譚仔三哥米線 (天耀廣埸)

營業中

休息中

譚仔呀，我都係好鍾意喺度食米線，特別係啲金菇雞肉牛肉嘅組合！嗰啲金菇係啱啱啱啱啱啱啱啱好食，同啲雞肉牛肉一齊煮，味道真係幾平衡。啊，你提醒我啦，米線係要平衡熱量啊，唔係好好食太多啦，咁樣先健康啲。我都係慣常飲Coke Zero，唔怕肥啦，呢個飲品真係唔會攪你啲營養計劃。天盛譚仔呢度嘅米線係我覺得係好多屯門人嘅至愛，如果你鍾意食米線同埋金菇雞肉牛肉呢啲組合，真係值得一試！食完之後飲瓶Coke Zero，真係幾健康同埋滿足啊！唔好怕肥，享受美食最緊要開心啦！下次再去，記得食啲平衡啲啦，保持健康先至啱啊！值得推介！

呢排食少啲碳水但又想食譚仔三哥，好彩佢而家可以叫生菜底！叫左雞肉、牛肉蕃茄湯5小辣，另外加個細土匪雞翼雞翼等咗20分鐘先到，但想等埋主菜就未食住，點知個主菜仲要等多10分鐘，結果雞翼凍晒，好彩係佢凍晒都好食唔明點解唔算太多客都要咁耐先上菜！湯係夠熱出晒煙，但撩一撩生菜量就有點少，已經係另外加錢但份量係唔太足，唔知點解覺得叫菜底啲餸都好似少啲咁！雞肉牛肉都係得幾舊，唔係叫咗雞翼都可能會食唔飽啦.. 可取之處係平同唔洗等位

走過路過，不可以錯過三哥的「酸辣撈薯粉」同「蜜桃乳酸」，食落簡直驚喜彈牙，每啖都夠晒勁🔥！開場先歇一歇味，薯粉Q彈得黎又唔會過於黏口，加入既雲耳與豬耳提升咗手感，爽彈到讓我一邊嗌涼，一邊奮力撈食。配料方面，脆爽青瓜絲同酥香芝麻，令人心情舒暢，重有份薄脆，居然同薯粉撈一齊，太有創意啦！味覺大戰一輪後，「蜜桃乳酸」登場清場，有兩塊厚厚既蜜桃肉，咬落鮮甜多汁，雪冷乳酸汁，蜜桃香氣撲鼻，咁滋味真係話咁易！每道菜喺味道同質感上都有驚喜，而且無咁專業落場，唔洗驚唔懂點揀，所以話喇，三哥嘅美食，就係爛俗到不得了咁間單，直情係隨時都想再黎一試嘅好滋味！下次再試下其他嘢，學下長知識，喂，等我啊，香口滋味！🍑🍜🌶

走進呢間店，醉香米線嘅味道即刻撲鼻而來，感覺好正！我一於揀咗譚仔嘅招牌酸辣撈薯粉，再加杯蜜桃乳酸消消辣。個薯粉真係滑溜溜嘅，吸滿咗特製酸辣汁，一入口即刻醒神。夾埋旁邊啲青瓜絲同芝麻沙拉，口感層次豐富👍，好有屋企味道。至於個蜜桃乳酸就更加罪惡，香甜中帶點酸酸嘅刺激，飲咗一口就停唔到口，幾乎令人忘記咗外面嘅煩惱🍑。朋友點嘅土匪雞翼，肉質鮮嫩，皮脆汁多，香辣得嚟唔會過火，簡直就係啱哂喜歡欖啲惹味小食嘅食客。落街尋找地道美食嘅時候，呢度定係我下次再來嘅好位置！👌🔥

服務態度不好，服務員無視顧客而且態度敷衍 製作菜品時間过长 讓服務員落單叫了半天都还沒有來態度非常敷𧗠 一直叫等一陣 還不幫顧客搵咗位上餐時仲要好大力 釘碗嘢落嚟喎唔係囉好簡直係差差差差差差差差差差差差差差差

晚餐突然想食個米線，就去左食譚仔三哥。好多人都會拎譚仔來比較譚仔三哥，但我覺得兩者各有各好，好難話邊個好。講返呢餐先，今次叫左個3小辣米線，個湯底好夠味辣度夠，加埋牛肉雞肉都好有咬口，份量又多夠哂飽，米線亦夠彈牙。另外叫多個小食，麻辣豬耳，譚仔三哥既豬耳比較有咬口，又大件d，佢地既麻辣汁都勁夠味，用來點雞肉牛肉，配搭一流，超好味。最後，仲有叫左杯凍奶茶，譚仔三哥既茶底唔算濃，加埋d奶變左奶味太重了。

作為螺螄粉fans 見到三哥個新螺酸湯廣告 即刻去試 最sad係只限2餸😞想叫多啲都無 碗野泥到 的確聞到螺螄粉嘅味 但係啖味版只可以講唔夠酸唔夠辣唔夠濃味🤣🤣🤣但係公平講句佢唔難食的 只係唔夠味 食完唔夠滿足🙈

平日真係好少出街食飯！😭湊住班小朋友～👶🧒👦難得放假都比自己抖抖🤪食下外賣🤣🤣🤣🤣每次一食外賣都會諗起三哥米線🍜佢嘅麻辣湯底真係會越食越上癮不過我都仲係只係食到麻辣10小🤣🤣🤣而我這個食肉獸，最常點嘅2個餸一定係豬肉🐷同雞肉🐔！豬肉夠爽口，雞肉索哂湯汁，超好味！加左10蚊要左杯凍檸茶同埋意川醋香雲耳‼️食完即刻滿足又飽肚😍😍😍用埋Alipay平2蚊，抵買！！！不過呢間分店芽菜配料好少，希望下次食有改善🙏

通常放假食lunch 我都會選擇食譚仔三哥 就算之前可以去旅行既時候 一返到香港 同朋友想法一致 去整碗三哥先 呢個動作 旅程先叫結束 我最鍾意食三哥既胡辣 個人覺得得佢既胡辣係最好食嘅

成日都食譚仔 我諗大家都唔陌生🥰🥰🥰 之前天水圍一間譚仔都冇 而家都有好幾間啊😍😍😍今日又係食譚仔 叫返我嘅炸醬腐皮小辣😍😍😍 都係一樣咁好食 完全唔會因為唔同分店而唔同味

雖然我並唔覺得譚仔嘅味道代表香港，但的確時不時都想整返碗。每個人食譚仔都會有自己鍾意嘅配搭，而我通常都嗌炸醬加豬潤，然後夾啲米線撈落啲炸醬度食，冇試過嘅人下次可以試吓，真係好正㗎！

<酸辣撈薯粉> 大家應該都知㗎啦，好似都出咗一個月，不過我今日先有時間去試。我本身唔係好好撈麵嘅，因為唔鍾意乾增增，不過聽講唔少人話中辣都好辣，咁我就要見識吓啦。平時食開特辣麻辣，所以呢個只係酸辣撈，當然都係叫特辣啦。碗麵份量唔算多，餸就更加小，d青瓜絲小得可憐，撈完已完全消失。味道還可以。特辣嚟講都夠辣，係唔夠酸囉。薄脆唔夠香口。木耳同豬耳好入味。另外一樣孤寒就係芫茜&葱，如果落多少少就可以帶返酸辣味出嚟。會好食好多。總括來說過得去啦，不過應該唔會再食，因為真係好乾。都係食返有湯嘅，㷫住辣過癮d

話說三哥新出咗個「酸辣撈薯粉」同「蜜桃乳酸」，我又忍唔住走去食🙈.🔸 酸辣撈薯粉酸辣撈薯粉配上三哥特創既酸辣汁夠哂惹味😋，辣度最少要由五小辣起🌶，食到我流哂大汗🥵，一試難忘🤭入面既薯粉、雲耳同豬耳口感都非常爽口彈牙，尤其是個薯粉😍，煙煙韌韌咁，入面仲有青瓜絲、薄脆同芝麻，薄脆撈薯粉都係第一次試，加埋芝麻好香口，成件事好新鮮🙈.🔹蜜桃乳酸（原價$15，加配價$10）呢個真係超級正，入面有兩大舊蜜桃肉🍑，蜜桃味好夠重，加埋酸酸甜甜既乳酸，解辣之選🤪

因疫情關係，譚仔推出左勁抵食優惠，外賣自取會送凍飲再加2蚊或4蚊送唔同既小食，我食左譚仔十幾年，第一次有咁抵勁優惠推出我次次都會加4蚊換皮蛋或者豬脷，佢地比既份量都正價既份量一樣既，味道一如以往咁好味

兩個人食，我叫了墨魚丸麻辣三小辣，友人叫了竹笙三酸小辣。墨魚彈牙，有墨魚味，有六粒墨丸，對鍾意食魷魚墨魚嘅我，十分滿足。湯底夠辣，想食辣又唔想出汗嘅話，可以試吓三小辣。凍檸茶方面，我嗌左少甜，表現正常。口水汁皮蛋 $21朋友想食皮蛋，我又想食口水汁，於是就嗌左一個口水汁皮蛋。雖然不是溏心，但我很愛皮蛋黃在口中久久不散的味道。鹽香小豬件 $23這個小豬件令我有所驚喜，豬件表面滿佈芝麻，增加口感。另外，豬件入口鬆化，醃得入味，每一個位置，都吃得出鹽香。 至於服務方面，甫至譚仔，一坐下來便放下口罩，幸得服務員提醒，要食物來到方可以除口罩，這份細心值得一讚。 此外，現在屬於非常時期，譚仔送給顧客一人一個口罩套，方便客人於餐後可以繼續使用同一個口罩，這份體貼值得其他餐廳學習。