淋，雞皮都爽滑，蒜香係好濃蒜頭味，好香口，蒜辣嘅話就多咗辣椒油同辣椒，少少辣更加滋味！🍈鴛鴦哈蜜瓜爆珠梳打 $16 (加配價$12) (6.8/10)蜜瓜味超級香甜，似蜜瓜奶嗰種蜜瓜味！加上梳打好清爽，爆珠係爆開嘅口感好特別，個人覺得比較偏甜，螞蟻人一定好鍾意呀！ 🍅香醋芝士鮮原茄 $16 (7.5/10)蕃茄上面灑左啲芝士碎，加咗啲香醋，食落酸甜好開胃，食得出番茄新鮮嘅味道！特別稱讚蕃茄竟然剝咗蕃茄皮，超級細心！🍴油揚 $6 京白菜 $6 鵪鶉蛋