豆漿王阿媽

營業中

休息中

因為近巴士站，有時早餐唔知食咩，所以光顧過三次。今日之後我應該不會再去。第一次，堂食既，衛生條件差，碗碟都好有歷史。塑料既好「復古」。而且收錯錢。四個鍋貼加甜豆漿收我25，到而家都未知點解咁貴。因為趕巴士原因，都無追究。第二次，外賣走，都算正常。第三次，外賣，態度好差，好惡。我問係咪豆漿可以拎走，佢好串好惡話「凍熱都可以拎走」「一杯熱豆漿拎走」之後佢行入去裝豆漿 我企門口。之後佢出黎好惡同我講「唔該企出去」我買嘢 有比錢 等嘢食有咩問題。洗唔洗咁惡咁串。一早就遇到呢啲怪咖真係無哂一日好心情！

全間舖（老闆都係）唔戴口罩咖!!今朝七點幾想去買外賣，門口見到已經班人唔戴口罩係度等外賣，跟住望埋入去，個“王阿媽”又係唔戴，個員工又係唔戴，兩個仲唔戴手套一齊準備食物。疫情當下，衞生情況都仲係咁惡劣，真係以後不了。

早晨，星期六，早上十點，大家起咗身未啊？好多人都話台灣嘅早餐文化根深蒂固，相對香港好似冇咁多元化，我哋流行嘅早餐文化就係離不開茶餐廳，中式早茶或者食碗粥加油炸鬼。台灣人很喜歡鹹豆漿加粢飯，我又想起在善導寺阜杭豆漿 嘅早上，就好掛住台北，吃著蛋餅，油條，鹹豆漿，栥飯，多美好。在土瓜灣有兩間非常有名嘅嘅栥飯店，一間係上海美華菜館以前我曾經非常支持，但有一次因為老闆娘熊度嘅關係我以後都決定說，不了，就算個粢飯幾好食都假。於是，自然會幫襯上海豆漿王阿媽。早上十點幾都冇乜人，外賣回家吃才是抗疫嘅最高境界。店內都是簡單的幾個選擇，本身想食下餃子，但唔想太飽就簡單要了鹹豆漿或粢飯就算了。為什麼想介紹呢間餐廳，因為有朋友剛剛搬到紅磡，佢話佢喜歡食豆漿栥飯，嗰日先同佢講起呢間舖頭，然後今朝想食個好點的早餐後，就過嚟了。這個老闆娘都是有性格，但至少未試過有同佢衝突。回到家後，鹹豆漿仍是熱辣辣，豆香四射，加了點辣，再加上新鮮炸嘅油炸鬼和蝦米，我幻想自己在台北阜杭豆漿 的早上，又或是在上海的桃園眷村。呢度嘅栥飯和美華比較，有點難，的確美華栥飯中的油炸鬼真係炸得很好，吃入口都好似吃薯片咁脆咯咯，呢個係王阿媽嘅不

今早老公買了上海早餐俾我食，有熱甜豆漿（好杰好濃黃豆味）、大大個足料粢飯（有脆油條、甜肉鬆及炸菜，餡料冇其他地方整的咁少啊👍）😋😋😋，最驚喜老公買埋4隻大大隻鍋貼回來，我們每人食2隻，個煎餃個皮勁脆，好多肉餡好juicy爆汁架，2.5元/隻，聽他講每日每人堂食or外賣只限購4隻乍，早賣完就冇啦，怪不得他今日話本來之前想買俾我食都買不到，他話下一次帶埋我去一齊食煎餃😊!隻鍋貼我食過一次後，完全返不到轉頭，不會食其他餐廳的鍋貼了，整體味道及個皮勁像生煎包咁好食，可惜每人一日只可買4隻，老闆娘好堅持架!……😢全部都熱辣辣架，栥飯係落單後即包架，冬天食這些上海早餐一流，好窩心架!❤

本人好少寫食評，但今次真係不吐不快，呢間食肆啲食物只可叫正常唔可以稱得上好好食，但係態度真係十分十分十分之惡劣(全無禮貌可言)， 你話好好食要受氣，又或者有好多客人你兼顧唔倒禮貌都算， 但偏偏拍曬烏蠅得我一個客人，都要對客人呼呼喝喝，自問已經客客氣氣唔該前唔該後， 因每次經過都係得呢個阿姐喺度，所以有理由相信佢應該係老闆不是打工，在土瓜灣大把食肆咁多競爭都好似唔休做咁，咁我唯有成全你我唔會再幫襯， 絕對係貼錢買難受。

一向都好少踏足土瓜灣 知道呢邊多好嘢食 咁啱今日又來呢度附近做嘢 見到附近有呢間專食粢飯豆漿嘅上海店好似唔錯 你之前有上網睇過食評好多人都話老闆娘態度好差 就心慌慌咁入咗嚟點知入到黎老闆娘其實都幾好人 我熱情咁問我睇吓想食啲咩 見我要等埋個朋友佢都冇燥底首先當然要叫咗佢嘅粢飯 同埋熱豆漿粢飯承諾我覺得普通唔特別 油炸鬼唔脆 榨菜有啲咸 不過整體食落味道可以反而個熱豆漿有驚喜 質地濃稠 比起我以往食過嘅都杰身 而且佢一大碗咁樣只係6蚊 飲哂係相當飽肚再叫多兩隻鍋貼 皮較厚 我挺喜歡的 有咬口而且傳統的都是這樣比較有飽足感

粢飯 $18Glutinous rice ball————睇其他食評聽講老闆娘好惡，不過經過見到有幾個人係到買緊好似無咁驚😂咬落去飯糰有小小鬆，不過自己紮翻好就OK啦。味道有小小太鹹Shanghai glutinous rice ball $18——————Quite a lot of people reviewed that the lady here is a bit impolite Luckily, I didn’t make her angry by ordering clearly. LOL

上海鍋貼🥟$2.5/個幾個月前，經過呢間小店，諗住入去試🙃結果未入到門口，已經俾老闆娘鬧走，仲要即刻落閘😂個陣早上11點未夠🙈其後先知老闆娘長期燥底😅今日又經過個頭🤨今次醒水，見到舖頭裡面無人，而個保溫櫃仲有4件鍋貼🥟二話不說，即刻要哂佢😂老闆娘突然大聲講：好耶，收工🤘🏻個陣先啱啱早上十點🤨老實講，好食既👍傳統上海式厚皮鍋貼🙂好大件，好多肉，而且充滿肉汁😋但感覺比較油膩😗

說起上海的早餐，令我回想起差不多十多年前，那次一個人去上海旅遊，每天都在同一間食店，飲豆漿，吃小籠包，生煎包的情景。多年來沒有回去上海自由行，很久沒有再體會食上海式早餐既風味了。香港這一個多元代的國際都市，有一部份的繁榮仍要 credit 上海人的。在香港街頭，有心去尋上海老味道的話，一定找得到。而在我平日上班的經過土瓜灣的那一段路，有一家名叫《上海豆漿王阿媽粢飯》只開早上，時時都吸引我去望兩三眼。近來因送兒子上學早了出門，我就故意在土瓜灣停下來，食返個上海早餐。 這兒沒有小籠包，所以我點了鍋貼。此店是逐隻鍋貼收費的，所以食多件就收多一件錢，盲就係咁簡單。下圖是我第二日來食的早餐，四件鍋貼，一杯豆漿，很傳統的上海風格早點。 鍋貼，是傳統的厚皮，單面煎的。厚皮增強了煎餃的口感，也把餡內的肉汁吸收了，令到整個鍋貼由內至外斬充滿了肉的鮮甜味。 咬開，是充滿肉的一件美點，甜美的肉汁除保留在肉餡子內，餃皮的每一個部份都吸收了，味道豐富，做法傳統，這一個 "王阿媽" 的確有幾道散手。 豆漿也是她自製的，不過應該是一早整定賣一整日的。豆味濃，夠甜，夠香，夠滑，當然，也夠凍，很好飲。 我第一日

我諗老闆娘志在過日辰，上星期六早上經過入去問佢係咪有粢飯，佢當時整緊一個，跟住整豆漿俾有個客坐係度食，佢一路無答我，再問一句佢話咩呀？你要幾多個？我話一個，佢啲態度真係想唔買，味道好淡，無下次

今早去買早餐,  共$16.5.俾錢老闆娘個陣, 我俾$56 , (應該俾$56.5, 方便佢找番齊頭$40, 但當時我忘了個外賣碗要另加$0.5....)點知佢發晒老脾, 掟番6蚊係出面張枱度, 聲大大話"唔夠呀", (我當時前後, 都聽/講緊一個重要電話, 無空間俾回應佢, 如無講緊電話, 寧願收番自己d 錢, 唔要呢份早餐走人...) 當時佢係鋪內, 我係鋪外, 鋪面門口有一級鐵級仔, 咁我米行前兩步, 俾多一蚊佢  (因外賣碗要加$0.5),   點知又突然呼喝我" 唔好踩上黎"  ( 心諗：哇, 大嬸,  個個客出入都會係門口踩上踩落, 佢真係攞嘢黎趕客)呢間嘢,  以前好間中都會幫襯,  今朝咁樣, 真係絕無下次. 無端端晨早俾人呼喝, 真係第一次.

今朝去買早餐，店主企左係廚房度叫左幾聲都唔應，終於請到佢行出妮整個粢飯外賣，全程黑面好似阻住佢做生意咁，明明無叫豆漿佢聽錯左仲要態度勁差回應，比張一百蚊佢找比番五毫比我，我只不過提一提話我比左一百姐，跟住佢就大大聲話找緊比你囉做得切至得嫁，我都係問下姐唔駛咁惡咁無禮貌呀，貼錢買難受仲要比人話再好味都唔會再幫襯啦，何況佢又唔係特別好味，呢間野真係可一不可再！

今天早上買早餐，點知去到時那老闆娘在洗野。叫粢飯豆漿，叫完冇反應，佢繼續洗野，叫聲等等好難咩，冇D禮貌。洗完野隻污糟手竟然立即包粢飯，佢仲要用包粢飯條毛巾抺手。超污糟！食物方面，那個粢飯內肉鬆很少，收這個價錢實在不值。飯也明顯地硬。味道不好．而且那些炸菜郤很多，是不是因為炸菜很便宜?粢飯內油條很硬，就是吃一口硬粉，明顯就不是新鮮油條，一定是昨天或昨晚未賣好的材料。一句到尾，粢飯就是難食，而且收錢和包粢飯也是同一雙手，包粢飯也沒有用手套...十分污糟!!!  一句總結-->超難食!!!!!!!!!!服務方面，十個差。收錢時老闆娘說20元5毫，我比了2個2毫1個1毫，她立即超級大叫發難罵我，又說2毫1毫不流通，我真想報警。你沒有權不收呢......而且你何必定價有5毫呢！態度惡劣！因為我趕時闁，我另比張一百元紙幣，她又不夠錢找給我，找了很久零錢.....竟然找19.5元也是一元二元。你找19.5元大餅人重到死又得！今時今日咁的態度，我再也不會光顧。**我是特意開個ACCOUNT來寫食評的，你可以想像.....此店有幾咁差。

叫左咸同甜豆漿。仲叫左一個粢飯。甜豆漿ok有豆香。咸豆漿十分之好味。重來唔鍾意咸豆漿既我都會encore.粢飯都好食。不過變左配角。太肚餓，唔記得左影相tim.

我家附近有家在區內很有名氣粢飯的上海菜館，不過有在這區居住多年的食友跟我說，這家的粢飯也很好吃，可是我有點懶，想早餐時段去買但又不想行那麼遠，一直拖著拖著最後就忘記了。某天周末經過門口到下路的巴士站，猛然記起終於有機會可以一試這裡的粢飯，而且有鬆弛陪同，如果不好吃的話也只是吃半個而已。粢飯即叫即包，只有鹹沒有甜，另外我們還要了一碗熱豆漿。粢飯的賣相比平常的楕圓，像一隻駝鳥蛋。先咬一口，因為裡面包了很多飯，所以一口咬不到裡面的餡，中間包著油炸鬼、肉鬆和榨菜，一開始吃覺得味道很普通，油炸鬼又不脆，肉鬆下得不夠多，可是吃著吃著又覺得挺好吃的，真奇怪。我本身不喝豆漿，可是吃粢飯總要喝點東西，就要了一碗熱豆漿。豆漿的豆味很濃，不太甜，入口有如絲質般幼滑，雖然沒有因此愛上喝豆漿，但是第一次覺得豆漿的味道其實也可以很好。如果下次要吃粢飯，我還是會回到我家附近那家，因為我始終偏愛吃甜粢飯，但這裡的豆漿的確值得推薦呢。