譚仔三哥米線 (福榮街)

營業中

休息中

見中秋限定椰子雞湯米線，滿心歡喜期待，點知非常難食，吳開心。花膠超級硬又無味道，雞又少又無肉，重點椰子雞湯又咸又酸，米線都好硬。浪費了$62，換來了一碗好難食既米線😖🥺🤢下次吳敢試新野了🙈

-譚仔三哥成日都食，今期有出咗新嘅軟殼蟹米線一定要試吓。見到圖片有成隻軟殼蟹擺入去個米線度，覺得超新奇。湯底方面，本身配搭咗水煮湯底，起碼都5少辣，但係佢比平時嘅麻辣五小更加辣，所以如果怕辣嘅人士就要注意。然後喺上面仲有黑胡椒粉，所以都幾嗆口，我一路食一路咳，要配搭嘢飲解辣，但係真係好惹味。軟殼蟹方面，個殼煮得好淋，可以一啖咬同埋吞，令我最驚喜嘅係有蟹膏喺入面，雖然隻蟹唔係特別新鮮，但係有辣嘅湯底掩蓋咗，重重嘅黑胡椒包圍，所以都OK。-

三哥相信大家都食得多🤤都唔使我多介紹而三哥都好貼地 緊貼素食潮流今次出咗素嘅新豬肉餃子 松茸 仲另外加咗$10試埋佢嘅素食肉醬因為唔係好肚餓所以加咗$3轉做旺菜咁計起上嚟其實有少少貴😬但係新嚟新豬肉😆咩都試吓對自己好少少新豬肉餃子味道唔錯但係個皮略嫌有少少厚松茸味道好重 雖然湯底係麻辣湯底 但係食落有一小陣松茸味道平時米線嘅份量如果係10嘅話 我會話加$3轉做旺菜嘅份量係大約6🫤但係一個女仔基本上都會食得晒男仔嘅話份量可能比較少🫱🏾‍🫲🏽新豬肉醬味道好重比較甜 味道唔差 都似係真正豬肉值得一試 雖然咁樣加吓轉吓有少少貴🙂

湯底加料：當日探望朋友，她喜歡有湯的餐食，所以我買午餐外賣2份；一個清湯、一個茄湯底。到朋友家一看，茄湯面有3張餐單😱😱😱 ！當時不算非常繁忙已經是這樣，所以這家的食物處理、準備食物過程、廚房清潔衛生….🤔 。我諗都冇下次！😡😡😡

呢間譚仔三哥喺深水埗嚟講算係幾新嘅一間，今日就黎試吓睇吓佢嘅質素如何。依家譚仔三哥嘅主餐牌都進步咗好多，圖文並茂，辣度解說亦都非常清晰。最近仲新出咗湯底叫做「砂砂」，其實都係類似喇沙嘅風味。因為我都幾鍾意喇沙湯底，所以今次就揀咗呢個砂砂湯米線。去得譚仔三哥冇理由淨係食米線咁簡單，大部份人都會喺土匪雞翼同蒜泥白肉之間二選一，今次我就選擇咗前者，味道屬正常水平，但就略嫌佢嘅雞肉做得唔夠滑。砂砂湯底味道都有啲類似沙嗲味，不過就比較清一啲，而因為湯底比較清，就能夠飲得出多一份鮮味。配菜方面揀咗牛肉，質素正常有肉味。另外就揀咗煳辣湯底， 十小辣嘅味道完全符合我嘅要求，配埋魚腐索埋湯底非常開胃。嚟得譚仔對味道嘅要求都唔會太高，仲要學識聆聽譚仔口音，但以呢個價錢可以有餐溫飽，入口合格以上，都真係夫復何求。

#深水埗 #三哥 祝各位媽媽母親節快樂!期間限定嘅#姬松茸螺片雞米線 你唔係唔試呀😂首先，湯底重藥材味，有打邊爐湯底個feel, 飲落又舒服。其次，雞件多肉，亦好重黑椒味，所以唔會腥👍第三，螺片超級似鮑片，煙韌有咬口，而且鮑味濃🤤最後係個姬松茸，係有少少草青味，同少少柴，可能因係係用姬松茸乾掛另外味精好鬼多，食完好想即刻飲水總括黎講，要試! 好味! 味道: 6/10味精: 8/10價錢: 2/10環境: 6/10服務: 4/10#vinainssp #vinafood #limiteditem #hkstylefood #hkcuisine #hknoodles #tamjei3gor #foodporn #foodie #hkfoodie #f4follow #f4f #likesforlike #l4l #l4likes

位於福榮街既譚仔三哥一直都好多人食，每次中午時間過去都要等一等位。而今次好彩就唔洗等，可以直接入去食～佢呢排出左一款麻辣鴨血米線，但今次就無叫，都係叫返牛肉腩肉五小辣，加埋杯凍檸茶～而味道都同以往食既並無太大分別，佢既辣湯係有小小黃色既油係表面，反而唔係紅色既，至於湯底都係奶白色，而米線份量都係咁多，牛肉一路都係無乜牛味😂而腩肉就正常野，反而可能太耐無食，唔知凍檸茶而家係要加$9，所以食個譚仔都要$50😂😂😂