豆漿王阿媽

營業中

休息中

呢間係一間遠近馳名既食店，並不是佢嘅食物是非常好味，而佢遠近馳名嘅原因，係因為呢間舖嘅老闆娘 態度非常之惡劣，如果你係想食比較好味中式嘢嘅話你即管可以去試，但係就要預左一定要忍受呢位老闆娘嘅脾氣囉 ，因為間舖得佢一個人，佢做唔切，就會搵客人嚟出氣，一路鬧客人，但係佢啲早餐食物係算好味嘅 ，所以佢係唯一一間態度惡劣而我繼續幫襯嘅店舖(佢都鬧過我幾次)，但都係提醒大家啦~如果你係想食好味嘅中式早餐，又要好好嘅服務嘅話，就絕對唔好幫襯佢啦~如果唔係你一朝早未食個早餐就會一肚氣，但係如果你唔介意服務嘅話你想食中式嘅早餐嘅話你可以去食。

很久沒吃粢飯，偶然經過土瓜灣，遠遠看見店舖，很期待地想試一試。是一間舊式小店，坐下進餐，已聞到淡淡的噏味。，餐桌也黐立立。點了一個鹹豆漿和粢飯，鹹豆漿的碗內邊有不少舊跡，我立刻已無乜胃口。另一邊廂，聽住老闆娘響度鬧門口剛走了的客人，又話人塞住佢個門口，又話人兩母女拗來拗去要唔要豆漿。一陣佢又在廚房洗碗，洗得極求其，跟住有客人來了，他又埋怨人家阻住佢做嘢。最後，我勉強吃了幾啖鹹豆漿，粢飯帶走掉了。非常差的體驗。

好耐無食王阿媽啲粢飯，見天氣咁凍買個返公司食先。一如既往，阿媽啲粢飯都係飯比較多，冬天食都ok 食完個人會暖笠笠，夏天食太多飯會好濟同食完好易眼瞓💤🤣🤣🤣佢嘅油炸鬼好脆口，雖然炸菜好咸，但加埋飯一齊食都ok。👍🏻👍🏻

朝早撘車去咗這家店鬆一鬆，未落單已經聞到撲鼻的鹹豆漿香😋。拜託阿媽做左一碗鹹豆漿同埋粢飯，心裏暗諗：呢啲早晨嘅暖意，真係得阿媽可以煮得出嚟呀！來碗鹹豆漿，豆味十足又滑潤得黎，材料好優 generosity 的種，油條脆勁，榨菜同呢拜的香口，真係咸香夠晒味，一啖拉開嗲個日子！話晒轉頭，粢飯啱啱好咁露面。佢大舊嘅樣貌，實喺吸引哂眼球！嗲得滯的糯米，吸足咗肉鬆同榨菜嘅精華。講真，你話佢係舊普通嘅粢飯？邊得㗎！一咬落去，糯米QQ，肉鬆鮮味重，呢啲就係我諗起就咬下去嗰種滋味！而家每日咁多新餐廳湧出，要我返嚟這家店？絕對無問題啊！只要阿媽仲喺，心情低落嗰日就知邊到搵暖囉🤗👵🍚。希望這種平民美味，香港永遠都保留得到！

這間位於土瓜灣的上海菜小食店已遠近馳名，是老闆娘的待客態度，所以今天來試吃，也已有被罵的準備。小店只有４個品項，售完即止。今天目標是粢飯，所以只點了一個粢飯。 更何況到達的時候，窩貼已售罄。點餐的時候，老闆娘正默默地為客人包裹粢飯。 入到店，老闆娘看了看我，沒有說話。 我就在這時下了單，要一個粢飯少飯，老闆娘淡淡然地回答：「好呀」雖然有點冷淡，但並沒有網上描述的惡劣。可能是我走運，老闆娘心情好?很快，老闆娘包完上一位客人的粢飯，著手包我的，雖然她並沒有為我少飯，不過算了吧，以免為小事起事端。粢飯$20 一個拳頭大一點點，不算太大。 一個人吃剛剛好。 粢飯是暖暖的，不太乾不大濕，飯粒粒分明，不會黏在一起，有點糯米香，飯粒有嚼口。但飯還是太多太厚，我還是喜歡「豆漿大王」的薄粢飯。 且油炸鬼明顯是冷冰冰的，與粢飯的飯一起吃起來，有冰火的感覺。但油炸鬼不是淋的，部分很脆，部分不太脆。 肉鬆驟眼看以為是一些廉價，又乾又韌的無味肉鬆。怎料，肉鬆不但不乾不柴，還有點酥香，帶點甜味。 榨菜反而令我大感失望，感覺是那些即食的包裝榨菜，味道極鹹。 整體而言，街坊小食來說是不錯的，但跨區來吃則無須要。 

每朝番工都會經過呢間唔多起眼又神秘嘅小食店終於早幾日行過見到櫃入面仲有鍋貼就諗住買幾隻做早餐本來想買埋豆漿但佢只有杯裝 (要搭mtr,拎住唔方便）所以就放棄左唔知係咪因為呢個原因王阿媽發晒老脾叫我行開啲 話我阻住佢我再睇番網友嘅食評先知道王阿媽出晒名臭脾氣亦有唔少人因為呢塊喺正大門口但 不可踐踏嘅神秘鐵板無辜被罵真係一間不可思議嘅小店大家如果有興趣見識下王阿媽嘅古怪臭脾氣可以 儘管 毫無顧忌地踩上鐵板試試看最後 分享返鍋貼嘅味道其實味道不錯拎到番公司都仲有微温皮係厚實咗少少但係餡料好juicy

經過見到好耐冇食粢飯，見到婆婆現場立即包🫶🏻好耐冇見過。粢飯軟硬適中😍同價$好平$19 平時買開28-30元，仲要唔好食😔豆漿超濃豆味😍I like鍋貼可以不食😅唔特別

係 FB 見到有街坊講王阿瑪，話佢好有性格.好聽就有性格! 唔好聽就臭檔.早年係紅磡返工，日日都會經過王阿瑪，經過4~5年，但我幫襯佢次數唔夠十次! 原因係店舖發出超級負能量，我唔想一早就食D負能量人士制造嘅早餐.每次經過，總會聽到不停埋怨或鬧人!好似今次打算寫食評，係門口等買鍋貼，佢又埋怨，叫個客等等就不停埋怨...."等幾分鐘都唔得!我D煲又未洗又無人洗，幾煮嘢呀!"其實個客無話唔等得, 而且叫客人等等就得啦，理鬼理洗咩?永遠鬧客人唔好企上門口塊鐵板，企翻出門口.之後又鬧入面個女大媽客! 個客好似話豆漿變酸，老闆娘又鬧人! 仲話唔得閒招呼佢，俾錢就行近門口俾錢....輪到我，表示買八個鍋貼，佢話除非我買埋豆漿，否則唔會賣咁多俾一個客.當然一買一賣，你情我願，咁我仲開心，反正食負能量又唔係好事，走人.係咪全香港最負能量食店，我唔敢講，但肯定係全土瓜灣最負餐廳!

今日又要去紅磡見客，所以又搭咗車去土瓜灣，諗住食埋個早餐先見客，朝早又落住雨諗住求其搵間舖頭食個快早餐就算，經過見到一間叫豆漿王阿媽，個名夠特別，坐低叫咗個粢飯加埋杯熱豆漿，豆漿的確係新鮮滾熱辣，但係味道略嫌太淡，淡到都飲唔出係豆漿味道，絕對要自己再加糖，熱粢飯嘅味道其實係唔錯嘅，不過材料可以再多少少， 飯實在太多，亦建議盡快食晒，因為凍左就變硬，硬咗就唔好食會影響質素，但係拎出嚟熱辣辣嘅時候係軟同埋好食嘅

-好惡劣😰{土瓜灣粢飯早餐店}又一間幾出名嘅粢飯店 依度只賣粢飯 窩貼 甜咸豆漿😌🤤粢飯🤤 ($19)榨菜好咸 啲肉鬆份量正常 啲飯係幾軟糯煙韌嘅 但最底啲糯米濕濕地癡埋一嚿好失望🥺👖褲評: 5/10🤤凍豆漿🤤 ($6)有啲腐皮渣飲到最後會好潔身😂😂😂一直都飲到陣怪怪的後韻 最後真係見到塊「陳皮碎」🙂應該係👖褲評: 3/10以為係好食嘅粢飯所以態度先咁差 原來純粹係態度差野食同衞生都好有問題😕食左15分鐘已經打走左兩隻蟻 尤其啲枱同醬油樽都癡粒粒😰性價比: /服務: 3/10環境: 3/10🚩 豆漿王阿媽 🚩地址: 土瓜灣馬頭圍道220號地下#fuudjai #fuudjai中式 #fuudjai土瓜灣

今日陪男朋友返工，男朋友好推薦呢間嘅秶飯就打算試下，見到門口都有幾個人排隊外賣，我係堂食，就等左陣。叫左一杯凍豆漿同埋四個鍋貼，鍋貼唔算熱，頂多微暖，但我覺得係最適合入口嘅溫度，皮比較厚有少少難咬，餡唔算好多，食完有少少胃痛；豆漿比較出色，好飲到想飲多杯。但值得一提嘅係老闆娘嘅待客態度好差，我明白成間舖得佢一個人，但係有客嚟嘅時候佢都冇即時應個客，反而叫個客等咗一陣；舖頭同佳中間有一個提及，我買嘅客人奇想咗一個提及，佢就即刻叫人企返落去，超冇禮貌，之後成日黑人地面，收完錢直接又去包餃子😰 雖然豆漿好好飲不過態度真係好西😕

新鮮包既粢飯幾乎係可遇不可求既野，但係土瓜灣一帶就潛伏左三間有粢飯供應既小店，仲要限時供應。一場黎到，點都搵間試試。一行入店，老闆娘就熱情問想食咩，因為好難得食得，就一次過嗌粢飯同鹹豆漿。先黎鹹豆漿，有豆香，浮面既油炸鬼半腍半脆。等左陣，途中有幾位客人外賣，都等耐左，最後大大舊既粢飯都黎埋，熱情既老闆娘話，想打卡影相可以叫佢切半🤣糯米頗多，肉鬆同榨菜都足夠，油炸鬼係硬脆果種。同紅磡既滿堂樂類近，但價格更相宜。想追求靚既環境呢度真係無，但有既係濃濃既人情味，都係現今高度發展既市區買少見少。

這店平時只開上午時段，只有老闆娘一個人打理。在這店不要要求太多，否則只會被罵-我初初食的時候是選擇了粢飯，見他即刻手包，比外間不同的是他用了膠袋代表平時的保鮮紙，到我手的時候熱焫焫的，又可自己改變形狀的粢飯-店內還有餃子選擇，每隻都脹卜卜，雖然不太熱，是微暖，但價錢卻非常貼地，食2隻都夠飽，非常大粒-凍豆漿也好飲，但對我來說，有點太甜，但是正常的，因為我比較好低糖，所以應該是正常甜度。-最後，希望老闆娘會笑下，唔好成日黑面，畢竟食物也不是很差

第一次去買早餐，見到得四樣嘢食賣已經覺得好奇怪，舖頭入面冇食客，個開放式廚房都係空無一物。附近其他舖頭未開門，又肚餓唯有試一試。點知中左個大伏。舖頭得四樣食物: 鹹豆漿，黐飯，鍋貼，豆漿，最後買左個鍋貼。本身諗住坐低食，但係間舖頭實在係太奇怪，所以都係叫咗外賣。返到屋企先知啲皮散開晒，粒肉近乎見唔到，仲要又凍又難食。等拎野食途中有個後生仔好聲好氣問佢有冇炸两賣，個老闆唔識整冇賣就鬧走左佢，唔似係打開門做生意。

早上咁啱去完附近健康院抽血，餓了咁耐，行行下見到呢間。網上食評好壞參半，決定一試入到去才知呢間舖得四樣嘢賣勁喎粢飯都大嚿即包飯我覺得硬了少少油條勁脆買了兩隻窩貼回家皮厚了啲，但足料