譚仔三哥米線 (西洋菜南街)

營業中

休息中

同fd去mk行街,去左譚仔喱到食,原來譚仔既店有分三哥唔三哥的(不過唔知有咩唔同了),只知喱間係三哥呀~!我地有3個人,叫左個酸辣橋米線套餐,好大碗,有齊豬肉,牛肉,雞肉,腩肉,豬潤,火腿,乍醬,酸菜,魚旦,牛丸,墨丸,腐皮,豆卜,九菜,生菜,芽菜,炸醬...好多料,個湯底既色一點都唔似酸辣呀,不過食落係好濃酸辣味的,酸酸地又唔係好辣,食落好開胃呀,米線亦入味唔錯,真係好好味呀~~!炸醬係分開上既,又係好好味,撈米線食好味呀~!土匪雞翼,食落個皮好脆呀同好香口,雞肉又多汁好好味~~~~~!蒜泥白肉,睇個賣相好似好辣咁呀,不過其實又係唔太辣的,同好多蒜呀真係,so都幾重既蒜味,同酸酸辣速既幾好味,不過油左少少~~~~~!綜合來講好好味同價錢合理,唔怪得都幾多人去食同多分店,點解西環冇架><"~!

也是很晚的一日，離開Mac房，到了旺角都已經十點半，不過幸運的只有一個人，也幸運的，旺角譚仔還在做生意……坐下落完單都成十一點，十一點食晚飯.....囧好彩食物上桌快，話咁快就有得食兩中辣，是例牌的叫法，不過旺角落辣較輕手，下次叫大辣好D，米線爽滑不在話下，呢間個麻辣湯食落去冇四川個隻油膩，飲埋啖湯都唔怕肥……除左我本人是奶茶怪之後，怕辣的可以叫凍奶茶，奶同甜味好解辣的。土匪雞翼要讚，由於我個人愛香料，呢種烤雞翼我好欣賞！外皮香得黎，內肉嫩滑，正！旺角店較少去，我多數去深水涉個間，碗米同D都貴一蚊多口叫的酸辣粉，全走，本來有埋莞茜、花生、生蔥、肉醬、炸菜...我只係要多酸姐！不過，真係好酸，酸到胃酸都分泌多左，好開胃，粉就滑滑彈彈，一條條冇乜點斷開，一吸就一口都係。個湯仲可以配米線，本身係小辣程度，要加減就自己開聲，不過它屬於係油辣多D，比水辣容易導致生痔瘡，請小心注意！

一個人做完瑜珈, 去醫肚想食米線, 就去譚仔7點幾,已經好爆, 要搭枱, 好在四個女仔坐埋都唔覺太迫叫了酸辣芽菜鮮菇米線($26)上枱四隻鮮菇, 都好大隻芽菜真係好多, 鋪滿成碗米線湯底酸多過辣, 我平時食辣只屬小辣級都唔覺辣, 不過碗米線唔係難食, 只係辣度同想像中有偏差我吃晒成碗"酸湯米線"架地方光猛乾淨, 但好旺, 所以好嘈, 快快食完即走

一直以黎我都好喜歡幫襯譚仔,不過就多數係荔新果間,出到旺角都好小食譚仔,前幾日出到去又想食辣野,於是就行左入去我就要左個雞肉小辣米線,男朋友就要左個套餐加細土匪本黎覺得譚仔其實間間一樣,冇話邊間特別好食,一黎到,碗野係淡奶白色小小紅都冇,我都未知出事,一埋口個湯就已經出哂事,連我男朋友叫3小..同滾水冇乜分別...果陣時大概係夜晚10點...成個場滿哂客,難道預唔夠足以湯料要溝水?平時我都好小食剩一碗麵,但係今次都係首次係譚仔食剩大半碗...因為滾水米線實在係令人難以入口..以後食譚仔都唔會再黎依一間食!

我好喜歡食三哥既米線~所以如果我去個度有呢間既話我都會食~不過下次係MK我就唔會去幫襯了~如果係好食既~貴D都係OK既~不過呢間真係唔得~我叫左個腩肉木耳3小辣 小米~加凍OT等左5mins左右~有野食~~飲湯都已經發現唔係3小辣~變左得5小~一d都唔辣就要落辣油~我都ok!不過 佢d米線係好淋身~一d都唔爽滑~係淋曬~一pat野咁~好難得~好明顯係煮完又再煮過既後果而且呢間d料勁小~我數過6塊腩肉~木耳就ok~成個set~我只可以欣賞杯凍ot~ 好飲~不過碗粉煮成咁~唔該廚房既人反省下~一係就多d受ssp個2間店既人學習下~

土匪雞翼覺得這雞翼名稱很有趣，所以要了一碟試試有些麻辣，面層粒粒黑芝麻已被炸焦了雞肉十分入味，多汁又好味四川麻辣雞翼與土匪雞翼味道差不多的，帶辣又有少許酸酸辣辣味道越吃越開胃生菜腐皮米線這兩款是我經常吃的配料，我也覺悶不過生菜新鮮，腐皮幼滑，湯料應該是一般有雞味的湯底不肯是否味精湯，但肯定吃完後要需要大量飲品生菜貢丸米線貢丸較其他米線店好味，都是肉丸味而已酸辣粉酸辣粉的確辣，我覺得與重慶酸辣粉的薯粉相似度近85%我在內地吃過重慶人開設的酸辣粉真是吃了一碗又想再吃第二碗份量很少，只夠應付宵夜或下午茶辣的程度不是人人受到，不吃辣的就要一杯甜飲品來解辣聽朋友說，這間分店的確經常坐滿人新裝修後，感覺環境清潔食也食得放心

兩個女仔去睇戲，買完票就去食午飯先，成個旺角咁大，食肆咁多，都唔知選邊間好，身邊好友提議她經常幫襯嘅＂譚仔雲南米線＂，於是嘗試一下～早前完維記嘅豬潤麵，從此念念不忘，在譚仔又叫了一碗豬潤炸醬米粉，加一杯凍檸檬茶，結果真係正到爆～一碗麵大大碗，豬潤甚至比維記更彈牙，當然，清湯底不及維記的濃味豬潤湯底了～炸醬甜酸辣三味皆有，以甜味為先，用來撈麵最適合不過！唯一不好的是風口對正食客，炸醬好快凍晒，而店子也太迫了，背部會比人用袋碰撞。

雜誌比拚過,「譚仔」&「譚仔三哥」,結果是後者勝。今後終於有機會吃。炸醬木耳酸辣湯(+$1)米線。炸醬自動分開上。初時見碗湯奶白色,以為俾錯清湯,唯知個湯真係辣架!!但酸味只靠匙上的少量酸菜,做唔到米線真諦.....「酸」辣底麻!!幸好整碗米線都很入味。最愛那兜炸醬,好拌得米線。其實這炸醬都唔知咩來的,沒有肉感,好似豆造麵筋的齋罐頭「肉碎」。另叫了一小食─尖椒皮蛋皇。看去紅紅的辣油,原來並不辣的,而且出奇地與皮蛋夾味!這皮蛋是雪花皮蛋呀!好好食呢!!本身唔鍾意食米線,佢又無得轉其他粉麵,不過「三哥」出名,咪食一次law。

我支持左譚仔都有3年...譚仔三哥有一年左右最愛食大辣...土匪雞翼最好食...如果三哥都有豬耳 就無得頂啦!!!_______________________________不過其實都係鐘意佢夠辣...清湯既話...我會覺得三哥既好D...

今日同男朋友一齊去食我最愛既譚仔次次都等好奈先有得食今次去到唔洗等好開心同男朋友一 齊食左個過橋米線($40)2個人食好抵又多送個清湯好好味 我次次都飲哂先走米線好彈牙 唔會話林再點左一客大土匪雞翼 好香 好入味呢一餐2個人都用左$30 度又抵 又好味 正!!!!!!!!!

　一直在煩惱晚餐該吃什麼，最后到了三哥得獎的旺角店吃米線。40元大大碗過橋米線套餐，跟男友叫了一個。　雖然已經分了上下層，但環境仍然是很逼，門外還有人排隊，等了五分鐘左右，套餐便來了，可能餸菜不是我喜歡的吧？對於這頓晚餐沒有太大感覺，米線是好吃、有口感的，我叫了不辣所以也沒什麼味道。　不是特別好吃，不過40元分兩至三人吃是很划算。

5月19日, 呀比從來都無食過譚仔, 反而呀菲因為公司附近有譚仔所以就成日食~ 今晚去開旺角睇戲, 就決定同呀比試下呢間貴為得獎熱店嘅三哥譚仔總店先!::: 牛肉清湯米線 ::: $21牛肉同墨丸都係呀菲嘅譚仔必叫~ 今晚有呀比叫咗墨丸, 咁我就叫個牛肉一齊share~ 我唔食得辣, 所以去親譚仔都只會叫清湯, 平時佢d清湯好鮮好甜, 有陣濃濃豬骨味, 但今日d湯底唔知點解好淡, 好似味精滾水咁… 雖然材料份量照舊大堆頭, 牛肉腐皮芽菜韭菜一大堆, 但牛肉無平時食開嘅咁鮮嫩, 其他配菜又因為湯底太差搞到無厘味道… 米線雖然算煙韌, 但已經挽救唔到個米線喇…::: 墨丸酸辣米線 (少辣) ::: $22初頭叫酸辣, 點知又黎咗麻辣, d呀姐仲你推佢佢推你咁賴, 服務已經扣咗分… 酸辣味道唔重, 可能叫咗少辣卦~ 不過個呀姐又話酸辣無得分辣度, 麻辣先有… 墨丸有5粒都叫做俾足料, 都幾鮮同彈牙嘅~ 米線就好淡喇… 不過一路食都食唔出佢有咩咁特別… 成碗食咗一半都冇就唔想食…::: 凍奶茶 ::: $6唔掂檔! 茶味澀, 奶味少, 成杯野又稀! 等d冰溶咁d之後仲更加無味… 好唔得!成日都

下午5:00 多到達其實唔使等位兩個人去食 所以ORDER 左大大碗GE $40 雲南米線(5小辣)+檸水(記住5小辣<4小辣<3小辣<2小辣)仲ORDER 左SUPER 好食土匪雞翼~2個人食 呢2個CHOICES 已經好PREMIUM~講下碗雲南米線先勁大碗, 千祈唔好1個人ORDER 呢個, 除非你好大食; 3個女仔可以SHARE 一碗料勁多, 不勝枚舉; 但個湯底都係偏濃土匪雞翼可以係大家GE 首推, 唔重複; 不過印象中新疆雞翼都好好食TOTAL $70 埋單ps: 下次要試下"煳辣著粉"+"蒜泥白肉"先

其實去到唔洗點等位只不過好唔鐘意成日搭台我同朋友2個人前面係唔識既奇奇怪怪咁照舊叫左個酸辣牛丸米線+凍檸荼d野食唔算太耐上到台,ok快好大陣酸辣味 聞落幾香食落到唔錯 幾鐘意佢個湯底夠酸唔太辣牛丸4粒大大粒.埋單1個人$30唔洗

首先講講D位唔知係咪因為大陸人老細慣左搭台整好多大台根本唔係個個都一行十人黎食搞到好多兩三人果D人要搭台成六至八個人逼埋一張圓台心諗搞乜鬼呀食食下D阿姐又走圭黎唔該你地可唔可以調去果邊唔該可唔可以坐埋一邊食一餐就比佢滋擾一兩次即刻個MOOD都差哂食物其實我真係唔明白點解呢間野會得獎送菜款式少，冇特別湯底越做越差小辣得個辣字酸辣得個酸字清湯越整越味精今次叫左碗 腩肉+酸菜+炸醬(另上)+米線+酸辣湯底，就好似我上面講左咁，得個酸字，完全試唔出係淆出黎既湯，似係煲一大煲水再倒一大包粉落去就算米線，隻米線都幾差，定唔知係我食唔慣好野??(笑)唔夠滑，太重穀物既味道，破壞哂成碗野腩肉，肥還肥，瘦還瘦，肥既真係好肥，瘦既係好瘦，仲鞋過瘦肉酸菜，合格，只可以話，如果連呢D入貨既野都差得的話我會勸佢汁左佢算炸醬，就係所既有進步，份量冇以前咁少，反觀應該話以前實在少得叫人憤怒服務D阿姐服務真係好一般講廣東話又唔正都算聽野能力又有問題，人地酒樓果D環境嘈勁多都唔會成日問咩話咩話?完全冇侍應技考試過搭台同台有人叫野，佢地叫完個個阿姐就另過黎『你地要咩呀?』我心諗，我得就自然叫你埋黎啦:S又要企係度等我地諗