豐鍋雞煲 (京瑞廣場1期)

營業中

休息中

而家沙田好似越嚟越少雞煲選擇,今日開始涼突然間好想食雞煲,就諗起石門呢一間豐鍋雞煲豐鍋招牌麻辣雞煲（半隻）由於呢度既雞煲都會比出面辣所以我地每次都係叫𝖡𝖡辣就夠對我地黎講岩岩好,唔會過於刺激.雞煲係乾鍋模式,一黎到非常之香雞件食落每件都嫩滑多汁,有麻香有辣度十優狀丸極度推介呢度嘅手打丸每粒都爽口彈牙, 用料足!墨丸入面真係食到粒粒墨魚粒而呢個拼盤就包括左五款唔同種類既手打丸分別有黑松露墨魚丸、蝦丸、墨魚丸、黑墨魚和鯪魚丸，每款都有兩粒而我個人最鍾意就係黑松露墨魚丸黑松露嘅香配上墨魚嘅新鮮彈牙頂級雪花肥牛打邊爐又點少得食牛肉雪花分布得好靚, 而且份量都OK,大大塊自創爆芝紫菜響鈴（3件）平時響出邊叫親響鈴都食唔晒呢度就好好可以分別叫三件或者六件咸香芝士餡料配上紫菜既香浸一浸湯後,半溶既芝士同響鈴既豆香非常之夾沙爆魚肚一加湯變打邊爐時就即刻放落去,等佢淋啲入味啲,好好食娃娃菜大檸樂龍鳳檸樂雞煲邊爐，必須要嘅一杯大可樂7:30前離座同9:30後入座仲有八折優惠添

豐窩雞煲📍位於石門安群街3號京瑞廣場一期一樓137號舖滋補螺片花膠雞煲，雞肉在慢火燉煮的過程中，釋放出濃郁的肉香，與螺片的海鮮鮮味很夾，時間的燉煮使湯底變得非常濃稠，滋味醇厚，雞肉在長時間燉煮後變得非常嫩滑，入口即化，螺片和花膠的口感，螺片吃起來Q彈有嚼勁，而花膠則是柔滑細膩，滋補螺片花膠雞煲味道鮮美，還滋養身體鮮蝦木耳雲吞，雲吞的外皮薄而韌，包裹著鮮嫩的蝦肉和爽脆的木耳，咬下去時，能感受到蝦肉的鮮甜與木耳的清脆相互交融。蝦肉的鮮味和木耳的微微甘香，搭配起來非常夾，讓人一口接一口，欲罷不能極品本地手切牛頸脊，牛頸脊肉質較為緊實，但同時又帶有適度的油花，肉質柔軟，湯底湯汁也會渗透肉中，讓味道更為濃郁。吃起來口感濃郁而有嚼勁，油脂的香氣與肉的鮮味相得益彰，使每一口都充滿滿足感爆芝響鈴，放入湯中2秒即可食，入口脆脆的口感，非常鬆化，自家製作果然不同凡響最後加上冰凍的啤酒，簡直冇得彈，今餐非常滿足

一直聽聞石門有間雞煲好出名，但都冇黎試過，今次經過石門就過嚟試吓😆6點半到已經開始多人，7點更加係滿座😮招牌係麻辣雞煲，但今次想食得滋潤啲，就叫咗個滋潤椰子雞煲，仲加咗啲肉類同丸類一齊食，滿足晒🥰 🐥滋潤椰子雞煲 (半隻) $198 (😸😸😸😸😺😸😸😸😸😺)湯底用椰子水、紅棗、魚肚同杞子熬製，清甜得嚟帶少少椰香，雞肉份量足，煲15-20分鐘就有得食，魚肚爽口又入味，飲完暖笠笠，好適合想食得健康嘅朋友👍餐廳仲會用明火爐保溫，配埋烏冬食真係暖胃又滿足😌 🐷頂級豚豬梅肉 $125 (😸😸😸😸😺) 一上碟就見到啲雪花分佈好靚，果然食落冇令人失望！肉質夠爽口，完全唔韌，仲帶少少油脂香，打邊爐必叫！真心推薦比鍾意食豬肉嘅朋友😋 🍡十優狀丸 (10粒) $108 (😸😸😸😸)有黑松露墨魚丸、蝦丸、墨魚丸、黑墨丸、鯪魚丸，每樣兩粒，款式多樣化！特別推薦黑松露墨魚丸，黑松露味好出，同墨魚丸嘅彈牙口感好夾，食落好有驚喜，鍾意試新嘢嘅朋友要試吓😍 🦐草蝦 $88 (😸😸😸😸😺) 海鮮控必試！草蝦大大隻，每隻都夠新鮮，食落爽口彈牙，仲好入味，打邊爐加埋蝦真係錦上添花，大推比鍾意海鮮嘅朋友🔥 🥬 唐生

今晚同老細去咗沙田石門京瑞廣場嘅「豐鍋」食晚飯，真係好滿足！🍲老細唔食得辣，所以我哋叫咗個bb辣雞煲半隻，雖然話係bb辣，但都幾辣㗎，不過真係好惹味，食得好過癮！雞肉嫩滑，醬汁濃郁，越食越開胃！😅🤭🥩手切牛頸脊真係正到爆🥰👍🏻，肉質鮮嫩，油花均匀，份量又夠大碟，食落去好有滿足感。🍡手打四寶丸都唔錯，彈牙得嚟又夠味，每一啖都食得出新鮮。🥟餃餃陣有四款餃子：麻辣餃、韭菜餃、雲吞同魚皮餃，皮薄餡靚，每一款都有特色，特別係麻辣餃，微辣得嚟好香，食到好想翻焯😅🤭🤣。🥗蔬菜盤有生菜、油麥菜同菜心，新鮮爽脆，食完肉之後食返啲菜，感覺好平衡。🍹飲品方面，藍蝶梨汁賣相好靚，飲落去好潤喉，咸檸樂就解油膩一流，飲完之後成個人舒服晒。價錢方面，每人大概四百零蚊，雖然唔算好平，但質素同份量都對得住個價錢。餐廳生意好好，轉頭就爆曬，建議大家記住要訂枱，唔係就要等位啦！總括嚟講，今餐食得好開心，下次一定會再嚟！

📍 豐鍋雞煲｛沙田石門｝ 估唔到喺香港可以食到正宗嘅麻辣雞煲🐔麻度，辣度都可以自己選擇😌但係依一間店舖嘅辣同埋嘅麻，係喺後徑度發出，所以一定要適可而止，真係越食越辣，但不過打邊爐嘅湯底就好出色，因為已經沾滿晒麻辣湯底嘅味道👅✨ 豐鍋招牌麻辣雞煲雞煲係呢度嘅靈魂之作。雞煲上枱時，店員翻炒雞肉，整個過程一氣呵成，焗煮一陣就可以令雞肉徹底吸收汁底嘅香辣精華。除咗雞之外，煲入面仲有洋蔥、中芹、芫荽同辣椒乾，每樣都係靈魂所在，缺一不可。而且雞肉並不馬虎，唔係全部都係骨，真係啖啖肉，真係夠斤半隻雞，食得多都唔會膩！✨ 魚片頭打邊爐唔可以少得魚皮餃！✨自制韭菜餃勁飽滿嘅韭菜餃，皮薄餡料多，放落麻辣湯底，仲吸收晒麻辣嘅精華，一咬開已經爆曬肉汁！✨頂級雪花肥牛肥牛啲雪花來自脂肪，所以雪花愈多，分佈得愈平均就代表佢愈肥，愈頂級！✨蜂巢豆腐第一次聽到蜂巢豆腐，不過成條豆腐都好長，放咗落去湯底度都忘記咗，就算煮咗好耐都冇爛，係我欣賞嘅點！✨稻庭烏冬每一次食雞煲都一定要有烏冬，做到掛湯嘅效果，完全就係精華精粹嘅所在！✨土豆片土豆片煮到軟腍腍，吸收晒麻辣湯底嘅味道，更滋味🤭打邊爐點少得大杯嘢飲，冇咗依兩大杯飲品，

天氣轉冷，又是想起吃雞煲，在香港想吃正宗雞煲，必然想起這裏。豐鍋招牌麻辣雞煲半隻$178，這個招牌雞煲每次來到都必點，因為這個雞煲的香料很足夠，麻辣味道香中帶辣，辣中帶香。而且店員在外面炒到全熟，一放上枱，便可吃到鮮嫩可口的雞肉了。吃完火鍋之後，可以要求店員加清水，待滾起，便可來過火鍋。桂花蚌$125，桂花蚌。爽口彈牙，香脆無比，不能放在湯內太久，否則會煙煙韌韌。白鱔片$102，蒜片份量十足，爽脆彈牙，非常新鮮。滋潤花膠三寶$138，有花膠、魚肚、竹笙，其中以花膠和竹笙的味道最為鮮味。萵筍$36 ，放在火鍋內約10分鐘，便可吃到軟腍可口的萵筍，如果想吃爽脆一點，便放在湯內5分鐘。醬油每位$8 ，這個是新加的，之前沒有火鍋醬料，不過這個價錢還可以接受。

朋友帶我黎石門打邊爐，呢間餐廳主打食雞煲，我地叫左一份花膠雞煲美味又大碟，雞湯清甜，雞肉半隻甘多，再叫左一碟手切牛勁脊，肉質嫩滑又易熟，食落勁濃郁肉味，牛肉怪表示手切好正，必食靚肉推介。呢度環境闊落，光猛企理，我地叫左一碟魚肚，魚肚好厚實又軟綿綿入口好似食緊棉花糖甘，份量都幾多，醬油配搭最愛佢既沙嗲醬好濃郁沙嗲香。仲有唔少得既黑豚梅肉片，肥瘦平均，又靚又好味。豐鍋雞煲地址：沙田石門京瑞廣場1期1樓137鋪

前排天氣凍左，帶媽媽去食雞煲😙有多款雞煲選擇🤗有辣有唔辣～今次想食可以暖笠笠既花雕藥膳雞煲😍之前食過佢個椰子雞都好食架😊#花雕藥膳雞煲 半隻 🐥🍲❣️係fafafoodie 食過數一數二濃郁既藥膳湯底🤤眼見湯底有呢啲材料：當歸/黨參/紅棗/杞子/圓肉/淮山~好濃既藥膳味😚仲加上用花雕醃製既雞😃一放低已經聞到好濃花雕酒香😆勁滋補養生😌雞肉即使煲左咁上下時間都仲好嫩滑👍🏻花雕同雞味融和埋一齊🙌🏻HKD168#十優狀丸 ❣️（黑松露墨魚丸＋蝦丸＋墨魚丸＋黑墨丸＋鯪魚丸）每款丸都好彈牙👍🏻唔會係溝左好多肥豬肉個啲軟淋淋質地🫢不論蝦丸墨丸都足料好食HKD108#自家炸響鈴 🫔❣️即叫即炸超鬆化😚佢仲有芝士/紫菜響鈴都係自家製😉HKD59#手工即炸魚皮 ❣️呢度既魚皮同其他炸魚皮唔同，係扁平一大塊😙都係即叫即炸🤩好似薯片咁，就咁食或者打邊爐都得～HKD54#白鱔片 🐟白鱔新鮮，肉質爽彈，仲有啲油脂香☺️HKD102#自家製鮮蝦木耳雲吞 🥟每隻雲吞都包住一整隻蝦，仲有木耳好爽口HKD68#唐生菜 🥬新鮮翠綠HKD36星期一到四19:30前離座仲有8折😌醬油費$8/位加一服務費豐鍋雞煲#fafafoodie_石

味道總是留住食客的心💖而我的心一直心念念🐔豐鍋雞煲🐓🥥一碗椰子雞湯喚醒冬日❄️✨豐鍋椰子雞煲✨滋潤秋冬 已不知溫暖了我多少個冬季 每次來都滿座難怪今年老闆要租用旁邊的店舖 🐔味道果然勝於一切🫶🏻✨豐鍋椰子雞煲✨使用原只椰青🥥掀開雞鍋剎那 椰香與雞油香氣如晨霧漫開琥珀色湯面浮著晶瑩油花 咕嚕咕嚕的滿屋飄香 椰肉如凝脂般瑩潤 肥美大雞 雞肉嫩滑文火慢煨的文昌雞浸潤著椰汁清甜皮脂透出珍珠光澤 雞汁裹著椰香在齒間迸流湯底以椰青水為骨 摻入老椰漿的醇厚以湯的味道🫧織就一場暖冬舀起時湯匙墜著金黃雞油珠 入口先是椰子的清冽甘美 尾韻漫出雞骨熬煉的鮮濃自然甜味如海浪層疊湧上喉頭彷彿將熱帶島嶼的陽光釀成了溫潤的琥珀瓊漿滋潤養生 每口鮮甜 每口愛上 留滿口醇香用心品嚐每一口都是幸福的味道 雞湯內有🐡魚肚 滋潤養生索曬椰子湯的味道鮮甜 太愛了 手工黑松露墨魚丸🦑豐鍋必吃黑松露墨魚丸 是我的最愛8粒墨魚丸 香濃黑松露 爽口彈牙🐮極品本地手切牛頸脊牛頸脊油花分布均勻 牛味重 口感佳🥬娃娃菜新鮮份量大 配合椰子湯更是鮮甜美味🧀紫菜芝士響鈴食椰子雞必叫 完全吸取椰子湯的甜味配上紫菜和芝士 甜甜的 鹹鹹的 脆脆的層次

近排天氣凍凍地，就去左石門食雞煲。叫左個花雕藥膳雞煲，先上左個湯底，係香濃嘅藥膳湯味。雞件份量叫左半隻雞，雞件用左好香嘅花雕酒浸，酒味香氣十足。雞件同湯底會分開上，咁你想食幾多就自己煮幾多，唔錯嘅安排。雞件煮熟後肉質都幾滑，雞味濃度正常。另外點左其他配菜打邊爐，頂級雪花肥牛，叫左大size，肥牛脂肪比例幾平均，肉質入口幾軟熟。自創爆芝紫菜響鈴，就有3件，浸左啲藥膳湯底增添左啲甜味，中間夾左啲芝士同紫菜幾夾。其餘就叫左油麥菜、娃娃菜、鮮淮山同稻庭烏冬，蔬菜都幾新鮮。

每次去石門都一定黎食雞煲🤤今次即興去，夜晚八點幾前面仲有兩張枱等緊～唔想等可以預早打去book位😗！！今次叫左麻辣雞煲，雞好滑，又夠味！ 食完雞仲可以打爐！雞煲有得揀辣度，唔食得辣可以揀微辣，可以接受！🔶即炸響玲🔶炸魚皮-即叫即炸，超脆！🔶羊肉片🔶紅薯粉每條都吸收晒雞煲精華，超入味！🔶餃🚩豐鍋雞煲 (京瑞廣場1期)地址: 沙田石門安群街3號京瑞廣場1期1樓137號舖電話: 26030033

豐鍋雞煲 (京瑞廣場1期)地址: 沙田石門安群街3號京瑞廣場1期1樓137號舖食過咁多間火鍋雞煲，石門依間豐鍋雞煲既性價比確係高！$148已經有得食佢地既招牌雞煲，勁惹味！😋😋鍾意食辣既唔好錯過！煮得相當入味😊😆仲有其他野食 好多都係自家製，好有誠意㗎！例如佢地既韮菜餃，全部落足料，大大粒！份量好足夠，包你食得好滿足😆食得雞煲，點少得食返碟牛？我叫咗盤頂級雪花肥牛！爭啲大盤到食唔晒！肥瘦均勻👍仲有強烈推薦白鱔片！！無咩骨，魚肉口感彈牙鬆軟，最愛😋😍皇帝菜，食落好新鮮，而且有清洗過👍👍整體而言相當好食，性價比高既火鍋😊😊豐鍋招牌麻辣雞煲 BB辣自制韭菜餃頂級雪花肥牛白鱔片皇帝菜藍蝶雪梨

{🍽️ 香港搵食 🍽️｝豐鍋雞煲 仍然有想打邊爐，就去咗石門，原來都好多嘢食架wo!! 今次就叫咗個滋潤椰子雞鍋，配料有頂級安格斯牛小排、脆肉鯇魚腩、豬皮同皇帝菜。滋潤椰子雞鍋係用新鮮椰青水起鍋，水滾後先加雞件滾5-6分鐘，之後熄火。先飲湯後食雞，啖湯非常清甜，雞件既肉結實嫩滑，食完之後就可以開始打邊爐啦🙌🏻🙌🏻 牛小排好大碟，牛味濃郁；鯇魚腩好新鮮鮮甜，豬皮好爽口，最後食埋皇帝菜👍🏻👍🏻📍沙田石門安群街3號京瑞廣場一期1樓137號鋪

今日約左個中學同學食飯，個朋友係石門收工，我地兩個最中意打邊爐，沿路睇到附近商場有冇火鍋店，所以上去望望，見到有間食雞煲，見到都幾多人排隊同埋話係即叫即炒！兩個人叫左半隻雞，個汁少少辣同埋甜甜地，雞既份量都ok,食完雞再叫左D配料，叫左脆肉脘、極品牛頸脊，一碟已經夠3個大人食！厚切嘅牛頸脊油脂同肉質均勻，淥幾秒已經散發出牛肉香氣，入口即融。仲有好多配料都叫唔到，可能下次要約多幾個朋友黎先食到😂👍🏻

▫️花雕藥膳雞煲（半隻）($168)👉🏻 雞肉好嫩滑，湯底花雕酒味香濃，有淡淡嘅藥材味，好暖胃，呢個天氣飲啱哂☺️⭐️⭐️⭐️⭐️⭐️ .▫️頂級安格斯牛小排（小）($198)👉🏻細Size份量都幾多，2 個人食剛剛好😍安格斯花紋分佈得好平均，肉質軟嫩，牛味好濃⭐️⭐️⭐️⭐️⭐️.▫️自創爆芝響鈴 ($43）👉🏻響鈴即叫即炸好酥脆，芝士味道好濃，半融狀態，份量啱啱好唔會太漏，真係超級好味🥺⭐️⭐️⭐️⭐️⭐️.▫️新鮮肥鵝腸 ($112）👉🏻鵝腸質感厚實，食落爽脆煙韌⭐️⭐️⭐️⭐️⭐️.▫️餃餃陣 ($88）👉🏻餃子皮薄多餡，餡料好足每隻都脹卜卜，有鮮蝦雲吞、魚皮餃、韭菜餃、麻辣雲吞，每款2 粒⭐️⭐️⭐️⭐️⭐️.▫️唐生菜（$36)▫️醬油費($8@）——————評分：9/10.平圴消費：~$360