譚仔三哥米線 (花都廣場)

營業中

休息中

$102就有齊以下所有嘢，兩個人食好豐富同滿足麻辣湯肥牛魚腐響鈴雞肉米線三哥嘅麻辣湯米線不嬲都無得輸，平時食開雞肉同魚腐，一樣都係好多汁同入味！而今次食埋肥牛同響鈴，特別係響鈴吸晒啲麻辣汁，食落超惹味！蒜香白肉飯一直都覺得蒜泥白肉好岩配飯食，今次終於出左！食落啖啖蒜香味超正，但份量岩岩好，唔會話太多汁而搞到成個飯好鹹同好油。不過個飯有少少乾身，可能放得耐左香烤豬頸肉上枱已經好香，食落帶少少孜然粉味道，有啲似平時食串燒咁，烤得幾脆幾好食！清湯浸生菜最後緊係要有個菜，令成餐更健康完美

Order左d咩？三哥黑蒜油味噌湯米線 $48​一個字….怪，唔講都唔知個湯底係黑蒜油味噌湯，首先湯底好鹹，食唔到味噌湯味，其次米線同個湯唔夾，米線唔索湯汁，食既時候，湯同米線係完全分開2樣野黎，然後個流心蛋係有極微量既流心，呢個價錢算合格啦（因為係一隻全蛋，唔係比半隻你），如果要同日本拉麵個隻比就冇可能，材料幾豐富，有腩卷、白菜、金菇、溏心蛋（個腩卷好食）​總結：試過就算（唔好味搵Jeffrey咁靚仔黎代言都冇用）​以下評分最多五粒🌟​抵食程度：0粒（唔好味既野一律唔抵食）​環境&服務：🌟粒（環境正常，但問阿姐攞熱水，叫我自己出去拎，我心諗：阿姐，我自己一支公食，野食又送到黎，我點行開去拎水？😑）

住咗粉嶺20年次次食譚仔三哥都要去到火車站但上年屋企樓下開咗間三哥作為米線迷又點可以唔食呢今次我嗌咗個蕃茄湯牛肉米線蕃茄湯底鮮甜濃郁牛肉片大大塊 份量又多索晒啲蕃茄汁食落好juicy 老實講 食咗三哥咁多年都係第一次試佢嘅蕃茄湯底以往我都淨係食清湯(養生之選 haha)間唔中想放縱下就會食麻辣湯底但真係未試過食蕃茄味估唔到有驚喜 本身仲擔心係嗰啲好假嘅蕃茄味點知食落去非常新鮮 唔會太酸 又唔會太甜下次一於再食多次！

Vivian好耐冇食三哥了🤤🤤成日經過都想試下佢碗新野，今日終於有機會試到🤩叫左2個餐，一碗係蕃茄湯米線（with豬肉and豬潤），另一碗係煳椒肉骨湯米線（新出既）可能Vivian太耐冇食，個豬潤好食左😳好爽口，正，同埋好欣賞三哥既番茄湯冇乜味精，食完飲埋湯都唔會好口渴Vivian想試呢個煳椒肉骨湯好耐🤤🤤個豬肉好冧好香胡椒味，仲有個老油條，浸埋落個湯等30秒先食，少少淋但仲係脆，正。但係Vivian食左陣先發現白木耳呢？🤣🤣同阿姐講，佢後補返：Vivian覺得仲有少少肚餓，叫多個茄子食😋如圖所見，好多蒜🤤🤤正，三哥唔會令我失望好唔好食？不嬲都好食會唔會再幫襯？一定會啦

其實食譚仔就冇乜特別講食物，大家都知有咩食，但呢間服務真係差，入坐安排坐位又唔好，两个坐四人枱，三个坐二人枱，服務員送餐又聲冇氣，需要杯水叫服務員攞，阿A叫阿B攞，阿B應左阿A就算，最後杯水都係冇給我！總之就失望

終於都有啦！期待咗好耐，終於都要出去食，酸辣真係好特別點樣食都唔會厭！一定要食雞肉！好多同埋好嫩！唔會柴再叫個土匪雞翼，滿滿的孜然味好香口！再加杯凍檸茶少甜就絕配啦！

yeah! 住咗入粉嶺十年，望穿秋水屋企附近終於有三哥， 為咗慶祝屋企附近有三哥，所以一定要寫一寫食評。餐廳環境： 始終新開張，環境乾淨企理，可惜比一般三哥面積比較小， 所以坐位都比較緊張。食物質素： 叫了一碗墨丸蕃茄三小辣和一碗鴨血米線小辣， 味道和一般三哥一樣， 沒有太大分別 ，可惜本人喜歡食三哥的砂砂湯底，這一間沒有，不知道是否新開張的關係，希望遲一些會有。 味道可以，但是米線不知道是否放得太久，所以米線有些硬，其中一碗已經叫米線淋啲，但是仍然食到有米線是硬的， 希望餐廳可以改進。另外嗌了尖椒皮蛋， 一如以往好食。姐姐服務： 大部分都是見習店員， 但是落單都快速，禮貌亦不錯。