影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
食家推介
招牌菜
【油尖旺區】【讚記廚房】又同大家嚟到尖東搵嘢食，今次呢間茶記小廚都係喺寶勒巷。好耐之前嗰單卡拉 OK 縱火案估唔到到而家都會有新進展，事隔 27 年，嗰一帶好多嘢都已經唔同晒。今次想講嘅呢間餐廳，睇個樣都開咗一段時間，佢哋賣緊嘅唔係咩特色嘢，都係啲港式小菜。不過我一條友去，又真係食唔到啲乜嘢。都係搵下有冇啲客飯，甚至如果有常餐就最好，最後發現係冇嘅。咁就求其搵啲嘢食啦，本身諗住叫半隻雞，但係當刻諗落又好似冇咁肚餓。見到佢哋嘅「讚記特色雞飯套餐」有兩款，一款辣，一款唔辣，要唔辣嗰款。講緊嘅即係 $71 嘅「讚記客家沙薑雞套餐」，佢有讚記客家沙薑雞加碗白飯同一兜例湯，個例湯都幾熱，我最後係食晒啲嘢先飲佢，咁先飲到。而啲雞只能夠講係可以，醬汁唔算好食，整體一般。加 $3 飲「凍檸茶走甜」，正正常常。埋單 $74，冇乜感覺。。。（地址：尖沙咀寶勒巷6-8號盈豐商業大廈地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #紅磡 #尖東 #尖沙咀 #1am紅館 #讚記廚房 #讚記特色雞飯套餐 #讚記客家沙薑雞套餐 #讚記客家沙薑雞 #白飯 #例湯 #凍檸茶走甜 #1am1595 #1ambackup
繼續閱讀
火腿通粉煎雙蛋早餐湯底濃郁味偏鹹，屬於傳統嘅火腿通粉味道，現時好多新開嘅餐廳都唔識做呢種湯底，唔係咁容易揾返e種口味。通粉軟熟度啱啱好有口感，火腿正常，火腿通粉份量較細少但係好食。兩隻煎蛋都煎得好靚仔軟滑美味，蛋黃唔會散漏，雖然係簡單嘅烹調，家吓好多餐廳都會煎散隻荷包蛋又或一早煎定實掘掘。牛角包較為普通，屬於正常水平，略嫌唔夠熱。咖啡質量可以，味道夠濃，有奶香味道兼滑溜，可惜略為偏苦澀味，種類屬Arabian coffee 。餐廳裝修簡單整潔，係傳統港式茶餐廳經營模式，顧客坐低立即俾杯水，如果𨍭為杯清茶咁就冇得頂。店員服務有禮貌勤奮，快手快腳。杯碟刀叉餐桌清潔乾淨，座位枱凳通道寬敞，椅桌較殘舊，而且張枱高度有啲怪怪較為過高。價錢屬於街坊大眾化，以尖沙咀地段收三十五個大洋仲可以食得飽。餐廳夠水準有誠意。
繼續閱讀
尖沙咀寶勒巷，是一條經常會堵車的内街。街内餐廳林立，由於今天早上要去尖沙咀出差，我去了一間叫讚記廚房的餐廳吃早餐。點了一份蛋牛治烘底，蛋是半生不熟的口感，大概是7成熟的，配上咸牛肉，味道絶了。面包是烘干的，帶一點點脆，那個口感一流。外脆内軟，還有一點點蛋液流出來的那樣，可惜份量比較少，如果份量能大一點就完美了。這間店的熱奶茶也很不錯，本人最怕喝到用不銹鋼杯裝奶茶的，喝起來風味全無。還好他們用的是瓷杯, 現在已經很少店願意用瓷杯了。
繼續閱讀
員工好Nice老闆又好人有交帶，嘢食都唔錯公司試過幾次訂約20幾人嘅外賣，能準時攞到而且老闆相當細心包裝妥當，送到會埸完全無倒瀉乾淨而且仲係熱辣辣好有水準又有鑊氣，好味😋😋😋👍🏻👍🏻👍🏻佢地嘅魚香茄子炆米，沙嗲牛河炒蛋底，瑤柱蛋白炒飯，西炒飯，豬爽肉干炒出前一丁，仲有茶市西多士，同事食過都勁推介👍🏻👍🏻👍🏻睇番佢地餐廳嘅菜單仲有好多嘢未試過會繼續再嚟試埋其他好味嘅菜色
繼續閱讀
同事推介咗呢間下午茶抵食外賣，$49大大兜而且都幾多選擇，有唔同嘅炒粉麵飯，仲要包埋野飲～叉燒炒蛋飯💰HK$49今次就簡咗叉燒炒蛋飯，佢個賣相有啲似滑蛋叉燒飯，不過啲蛋冇咁滑！叉燒亦充滿咸香，撈飯一流～
繼續閱讀