譚仔三哥米線 (青衣城2)

營業中

休息中

20240928 譚仔三哥 青衣城朝早去咗同👶🏻👶🏻游完水真係好曬好熱 仲好肚餓😂😂諗唔到食咩 又想食有湯嘅嘢譚仔三哥幫到我 首先係試新推出食材鮮蝦餅同黑椒脆骨丸 湯底揀咗清湯就返👶🏻👶🏻 鮮蝦餅幾彈牙 但食落唔太覺有蝦味 比較普通而黑椒脆骨丸呢個非常鐘意 黑椒味好香好重 脆骨丸好彈牙咬入去 好似雞軟骨咁好好咬口 口感好豐富 推介 建議一定要試！小食叫咗個落力為你烤豬頸肉每次食都會叫 豬頸肉肥瘦均勻 烤語之後更加香嫩 加埋特色醬汁味道更加多層次另外都叫咗個蕃茄湯米線同麻辣汁皮蛋蕃茄湯加辣係必須酸酸甜甜辣辣十分好玩 皮蛋十分香 皮蛋黃嘅澀我都好喜歡

米線可免費升級做菜底, 平時轉菜底要+$3菜底可選生菜/京白菜/芽菜素食星期三仲有個$45 既菇菌菜米線餐不過呢個餐轉菜底要+$3今次就想試單點米線免費升級京白菜底上餐既速度好快, 大概5分鐘就到齊食物土匪雞翼同埋木耳既質素正常可惜, 墨丸,米線同菜都出左事兩碗麵上到黎先發現無京白菜自動轉左生菜底,同職員要求轉返米線底, 佢表示送多個生菜比我地食,直接加米線落個碗到, 其實呢個做法係幾方便快捷,然而, 上到台既米線極硬, 未完全煮熟就送左上台單點米線既墨丸質素同平時比較差好遠, 極粉又無墨魚味

下午五點到達，剛好趕得切可以點下午茶餐，我們二人，點了兩碗小過橋米線(小辣)包飲品一杯，只是比正常價60元的細碗些少，但材料都算多，只是少了炸醬和鹹酸菜。質素同平時吃的沒有分別，最值得讚是D肉類沒有用鬆肉粉，都很大片!但收銀員工態度要留意下，因我用信用卡付款，但收款機上沒有顯示銀碼，我表示看不到銀碼，她一邊回答電話的客人、一邊搵隻手拍部機的感應位置示意我拍卡便可，我只是想確保她沒有輸入錯誤銀碼。小辣的辣道都不錯，整體是抵食的。

等咗10分鐘都仲未有,明白譚仔可能要等多陣,但是等咗20分鐘之後，我去問落單個嗰阿姐,同佢講等咗了久,但是佢唔知點解只是好敷衍咁答我話20分鐘正常,叫佢催又乜都冇講,唔再理我。冇辦法唯有再等的陣,等到半個鐘嗰陣，問人先話可能係入面擺緊,行入去真係有,仲擺到好入整咗好耐見到都凍曬,真心唔明點解唔叫number,明明上次來都有叫,仲要有啲不盡責的係度誤導人，真係服咗唔想做唔好做,超差嘅體驗,下次唔會再嚟這間分店。

無論堂食定外賣都極度唔夠人手，有空位冇人執枱，排堂食呆等。轉外賣等咗照過半個鐘，入去只係有禮貌地問咗一句，被服務員即刻怒吼。多客好似大晒咁，唔駛尊重顧客。🤷🏻

今晚去呢到食米線，食食下發現可能係蚊/蟲。我自己可以清晰睇到頭，腳，身起初都係想換個碗算，因為菜蚊，菜蟲都好正常。有個執碗哥哥仔（我估PT) 去問個呀姐，會唔會係菜花（有圖）。之後轉身叫個男仔收左碗野。好啦，收左碗野，以為會換個碗，等左勁耐都無既，我就叫個副經理，點知個副經理係真。經理（經過唔理）。 咩都唔知之後碗嘢係佢睇都冇睇過已經消失咗。其實連鎖店點解會有咁嘅質素嘅員工🤔🤔

一個月幾乎都會食兩三次譚仔三哥，平日嘅夜晚嚟到這間譚仔三哥，幾乎不用排隊就可以直接入座，code落單幾方便❇️炸醬清湯米線最欣賞係呢間嘅湯上嚟真係熱辣辣，唔似有啲舖頭上咗個湯底淨係暖暖地，冬天飲熱湯特別舒服，另外炸醬嘅份量比得都唔少😼❇️大土匪而家譚仔三哥啲雞翼都變咗細隻，但呢間嘅土匪整得麻麻地，首先醃得唔夠入味，另外外皮唔夠脆，有啲可惜❇️過橋米線過橋米線啲豬膶潤得來係熟嘅，以前以前喺其他餐廳試過啲豬膶仲未熟😂不過送嘅份量感覺比以前少

作為香港人應該冇咩人冇食過譚仔三哥🥰佢哋嘅三哥酸辣，簡直係世一基本上每日食都唔會厭一定要叫雞肉 佢哋嘅雞肉係超級滑 唔鞋雞肉魚腐生菜三哥酸辣三小辣 真係好每一次必叫❤️未試過嘅話，一定要試

話我地一行四人等足二十分鐘。其間有四人空桌但都係冇得入。個後生男員工只不斷叫二位嘅客人坐四人枱，但當時店內仍有二人的空桌。當我地問佢幾時先到我地啊，佢仲非常大聲地咁係店入面喝出去店外嘅我地，話比全世界知果兩個客比我們早十多分鐘已取票，但明明我地睇著他們取票後，無耐已被安排入座！！！而且張飛又冇show時間，咁公平咩？！依家去食野啫，無服務都算，等個位都要比人喝？！而且，都唔係第一次，到底係佢地公司叫佢地咁做？？？？定係個男員工有問題？！

出發去迪士尼前經過青衣城順便食個三哥譚仔🤭☺️😬一直都好鍾意食三哥譚仔❤️❤️食物🌞🌞🌞🌞麻辣米線，加牛肉，中辣:米線質感算彈牙，唔會太淋或者太硬，都唔錯，不過牛肉就好韌，唔知係唔係煮得太耐？失望😢土匪雞翼:一如既往嘅好食，外脆內面好juicy👍🏻👍🏻👍🏻尖椒皮蛋:正常發揮😬至於服務，譚仔哥哥安排座位就有待改善！整體來講，譚仔真係會令人一食再食！雖然佢價錢越嚟越貴😩😢

見到三個出咗新嘅三酸撈薯粉，作為薯粉控嘅我即刻衝左去試試佢🤤🤤真心好好食🤤首先係個三酸撈薯粉，酸香滋味獨特而濃厚，紐紋薯粉超級掛汁，秘製「三酸汁」用老牌陳醋混合精煉麻椒、鮮辣椒而製成，味道小小辣但又唔會辣得好辛苦反而幾醒胃，今次仲可以畀三粉自由配 搭2-4款心水食材，我就嗌咗最愛嘅墨丸，腩肉，再加埋芽菜、芝麻脆辣椒、黑芝麻薄脆、花生、芫茜及蔥花等配料增加咗香脆口感🤤🤤食到停唔到口我重加配咗全新小食【 芝麻沙薑雞丁海蜇 】($22) 用秘製嘅沙薑醬汁配上嫩滑雞丁、 爽口青瓜同Q脆海蜇，有辣、有唔辣，任君選擇 !🥳飲品方面當然唔少得三哥新岀嘅奶蓋芒果蒟蒻椰香金露: 以金黃的鮮芒果肉製成的泥露果香濃郁、口感綿滑、口味清甜，清新椰汁和Q彈的芒果蒟蒻珠，加上面層芝士乳酪奶蓋🤤🤤勁好飲🤍三款食物係期間限定架，大家快去譚仔三哥品嘗，唔好錯過呀!!

其實個經理係完全冇存在價值。平日態度差算啦。等票等到我，我大大個企響門口，佢就掛著講嘢飛票，我同佢講我響喥，一句對唔住都冇，算啦… 佢仲要話番人聽唔到叫。有冇咁既人呀？ 佢又唔著製服，唔掛名牌，非常唔專業。我食咗十幾廿年譚仔，第一次覺得經理太討厭，食唔落。走！

作為三哥fans, 真係要講句呢間分店真係勁差！ 等堂食等左半個鐘有多！職員唔識嗌飛架wor!!!!明明入面勁多位。又無人執枱 睇到都覺得污糟！我估係唔夠人手, 所以唔入咁多客啦，都理解既…但係有其他客拎完飛直衝入去問「其實係咪唔洗拎飛？」職員竟然俾左佢入座😱what?!?!?!?!咩事？！然後幾經辛苦入到去，舉手叫人寫野都難😭有個四眼男職員喺樓面兜圈，乜都唔做🤦🏻‍♀️係發生咩事？服務講完講味道真係最難食既一間點解砂砂湯都可以清水咁淡？咩事？食完三哥後悔真係第一次

天氣又熱又濕，特別想食啲辣野🔥🔥～～近期見譚仔三哥推出咗”砂砂湯肥牛鹿茸菇米線”，仲有Jeffrey做代言添，好鬼吸睛呢😍😍～～出咗幾款新野，一於就叫齊曬試下咩料先～～..<砂砂湯肥牛鹿茸菇米線>我揀咗10小辣，最辣可以叫特辣湯底味道有沙爹同喇沙嘅香濃感覺，好惹味，配埋吸湯嘅肥牛同爽口嘅鹿茸菇，成件事好夾，真心推介🤘🏻真係要去試下～.<煳麻辣椒豬肚>呢個小食真係不得了，有譚仔三哥秘製嘅煳辣椒同香麻花椒嘅醬汁，香味十足，食落豬肚又爽口，麻香同辣油配落米線一齊食真係好惹味啊～. <奶蓋芒果蒟蒻椰香金露>一層厚厚嘅奶蓋，入口順滑，配上香芒汁同椰汁，仲有Q彈爽口嘅蒟蒻，甜而不膩，夏天飲一流🧡..提提你，而家去譚仔三哥食野，臨走前行埋Cashier俾錢，旁邊仲可以帶埋😍😍靚仔Jeffrey嘅卡走喎～～

終於都等到三哥重推鴨血啦！期待已久，由細到大都鍾意食譚仔嘅三哥米線，最鍾意食佢嘅5少辣，平時返工lunch，一定唔少得去食三哥米線，今期仲要有幾款新食品，但一個人去食，又驚食唔晒，下次心郁郁一定要試埋😆三哥水煮湯老油條鴨血米線 ：我會由5 小辣起跳，湯底香辣濃郁，味道順口又好刺激，如果怕太辣，可落單時要求額外加一份芹菜，可以幫助減辣！或者湯底嗌10小辣，老油條好香脆，吸收湯汁好惹味，鴨血口感滑溜溜又Q彈，份量仲好多添，可以再encore