譚仔雲南米線 (葵豐大廈)

營業中

休息中

平時外賣米線識分湯，早餐公仔麵就唔分，都係麵，都會吸水發脤，點解唔分湯啊？係咪唔係米線就唔識用個膠隔隔住個麵先外賣比人拎走啊？公仔麵都會吸水同米線一樣，而家吸曬水脤曬點食啊？

今次試一試新出嘅韓式泡菜湯雞卷米線，米線質地比平時食嘅腍，湯底可能因為加咗泡菜汁所以比較鹹，好在雞卷夠滑抵讚，而且有好多海帶，但整體味道冇想像中驚艷同特別，會寧願食返平時嘅口味🤣

收工唔知食咩好，諗諗吓好耐冇食譚仔了晚市比較多人，大概等咗20分鐘就有今日有啲肚餓，嗌咗個清湯豆卜魚腐，清清地咁樣食都幾好外賣有分湯👍🏻肉醬冇比以前咁辣，食唔到辣嘅我一流呢個套餐$54好抵，好多配料，超夠食仲有突！當然要嗌返土匪雞翼食啦！街市呢間味道啱啱好，葵廣嘅土匪雞翼比較鹹（可能咁岩）🤣🤣

今天葵廣人很多，好似去左過年咁。不想煩搵位坐時就會考慮去這間譚仔，不一定有位，但相比葵廣有位的機會大很多，5次來有4次不用等位。過橋米線套餐($55)想食得豐富一點時，或想不到吃什麼，就會叫過橋米線套餐，本身set好左己經有：魚蛋、牛丸、墨丸、豬潤、牛肉、雞肉，豬肉等等10多種材料，就咁加一個餸要加$5﹐那不如就叫一個大什麼都有一點的來吃吧!送上來時會連2個小碗一起送上來，也很常見到2個女的一起分享一碗。我想算是2人份量，只是二人不能太大食，否則需要再加一些小食或像我們一樣再加一碗米線。自選米線-魚片頭清湯底($34)加的一碗主要係我地大食，想食多一點，餸會選過橋米線套餐內沒有的。今次試了魚片頭，魚片頭有6塊，size都不小，有好多我最愛的芽菜，好味。因為不太食辣，多數都會叫清湯或蕃茄湯底。二者都很好味，但喜歡清湯多一點。熱奶茶試下譚仔的熱奶茶，感覺不過不失。

自從搬離葵芳之後就好耐無食過哩間譚仔，今日去娘家度食晚飯，中午就叫個譚仔外賣回味吓先。食譚仔我一定會揀重慶酸辣湯底小辣，我覺得比其他湯底有層次同惹味，見到辣椒碎同紅紅嘅湯底就已經流晒口水。我叫咗少米線，可減$1。而餸呢我就通常會揀竹笙、魚片頭或者炸醬，我自己偏向淨叫一款餸，感覺抵啲。今日我叫咗魚片頭，總共有6大粒。哩度嘅魚片頭可以話係數一數二，除咗有好香嘅魚味，仲口感一流，軟林林得嚟又帶有少少彈性，食落去好新鮮。唯一希望係佢可以俾客人揀「多芽菜」，芽菜同米線加埋嘅口感好特別，好夾。因為有消費券，所以今日都要食得豪啲。外賣可以用優惠價配一人份量小食（$6一款、$10兩款），我加配咗個尖椒皮蛋，皮蛋新鮮但可惜醬汁唔夠，所以食落無乜味。保持一貫嘅水準

今日收工去附近葵芳行下。本想去買個譚仔番去食醫肚。番到屋企。過橋啲米線鐵線咁生。個碗就大。再睇埋個小白肉。係（少）得可憐。得4片肉收我廿幾蚊。係行情本身係咁？（因為本人甚少買外賣番屋企食）還是有啲離譜呢

葵芳地鐵站D出口步行約三分鐘左右位於葵義路好爵中心地下進店環境空間感地方大，感覺挺整齊乾淨的，相信譚仔對於大家都唔陌生，但重慶湯底大家又試過未呢？？？？入去譚仔一定要試吓點重慶三小辣豬膶竹笙（這款湯底是我多年都愛點的），蒜泥白肉，凍檸茶重慶三小辣湯底很好（沒試過這款湯底可以不妨考慮試吓，本人每次都點的一款湯底），米線軟硬適中，豬潤和竹笙很新鮮。蒜泥白肉：味道佳，是必點的一道小食凍檸茶：茶味佳，加上吸管是紙造的，十分環保♻️服務態度好，而且點餐後上餐很快。

近屋企既關係, 成日都落去幫襯, 見到新出左個滷汁牛肚蜂巢豆腐香辣鮮番茄湯米線咪試下囉.有少少失望既, 張相影到甘鮮豔, 實物見到D色水就吾多開胃喇. 吾太食到辣既關係, 叫左十小辣.見到好多蕃茄, 但其實個湯無咩味既, 蕃茄湯底都無蕃茄味.......蜂巢豆腐不過不失啦. 滷汁牛肚又係無味既, 真係食飽左肚就算喇. 不過算啦, 見佢$43又吾係貴, 真係求求其其又一餐. 唯一一樣好既係, 侍應姐姐同弟弟都好有禮貌, 態度非常好.

見到外賣app叫有折扣慶祝譚仔米線25週年慶一碗米線加拼一餸都只係25蚊但只可一餸 加錢加配都唔得·-雞肉麻辣米線少辣（$25）米線同湯分開裝最欣賞呢d設計米線唔會淋哂食開小辣既我覺得今日個麻辣過左少少似中辣🤭但凍凍地食辣d暖身下😂麻辣好嗆口刺激一下子就食到臉紅紅雞肉唔算鞋口$25食飽一頓🤤抵-滷汁牛肚蜂巢豆腐重慶酸辣米線中辣（$45）另加配炸醬新推出既限定米線配菜唔可以轉叫其他米線亦加配唔到豆腐同牛肚好鍾意食重慶酸辣個辣比較濃郁同有層次而且呢個湯汁好掛麵蜂巢豆腐吸哂汁而牛肚有少少過淋無口感🥲完全唔似食緊牛肚炸醬依舊出色調到豆瓣醬個味好正但上面層油有少少令人腳步😂

今日返工返到攰，加上開始夜，唔知煮咩好，就去買譚仔嚟食😆😆以前返學我啲同學會成日食到上癮，而家少左食，食返都幾好味😋有腐皮、豆卜、雞肉、丸，本身同家姐share, 點知佢飽左叫我食曬佢，今鋪唔肥都難啦🤣🤣仲叫左土匪雞翼，正！今次叫好多餸，好大碗呀！！開頭見到，真係覺得太多食唔曬，呢度起碼兩人份量，食食下，啲豆卜吸曬啲湯，咬落去個下，正！啲配菜甜甜地好開胃，點知我最後真係食得晒！！好滿足，叫多啲餸好開心！

上次介紹過譚仔既百搭豆卜有幾好食，今日親身示範一次! 😋😋🤣👉豆卜，炸醬，鮮冬菇，生菜 配蕃茄湯底+凍檸茶 $57咪以為好齋，因為豆卜配炸醬實在太惹味，所以要用鮮菇加生菜中和吓!😅唔點咁多肉，其實係成日出街食飯，多肉少菜，有點罪惡感啫。😝所以今晚想食清啲，但係唔等於淡茂茂㗎!😋😋😋個湯底仲有鮮腐竹，芽菜等，呢個配搭真係好好味㗎! 仲食到飽飽添!👍👍😍我就食極都唔厭喇!💖💖💖大家下次都不妨一試喇!👍👍👍👍👍

近日頻頻出街食飯，真係有點飽飽濟濟。🤪今晚收工決定是是但但，求求其其食碗譚仔勿演米線算了。🍜不過淨勿演又太單調，我通常會點埋豆卜。😍譚仔啲豆卜真係好百搭，煮得啱啱好，唔太淋又唔太硬，加上豆卜索滿湯食更好味。😋有時又會加個炸醬，將豆卜舖滿炸醬，一啖食落去，正呀!🤩又或者配蕃茄湯底，酸酸甜甜，同樣用豆卜索滿蕃茄湯，特别開胃。🤤在我心目中，彈牙嘅勿演衹係配角。百搭嘅豆卜至係我的至愛!🥰今晚特別點咗酸辣湯底嚟配襯我的至愛，不過有點辣受不了，下次都係要翻清湯。😛其實食碗譚仔米線，除咗要揀餸之外，仲要揀湯底，湯底有辣有唔辣，辣又有好多種辣，辣度又要分10級。🤗真係食一碗自己設計，獨一無二嘅個人化米線，一啲都唔求其，可能呢個就係佢哋長期吸引之處!👍😉

今日假期訓晏左 ，天氣熱辣辣，唔知食咩好，就去左食《譚仔雲南米線》早午餐一齊🥣🥢，排隊唔洗5分鐘，我自己點左個豆卜、畜生 （竹生）米線😚😚，要酸辣湯底，小小酸小小辣，岩晒我😎😎😎 每次黎到都點《四川青椒皮蛋》質量每次都一樣高質，辣得黎又夠香，放埋落碗米線更嘢味😋😋😋， 朋友仔叫左大米線加底、麻辣豬耳 、蒜泥白肉， 最攪笑試飲左 芫荽零七特飲同提子珠珠特飲，提子偏甜，🥰 🥰🥰 芫荽又幾好飲wow😍

通常自己一個人食 都唔會想嘥太多錢 所以去譚仔食係唔錯嘅選擇 而且自己本身都鍾意食辣嘢 但係因為疫情咁樣 冇得去其他地方食辣嘢 所以 唯有呢間頂住當先🙂兩餸米線連嘢飲 $39因為下午茶先咁平 識食梗係食辣湯底㗎啦 我嗌咗個重慶酸辣嘅大辣🌶️🌶️🌶️🌶️🌶️而兩餸係豬膶同埋腩肉 全部都係正常發揮 等我下次試下勁辣湯底先 食完大辣都覺得唔係太辣 應該食辣食到已經冇曬感覺🙈而最後叫咗杯凍檸茶🍋🍵唔太甜 幾好唔錯👍

今日，放假，好想食辣野，馬上諗起譚仔，我叫在牛丸，酸菜，炸醬，麻辣中辣小米綫，之後叫在一份黑柏葉同凍檸茶，我建意，如果食到辣朋友，可以叫中辣，因為我之前叫在小辣完全食5到辣味到，我覺得價錢好合理，因為我叫在都算多，80蚊都5洗