譚仔雲南米線 (長發廣場)

營業中

休息中

話說依家譚仔啲魚蛋配豬紅魚腐米線真係太難食，啲豬紅好似整到似魚膠粉咁難食，而且魚蛋又整得唔夠爽口彈牙，連街邊賣啲魚蛋都好食過譚仔。論服務態度方面，員工服務態度比以前差好多，真係超趕客。依家喺香港食飯真係限時限候，我當時已經食完碗米線再飲埋杯凍奶茶就閃人，殊不知有個四眼男仔同譚仔阿姐竟然催我食飯食快啲，佢哋竟然要趕住喺9:45pm就要收工。豈有此理，以往喺譚仔食飯一向都係收10:00pm，呢間譚仔請啲員工居然趕客，難怪有咁多人北上消費啦！🙄

今日見有下午茶就過嚟食下佢啦，下午茶$43有一碗米線同埋兩個小食，份量就梗係比平時少啦，不過食完都夠飽嘅。但係肉碎配白飯就真係完全唔掂啦，肉碎又少，啲飯又硬又乾，下次都係叫返米線有啲保證

行過打算幫襯, 入門口無人招呼, 入到去坐低又無人理, 嗌個人幫我落單, 佢搵第二個黎。黎到問我幾多個(明明一個人), 同講我唔坐得入面, 要清潔(明明附近枱都有人坐緊, 即係歧視一個人黎食咁話la) , 我話外面個位冷氣吹到正, 佢話呢度要做清潔, 我話咁你唔圍起佢?個客入黎唔帶位, 客人坐低多多要求, 好啦成完你, 唔會有下次幫襯

味道真係冇問題嘅🤓最大問題係唔知佢係請唔夠人定話太多外賣單，我要等30分鐘先入到坐，好興奮有得坐低，叫咗三碗麵一個皮蛋，最後嗰碗麵等咗40分鐘😅 仲要係我哋舉手話呢碗麵係我哋嘅，因為佢無咗張單lol 如果食個譚仔要咁耐真係扣好多好多分🥲 仲要八點已經冇晒蒜泥白肉，姐姐話一早已經冇晒喺等待嘅期間做咗一樣好無聊嘅嘢，自己本身係網上外賣平台，如果外賣送到屋企只係需要$130😅，外賣自取就$142，係到堂食就$160@@ 真係有啲無奈😮‍💨

今日帶住2個細嘅小朋友就唔周圍去啦，去到譚仔已經半場滿，姐姐見人開始排隊就開埋後場變咗唔洗等！叫左個乍醬清湯，個米線好鞋口…個乍醬都ok跟住仲有個過橋米線，啲雞肉好鞋、豬肉又好鞋、啲魚蛋牛丸墨魚丸又好實、米線又好硬…仲有食到土匪雞翼同香草雞翼，但係分唔出佢哋兩個嘅咩味🙄好咸

Weekend第一次用Deliveroo 買譚仔，因為menu係指定咗所以選擇有限，想叫2碗3餸但冇得揀，唯有叫2人套餐$143，有2碗2餸、1小食、2飲品。送貨都唔算太耐。但奇怪係個米線份量，堂食、外賣自取就食得多，經外賣app都係第一次，我哋一打開嗰2碗米線真係嚇到眼凸，好似將一碗正常倒開2碗咁喎😡😡😡但價錢又唔係平咗喎。個外賣膠碗已經唔大，湯+米線仲要得一半都冇(見圖) 睇吓雞翼個圖就知個碗有幾細。究竟係咩原因呢？經外賣app就會少一半？？？ 冇可能係一時錯手吖，包外賣個姐姐都應該會覺得奇怪🤔真係好離譜囉……攪到我屋企人認定咗外賣app係信唔過😭叫我以後唔好再用~

嚟長發買譚仔，如果係外賣🥡，起碼早15分鐘前叫先會唔駛等！所以我通常都早20分鐘就打定去，跟住佢哋就即刻俾錢我哋其實譚仔真係好好食😋，早兩日有朋友介紹我食皮蛋，一試真係上癮我已經連續食咗三日譚仔😂 太誇張喇今次就嗌左炸醬清湯米線、過橋米線套餐、大土匪、重慶口水雞翼、皮蛋同埋蒜泥白肉❤️ 首先要講吓過橋米線套餐，同喺堂食有少少分別，啲米線會少啲嘅，大食嘅朋友可能唔夠食另外，下次土匪雞翼一定唔會外賣😂 因為焗淋咗，味道比起堂食有冇大分別😥蒜泥白肉就好普通，唔知點解同堂食有少少分別😂另外果兩樣都好好食，皮蛋同埋重慶口水雞翼❤️ Btw 譚仔嘅檸檬茶係最好食😋

其實平時好少去自己屋企附近食野，因為成日都覺得隔離飯香🤣但今次因為係樓上體育館打完波好肚餓，就好想快d有得醫肚。就衝左落黎譚仔到開餐啦🍽之前其實見到佢既廣告話有新口味，個心一直都好想食。所以就同友人兩個share食，我地點左香茜皮蛋魚湯米線配脆肉鯇$43另外加多3蚊要多香茜，再揀左杯新特飲凍葡萄特飲配乳酸爆珠$12（跟餐價），仲點多兩個小食巴蜀爽脆生腸$30同川風香辣黑柏葉$28。新個米線無想像中咁重香茜味，但都叫味道正常而且d脆肉鯇口感剛剛好。而杯特飲就甜甜地有爆珠就口感好過癮，而兩個小食可以揀少辣都幾貼心既。由於兩個小食同平時食開既無咩分別，但係都係好好味！呢個集團準備上市希望佢地會保持到水準啦！

其實我本身好少食呢一間分店之前食過一次堂食都係耐耐地，仲係一個下晝冇乜人食既情況下老實講今次為咗dindong揮春先去買外賣，唔係我寧願食青衣城間三哥買嗰陣明明得兩三個人點知原來係大家都知道佢要等好耐，所以去買晒所有嘢先返嚟拎外賣最後我就等咗半個鐘由我買到我拎外賣，中間隔左30幾張單，連埋堂食即係平均廚房每1分鐘先處理一張單廚房係咪得一個人呢？我以為係例外今日特別多人發覺在場等既其他人話平時都係咁耐絕對冇下次個外賣啲米線好硬，湯本身嘅配料又少

啲人成日問你係譚仔派定三哥派，我次次都答鬼知咩，我業餘寫食評架咋大佬，食就食啦。但係過左今日我應該有個答案 我想轉投三哥派。今日同同事食飯 你可知道青衣已經少黃店架啦 近乎係零黃店 又廢事係同事面前擺明車馬講立場 搞到面左左 譚仔都算係可以接受既選擇（如果有青衣友 求推介黃店呀唔該！）今日照舊雞肉炸醬加杯凍奶茶呢啲基本野啦 三小辣，三小做到十小咁 不過辣度呢樣就習慣佢地飄忽 都唔太大問題。但係可能唔係好慣譚仔既米線 食落極幼 仲要有種爽口既感覺 唔係有咬口果隻 係直程有種會索索聲果隻，我就麻麻啦 唔係差到要踩既 各有各喜好啦 不過譚仔就真係不了

譚仔人人都食過但係都有一啲好食同唔好食嘅分店同朋友叫佐過橋套餐份量好足夠，一也個餐入面有齊甘多樣野😂唔洗爭💁🏻 佢個酸菜我通常都唔加係麵度食食前菜 開胃另外就一定要食土匪雞翼土匪雞翼好新鮮食落熱辣辣👍🏻皮脆肉滑👍🏻👍🏻但失望係鹹檸七唔夠咸飲落去同飲7喜係無分別既另外豬耳同脆腸都值得推介兩個既醬汁都好入味小小辣同埋好脆口 無異味食內臟最怕有怪味點一點醬汁食好食最重要係脆口好食我個人就鐘意啦，食口感😂😂

今晚想偷懶唔想煮飯，唸住近近地落樓下食啦，點知落到去長發商場間間食肆都要排隊，最後見譚仔好似少人D所以入左黎幫襯，因為呢間鋪真係好大間，容納到好多人，不過都座無虛席架本身黎到唸住都係例牌叫個D嘢啦個餐牌都識背啦其實唔使睇都得不過細心D留意，原來之前限定推出既"巴蜀爽脆生腸"而家又有返啦好記得之前食過一次已經覺得好好味估唔到而家又有返，咁當然一定要叫啦食左都依然係咁爽脆，好味大白肉細土匪套餐清湯總括，呢間分店真係好大間，需然坐滿晒客好繁忙，但d姐姐既服務態度都好好，同埋最緊要落左單之後上菜既速度都算幾快，又坐得舒服，值得再黎

今日感冒睇完醫生，諗住附近食D野就回家抱頭大睡。🤧😴 行到入商場見到譚仔雲南米線，就不作考慮入去坐低。望完餐牌，就點了豬潤、牛肉米線，清湯底。（平時我會叫小辣） 不到十分鐘大大碗的米線已經送到面前。除了我點的豬潤和爽滑的牛肉外，裏面還有韭菜、腐皮和芽菜。材料十足，連帶有豬潤味的清湯也很香濃，非常好味。很快我就吃完了。最後本想叫侍應姐姐比杯清水我食藥，點知侍應姐姐很晦氣地對我講：「先頭落單你唔講埋！」😡唉！我冇精神再同佢講，埋單走人！

其實十個有九個香港人都會食譚仔，分分食譚仔仲密過返屋企食飯（心中相當羨慕有住家飯嘅朋友），食過甘多間譚仔，系過不同時段食，呢間譚仔啲呀姐都夠晒無禮貌！話說星期六下午一、兩點左右去食個飯，只係點左豬潤腩肉米線、同豬耳，我份餐足足等左半個鐘都未有，之餘同啲呀姐追下餐，啲說話仲要句句有骨落地：小姐，依家飯市，係等耐啲嫁啦，等唔到唔好食呀嘛！試問有乜野飯市，點一份甘簡單嘅餐要等30分鐘？！豬耳就預先一早整起，碗粉就煮熟啲肉就okay；兼且果日間譚仔六、七成full炸🤯

譚仔都食左咁多年，食晒咁多種湯底同辣度未呀？今次想介紹番譚仔先有嘅蕃茄湯底🤩佢個湯味道酸酸甜甜又好清，個人覺得加埋少少辣，個味道會更佳。不過唔好叫太辣，蓋左個蕃茄湯本身嘅味就無意思啦！同埋佢出d冷盤都幾有新意，有得同三哥對撼架！