豆美味豆花團

營業中

休息中

呢間喺上水嘅豆廠老字號，出邊坊間都有做批發。我哋去果日見到有好多老人家旅行團係附近消費。如果有旅遊車接送嘅話，性價比相對好高，本身熱豆腐花都有提供$15任食，黃糖、薑水都係任拎（無任食凍豆腐花），舖頭亦有賣腐乳、小食（燒賣、魚蛋）、豆瓣醬、辣椒醬等產品，老少咸宜。口感方面，低糖原味鮮豆漿口感滑順，帶有淡淡豆香，以每樽$9/ 500ml嚟講，性價比還好，一啲都唔稠。雖然係低糖配方但都有成5g/ 100ml，但相當甜🙂‍↕️，有啲失望嘅，美中不足係無添加糖只有1L樽裝，選擇有限制。風味方面，除咗平日常見原味黃豆之外，豆漿同豆腐花竟然有提供黑芝麻，今次我叫咗黑芝麻豆腐花（$11/碗），走薑水走黃糖，可能本身黑芝麻已經自帶微糖，所以淨豆腐花已經好夠甜，豆腐花口感滑嫩，石膏粉份量適中，豆腐花挺身，入口即化，但略嫌黑芝麻味道偏淡，黑芝麻唔係太夠，味道可以再進取多啲。舖頭地點始終比較偏遠，工場為主，真係有私家車/想喺附近踩單車一日遊，得閒無聊先好嚟，唔係嘅話，汗流浹背專登嚟都真係幾失望。始終係村屋入邊嘅小食店，應該支持吓嘅😂 Made in homekong😋

假日打算去上水大水管拍照在上水乘搭51K小巴在總站落車。行咗幾分鐘左右，右手邊見到有間食豆腐花舖頭，好奇入去一看，原來唔止豆腐花，還有好多小食，於是乎先在這裏坐坐最特別呢度有豆腐花任食$15，不過只限於熱食，而我哋食咗凍嘅，每碗$10，豆花香濃豆味，讚買咗一支一公升不加糖的豆漿兩份飲$12，非常抵飲，同樣香濃豆味見到佢其實出面有幾間舖頭都有得賣，不過就唔知係咪同一個價錢。煎豆腐 $15（5件）即叫即煎，買咗之後有一張飛仔畀你，你要睇住螢光幕同佢會有廣播提你出去攞。新鮮熱辣煎出嚟 ，外面香脆而裏面好嫩滑當天搭小巴之前喺上水廣場食咗嘢，又驚太陽落山影唔到大水管， 所以匆匆食咗少少嘢就走了擇日重賽，我哋依然食凍豆花，不過今次一黑一白，黑色即是黑芝麻豆腐花，但係我覺得白色比較出色， 可能我鍾意白色豆味重少少。上次冇食嘅煎釀豆卜$18 (8件)，應該釀咗少少魚肉，呢個必食，外面好香脆煎素鴨$15 (6件)，相比自己在家中煎的，香脆好多，又夠乾身今次拎定環保大袋，買咗支竹，扁腐皮，豆卜，腐乳返屋企呢度地方寬闊，雖然喺室外，但係有帳篷，一啲都唔曬。呢兩次都係假日去，唔係話好多人，我仲揀同一張枱坐，感

週末同朋友去咗郊外行山，天氣好好，心情都特別舒暢。行完山之後，大家都肚餓難耐，於是就決定去附近搵間餐廳食晏。我哋行咗陣，就見到豆腐花店。我哋之前都聽過呢間店嘅口碑唔錯，所以就決定入去試吓。我哋叫咗幾碗豆腐花，分別係原味、黑芝麻味同埋薑汁味。豆腐花一上枱，我哋就已經忍唔住嘩咗一聲。豆腐花真係超級滑，入口即溶，好似食緊雲朵咁。豆香味亦都好濃郁，食落去好有口感。我個人最鍾意係黑芝麻味豆腐花，芝麻味好濃郁，每一啖都食到滿滿嘅黑芝麻，仲有少少甜，正！薑汁味豆腐花都唔錯，薑味好夠，食落去好溫暖。除咗豆腐花之外，我哋仲叫咗煎釀三寶、魚蛋同燒賣。煎釀三寶炸得好脆，入面嘅餡料亦都好足料。魚蛋彈牙，魚味濃郁。燒賣外皮鬆軟，內裡魚肉鮮美。總括嚟講，我哋對呢間餐廳嘅食物都非常滿意。豆腐花真係超級美味，煎釀三寶、魚蛋同燒賣都做得非常好。如果你鍾意食豆腐花，或者想試吓新口味，呢間餐廳絕對值得一試！

今日踩單車去上水，聽住係上水嘅朋友講，呢間豆腐花鋪頭幾好食，所以黎試下。有8蚊任食豆腐花，不過我唔係好食得，所以單點算。今次叫左1原味豆腐花、芝麻豆腐花，熱食$8，凍食$9，呢間豆腐花嘅質地比較實，唔係出面入口即溶個種，但豆味都好濃郁，我覺得原味同芝麻味都好食。😆2:煎釀豆卜$17我覺得呢個豆卜超好味，煎得非常好，外面好脆，裡面好軟綿綿，加埋佢地嘅秘制醬料，我地叫多咗一碟黎食。🤣🤣3:香煎豆腐$14香煎豆腐好滑嫩，即叫即煎，入口熱辣辣，豆腐好滑，踩完單車食好正🥹🥰消費價錢：3人75結論：踩單車入去上水會食餐廳名稱：豆美味豆花團餐廳地址：上水河上鄉1049地段地下

今日去完馬草壟行山，見到附近有呢間食豆腐花嘅舖頭，見唔係行得太遠，就過嚟試一試。食嘢嘅地方係戶外，有好多位，環境都幾舒服。我哋叫咗呢度最出名嘅豆腐花，豆腐花同豆漿都有原味或黑芝麻味。我見出邊好似少啲見黑芝麻豆腐花（熱既$8, 凍既$10), 所以揀咗。黑芝麻味好香，豆腐花超滑。另外再加多咗個店長推介既香煎素鴨 ($15 六件），香脆得嚟又唔油，好食👍🏻。店長推介另外仲有煎釀豆卜同香煎豆腐。等下一次嚟先試埋先。

今日去咗上水踩單車郊油，途經河上鄉，村口位置有間食豆腐花出名的店。基本上除咗豆腐花出名，所有豆製品都可以喺店舖裏邊買得到，豆漿、腐乳、南乳、腐皮、豆腐卜、素鴨等等，一場嚟到，當然要是多幾樣。豆腐花果然名不虛傳，比外面的豆味非常之重，有黑白豆腐花兩種選擇，口實度一試就知用了十足，棋差一着的就是不夠滑，但在長征單車中途補給站來說絕對是💯分了豆漿少甜雖然是樽裝，預先準備，但是絕對是我飲過最好味的豆漿少甜豆味重相當濃郁，比起奶人和更優質煎豆腐卜煎豆腐波外面先得非常好味魚肉味非常指向，絕對推介俾大家煎素鵝煎掃我雖然是不及外面的好吃，但在補給站中食到的質素來說已經非常好，香煎得非常香脆本來想買傳說中好味的腐乳，可惜已經賣，原來呢度係有任食豆腐花及豆漿，但由於疫情關係，任食取消了，只可以選擇碗購買。不過一點覺得店舖需要改善的，就是姐姐你的態度😹😹😹絕對需要改善改善。

Vivian踩左有史以黎最耐既單車入河上鄉🥹有少少肚餓要即刻食野而家疫情關係冇得任飲任食了🥲Order左原味同芝麻豆腐花各一、煎釀豆卜&香煎素鴨原味豆腐花&芝麻豆腐花本身落左薑糖漿係原味豆腐花，但冇味（Vivian自問食野唔會太甜），要行出去再加黃糖，呢間豆腐花個質地唔係特別出色，唔會特別滑，質地比較實正個種。可能因為佢豆腐花係呢種質地，反而芝麻豆腐花好好食，好香芝麻味，好似食緊芝麻糊咁。香煎素鴨齋如其名（素鴨=炸豆皮），符合返呢間餐廳以豆類為主🤣個素鴨煎得脆脆地，但略嫌太dry，Vivian麻麻煎釀豆卜呢個好好食，其實佢d餡同個豆卜冇特好食，但佢個煮法好特別，咬落去軟綿綿，咬有d似食緊棉花糖（軟糖個隻），食左一舊就會想不停食，Vivian好愛Overall好唔好食？好食for芝麻豆腐花&煎釀豆卜會唔會再幫襯？踩單車經過就會，但未至於專登入去食（畢竟太偏僻了）

約朋友踩車，計劃由大埔➡️上水➡️元朗，中間去豆花店休息一陣。因疫情關係冇任飲任食了，不過還是很滿足😊🥢黑豆花：黑芝麻味道唔出，但豆香味濃。熱食好滑👍🏻，凍食差好達。🥢凍低糖豆漿：糖度剛好，仲好解渴！$12 1L足夠4-6人飲！味道：🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）開飯

河上鄉出名豆腐花， $7幾大兜，有原味同芝麻糊豆腐花，我叫咗前者入口幾滑，豆味都幾香但疫情依加無咗任食了🤣感覺無之前咁抵同埋其實好多豆品都可以係一田超市買到😂可以唔洗專登用15至20分鐘排隊食🤣不過如果好似我咁踩單車經過附近又餓餓地就可以食下

-{上水豆腐花🍨}難得假日踩單車經過嘅當日黎到舖頭門口都排左陣隊先入得~好多人食咁👀🤤豆腐花🤤 ($8)嗌左雙拼🥰可以食原味加芝麻味嘅豆腐花 食落口感好滑嘅亦好有豆香味😍其中芝麻款更係即磨 淡淡嘅芝麻香好特別🥳👖褲評: 8.5/10踩陣單車後坐低休息下嘅好選擇 啲姨姨亦好好人！😌不過要自己覇位 同埋真係好多蚊滋 此地不宜久留😂性價比: 9/10服務: 8.5/10環境: 7/10🚩 豆美味豆花團 🚩地址: 上水河上鄉1049地段地下 #fuudjai #fuudjai小食 #fuudjai甜品 #fuudjai上水

去完附近食午餐🥣，唔夠飽又唔好食朋友介紹豆腐花，見係附近，去埋試吓點知食完影返張相俾佢睇我頂原來我眼大去錯咗地方，下次去返間啱嘅度食先嬲咗呢度好多嘢，買腐乳、腐竹、支竹、豆類製品都有本來想買佢嘅招牌玫瑰腐乳點知姐姐話個蓋唔實㗎會漏汁㗎咁我點買呢？想試吓本來想黑豆腐花，可惜黑色冇貨咁只好叫白色啦好失望好失望荃灣$3豆腐花好食過佢滑過佢又硬又唔滑！食到一半舉白旗食唔到黑豆花叫返黑芝麻豆漿好平$12，1000 L豆漿好好味，咁抵邊度搵呀？今日一飲正呀！啱我口味因為我係黑芝麻控豆味濃又似芝麻糊真係想去大手買入會encore下次帶埋冰袋

星期日親住呢排天氣涼爽咁舒服，同屋企人一齊出去行下！我地出發去咗粉嶺行山，黎到粉嶺，梗係要去食任食豆腐花啦！不過去到先知原來因為疫情既關係，已經暫停咗任食😔。不過唔緊要啦，一場黎到，咁梗係要食啦！我哋叫咗凍同熱黑芝華豆腐花丶煎釀豆卜丶香煎豆腐丶魚肉燒賣丶魚蛋。豆腐花好香滑同埋好香芝麻味😋。香煎豆腐超滑嫩而豆卜都好好味，好香脆！👍🏻👍🏻除咗豆製品，佢嘅燒賣同魚蛋都唔錯，燒賣真係食到佢既魚肉，而唔係麵粉！難得黎到，所以我哋走嘅時候仲買咗d支竹丶豆卜丶南乳丶豆漿返屋企🤣🤣

去完上水大水管後，經過呢間豆腐花舖 ，$14任食熱豆腐花同豆漿🥛嘅優惠因為疫情已經冇咗，加上天氣咁熱🥵，梗係要嚟碗凍豆腐花啦😋，呢度嘅豆腐花有黑同白揀，山長水遠嚟到一定要試黑豆腐花😙，睇Openrice之前仲有提供麥味豆腐花㗎，但而家已經冇咗啦！🥣凍黑芝麻豆腐花 💰9（9.5/10）豆腐花可於自助區落黃糖同薑糖漿，一啖食落去豆味好濃郁，黑芝麻味好香😍，豆腐花口感非常嫩滑，超級滿足👍🏻味道👅：9.5/10（又香滑又好食，大推）環境☺️：6/10（得風扇冇冷氣，真係好熱！！）服務🙇‍♂️：6/10抵食💸：9/10

天氣熱辣辣，跟成班朋友踏單車🚴‍♀️，朋友介紹這間豆品店是很出名景點，非常受單車人士歡迎的中途休息聚腳地。小編真係失禮哂，今次才第一次來訪。運動實在消耗左大量體力，於是一口氣叫左黑豆腐花、黑豆漿、魚蛋、燒賣、煎豆腐，真係樣樣都超好味😋。

傳聞中上水有兩間好好食嘅豆腐花，而其中一間就係呢間豆美味⋯⋯難得天晴氣朗，所以決定出車，去上水搵吓呢間隱世名店其實佢係比較難搵少少，因為喺單車徑度有條小路轉入去，所以大家要留意吓指示。去到舖頭最搶眼嘅就係豆腐神石像今次就叫咗呢度比較特別嘅黑豆花，聽朋友講黑豆花比白豆花滑，我個人都覺得係，而且黑豆花嘅味道比較香呢度除咗有豆腐花食之外，仲有其他小食例如燒賣，牛肉甚至乎粢飯都有餐後感：其實有時踩單車又或者行山呢啲咁體力勞動嘅活動，都只係志在搵呢啲出色嘅隱世美食