豊之丼 (已結業)

豊の雲丹丼（$238 )好耐無食海膽飯！😍😍 今次黎到中環呢間 #豊の丼 就試下佢個海膽飯先🤤 下午茶時段黎到，餐廳呢個時段人流唔多，位置尚算歡趟。落左order 大約五分鐘就食得，白飯仲有少少温熱，海膽係選用左北海道既馬糞海膽，入口即融，超級鮮甜！係我喺香港食過質素最接近日本既海膽，好味👍🏻 不過海膽粉量如果再多啲就更加好🙃 呢個格錢喺中環區算性價比高，仲要全日唔收加一服務費，下午茶時間黎到仲有9折優惠👍🏻

行左一陣搵野食見到丼咁就去試下（係門口見餐牌價.咁抵係尼區來講）服務.有熱誠.有禮環境.佢有兩間坐位.坐位比較硬麻麻地舒服食物.足料.擺得好睇.有吸引力味道.都係合格位價錢.係中環區仲想點記得睇佢有咩小食.是次第一次冇留意.佢有油甘魚鮫😍😍😍😍😍蟹之丼...唔錯...有蟹膏👍🏻豐之丼...係三文魚子少左d有前菜沙律有湯之後有小甜品

This is the perfect meal, the don is very enjoyable . Uni portions are very generous , toro is really fresh (in fact same day tokyo on Saturday’s) Thanks Gary to allow me to bring a bottle of wine - always makes the difference! We tried a Montes Folly and Montes Outer Limits Pinot Noir here - both pairing well with their dishes - grilled beef tongues etc

超好食既日本海膽 超甜 超多 粒粒都大大粒厚厚的💓成間舖都全日免加一架 其實都抵架！抵食之選係2號既豊の盛丼 可以食唔同既刺身 樣樣都試下♥️😍而特上鰻魚好大條 而且無骨 啖啖肉下面個飯係平時丼飯既size 一定會夠飽♥️上菜果時真係好surprise好靚影相一流！

一直係中環有間好鐘意既魚生飯，不過有朋友介紹呢間都唔錯就一於黎試下果日晏左放飯都擔心無位，見到間鋪full左以為要等，點知原來有上層 唔洗等yeah!今次叫左個豊之盛丼你問我既我覺得佢同我食開果間差唔多，果間主觀感覺上我覺得新鮮d，但呢間其實都唔差，而我較為鐘意既係佢魚生既種類多d,有唔同既魚，所以感覺開心d Xd 另外，lunch set有埋湯，沙律同雪米糍，好豐富喔 不過價位相對就 happy happy friday lunch 價抵唔抵就見人見智啦～

今天星期六要在公司工作，所以決定吃好一點奬勵自己。因為不能外出，所以在網上外賣平台內搜尋今天想吃的日本菜，就選了這間。今天特別想吃魚生或壽司，所以就選了豐之盛丼與及白貝(即蜆肉)味增湯。包裝十分妥貼，豉油的小盒子很緊實，不怕翻瀉。盛載湯的碗蓋不是那麼實，但他們也用了保鮮紙緊密包着。而丼飯上的魚生也是擺放得靚靚的。運輸哥哥也十分細心地將袋子放在枱上，才取出我的外賣，以免翻側。很快就送到來，丼飯還附送有沙律菜一小碟。睇落細細碗，但原來食落十分飽。魚生普遍都十分新鮮，反而蟹膏加蟹肉就有一點點腥味。海膽味道雖然淡，但十分新鮮同creamy，對於我來說就十分適合因為我不喜歡那海膽獨有的濃厚氣味。甜蝦及帶子也十分爽口。反而我稍嫌飯的醋酸味不足。

今日放工約左人睇戲，食個快dinner 就入左衣間食個丼先，衣間專食丼，有生有熟任君選擇，之前食過蟹同牛肉都唔錯。今日就食個生嘅，朋友就食牛肉烏冬併兩件壽司丼一到，賣相都唔錯衣個丼有蟹糕，好正，都幾多，魚生又新鮮，細細碗但食落好飽～仲有送埋沙律朋友叫嘅牛肉烏冬都唔錯，佢係咁話食極都有，我試左佢一塊牛肉，真係好有牛肉味，唔係話講笑果啲牛有牛肉味😆真係幾好食但係果兩件壽司就麻麻地不過整體都唔錯～👍🏻下次可以再食

同朋友放工甘岩係附近 大家都想食魚生飯 於是走過黎食 吾使點等所以就入去試餐廳內部吾大 直頭有啲迫 出入都會撞到隔離枱 肥啲都吾得 要小心啲 8點幾入座 有啲材料都冇 後來我叫左果個雜錦魚生飯如圖 啲吞拿魚蓉少左啲 整個portion 都偏少 如果男仔食一啲吾夠飽 魚生質素可以 海膽起碼冇奇怪味 但係亦吾算得上好鮮甜 整體黎講 呢個價錢未必會再去

朋友話想食丼，網上找到呢間，好似幾吸引。款式不多，又冇得自己揀，自己配，彈性不足。店子小小，仲有d小食，但選擇不夠多。可以配飲品的。前菜沙律，都ok，幾款沙律菜，少少麻醬我的豐之丼，有帶子，三文魚子，海膽，吞拿魚蓉，蛋上面有字的，青瓜片，紫菜，帶子好甜又大隻，海膽加紫菜好味。吞拿魚蓉有d葱好香同鮮甜。三文魚子好大粒，又唔腥。好味。這個雜錦丼，甚麼也是有，蝦好大隻，帶子，魚有三款，蟹膏，海膽，三文魚子，蛋，飯。個樣好吸引，新鮮，雖然好似唔係好大碗，但份量其實也是足夠的。每樣刺身也是好鮮甜的，唔腥。

現時做日式海鮮丼的餐廳很多，這間餐廳的性價比相對偏低。午餐時間去完全不用排隊，menu選擇不多，今次點了這個人氣的豊之丼。海鮮很新鮮，但份量偏少，飯也很少。$168（沒有加一）只有一個小沙律附送，連麵豉湯也沒有，不算抵食，所以應該不會再次光顧了。午餐的話到森壽司或者板長的set lunch海膽海鮮丼也很不錯，份量及價錢也比較合理。

朋友即興叫食lunch，在中環找食，可久坐，吾太貴，又吾想爬山去soho區，日本菜，實在買少見少。第一次幫襯，我選左7號鮮北海道帆立貝三色丼，$168，跟沙律(冇餐飲, 但有茶提供)。哈哈，食物絕對乎合商品說明條例 - 外觀和份量。味道: 帆立貝鮮甜; 海膽鮮，潤，但欠甜味; Toro可能太蓉，食吾到乜味; 魚子/蛋/飯， 正常，冇乜特別。今時今日，租金實在太貴，以中環食肆定位， 這個價和食物質素，是可以接受。但若 環頭環尾，CP值就太平凡了。

午餐去食下日本野, 行行吓行到來威靈頓街。見到有少少人喺度排隊，睇個樣好OK wor等左一陣就有位喇 個前菜都幾好食，酸酸地好開胃 嘩好大碗，三文魚子好新鮮，拖羅同魚容好鮮味～加埋牛油果簡直一流佢啲綠茶都好好飲

近期大熱食海膽，但又唔想過海排隊，等一輪先食到。而且IG又見到有其他海膽魚生飯推介，而且又有明星推薦，睇相片亦非常吸引，一於試試中環的「豐之丼」由於真係唔想排隊，所以一早預訂坐位，雖然入座6點左右只有一枱食客，但越夜越多人，而且都是一人或二人居多，可能上班族放工後，要快快醫肚吧。店內裝潢簡單，約有十張枱左右，地方偏細，但也算舒適。我和朋友也order 了「帶子魚生飯」，至於前菜是雜菜沙律，十分開胃。但當上菜時我們也覺得失望，比預期的細碗，比較適合女孩子份量，首先海膽沒有爆滿感覺，只有3條，而且是用姜放在底，令視覺滿滿的。但值得一贊是食材新鮮，海膽來自韓國，反而帶子出色，厚厚的。如果好想食魚生飯，唔想去九龍，都可一試。

日本丼在香港依然㷫烚烚，各式各樣的什麼爆丼屋，越高越大碟越好。 連續三次錯過了灣仔築地市場的飯局，遲啲有機會會抽時間自己再去。其實在中環，已發現了這間「豐之丼」一段時間，它那個有餐廳名字的玉子燒。 餐廳格局整潔，也坐得舒服。餐廳門口有電視播放影片，又有不少明星光顧的合照，照計食正熱潮應該有不少人幫襯？奇怪在我每次來都看見都不用排隊。 前天路過順便入嚟食個午餐，直入，成間餐廳得我一枱顧客。 我在選擇食物途中，侍應已經放低了蔬菜沙律，應該是不論點什麼都會送的。 沙律賣相有些求其，有柚子汁做 dressing，味道還不錯。 挑了店長推介的「鮮北海道帆立貝海膽丼」$238，它本身已經有三文魚籽，看相片份量很少咪咪，那我就加了 $38 top up 一份三文魚籽： 送上來的時候沒有 "wow" 的效果，比想像中平實。此丼有三小排海膽、三文魚籽、兩隻厚帶子、一件燒玉子，另外有些青瓜紫菜酸薑等等。 嚴格來講，我又唔可以話佢難食。海膽算新鮮的，沒有出水或者腥味，但一吃就覺得鮮甜不足。隨便問一下侍應，原來他們的海膽是用韓國貨，屬我意料中事，淡 Mail 猫的，幸好沒有叫他們的全海膽丼。

叫左豐之丼，話有三文魚子，拖羅蓉，日鮮魚蓉。結果....我將個丼反轉再反轉，先搵到好似一粒芝麻咁多既拖羅蓉，一點誇大成分都無。係真係得咁少😑豉油十分淡，落勁多都係無味的$138 for a tiny portion, doesn't worth it at all. Menu stated that there was chopped toro in the don I ordered, but turned out there was close to none. Never visiting here again.