豐盈小食 (萬成大廈)

營業中

休息中

一進店，充斥著滿滿的出前一丁味，未看餐牌就知道這店主打食出前一丁了，這裡特別之處是點出前一丁居然不用加錢，煎豬扒這個皇牌早餐跟上出前一丁都只是40元，真的好抵食喎！🤑 馬上就點了兩份，還跟上蒜蓉包，滿心歡喜之際，一口咬下，可惜這個蒜蓉包為免太硬了吧！😂🤣，硬到牙都差點被咬崩了哦！🙈

尋日經過小食店，記得之前係分開兩邊，一邊淥面一邊有枱堂食。但而家得返一邊只做外賣。之前冇幫襯過，所以試一次。試吓佢啲食物，牛腩好鹹，落咗好多味精，個湯又係鹹。仲有淥麵嘅姐姐服務態度又差，幫襯一次之後就冇下次。

喺屯門巿廣場附近返工，唔想日日食連鎖店食物，見今日幾好天，所以行出商場睇下食咩好呢。行經依間豐盈小食，見有人龍排隊，咁多街坊，應該有筍嘢喎，睇咗陣餐牌，就決定食碗車仔麵叫咗魚蛋，豬腸，雞翼，油麵，任君選擇！魚蛋彈牙，唔會食到一口粉豬腸鹵得夠入味，有咬口，而且唔會大多肥油，正啊雞翼夠大隻，有鹵水味，唔會煮得太鞋口油麵煮得彈牙，唔會太淋，但湯底就味精多d，食完有口渴嘅感覺Btw，店員可能因為人多，態度比較差

一定要抵得住呢度嘅伙計姐姐會好惡咁呼喝你，因為佢地實在太忙，人手唔夠。店舖分兩邊，一邊係車仔麵檔+廚房，只有2張細枱。而另一邊就全部都是枱，所以識食嘅客人一定係先order俾錢，再過另一邊坐底等姐姐攞過嚟。我今次叫了車仔麵剩餸，同埋腸粉燒賣，唔好睇腸粉燒賣冇汁，因為擺哂喺枱面自己任落，咁至係最正。車仔麵就推介鳳爪，非常入味。嚟呢度食野通常都係街坊，所以大家講野可能都比較粗聲粗氣，只要自己開懷對待 其實都冇乜野。

有車仔麵有小食魚蛋腸粉，可以叫一份份叫，一碟攞走又得， 坐低喺隔離冷氣房食又得只要唔係繁忙時間你食10蚊腸粉都有冷氣嘆。 一早一晚放工時間其實都幾多人食嘢， 有機會有陌生人會搭枱。間舖有一間只做外賣做到有堂食就可以知道佢質素唔差。 地點位於屯門市中心附相當堂方便。腸粉魚蛋燒賣如果你堂食嘅話嗌咗一碟， 醬汁芝麻可以坐低慢慢自己加。 腸粉野標準備冇乜好平價魚蛋都係古早味 陳皮魚蛋 冇乜特別出色特別驚喜但係就係由細到大食嗰種感覺。 牛腩味道唔錯， 但係應該唔係坑腩嗰啲位置， 口感雖然正常不過冇坑腩嗰種感覺。 味道未必會有好大驚喜但係一定冇唔會失望。門面裝修簡單可以喺度叫可以坐低先至叫不過都係要即時畀錢10蚊腸粉另外加個魚蛋同牛腩總共28蚊。分量算係標準唔算多唔算少。

屯門呢十年發展得好快, 當大型商場落成, 連鎖店橫行既時候, 想搵間鋪仔食下魚蛋腸粉真係難過乜咁。 去開飯網搵下腸粉既小食, 全部都係粥鋪個隻膠粉彈出黎。唯有去返屯市同新墟之間橋底個間開左好耐既腸粉。 好耐無幫襯, 裝修左, 比以前大左, 仲可以坐係入面食, 比起以前坐係街邊食舒服dd。係外面檔口排隊買腸粉, $10有5條, $12有6條, 我地要左8條$16。 腸粉雖然熱, 但係硬硬地唔夠軟滑, 又唔夠彈, 無乜米漿味都算, 口感好似食緊舊粉咁, 加埋甜醬麻醬叫做好食d, 但係比以前真係渣左好多。 魚蛋係成品來貨, 唔辣魚蛋無後期加工過, 好似就咁用滾水煮熱咁, 都幾失望。入面可以坐既位置唔多, 我地坐個張檯係正亞姐包裝外賣隔離。 間期見亞姐包緊碗碗仔翅, 就講左句: 呢度都有碗仔翅食喎! 亞姐答我:係呀! 點知轉頭遞左碗比我地, 我地就話: 無叫到喎! 亞姐:你地頭先唔係話要咩? 我地費事晒野照要左: 咁加埋魚肉呀唔該! 不過亞姐呢下真係好屈機囉! 嬲豬!! 亞姐唔知係咪聽到我地話佢, 我地食完碟腸粉都未黎碗加魚肉既碗仔翅......碗仔翅睇落好似都幾多料咁, 有冬菇絲, 雲耳絲同

邊個話女仔唔可以有一個人既浪漫🙄收鋪之前，衝左去叫左碗車仔餸，阿姐話入面收哂啲枱櫈，問介唔介意坐出去街邊，我梗係冇問題啦~雞翼經過全日滷汁浸泡，滷水味濃郁，而且雞肉都變成深啡色，所以一定要叫呢。蘿蔔清甜零渣，豬腸肥美，咁先係車仔餸~ 當然唔少得魚蛋，燒賣，魚皮餃呢啲小食啦，食完成個人都滿足哂。

魚蛋, 腸粉, 豬皮, 是每位香港人都喜歡吃的街頭小吃, 位於屯門的这間小吃店, 更是隱世的好吃秘店。我叫了6條腸粉, 一份豬大腸, 一份咖喱魚蛋, 一份雞奕尖, 一份咖喱豬皮, 味道絕對是比起外面所吃的美味, 但價格卻是太貴。十二元才六條的腸粉, 腸粉很滑, 之前從來沒吃過這麼滑的腸粉, 感覺是手拉出來的, 配以花生醬和甜醬, 十分美味; 豬大腸和雞奕尖, 是鹵水的, 甜甜的鹵水味, 很香濃, 使得豬大腸和雞奕尖都很入味, 豬大腸的蘇味就算鹵水味也掩蓋不了; 咖喱魚蛋和豬皮, 這裏的咖喱沒有退步, 味道香濃, 而且帶有一絲絲的辣香味, 魚蛋很爽口彈牙, 豬皮爽, 可惜份量有點兒少。這頓我們2人共吃了五十元

講到腸粉大家都食得多..我亦食過元朗區一間好出名既腸粉..但係邊一到既腸粉都好la都唔及lee一間...樣樣都加左價所以lee間小食店都唔例外~腸粉6蚊4條..腸粉唔知點解可以咁滑真係滑得過份..麻醬好香..lee到除左腸粉滑之外其實醬汁都好重要..佢地完全配合到..真係食咁多到地方都係lee間最好~魚蛋6蚊5粒..魚蛋質地麻麻好普通但咖喱汁好出色....我通常淨叫小食都會叫加咖喱汁..見好多食家講話lee間d態度麻麻..其實我又覺得ok woo...咁當然有進步同改善既空間la..但如果剩係講腸粉我暫時食到最好食最滑就一定係lee 間..仲有呀...我食咁多次都唔知lee間野叫咩名...尋日突然醒起望一望...原來叫豐盈..哈

踏車經過.有點兒餓聽說這兒有很多"美食"便坐下了之前都食過明知呢間毫冇服務態度可言都選擇左食..我真的是stupid! 上次黎食.食到我火都黎簡直就係不知所謂今次好d.不過都係黑著面黎食野碗仔翅.不錯的.比上次食的魚肉碗仔翅更美味不過傑得濟腸粉.真係好滑呢度既野食係真係唔錯.價錢都唔算貴係街邊檔黎講野食係可以拍得上餐廳但服務同環境.足以扣哂分!我唔需要你比5星級服務我一間餐廳應有既禮貌都應該有掛連一點都沒有..即使你既野食有5星級.冇人光顧有何用呢?!食碗仔翅.叫佢多d胡淑姐一句：自己落喇.彈埋黎真係好心情都比你搞到火都黎比野食又好似飛過黎比你整到我d衫你點賠返比我真的最後一次光顧這間東西用錢買火藥不值.也不明白我同寶貝黎食野我食到火都黎.佢可以話我羅 話我移邊檔係禁價喇.幾蚊野食想比5星級服務你?!我真係唔知點回應好一句到尾.以後唔會光顧

行開新墟都會唸行呢度既腸粉,每次都會坐滿人(可能係位唔多)腸粉 $5蚊4條, 腸粉真係好滑!咖哩魚旦 , 實屬普通貨式, okay 啦...生菜魚肉 $10, 魚肉都算多, 味道都只屬okay貨式, 不太好也不太差腸粉+燒賣+魚旦+生菜魚肉 = $27街邊檔唔可以希望會有咩服務, 但我一早比左$27, 魚旦又唔記得比我, 生菜魚肉又唔記得, 行埋黎仲要叫我比多$10

當年在附近居住時,一直沒機會光顧,剛係唐記食完車仔麵,依然有點意猶未盡,但車仔麵竟然沽清,實在有點奇怪.小店只能在門外擺放兩三張檯給人進食,簡簡單單要了碗生菜魚肉就算.十圓八塊一碗要求總不能太高,魚肉是一早煮好,到有客人時再淥一淥加點生菜就可以.咬一口魚肉,雖不至一口粉,但魚肉味不多,而且好結實,好失望,湯底亦有不少師傅,食完口好乾,下次都係去第二間算啦!

屯門最繁盛的交接位之一就必數是連接新墟與屯門市廣場的一帶~無論是附近的學生~買完菜的媽咪們又或是數雀的伯伯們~路過此地的機會總是相等的~這間屈在小小橫街的小食店在這裡都屹立了多個年頭~也有固定的客源~當毗鄰的大型轉角舖位轉了十多手~這裡都一直做下去~皆因價格相宜而且車仔麵腸粉等都不愁無人歡喜學生時代的大比早已是常客~反而小比每天經過卻沒有試過~~最後都被您感染了~最愛這裡的腸粉~還有那$4就一大碗的蘿蔔~~~這天再來~是因為想吃車仔麵有時菜可叫~大比可吃肉的~我就吃菜~就匆匆在練習前來填補一下~坐在店前街邊的摺檯~要聞著後方傳來的陣陣煙味~確實很不習慣~呀姐早就站在身旁要我們點菜~我說車仔麵倒要起身看看了吧~?!她一手就飛了單簿在桌面叫我們在這裡看~~呆了.. 小比唯有先叫腸粉燒賣腸仔應付一下先~最後都沒有機會站到車仔前點菜~就要了蘿蔔菜心雞翼豬紅油麵腸粉就在旁剪剪剪~但是次的腸粉明顯地退步~實得快分不開有層次~難道是不Q的上海年糕麼!? 是蒸不透too~敗筆~腸仔多年來都公價$2~最近都加了價了~也明白~但燒賣都只是平平~雖不是粉多過肉那種實心燒賣~但雪味一籮籮~~車仔麵看著師傅執執