豐盛牛肉麵

營業中

休息中

好耐冇係土瓜灣食飯，見到呢間好似好正宗的台灣餐廳，就入去試試。Menu宣傳係用台灣大米和醬料，做出真正台灣風味。點左個地道小吃士林小香腸，台灣便當有鹽酥雞鹵肉飯和香酥排骨鹵肉飯，跟餐加幾蚊有珍珠奶茶和香芋奶茶。香酥排骨鹵肉飯真係好traditional，配菜豐富有菜、芽菜，鹵蛋、菜脯。排骨炸得很酥而不油脷，鹵肉飯都好入味，米真係用台灣香米，很有水準。鹽酥雞鹵肉飯，雞肉香料有用九層塔，在很多坊間店都沒有的，確是難得。士林小香腸烤得香口，好味道！珍珠奶茶和香芋奶茶也不錯！

這一段時間都會去土瓜灣上堂,所以多左時間係這區搵食.上星期上堂前突然好想食台灣野, 知道這條街有一間台灣食店就決定來試下味道如何.平日晚飯時間都唔係好多人,所以自己一個人可以享用到一張2人枱...講真個店門一D台灣感覺都無, 認真講經過只係仲以為食雲吞麵店, 入來前已經無咩好大期望, 鬼叫自己想食台灣牛肉麵, 所以來試下都無妨, 而且店內都乾淨座得幾舒服呀..一個人自自在在都唔錯.點左個紅燒牛筋牛腩麵配一小碟酸菜, 單單睇個樣都覺得對辨, 湯夠濃郁好香牛骨味道而且我飲晒成碗最後都無覺得口渴應該就算有味精都係好輕手, 牛筋同牛腩都炆得好淋身入味再配埋D酸菜夠晒開胃. 這碗麵$48無加一, 份量夠而且味道屬中上都算價錢合理.地址: 土瓜灣北帝街59號

兩公婆本來嚟想食碗台灣風味的牛肉麵，睇門外d相好似幾台灣，點知入到嚟就中伏:珍珠奶茶的珍珠一咬就粉狀咁，我除咗係大陸飲的珍珠係咁，香港台灣從未試過。之後戲肉的牛肉麵，湯底無味如水，麵條幼又無彈牙feel,牛肉好穌又唔淋。我平時香港食的牛肉麵最多叫唔正宗，但今次要用難食形容，中晒伏。

土瓜灣又一新餐廳，經過幾次都有少少遲疑無入去，因為台灣牛肉麵唔係太好。今日又食自己，都無咩好食，就鼓起勇氣入去試新野啦！睇清楚個餐牌，其實佢都好多台灣小食，仲有去台灣我必食既鹽酥雞同炸地瓜添。不過今日一個人，唔食得咁多，佢地牛肉麵有一款我愛既蕃茄湯底，不過今一次，都係食番人地撚手既菜式，好食先再諗其它！紅燒牛腩牛筋麵，湯頭聲稱以牛骨牛肉疏果慢火敖煮，不加味精！上枱色澤對辦，味道香濃，份量唔細，牛肉牛筋數量充足。先飲一啖湯，濃味而有少少肉骨茶FEEL！牛筋舊舊軟淋適中對口，牛肉大大粒，但口感就唔平均，有D淋而入味，有D就乾身痴牙，可惜！聲稱牛肉為金錢細腱，小弟有所保留！台灣牛肉麵食得唔多，麵條應該係點唔知。不過呢度麵條偏淋身，唔係好岩我！湯底全部飲完，無太口渴感覺，就算有味精都應該唔多。大大碗又足料，收費算合理…

一人晚餐，試試沒有去過的舖頭吧。。牛肉麵舖頭就試試招牌的豐盛牛肉麵，再加杯熱肧芽奶茶。。牛肉麵的確大碗，湯味濃，很有台灣牛肉麵的風味，餸菜包括有牛肉牛肋墨丸牛丸&菜，牛肉入味夠淋，牛肋入口即溶，墨丸牛丸就沒有特別，菜兩大棵不過略硬。肧芽奶茶加半包糖已夠甜，極多肧芽（沉底佔了三分一杯）。總括來說，這個麵是不錯的。。

星期六放半晏，但收遲左，返到屋企附近已經3點幾4點，午飯太晏，晚飯又太早，行經呢間台灣麵店。鋪頭好細，大約得10零個坐位，有小小迫挾。店內主打牛肉麵同各類台式小食，亦有珍珠奶茶之類既台式飲料。我叫左細碗肉燥飯肉燥飯本身有分大碗細碗，見唔算太餓叫左細。細碗的確好細，大約只有平常飯碗大半碗咁上下，細食既女士加埋杯奶茶應該剛剛好。雖然碗仔細細，但肉燥份量十足，每一啖都食到肉燥同肉汁。味道當然比不上台灣當地，但都算不過不失，肉汁充足，半肥瘦肉碎有油香。要黎燜肉燥既葱穌好大粒，不夠細緻。好在肉燥中加左d咸菜葡，令口感冇咁單調。

見到麻辣有新開就去試下，入到去點左2個麵加一個小食。諗住佢地個麻辣都叫做主打，我就問下可否要大麻辣，佢話ok咁我就落order啦～等左10分鐘左右個麵先到，算啦，因為D雞要炸，等耐些少都叫正常，但我朋友叫牛肉麵，竟然要等到我個碗食左一半先到。講番食物，雖然我都叫食得下辣，但我唔食得咸，我人生真正第一次食到咩叫做咸到苦…碗嘢咸到爆，完全已經唔覺得佢有麻辣，只係覺得好咸好咸好咸…牛肉麵D牛肉一放入口(我已經係食舊細細地嘅牛肉)，好似食緊鞋底咁韌。豆腐個炸粉超厚總結2個字-難食。

香港人，不能準時放工是常識吧。放工後飢腸轆轆，找一間近公司的餐廳去一祭五臟廟。然而雖說肚餓非常，河馬一家身為老饗也不能求其的虐待肚皮吧。土瓜灣區一向欠缺台式餐廳 ，聽說北帝街附近有一間新開的台灣牛肉麵餐廳，於是和河馬生決定去大擦一餐。我們約七時到達，充滿口的玻璃門鐘窺見裏面已差不多滿座。一踏進餐廳，雖然有一張長枱，但是根本容不下我們二人。因為枱的兩旁已經被許多客人的椅子擠得滿滿的。後來侍應安排（更多的是我們自己找到）一張四人桌子旁的一張二人座。不過其中一張椅子是沒有椅背的圓椅，為了放工疲累的河馬生能夠坐得舒適一點，我要求換一張有耳背的椅子。就在我語音剛落，女侍應不情願移動的情況下（全寫在臉上），河馬生已自行換了一張有椅背的了。這是令我不禁有點愕然，因為從沒想過在餐廳（非大排檔）竟然要客人自行搬椅子。第二令我們愕然的是，我們坐下後沒有人招呼，連餐牌也要河馬生從後面的枱面自行拿來閱讀（重申：這裡雖非高級餐廳也非地踎）。後來，河馬生決定order他們最的招牌菜豐盛牛肉麵，河馬太決定order蕃茄鹽酥雞麵。我們還要了小食香酥炸排骨。下單時，又發生第三樣令我們汗顔的事。那便是女侍應即使看着餐牌，