譚仔雲南米線 (觀塘廣場)

營業中

休息中

食喇食喇我又黎食喇! 宜家譚仔就好似變成左我既飯堂咁, 成日同男朋友每星期最少都會食一次, 今日雖然得自己一個, 不過心癮又黎自己一個都黎左呢度食....今日食左個一送既雞肉米 + 一份豬耳本身自己其實唔係好食得辣, 所以最中意就係會叫佢地既麻辣小食之後用黎沾上d米線度食, 咁食味道真係一流!!!! 唔會好辣之餘又多左一份麻既感覺豬耳一份都唔平嫁! 不過勝在份量都算ok, 而且係落個口感爽脆, 呢個算係每次同男朋友去譚仔必食既小食之一雞肉米(清湯) 其實都唔使多講喇! 米線唔算偏林, 又唔係好有咬口, 不過個麵身係幾滑, 口感算係岩岩好不過不失~ 整體都係正常野, 都係繼續幫襯

2條友o係觀塘附近做完野，想搵個地方坐低食個午餐先番公司。因為天氣凍凍地想食番d熱野，我地一問大家想食咩就話食譚仔la XD 點左米線套餐，再加一個四川豆腐其實譚仔唔係成日食，但一食依然覺得佢味道不變~我地覺得係情意結XD酸辣湯底永遠係最好，麵連湯一齊食正呀～因為係套餐就咩都有d，d餸都係果d野，墨丸同竹生都係我最愛～叫左個小食，個汁唔辣幾開胃，豆腐正正常常～間唔中食一次都幾好。

由於駿業街既分店被我列入咗黑名單後, 今次行遠啲過去觀廣食, 一出公司已經上網攞定飛, 去到好快就有位啦, 呢邊個場環境好濶落, 完全冇駿業街果邊咁逼仲要用人手攞餐, 呢邊可以用車仔推出嚟, 可想而知個走廊位有幾濶啦, 加上我認得啲侍應姐姐大部份都係馬碲徑果邊調過嚟, 我地落咗單一陣, 好快就有野食啦, 雖然呢到係遠咗少少, 但味道其實間間都係一樣, 今次試咗爽腸, 都係第一次試, 咁啱有同事想食, 口感係好爽口, 但我都係鍾意食豬耳木耳蕃茄湯底墨丸魚腐米線蕃茄湯底墨丸米線竹笙魚腐清湯米線走九芽豬耳爽腸木耳總結 :  就算呢間分店離公司遠啲, 我都會選擇去呢間, 因為打工仔一小時午膳時間好珍貴

外遊回港，回家放低行李， 匆匆出去搵食， 因為已經晚上九點幾， 冇乜選擇 ，見到譚仔米線仲燈火通明， 有好多人 ，環境都算寬敞，即入叫餐。 因為好肚餓叫咗兩碗大米線， 但侍應提示話你兩個食唔曬，好大碗， 建議先叫一碗，唔夠才加，於是先叫一碗，再加個新疆香草雞翼。雞翼賣相唔討好， 香草粉唔均勻， 外皮一舊舊，成隻雞翼好似受了傷， 雞皮帶有苦味，食唔落， 但雞肉味唔差，不會太乾，咬落有香草味滲出。蕃茄湯米線送到，真的好大碗， 多謝侍應提醒， 服務態度要加分。 湯底番茄味濃又不會太酸， 餸料好多， 豬膶薄而爽口， 魚蛋大而彈牙， 其他材料都不過不失， 有酸菜、肉醬做配料， 都算認真。食到飽飽，都係86蚊 ，抵食！！

當譚仔仲未發跡，只有長沙灣一間分店，到依家總有一間喺左近，我由中學食到出黎做野，望住佢嘅變遷，心情係複雜嘅。份量而言，其實大不如前。以前一碗米線已經足夠兩個女仔食，啲配菜更加係多到似一座山丘，性價比高，好抵食。依家同抵食已經扯不上邊。心水清嘅人，其實應該食得出佢個湯底都悄悄地改變左。味道單調左，高湯甜味逃掉了。以前即使係十小辣都會食到好似有小螞蟻喺咀唇亂跳，又麻又辣嘅感覺，依家只有辣味獨領風騷。不變嘅可能係佢啲餸嘅選擇，大致上無太大改變。豬肉竹笙十小辣係我喺譚仔時常叫嘅。今次豬肉略嫌煮過左火，竹笙爽口，但量少。不太肚餓嘅原故，叫左少米線，米線煮得剛好，不會糊掉。物轉星移，萬物都在變，不變嘅係對譚仔嘅情義結。

千其唔好係午飯時間去食, 尼間新開時去過2次,都OK. 但今日再去, 已經有同事講佢地早2個星期等左半個鐘先有得食,搞到遲大到. 心想不會咁唔好彩掛, 點知....等叫號等15MIN, fine, 人多. 坐下叫完野食等左25分鐘都未到, 仲有15分鐘不到返到公司就會遲到, 其間一直有人問D野到未, 等左勁耐etc. 冇辦法唯有走人.   總之一句:  千其唔好係午飯時間去食廚房人手嚴重不足! Super long waiting time for everything 

放Lunch和同事商量後決定試下觀廣間譚仔打電話落單去自取，打個包買返公司食姐姐落單很準，無落錯單，落到鋪就有，不用等很久除了包炸醬Packing唔太開胃整體來就都好吃，湯夠熱👍🏻

承上篇，上篇講到三哥同譚仔各有特色，介紹左我鐘意三哥既部分，今次又講下譚仔有咩吸引我。今日，黎左呢間觀塘新開既分店，都幾大間，晚上9點，唔係太多人，即刻有位坐。我地點了兩碗米線，味道不錯，寶寶表示譚仔既魚片頭較三哥的爽口。登登！呢個就係我黎譚仔最鐘意點既豬耳！好大碟，雖然我可以一個人食晒，但每次食完都有d擔心咁食法會唔會太高膽固醇，不過每次一個人黎譚仔，又無辦法避過豬耳既誘惑。連唔鐘意食豬耳既寶寶，係我既影響和豬耳既美味下，都同我一齊食，呢碟豬耳既魔力不容睇少。豬耳爽口非常，煮熟後擺入雪櫃冷藏，所以食落冰涼既感覺，和熱辣辣既米線成對比，加上麻辣汁，辣得過癮，十分美味。

聽講觀塘廣場上開左間譚仔雲南米線，仲要超大間，對於喜愛米線的我，經過緊要試試，入去坐低，個場真係幾大，燈光猛，環境都乾淨6點鍾，人唔多，但咁大地方，就算人多都快搵到位，坐低就叫左個魚腐，竹笙，腐皮米線走芽菜，5小辣（個人覺得太辣就只有辣，5小辣就差不多）米線來到，影相，先發現。。。原來我叫的。。。都是黃黃的，做就碗黃黃的米線魚腐，辣味都在表面，口感算彈牙，竹笙，爽脆，已沾染晒湯裡辣汁，每啖竹笙都有辣湯在口裡爆開，腐皮，柔軟順滑，亦染上辛辣湯汁，易入口，米線不過不失，份量足夠，可惜湯汁偏咸，可以清一點會更好最后埋單，一位45，謝謝收看

雞肉乍醬米線(重慶酸辣) 一個人要開飯，最緊要快靚正，譚仔搬左黎官塘廣場仲更覺得方便左， 今晚人流不算多，或者是因為地方大左，可容納客人更加多一向食野都好專一，所以都叫雞肉乍醬， 雞肉很嫩滑，而份量又多，乍醬就十分惹味，湯底點了重慶酸辣，味道十足，酸辣份量十分平均，就這樣簡簡單單的一碗麵就已經好滿足了。

收到消息，最近譚仔係觀塘廣場開左新鋪，位置咁近點都要去幫親下。呢日係星期日，而且又係打風既日子，雖然風球已除下，但食肆還未算熱鬧，也許六點還未到晚市時間吧。一向來譚仔都會點三小辣，但今天就想試試這個蕃茄湯底，墨丸還是一慨以往的好，而這個蕃茄湯底也意外地很香濃，湯底也帶甜，滿滿的蕃茄味，十分滿足。而小食我點了巴蜀爽脆生腸，但麻辣味不夠，而生腸又不夠入味，相比之前食過確是有落差，而且生腸也不太爽脆，希望下次再來時會有改善吧！