譚仔雲南米線 (廣源商場)

營業中

休息中

呢間譚仔好大，不過職員唔夠.平時食譚仔好快有嘢食呢間要等15至20分鐘。米線份量比較好少湯底還可以酸辣湯底唔夠辣啲冬菇新鮮彈牙，奶茶好濃又唔會太甜，凍檸茶檸檬新鮮唔會澀。如果食嘅話建議唔好嗌清湯，因為真係好淡。不過價錢嚟講冇得投訴$46米線加嘢飲。

廣源商場嘅譚仔雲南米線係一間同其他譚仔好唔同嘅一間譚仔呢間無論早午晚任何時段都係冇服務可言任何時間都係唔夠職員堂食可以坐低之後10分鐘都冇人理你明明係繁忙時間收銀處職員都係平行時空咁樣不停撳緊收銀機又有職員好有心機咁整好自助水機隔離啲杯就係冇人理吓堂食嘅食客幾經辛苦終於有人嚟落單但係職員又唔熟點餐機操作已經慢慢咁講咗兩次要咩去到覆單都係有野錯不過都要讚返 起碼佢有覆單雖然堂食有人理你不過廚房出餐都好快可能因為都冇乜人幫襯另外有樣野都幾差又係因為唔夠職員所以呢到好耐都唔會有人執檯就算執咗檯都係抹唔乾淨成檯都係油

話說呢上次去食譚仔就發現佢已經轉咗用app落單，咁我download咗個app之後發覺有好幾張優惠券，所以我今次又嚟食。今次呢我就嗌咗一個一餸麵，之前嘅優惠券有一個呢就係送三隻土匪雞翼。一餸麵我就揀咗生菜，湯底我就揀咗清湯，米線我就揀咗硬身啲，你到嘅時候呢，碗麵真係超級多生菜，啲米線呢都好有咬口。土匪雞翼呢我就覺得好似比起其他分店呢相對冇咁入味嘅，但係都不過不失。另外我在嗌咗杯咖啡，都係普普通通餐廳嘅水平。夾埋埋我都只係用咗$46。

今日lunch Time嘅時候諗唔到食咩？咁就去咗譚仔度食。見到佢出咗個新嘅口味，清湯牛腩米線，一個名就好有港式風味，忍唔住就入咗去。個店員俾咗個QR code我掃，我順便download埋譚仔個app，原來而家新會員仲有一張飲品coupon送送俾你。我諗都冇諗就嗌咗個清湯牛腩米線，再加埋一杯咖啡，都係48個半。啲牛腩食落去口好韌，啲蘿蔔都唔夠淋，個湯底就好有譚仔嘅口味，有少少辣，整體感覺好一般，下次去都係食返默演算

作為米線迷 都有少少失望 連鎖店個水準應該都要keep到大概一樣🫠 雖然好難做到每間呢口味口感都一樣 但係我覺得公司應該揾人定期監管一下個質素米線每次份量同淋身度差距都有少少大 真係每次食都有”驚喜” 而雞肉個份量亦都係 有時少到完全唔覺得有一份餸嘅份量 同埋廣源舖頭就夠大啦 位超多 但係人手永遠都唔夠 呢個應該係每間分店嘅通病 一到繁忙時間就完全做唔切 外賣又不停接 等一碗米線可能要等到30分鐘以上 咁如果趕住走或者lunchtime得一個鐘就真係食唔切 搞唔掟🥲

成個小瀝源廣源邨得呢一間譚仔雲南米線，所以都算係獨市生意，好多時唔想食大快活麥當勞呢d快餐但又想快，就會去呢間諗住快靚正，不過幾次去到都唔太好感受，唔知係未因為佢做慣街坊生意定點，幾次去都冷冷清清，但冷清得黎仍然冇人招呼，次次都要招一輪手先有菜單同QR點餐..食物都係果d味，但衛生好似比較差，幾次都有小昆蟲係湯度游水，唔知係d碗冇洗定放係度太耐，今次我又撬起左兩隻痴係張單度，放上黎同佢地員工溫馨提示講左希望佢地會有人改善la🙏🏻

外賣木耳做到有顏色但冇味，好神奇試過好多次都係咁，一次係咁兩次係咁三次都係咁。木耳裡面得啲紅色油，真係淨係得紅色油，冇醋冇香味冇麻辣味我食過咁多間譚仔，只此廣源譚仔而間係咁。試過從不同途徑反映相關問題都仍然冇改善。廣源譚仔，明顯營運上出現嚴重問題，員工製作食品為咗省時偷工減料，無人能處理。招牌小食有色冇味，只此廣源一家獨有建議大家外賣唔好叫木耳，一陣又攞返去換晒自己時間！已經失去信心，永不光顧此分店！