豆腐巴克 (已結業)

啲店員做野勁混亂邊個客打邊個客既食物都搞唔清楚只係燒賣魚蛋咁簡單既野都可以出錯個店員入去拎個魚蛋出返去門口問其他店員頭先碗燒賣去左邊另一個人就隨手拎盒比佢我返到公司打開發現落晒辣油明明我係話唔要辣結果成兜掉左仲要今次已經唔係第一次半年前幫襯過一次叫腸粉燒賣又係咁已經唔係成日幫襯出錯機會都咁高真心唔會再幫襯佢

其實都幫襯過好多次，起初質素頗好，近黎開始下降，本身諗住叫埋今次睇吓有冇好轉返，叫咗芋圓，叫多包炸雲吞，點知包炸雲吞中門大開咁，而家咩時勢，周圍都病菌，食肆應封好包裝才交送餐員，咁岩又落大雨，成包野唔食得，要扔！

我成家人平時成日幫襯嘅，有個四眼哥哥應該係老闆，佢以前成日都喺度親力親為，啲食物質素同味道都算好嘅。但係這幾個月，四眼哥哥日日都不在，請左啲新人做，水準插水插到我真係要寫個食評。我平時幫襯開的食物包括: 豆腐花，雞蛋仔，仲有其他小食。但係我諗今次真係要blacklist呢間鋪。今日ordered的食物:咸蛋雞蛋仔 $25 這個根本就是地獄雞蛋仔。燶到一個點同店員講，好似燶左少少，佢當聽唔到。從圖片可看出我已經好客氣，其實個雞蛋仔係燶到發黑人生中吃過最難食的雞蛋仔。炸椒鹽花枝丸 $10 (4粒)店員淨係比左3粒我翻到屋企先見到。味道再好食都冇用黑糖芋圓鮮草豆花 $25以前的味道再也吃不到了。芋圓硬到像石頭，完全煮不熟我有心同店員講尋日嗰碗的芋圓很硬，之後可能要煮熟少少，佢就話可能係批貨問題。傳統豆腐花 $10味道正常。總結以上的經驗，以後不會再去了，要去食的朋友要三思。第一，店員態度不佳。第二，食物質素插水。第三，店員數學程度非常差，除了四粒花枝丸只給了三粒之外，餐牌上寫了凡買了炸物或小食，加購豆腐花可減2蚊，本身應該減我4蚊，最後只減我2蚊，我都廢事出聲了。

炸豆腐好好食👍🏻 剛剛炸起夠晒熱，都幾大份 臭豆腐落好多醬👍🏻 好食又唔臭 下次試埋鹽酥雞同豆花呢間小店價錢合理，分量亦算多。近排瘟疫關係又唔使點排隊，返工放工過嚟外賣就剛剛好

頭先去佢度諗住買花奶豆腐花，佢話仲未有咁冇所謂啦，之後啦想買燒賣同腸粉，我同佢要求用一個大兜去裝，用晒粗口問候我媽媽咁呀，用一個大兜裝姐唔使問候人媽媽嘅，個老闆娘係大陸人，10分鄙視香港人。大家如果想比北菇問候下你媽媽嘅話你可以去試吓㗎，希望佢哋生意興隆早日結業。仲有一次同佢嗰度買墨魚丸，海鮮價大家自己諗下啦。佢個餐牌都冇寫過炸墨魚丸要貴啲，佢就望一望我之後就話炸墨魚丸要收貴啲，真係一間良心食店嚟㗎，大家快啲去支持下啦😀

雖然子只供外賣，但非常推介燒賣，燒賣非常彈牙，好味道！另外亦推介紅豆沙涼粉及芝麻糊涼粉，炎炎夏天一碗涼粉簡直透心涼，近期還加了雞蛋仔和夾餅，而且有不同味道可供選擇！

炎炎夏日，最好就係食啲小食同甜品。豆腐巴克既炸魚蛋，真心唔錯😋😋😋魚蛋彈牙，加上啲椒鹽係面，十分香口開胃！$10/份-有7粒，有時要嗌夠兩份先夠食🙈🙈🙈😂（不過炸魚蛋水準參差，常客既我中過幾次伏，啲魚蛋好「淋」一啲都唔彈牙，真係撞彩神）另外，近年香港人勁喜好既芋圓甜品，豆腐巴克都可以買到，$25/碗，自由配搭，份量都好足👍🏻🥰芋圓有噍口，咬落去仲可以食到碎粒香芋同紫薯！仙草好滑，面埋西米，綠豆沙食都幾特別

上朋友屋企玩之前因為食左早餐 無食晏又肚餓 但夜晚又會好早食晚餐於是 就買少少野食個下午茶算朋友recommend 呢間小店而無idea既我就決定照跟啦傾開計先知 原來成日都會好多人排餐牌就係咁多 主要係小食 豆腐花價錢亦都合理 幾抵食咁我同朋友決定買以下野食share先講燒賣 一聞已經好香喇口感超彈牙好味 如果多啲辣豉油就好啦腸粉就淋左啲 唔知係咪蒸得太耐呢混醬完都好味既至於餈飯 比想像中細舊同埋少配料配料真係得肉鬆 唔似平時有炸菜炸鬼等黑豆漿真材實料 擺低陣會有啲黑粉凝底總結 個燒賣真係不得了 係食過最彈牙最煙un既

食過最好味既甜品，沒有之一，有有小食有甜品，超多選擇，自由配搭，食過返尋味，而家日日都幫櫬，有時去開沙田都特登去買碗返屋企食，真係真係超正呀呀呀呀呀呀呀呀豆腐花又滑又夠熱，花奶黃糖夠哂多，大大碗足料又好味，根本無得彈魚蛋彈牙有嚼口，咖哩味道剛剛好，10蚊9粒，超抵!花枝丸夠味又香口，入口熱辣辣，正!店主親切有善，態度殷勤簡直係酒店質素，7仔價錢，一d都無誇張，食完呢間已經唔想再幫櫬唐x甜品嗰d連鎖店真心強烈推薦比大家!!!

返通宵，朋友買咗呢間嘅三色芋圓一人一碗一齊開心食朋友話經過見到呢碗sample好吸引！所以就買咗點知一打開完全唔係呢個樣😂理想同現實總有點距離。。。但食落又幾好味，好足料！一碗入面有齊芋圓，地瓜圓，涼粉，豆腐花，紅豆估唔到咁樣mix埋又幾好食芋圓煙un，地瓜丸味道都幾出，有驚喜仲要份量都幾多起碼食到有5粒買嘅時候配埋包黃糖，不過我哋2個都冇落因為佢本身已經加咗花奶，甜味啱啱好如果再加黃糖好似好怪

好多芋圓，食極都食唔哂，好滿足新開見到去試下，豆腐花一般般，但芋圓還算okay，有少少太甜但咬感岩岩好，整體不過不失，希望可以加多d款式例如凍鮮奶芋圓，仙草凍沙冰芋圓....

本來係想食芋圓既，但食完啲小食就唔想叫😓啲魚蛋好普通，痴飯竟然係即食既，勁味精水胶烏冬，水胶啲肉好多，但實，湯係味精湯，隻湯匙懶古瑕，但勁淺，更不兜唔住啲湯同面，個基本功都未做到。炸湯圓，算係咁，可以食到糯米既煙un。不過唔點煉奶又係唔得，因為個皮無咩味整野又慢，真係無下次

第一次寫食評，真係太難食，忍唔住上黎反映下！外賣左幾碗芝麻糊豆腐花，芝麻糊淡如水，唔甜又無芝麻味，成碗野似係一兜黑色既水浸住d豆腐花咁（諗諗下都幾嘔心）講完芝麻糊，再講豆腐花。。齋聽個名，“豆腐巴克”，諗住間野應該以豆腐為主打，唔衰得去邊.....施主，你實在太天真了！豆腐無豆味，又鞋，食食下仲有渣，我地4個人買左4碗，每人食左少少已經食唔落去，下次絕對唔會再幫襯。如果硬要我讚，唯一係碗熱豆腐花夠熱，完！

叫咗碗涼粉加綠豆(要加三蚊)食落味道覺得有啲怪 食完面頭嘅綠豆,淨番啲涼粉完全冇味, 本身唔鍾意食甜,都覺得佢完全冇味, 於是想叫佢加啲花奶,佢話加返呀要收錢 ,第一次出街食涼粉喺冇花奶,仲係要加錢覺得有啲怪。。。。。。5會有下次(完)。

今日同男朋友係附近食完午餐行去坐車途中見到間豆腐花鋪，應該係新開，第一次見，禁就買碗試下，但之後就後悔了除左豆腐花外，還有小食。豆腐花可以加綠豆，紅豆，芝麻糊都得，但芝麻糊好似有d奇怪綠豆清光了，只好選擇紅豆豆腐花，紅豆幾甜但好少，豆花又唔滑下次唔再光顧啦