譚仔三哥米線

營業中

休息中

買過咁多間食肆外賣,唯一一間外賣餐具要收費,唔好用環保做藉口,你可以問客人要唔要,唔要就唔放,但係無理由要人比錢買,唔係個個客人都外賣返屋企食㗎,我做裝修,唔通仲要揹住套餐具返工咩？咁我嚟堂食使唔使自己帶餐具呢？我見過有餐廳唔要餐具d收銀同客人講多謝支持環保,亦見過有餐廳唔要餐具！！收少1蚊,但真係未見過要餐具就要另外收費,最好笑係我比咗錢,返到地盤先知佢竟然無比餐具我,好在個同事响另一間餐廳叫外賣,佢剩係用隻膠羹,可以比對筷子我用,唔係真係要用手嗱！！

是日需要食素就同左同事去食三哥 打開menu發現竟然有素米線仲有我至愛的炸醬係用植物肉做架 拿拿淋嗌左個豆卜炸醬小辣米線試下  豆卜有D細舊同埋硬 但個炸醬掂呀仲大碗過平時正常的炸醬 呢款植物肉炸醬都幾似正常炸醬 可以俾我過下口癮正呀 以後食素又多一個選擇喇

上次奶茶經驗已一段時間没有去三哥了，今天經過又再試一試，同樣用10元加了奶茶，十分驚喜，一杯熱騰騰奶茶，不知是否上次温水奶茶只是偶然一次還是立即改善，如果真是改進就一定要讚。满意，會再去。

譚仔三哥米線是一家位於香港的米線店，提供各種口味和配料的米線選擇。店內簡單的裝潢和乾淨整潔的環境讓人感到舒適。我點了一碗十小米線，以及加了一些配料的雞肉米線。米線非常Q彈，口感非常好。米線的清淡又帶點麻辣既口味讓人感到很清爽，而雞肉米線的肉汁和調味料讓人吃得很過癮。另外，店內提供的辣椒醬也為米線增添了一份特別的風味。除了米線，譚仔三哥米線還提供其他小吃如土匪雞翼和蒜泥白肉等。我點土匪雞翼魚，炸得非常香脆，魷魚肉質也很嫩。蒜泥白肉也非常好吃，口感非常彈牙。總的來說，譚仔三哥米線提供了美味的米線和小吃，價格也非常實惠。店內服務態度也非常好，值得一試。如果你喜歡米線和香港小吃，我強烈推薦你到譚仔三哥米線來一試。

唔該熱奶茶要熱啲，成功嘅熱奶茶應該有温度控制。雖然只係加咗十元，我地一定唔會要求咁嚴格，不過都唔好比暖水奶茶啲客飲，你哋做米缐好成功，真係唔想你哋比杯奶茶影响晒。三哥、留意吓，否則香港成功嘅奶茶比你吔害死，善意意見，唔該。

🔥還你鴨血🌶三哥水煮湯老油條鴨血米線最近譚仔三哥推出三哥水煮湯老油條鴨血米線，更有Tyson Yoshi 做代言人，為咗慶祝日本三哥開幕，香港三哥會同日本三哥同步發售多款限定小食。惠顧堂食或外賣自取「三哥水煮湯老油條鴨血米線」，仲送【譚仔三哥 x Tyson Yoshi postcard】1張，Tyson Yoshi Fans 記得唔好錯過啦😚 作為一個三粉每次都好期待佢地既新出品，今次都唔例外一定要去潮聖一下😍🌟三哥水煮湯老油條鴨血米線 ~ 今次就挑戰5少辣起跳的「水煮湯老油條鴨血米線」。湯底香濃辛辣嘅三哥水煮湯，香辣滋味，愈食愈上癮。三哥水煮湯精華，滋味無比，老油條、鴨血均由台灣直送， 鴨血經過一小時煨扣，口感嫩滑，入口即溶。金黃嘅老油條，就甘食香脆可口，放湯食索埋三哥水煮湯的精華，味道提升到最高🤤🌟蒜香雞翼尖、蒜辣雞翼尖🔸蒜香雞翼尖 ～ 雞翼尖好大隻，肉質嫩滑，蒜同蒜泥，帶嚟雙重蒜香，加上三哥秘製醬汁製成，惹味香濃。🔸蒜辣雞翼尖 ～ 特別加咗三哥秘製辣油，蒜泥加辣油，別有一番「辛」滋味。愛蒜、愛辣、愛雞翼尖嘅三粉，一定唔可以錯過！🌟香醋芝士鮮原茄～ 去皮新鮮番茄搭配混有三哥秘製紅

🌶 香辣回鍋肉蝦仁炆米線 $43 + 豬膶 $5💯 評分：🌕🌕🌕🌑🌑 (3/5)💬 十小辣辣度恰到好處，回鍋肉由腩肉改良而成，蝦仁都算爽口彈牙，米線條條滑溜溜掛滿醬汁，豬膶亦稱得上粉嫩。😋🍜 竹笙鮮冬菇牛丸清湯米線 $46💯 評分：🌕🌕🌕🌗🌑 (3.5/5)💬 竹笙爽脆多汁，四件冬菇大大粒幾鮮甜，牛丸味道尚算濃郁，米線既幼滑又掛湯，食落鹹中帶香，份量更夠晒飽肚。😉

三哥米線真係可以話係平民飯堂，只要諗唔到食乜就會去三哥度食碗米線，價錢唔貴之餘，大大碗又食得飽飽。我最鐘意呢度既普通酸辣湯底，三哥酸辣同普通酸辣係有分別，三哥酸辣有得揀辣度，會帶有少少麻，而普通酸辣就會酸d，冇得揀辣度。 🍴豬潤墨丸酸辣米線酸辣湯底好夠酸，佢唔係醋酸味，係酸菜既酸，味道比較自然。雖然冇得揀辣度，但個辣味對於我黎講係完全可以接受到，係酸＞＞辣。豬潤同墨丸正正常常，份量都可以接受啦。4粒星係俾湯底既🤣

譚仔簡直係午餐救星，每次諗唔到食咩，揀譚仔就應該冇錯。唔知係咪因為食肆限左人數， 1:30去到都仲要等位。可以揀用安心出行或者填表，都算方便。叫咗過橋米線小辣，感覺上份量比坑口分店少，但係味道都係差唔多。不過唔知係咪師傅重手左，小辣好似食到中辣咁辣，不過都仲可以接受。

知道出咗酸菜魚片，今日先至有時間試食。 點知又有驚喜新出胡辣湯。馬上要溝埋試下啦。叫咗5小辣本人覺得好好味，魚片脆㗎！杏花邨呢間D廚師算穩定，唔會煮到D米線林哂！得！

用家個人感受，不是打手！9️⃣0️⃣位置，杏花邨地鐵站商場，易搵。8️⃣5️⃣裝修，新淨乾淨，都坐得舒服。9️⃣0️⃣招呼，D亞姐有禮貌，落單快及準，上菜都快。7️⃣0️⃣胡辣湯底米線，三小辣，豬潤，$35，味道可以，豬潤少及碎。7️⃣0️⃣胡辣湯底米線，小辣，腩肉豬潤，$40，正常。5️⃣0️⃣蒜泥白肉細$26，又少又乾，譚仔好食啲。7️⃣0️⃣土匪雞翼三隻$22，普通，譚仔好食啲。8️⃣0️⃣咸檸梳打，跟餐加$10，正常。7️⃣5️⃣豬脷，特價$19，正常。7️⃣5️⃣CP值，2個人，埋單$152，午餐每人$76，應該唔會再去。

5月8日嚐試新推介＂花膠雞美線＂結果大失所望，照片右邊為剛送抵堂食美線實物，與推介照片明顯貨不對辨…除照片所見較正常雞件只有一件，其餘二件只有半個拇指大小，花膠亦細得可憐難與推介照片相比，在賣相的影響下食物味道已變得次要。禮貌向店長查詢，所得答案為食物製作必需依據店主所設材料數量及生產，但當反問製作流程是否只限材料件數而不考慮大小及重量等因素則無法答覆。個人當然明白推介照片經過美化，實物難與相比屬正常，但差别如此巨大則真難以接受。平時在同店堂食除服務有待改善外，食物質素尚可，但新推介試過後卻真有點不吐不快及令人卻步，希望店主能有所改善。

2020年3月2號。由於工作關係出左杏花邨。收工肚餓就諗住食埋先走。由於我食飯時間早。同埋冇乜人食野。一入去就有位坐。姐姐比左餐牌我，我諗左好一陣。都諗唔到想食咩。最後叫左個牛丸。我期待牛丸係彈牙。但佢唔係彈牙既牛丸。有點小失望。但都唔算好差。最鍾意係佢米線會咸咸地。口淡淡食都唔會覺得好差。跟住叫左杯檸檬茶。正正常常。冇特別冇問題。跟住仲叫左三隻土匪雞翼！佢即刻整。要等。但熱辣辣超好味！！佢係加杯野飲貴左啲。其他都係可接受範圍內！

.一向好鍾意食三哥嘅蕃茄湯米，今次加埋新出嘅乍漿四季豆小食，好夾好好食。.📍番茄湯米線2餸湯底用咗鮮茄製成🍅，新鮮帶酸味，味道好又夠健康🥗，啱晒女仔食。三哥嘅米線一向比譚仔彈牙，份量又足🍜，鍾意食辣仲可以係湯底加上唔同辣度🌶。配料揀咗魚片頭，口感彈牙好好食，另外再加$要埋貢丸。相信米線係好多香港人嘅comfort food❤️。.📍乍醬烤四季豆（$14）即叫即烤，上枱時新鮮熱辣辣♨️，烤至軟身嘅四季豆配上三哥招牌乍醬同紅油，好惹味😋。.📍葡萄烏龍茶（加配$10）烏龍茶加入香葡萄汁🍇，味道唔濃，都算清新🌿。

There are not much restaurants to choose in Heng Fa Chuen. 譚仔三哥is one of the restaurant that is always packed with people. I ordered a noodle with fishball in 3 small spicy. This spicy level is at my right level that I can bear. The noodle is soft and the fishball is al denta. However, there may be much MSG in the soup and you may get thirsty after eating the noodle.