豐盛閣

營業中

休息中

早排打風又落雨，假期見好天就想去沙灘同陽光玩遊戲🏖朋友提議入馬灣行下，順便可以食埋buffet，話餐廳位置個景好靚，🉑️以一邊食buffet一邊望住個海、汀九橋同埋青馬大橋🌉夜晚着曬燈真係好靚好有氣氛😌 一入去就見到有熱熔芝士，作為芝士控嘅我真係即刻攞嚟試吓啦～暖暖地嘅拉絲芝士鹹香味重，配多士或薯仔食都好好味😋 食自助餐又點少得海鮮冷盤。波士頓龍蝦肉質彈牙‼️麵包蟹夠多膏‼️長腳蟹腳鮮味多汁‼️仲有大大隻翡翠螺、青口同埋海蝦。 今次餐廳嘅主題係「盛夏果漾海鮮自助餐」，所以有好幾樣菜式都以鮮果入饌，例如士多啤梨醬燒杜洛克豬排骨同香煎鴨肝多士配楓糖香橙醬。本身呢兩樣食材都比較油膩，配上鮮果之後感覺冇咁膩，食多兩件都唔怕🤣 佢哋嘅甜品種類都唔少，而且配合主題好多都係有生果喺入邊。柚子綠茶餅食落好清新‼️法式士多啤梨餅好creamy‼️白桃寒天口感彈牙又清爽‼️當然唔少得食返幾杯Movenpick雪糕啦🍨 我哋由天仲光嘅時候開始食，食到天黑，睇住個天變暗跟住條橋着燈，真係幾有mood~

趁假期就想同仔仔去遠啲行下，今次就去馬灣玩下先。順路去埋沙灘隔離嘅酒店餐廳食dinner buffet🍽 我哋坐喺窗邊位置，可以飽覽沙灘同海景之餘，仲可以見到青馬同埋汀九橋😎一邊食嘢一邊有靚景，食🉐特別開心😚 餐廳依家做緊「盛夏果漾海鮮自助餐」主題，除咗環球海鮮同埋各款刺身之外，仲有一系列特別醒胃嘅菜式，例如脆炸咸豬手配香芒黃梅醬同香煎鴨肝多士配楓糖香橙醬。估唔到鹹香又脆皮嘅豬手配上黃梅醬有幾好味，有啲似燒肉點梅子醬食咁😆而香橙醬配上鴨肝又可以解膩，真係幾match👍🏻海鮮方面都幾多選擇，除咗海蝦、青口同埋翡翠螺之外，仲有鹹鮮味十足嘅長腳蟹、好多膏嘅麵包蟹同埋波士頓龍蝦🦞啱晒鍾意食海鮮嘅老公☺ 仔仔最欣賞嘅就係甜品啦🧁嗰度有部好特別嘅自動pancake機，只要喺個sensor位揮動隻手，好快就會有一塊新鮮熱辣嘅pancake出現，自己再加埋配料，食得好開心😁當然唔少得可以任食Movenpick雪糕啦😍作為抹茶控嘅我就試咗柚子綠茶餅，感覺好清新。

原來呢度食buffet嘅景真係好靚！有180度青馬大橋海景，影相一流！食物方面都幾滿意，因為今次主題係「盛夏果漾海鮮自助餐」，有晒我同老公最鍾意嘅海鮮同水果元素，可以任食冰鎮海鮮包括波士頓龍蝦、麵包蟹、日式刺身、紐西蘭青口同翡翠螺。啲龍蝦好大隻啖啖肉好彈牙，仲好多膏～其他菜式都玩水果入饌，推介香煎鴨肝多士配楓糖香橙醬、脆炸咸豬手配香芒黃梅醬、柚子薑蜜煎比目魚柳，同埋百里香檸檬烤春雞。不過如果話一定必食嘅，就係士多啤梨醬燒杜洛克豬排骨，酸酸甜甜嘅士多啤梨醬同啲ribs好夾，特別refreshing，要大力推薦！！另外，發現有個「熱熔瑞士芝士」，廚師即時燒溶瑞士芝士後，就用刀刮出瀑布式嘅芝士淋喺法國麵包上面，熱辣辣嘅香濃嘅芝士醬無限拉絲，好好食，有驚喜！ 甜品方面，除咗任食Mövenpick雪糕，如果同我一樣係榴槤怪，就一定要嚟食吓個榴槤布甸，濃郁嘅榴槤肉好香甜好creamy。我仲食咗白桃寒天、蜜柑蛋糕卷、芒果龍眼布甸同迷你葡撻。款式雖然唔算多，但味道都唔錯！

💛🩷🧡Chill級海景下午茶🥂 夏天至啱就係度假🤭之前食dinner buffet 已經俾呢間餐廳夜景吸引住，估唔到原來日間景致都一樣迷人！✨ ❣夏誌果漾遊海景下午茶❣ $468/2位一邊食Tea，一邊欣賞靚景，個人都開心啲啦！總共十款醎甜點，其中較特別有❤火炙赤身醬油漬配白桃蓉 - 口感層次豐富💚24個月伊比利黑毛豬火腿配哈密瓜 - 鹹鹹香香又帶點甜美🍈🧡迷你芒果龍蝦包 - 味道清新可解肉膩，幾有驚喜！🥭💛檸檬馬鈴撻 - 酸甜不膩！❤法式士多啤梨餅 - 口感甜美輕盈！🧡蜜柑蛋糕卷 - 賣相精緻🦋打卡必影！ 我哋仲+$30升級咗豐盛葡萄🍇酸酸甜甜易入口，花生脆脆🥜香甜濃郁 仲好消暑😛！ 食完下午茶，仲可以喺沙灘散步添！

去咗歎個果漾主題下午茶餐廳有180 度全海景🌊可以一邊品嘗茶點🫖一邊看著沙灘🏖、青馬大橋及汀九橋海景😍 總共十款茶點, 口感幾清新 鹹點有炙赤身醬油漬配白桃蓉、迷你芒果龍蝦包、伊比利黑毛豬火腿配哈密瓜等 甜點則有紅桑子奧地利朱古力餅、檸檬馬鈴撻、蜜柑蛋糕卷等 鹹點比較鐘意芒果龍蝦包🦞芒果香加上龍蝦肉既鮮甜🤤配搭幾好 甜點當中,較鐘意紅桑子奧地利朱古力餅🍫，紅桑子酸酸地配上甜甜朱古力剛剛好 食晒成件都唔會覺得膩口👍🏻 地點📍挪亞方舟度假酒店豐盛閣餐廳收費💰港幣:468/兩位*加 HK$30 可升級至特飲 1 杯

放暑假，見亞女未去過馬灣，我地一家去一日遊，行下沙灘🏖欣賞夜景🌃，去到挪亞方舟好有渡假Feel😍 今次仲去挪亞方舟度假酒店一家人食dinner buffet，仲可以一路食一路睇靚靚風景，有180度全海景，仲有青馬大橋嘅夜景，睇住靚景心情都特別開心。 今次酒店推出「盛夏果漾海鮮自助晚餐」，岩哂喜歡海鮮嘅我地，自助餐有好多款式，有波士頓龍蝦🦞、麵包蟹🦀、長腳蟹🦀、翡翠螺🐚、香煎鴨肝、刺身等等，仲配埋水果調配嘅醬汁，非常醒胃。 除左海鮮，仲有好多以果漾為主題嘅佳餚，我就好喜歡士多啤梨醬燒杜洛克豬排骨，啖啖肉又軟腍，老公喜歡脆炸咸豬手配香芒黃梅醬，夠惹味又唔會膩，亞女見到甜品就心心眼，有最喜歡嘅Movenpick 雪糕，千層蛋糕又香滑，我就喜歡榴槤布甸，榴槤味香濃。

又去搵我最鍾意嘅🌊海景餐廳啦💓 今次去左去馬灣嘅挪亞方舟度假酒店🏨餐廳好開揚嘅景觀，仲有青馬大橋及汀九橋海景！個景100分😁 夏誌果漾遊海景下午茶 $468/2人 鹹點🍑火炙赤身醬油漬配白桃蓉🍉醃西瓜蟹肉沙律🍈 24個月伊比利黑毛豬火腿配哈密瓜🥥泰式雞肉沙律配椰子啫喱🥭迷你芒果龍蝦包 好豐富嘅果漾盛宴，連鹹點都配埋水果，芒果龍蝦包嘅龍蝦🦞同蟹肉沙律嘅蟹肉都好足料，估唔到海鮮配水果係特別得黎又意外地夾！而泰式雞肉沙律配椰子啫喱有少許辣好惹味 甜點🍋檸檬馬鈴撻🍓法式士多啤梨餅🍒紅桑子奥地利朱古力餅🍊蜜柑蛋糕卷🍑白桃寒天 甜點唔會太膩！🍫最鍾意奥地利朱古力餅，係特濃朱古力，口感濃郁豐富！其次我都好鍾意蜜柑蛋糕卷同白桃寒天嘅清甜口感☺ 食飽仲可以行埋沙灘～散下步

終於有長假期，可以約一班朋友去馬灣游泳，齊齊享受日光浴，再到酒店享受自助晚餐，挪亞方舟酒店鄰近沙灘和青馬大橋，夜景醉人。盛夏果漾海鮮自助晚餐主題是水果+海鮮，任食蟹腳、螺和凍龍蝦，新鮮爽口。 熱食都不少，當中幾款以生果肉/果汁為主題，令菜式更夏日，更fresh～香煎鴨肝多士配香橙醬我食了十件，滿口鴨油脂香，配多士，口感豐富。士多啤梨醬燒杜洛克豬排骨肉質有彈性，帶有香甜果味榴槤布甸有驚喜，以雞蛋🥚殼盛載，濃郁的榴槤味，口感幼滑Movenpick 雪糕有雲尼拿、朱古力和士多啤梨味，香甜幼滑。最後用半溶芝士配香脆麵包，大滿足呀！

暑假即興與家人來個馬灣一日遊，餐前漫步沙灘，欣賞夜景，有渡假的感覺。 在挪亞方舟酒店食「盛夏果漾海鮮自助晚餐」，有我至愛海鮮，龍蝦、麵包蟹、香煎鴨肝等都係任食，更可以欣賞180 度全海景，風景好靚！ 其中柚子薑蜜煎比目魚柳幾嫩滑，酸甜開胃。香煎鴨肝多士配香橙醬，鴨油好香。士多啤梨醬燒杜洛克豬排骨，香甜得嚟又啖啖肉。 波士頓龍蝦肉質爽甜，麵包蟹肉質鮮甜，翡翠螺、各類刺身也幾新鮮。 榴槤布甸的榴槤味非常香濃，柚子綠茶餅香甜中帶回甘，千層蛋糕忌廉香滑，再任食Movenpick 雪糕，大滿足呀！

放假想relax 吓，去咗遠離繁囂嘅馬灣，順便去挪亞方舟玩下同食嘢。而家做緊夏誌果漾遊海景下午茶 🫖：Tea set igable，款式都幾特別，夏天適合食水果，呢個下午茶都係用果漾做主題。 食tea 我鍾意鹹點，個火炙赤身醬油漬配白桃蓉配搭新奇又好味😋迷你芒果龍蝦包幾足料🦞經典配搭 ：24 個月伊比利黑毛豬火腿配哈密瓜🍈新奇配搭： 醃西瓜蟹肉沙律🍉清新、消暑😎 甜點我比較鍾意紅桑子奧地利朱古力餅，唔算好甜入面有朱古力脆脆增加口感🤙🏻檸檬馬鈴撻，酸酸甜甜幾開胃🍋，幾啱夏天 環境🌟🌟🌟🌟🌟舒服好寬敞，有無敵大海景望到沙灘同青馬大橋😇價錢🌟🌟🌟🌟港幣:468/兩位，二百幾蚊一位有海景，性價比算幾高味道🌟🌟🌟🌟

星期天親子樂， 同小朋友去食自助餐，一定唔會揀貴價自助餐。網上爬文之後發覺挪亞方舟自助餐價位及質素都似乎唔錯，可以－戰。 是日自助晚餐主題是茶寐饗宴環球海鮮自助晚餐。 餐廳環境闊落優美，仲有全海景 + 青馬大橋景添。 食物方面， 一般自助餐有嘅佢都有～ 海鮮、刺身、沙律、湯、甜品啦等等。 熱盤同埋甜品，尤其是做得真係幾唔錯。 香煎鵝肝配麼麼皮，中法fusion，第一次食鵝肝配麼麼皮加青瓜及蜜瓜條，配搭幾新款！即煮綠茶豆乳花膠雞湯麵，非常creative，原來綠茶豆乳同花膠可以咁夾重幾日未添。 綠茶意大利奶凍，超濃綠茶味。茶控媽媽最愛。仲有其他茶系甜品都可以留肚食。 食完行出去就係沙灘，小朋友超開心㗎。

之前終於抽到時間me time😌 同朋友入馬灣歎下午茶 一邊食一邊欣賞180度青馬大橋、汀九橋😎全海景，Chill一個下午 呢個Tea🍵以宇治綠茶為主題🍵，幾有清新feel，幾啱夏日，款款都啱手機先食🙆‍♀️ 茶點總共有十款，全部採用宇治原產綠茶做成份。部份鹹點加入了海鮮食材，例如小龍蝦配綠茶乳酪及奇異果、白蝦沙律配蜂蜜綠茶啫喱、迷你帶子漢堡配綠茶蛋黃醬。 甜點則有綠茶主題鬆餅、奶凍、焦糖燉蛋等，茶味幾香濃幾fresh，🥰啱哂我呢個綠茶控。 我就最鍾意綠茶奶凍😊綠茶味濃厚，奶凍質地亦幾幼滑😋yummy！ 📍挪亞方舟度假酒店豐盛閣餐廳#馬灣 #下午茶

餐廳有180 度全海景，坐向度食嘢就已經可以飽覽壯麗嘅青馬大橋同汀九橋海景，由黃昏坐到夜晚，美食加靚view，心情都特別好。今次呢個自助餐係環球海鮮結合茶匯料理主題，有波士頓龍蝦、鱈蟹腳、麵包蟹任食，滿足哂我嘅海鮮癮啊！唔止啊，仲有創意茶匯料理供應，當中我最欣賞係綠茶豆乳花膠雞湯麵、紅棗蟲草花鮑魚雞煲、龍井蒸蝦糯米飯同柚子薑蜜煎比目魚柳！其他熱葷都唔錯，當然唔少得係各類甜品同任食 Movenpick 雪糕啦！ 我嘅必食推介有:鱈蟹腳～啖啖肉，肉質又鮮甜，幾Juicy！香煎鵝肝配麼麼皮~意想不到原來係噤好食，仲可以隨意配搭青瓜蜜瓜同醬汁，食到唔停口。柚子薑蜜煎比目魚柳～酸酸甜甜幾醒胃，仲要啖啖肉，咬落又嫩又香口。至於甜點，必推炭燒咖啡杏仁長條蛋糕，好有層次及口感，啱晒咖啡控嘅我。最後當然要食埋任食嘅Movenpick 雪糕啦！

吃自助餐的環境和氣氛好重要🥂所以今次我和家人Book了挪亞方舟度假酒店在青馬大橋和汀九橋前並同時觀賞到美麗的日與夜海景好有度假風情，真令人難忘的家庭聚餐一次過品嚐到海鮮冷盤及環球美食我比較喜歡食海鮮，今次一次過品嚐到波士頓龍蝦、鱈蟹腳、麵包蟹及各類刺身(如吞拿魚及刺身蝦)等當中不得不提自助區的鱈蟹腳🦀蟹肉幾滑又鮮甜多汁其次就是冰鎮波士頓龍蝦🦞，幾有嚼勁，我更拿到一隻有龍蝦膏啊熱盤方面，有較特別的茶系主題菜式，如綠茶豆乳花膠雞湯麵、紅棗蟲草花鮑魚雞煲，其中有即叫即整熱辣辣的香煎鴨肝配麼麼茶，油脂豐富，配上醬料好惹味而慢煮西班牙杜洛克豬柳是非常多肉汁由於我仔仔喜歡食魚，所以清蒸原條石斑好適合，滑嫩又容易走骨甜品小朋友就最喜歡了自助餐有提供多款茶系主題的甜品我較喜歡食綠茶豆乳有純正的日本抹茶香味另外士多啤梨芝士及咖啡杏仁蛋糕也不錯而我仔仔最喜歡可任食Movenpick 雪糕

同囡囡去咗馬灣食自助餐，俾佢輕鬆下，又可享天倫之樂🥰 。.挪亞方舟度假酒店今期有個茶系主題海鮮自助晚餐，回本海鮮有波士頓龍蝦、鱈蟹腳及麵包蟹等，肉質都OK多汁唔會得個鹹。 熱葷有清蒸石班、美國有骨燒肉眼、慢煮西班牙杜洛克豬柳、款式未算話好多選擇，不過其中的香煎鴨肝配麼麼皮配搭都有新意。 另外較特別有多款茶匯料理及甜品，綠茶豆乳花膠雞湯麵、普洱茶合桃燉西班牙排骨、紅棗蟲草鮑魚雞煲、綠茶蜂蜜蘆薈蝦球。甜品有苿莉花茶朱古力條、洋甘菊茶士多啤梨芝士餅，香片茶栗子餅等，又可以任食 Movenpick 雪糕。 食物我覺得都唔錯，補給算頻密，唔驚食完一轉就無哂，又可以睇到海景同大橋風景，餐廳環境寬落，當半度假都幾舒服，係交通時間方面要預多啲囉.