豐鍋雞煲 (荔枝角道) (已結業)

個fd講左幾次話豐鍋雞煲好好食, 講完又講, 比佢講到我都忍唔住去試下!餐廳都幾大, 座位唔會好迫, 而且今晚晏左d食飯, 食肆要收10點所以唔算好爆場, 令我坐得再舒服d, 店內仲有大大個掛牆電視, 可以一路睇電視一路食豐鍋招牌麻辣雞煲店員放上枱再炒兩炒就食得, 好香! 睇小左佢既辣度, 叫左中辣, 辣得濟但又好刺激好惹味, 食左一半都係叫店員加湯, 煲左陣之後又越煲越辣, 中意食辣既話就實中意呀! 半隻雞份量足, 雞件既肉多唔會得d骨, 痴住哂d醬汁好香❤雪花肥牛併豬腩片大片整齊, 厚薄均勻, 肉味頗重, 不錯!手工即炸魚皮嘩見到心心眼, 未食過咁大塊即炸魚皮, 橫過個煲呀!! 浸一浸湯入口卜卜脆又香口, 好味!四式手打丸全部都好彈牙, 墨魚丸有兩款, 分別係墨汁丸同普通墨魚丸, 墨汁丸入面有粒粒墨魚碎, 兩者都有鮮味👍🏻而蝦丸我亦好中意, 鮮蝦味好出, 彈牙有質感👍🏻仲叫左冬菇, 蘿蔔, 鴨血, 鴨血最正呀又厚又大塊, 食落厚實索埋d辣湯好正野飲叫左烏梅汁同埋藍蝶雪梨, 呀又估唔到個賣相幾靚又大杯, 烏梅汁酸maymay好開胃又解油膩, 藍蝶雪梨就好清甜解渴。

收工過咗深水埗搵朋友即興食飯，好耐未食過雞煲喇！✨豐鍋招牌麻辣雞煲半隻 (走辣/BB辣/小辣/中辣/大辣)一上枱已經聞到好香😍好惹味！店員幫手炒匀雞件，之後等多3分鐘就食得🤤我地叫咗bb辣，味道帶少少麻辣，而且唔會太鹹，香料味道濃郁，雞件嫩滑，好入味！✨頂級黑豚豬腩片+頂級雪花肥牛豬腩片肥瘦相間，肉味濃，口感彈牙，爽滑！肥牛嫩滑，唔韌，牛味濃郁，有咬口！✨手工墨魚丸+ 自家製韭菜餃手工墨魚丸非常鮮味，質感彈牙，入面仲有墨魚粒增強口感。韮菜餃粒粒飽滿，好香好惹味，絕對係皮薄餡靚。✨自家炸響鈴即炸響鈴大大件，新鮮滾熱辣上枱，香脆鬆化！✨雜菜籃打邊爐點都要叫個菜平衡下，雜菜新鮮翠綠，全部清洗得乾乾淨淨，有生菜、菜心、白菜、油麥菜。✨稻庭烏冬稻庭烏冬質感煙韌彈牙，索埋湯底精華，好好味！✨龍鳳檸樂 ✨烏梅汁兩杯飲品，都酸酸甜甜，啱晒打邊爐飲！

今日幫朋友去深水埗選購電腦，之後佢請我去馳名的豐鍋雞煲吃晚餐。因為我不想吃辣，朋友推介我吃滋補螺片花膠雞煲。兩個人要了半隻雞。嘩，雞送上來簡直令我們食指大動。半隻雞有很多塊，還有多隻花膠和多片螺片，好抵食。湯內有杞子和紅棗。服務員細心將雞，花膠和螺片放入湯內滾，沙漏的沙漏完便啱食。服務員還替我們將湯面的油隔去，好!先飲幾啖雞湯。嘩，清甜滋補，好正。食埋湯料更好，雞肉嫩而甜，雞皮滑，花膠充滿膠質吃落滑得來有質感，螺片鮮甜。每啖都是美味和養分。我們還叫了其他食物。雪花肥牛有牛味，鮮甜肉質靚。頂級黑䐁豬腩片淥完不覺肥，好味有咬口，別有一番風味。墨魚丸鮮甜彈牙。自家製韭菜餃都好正，餡多肉靚有鮮味，吃完一粒又一粒。自家炸響鈴一定要食，新鮮，吸滿湯汁極惹味。打邊爐蔬菜不能少，補充食物纖維較健康。白菜仔，唐生菜和菜心都新鮮好吃。稻庭烏冬好彈牙煙靱。飲品選擇多。藍蝶雪梨清新，好看好飲。烏梅汁消滯有益。多謝朋友的款待，我們今天有口福，吃得很高興。下次有機會再帶媽媽來吃雞煲，讓她試下好嘢。

去到深水埗做嘢，想試地道美食，看到Openrice有這間雞煲店，便打電話去訂枱試一試。三個人坐低便叫了招牌雞煲，味道不錯，香辣十足。之後再叫打邊爐配料，叫乜無乜。可能生意不好，入小些貨。叫了雜錦丸，d丸不是新鮮做的，是雪到冰硬了，好像放在雪櫃好耐。雲吞亦一樣，十分冰硬。牛頸脊都新鮮。食到9點，店員巳告訴我們他們是9:30pm關門，要開始收枱面的食物，但我們還沒吃完，所以我們拒絕了。他們只可以等，跟着他們開始拉閘，關其他嘅燈。沒有服務，反而要收加一小費，一些都唔值。另一不方便的是只可收現金，這有點不方便吧了。

隱藏在深水埗，為了一試他家的爆漿響鈴，味道是不錯，空口吃也很好吃，就是會膩！因為我吃了五個但是雞煲我覺得沒有之前的八妹雞煲好吃，沒有香甜和麻！不過調料種類夠多，有沙茶和辣醬！價格大概兩個人500左右

椰子雞煲(半隻雞) $198十分有架勢 侍應姐姐會拎原個椰子出黎 再刮啲椰子肉落個湯 之後係食得番呢啲新鮮椰子肉(´･ω･`)雞夠曬大隻而且嫩滑成個湯底基本上我一路打邊爐一路係咁飲 惹味程度爆燈 仲好飲過我阿媽煲嘅椰子雞湯( ･᷄ὢ･᷅ )´•ᴥ•`頂級雪花肥牛(小) $108雖然餐廳名叫做雞煲但肥牛都正 牛味濃油脂香一碟十片左右咁多國家嘅火鍋我最鍾意食港式火鍋嘅肥牛 牛味最濃肥牛表示：見到我啲紋路都知我咩料啦 頂級黑豚豬腩片 $128豬我覺得比較普通冇話好驚喜嘅油脂味食過鍋心嘅豬腩片真係香得好緊要所以唔特別想食豬可以試其他野手工即炸魚皮超級特別 未見過原塊上嘅魚皮可以拎喺手咬 好似食西瓜咁非常香脆 打卡亦一流 炸魚皮喺我心目中係打邊爐必叫！手工四寶丸($88 8粒)4款 每款2粒 總共8粒蝦丸鯪魚丸墨丸同黑墨丸印象較深刻係墨丸同黑墨丸因為足料一粒粒墨魚喺丸入面好彈牙有咬口 而黑墨丸比墨丸更濃味´•ᴥ•`水蜜桃梳打+藍蝶雪梨($42@1)呢度飲品都幾有心思 唔係淨係得啤酒汽水都有幾款特製飲品 我地試左其中兩杯都幾滿意水蜜桃梳打超級解渴 打邊爐好夾 如果可以有啲水蜜桃粒粒就更原汁原味喇 至於

今日收工後約左友人黎深水埗食雞煲，朋友介紹呢間豐鍋雞煲，地鐵站出黎要行一陣，門口都幾易揾，入面好光猛，乾淨企理，座位都幾舒服。招牌雞煲有四款，有麻辣，有滋補，有藥膳。我哋揀左養顏嘅滋補螺片花膠雞煲。另外叫左d肉類，丸餃，菜同烏冬。餐牌仲有海鮮同小食叫。滋補螺片花膠雞煲 (半隻) $218 另加一滋補螺片花膠雞煲真材實料，足足有六塊花膠，六塊螺片，同半隻雞。當雞湯滾起，服務員就幫你成碟螺片花膠雞落落湯度，漏斗漏完就食得，好方便快捷。服務員建議先飲啖湯，個雞湯好清甜又唔油，感覺超健康。花膠絕不斯場，唔算薄身又爽口。螺片好正，有咬口又鮮味。雞有雞味，肉質又嫩，雞皮彈牙。其他湯料仲有紅棗同杞子，好滋補。頂級黑豚豬腩片，頂級雪花肥牛頂級雪花肥牛牛味濃而肉質嫩口，完全唔韌，正！頂級黑豚豬腩片半肥瘦，豬味濃又唔韌，好食。自家製韭菜餃，手工墨魚丸自家製韭菜餃同手工墨魚丸一齊上，擺盤精緻，中間仲有梛菜絲伴碟。自家製韭菜餃皮超薄，超多韭菜粒，再加左少少豬肉粒，好食！手工墨魚丸上面加左蟹籽，好彈牙，仲有粒粒墨魚粒食。雜菜籃 $70 另加一雜菜籃有生菜，菜心同白菜芯。全部都新鮮翠綠。稻庭烏冬 $28 另加一稻

趁天氣仲涼涼地，我同朋友就去左豐鍋食雞煲兼打邊爐，點了份二人餐，每樣有少少咁，2個人都可以食得好豐富😋 餐廳環境幾闊落，完全冇壓迫感👍🔻二人餐 $498 🔸️麻辣雞煲半隻（可自選辣度）雞煲上枱，已經聞到好香，店員幫忙攪拌後，只需耐心等候3分鐘就有得食啦，唔太食得辣既我地揀bb 辣度就岩岩好啦，少麻少辣，雞件肉質嫩滑被濃厚醬汁包裹，好惹味 🔸️雪花肥牛及豬腩肉各8片，肥牛重牛味，豬腩肉帶少少肥，夠爽口 🔸️自家制響鈴2件，淥幾秒就食得，好鬆化，索晒d 精華，冇得輸，打邊爐必食👍 🔸️墨魚丸4粒及韮菜餃4隻，墨魚丸好彈牙，上面仲有蟹籽令口感提升，餃子黎講，我最鍾意就係韮菜餃，夠香，餡料十足 🔸️雜菜籃包括菜心，生菜，白菜，油麥菜，幾翠綠 🔸️稻庭烏冬1個 再叫了2杯飲品，水蜜桃梳打同玫瑰柚子，2杯顏色都幾靚，甜甜地，幾解辣又好飲

滋補螺片花膠雞煲本人好鍾意飲湯 尤其係中式老火湯 所以一睇餐牌就即刻揀咗呢款湯底放哂啲湯料落去 五分鐘一滾起就有啖啖靚雞湯飲 飲左兩三碗雞件好滑嫩 花膠份量亦唔少兩個人食半隻雞 食極都仲有食肉獸打邊爐又點少得肉呢叫咗頂級雪花肥牛同黑豚豬腩片牛肉唔會好肥 牛味濃食落肉質唔錯 豬腩片夠肥美 肉味甘香都幾嫩手工四寶丸四寶丸有蝦丸 墨魚丸 黑墨丸 鯪魚丸四款入面 我同朋友都最鍾意墨魚丸爽口彈牙之餘 入面仲食倒粒粒墨魚但最期待嘅黑墨丸 鹹左少少 有D可惜手工即炸魚皮呢款絕對係私心推介 驚喜十足小妹都係第一次見原條上嘅炸魚皮仲加咗椒鹽 就咁食又得 沾完湯食亦得豬紅 蘿蔔片 鮮冬菇 幾款都正常發揮 最正係蘿蔔索滿哂靚雞湯 又香又甜冬菇大大粒 成粒大啡菇咁 鮮味十足玫瑰柚子 同 藍蝶雪梨 兩杯野飲都各有特色 解渴又養生玫瑰花加柚子蜜 原來都幾夾喎蝶豆花同梨就好清甜 仲好岩打卡添

呢度有set嗌亦都可以散嗌👍🏻🥢招牌麻辣雞煲聞落好香，睇落半隻雞都唔少😆侍應上左菜仲會幫我地即場炒下，等啲香料更加出味！而且啲雞件嘅size岩岩好，煮完啲肉仍然好滑☺️個味岩岩好，嗌左小辣，加埋其他香料好惹味而且呢個算係乾雞煲，啲汁愈整愈濃郁😋雞皮煎到好焦香，真係唔錯食完雞煲就可以加水打邊爐😙🥢手工即炸魚皮嘩未見過魚皮咁大塊😆可以就咁食，亦都可以淥一淥先食但就咁食有啲硬我比較中意淥幾秒再食，又可以索埋啲湯嘅味☺️🥢四式手打丸最好食係2款墨魚丸👍🏻入面仲有好碎嘅墨魚，食落好有口感而蝦丸都唔錯，好彈牙😆🥢頂級雪花肥牛唔係入口即溶個款，但牛味幾重🥢蔬菜籃都有好多款菜好少打邊爐食菜心😆但都唔錯啲菜都ok新鮮🍹龍鳳檸樂、大話七大大杯，打邊爐一流👍🏻

鋸扒唔成食雞煲🤣，發現有好野👍🏻。2個人叫左個2人雞煲餐，樣樣有的，仲追加多個魚皮🤩。🔻招牌麻辣雞煲餐 $498🔻雞煲揀左微辣，一上枱侍應就會幫你處理， 3分鐘就食得🤤，半隻雞嘅雞煲來講都幾多肉，唔會剩係得棚骨👍🏻👍🏻，微辣帶麻，唔過位，會追住食🤣個餐有雪花肥牛🐄豬腩片🐖響鈴，墨魚丸，水餃🥟，稻庭烏冬，雜菜籃🥬。肥牛唔會太肥，肥瘦均勻，食落有牛味☺️，仲有個豬腩片，的腩位食落係爽口😚，手打墨魚多彈牙，仲有個水餃🥟，係韮菜餃😍。正呀，大大隻又飽滿，一夾開個陣味就飄出黎🤤，同搵的韮菜係切成粒狀，食落都有返的口感🤗。而個雜菜籃幾好，有3款菜，菜心，油麥菜，生菜👏🏻。響鈴好多地方都有，但係佢嘅響鈴係自家製😲，都幾大卷😍，淥一下就塑飽雞煲既精華🤩，正到痺。最吸睛都係個片炸魚皮，一大片，長過隻筷子😍，薄薄地，但超掛湯，脆脆辣辣真係好過癮👍🏻仲有叫咗兩杯嘢飲，一杯龍鳳可樂，一杯烏梅汁，兩杯都係酸酸地好開胃，打邊爐飲係一流😝

年三十 食盆菜訂了豐鍋，但不可一不可再用的材料不新鮮，蝦是的肉癡殼，不爽不硬，肉又淋又，霉，明顯不新鮮，死蝦整豬肉，是雪藏豬肉餸都是沒味，最入味就係支竹瑤柱，花膠都好硬Poster話送半隻雞，最後又沒送，打電話問，話要指定渠道訂盆菜先有，但poster都無說明呢點，做生意也不老實$1488，6人份俾啲咁嘅質素，堅唔值本人食野唔算好高要求，並不是要非常好食，但都唔好食不新鮮嘅，霉嘅，無味嘅好少出咁嘅post,但希望大家唔好新年開心喜慶嘅日子搞到掃慶真係半星都唔值

好耐好耐冇食個雞煲啦，所以今日遲呢見到Klook有優惠呢就嚟到呢間都算格攝嘅雞煲食啦，因為佢要由深水埗站行8分鐘到先到㗎。咁佢個優惠呢就130蚊，就包左半隻雞煲，同埋任食嘅鴨血。咁我哋叫咗小辣啦，但係其實就好bb辣咁，可能呢度嘅辣度都係偏低？雞煲就唔算好惹味啦，鴨血嘅口感呢都算OK。呢度有即炸嘅響鈴，非常之脆啊。服務方面呢，店員係錯幾次單嘅。溝通上面都有誤解啦，以為我哋點嘅嘢食係唔要嘅。但其他地方都OK嘅，環境乾淨。

秋風起，又是吃火鍋的季節了，今晚便來到深水埗的火鍋專門店。滋潤螺片花膠雞煲半隻$228，店員會為我們烹煮雞窩，雞的份量大約有半隻之多，花膠筒有六隻，鍋㡳的雞湯味道十足，喝完湯底之後，感覺很滋陰養顏。由於湯底味道鮮甜，所以不知不覺喝了兩碗。餃餃陣$92，韭菜餃、麻辣雲吞、鮮蝦木耳雲吞、魚皮餃。其中以麻辣雲吞的辣度最為出色。　頂級安格斯牛小排$198，牛小排的牛肉味道十足，脂肪分布均勻，份量亦不少。手工即炸魚皮$53，大大塊的鮮炸魚皮，用鰱魚皮即點即炸，無論放湯或即時食用，味道都很好。雜菜籃$75，有菜心、油麥菜和生菜，畢竟現在要吃得健康，火鍋都要有蔬菜。大鹹檸七$35、烏梅汁$42，兩款飲品，都酸酸甜甜，非常配合火鍋。

依家天氣開始轉涼 涼涼地就最適合打邊爐啦約埋三五知己食雞煲先 ！！滋潤螺片花膠雞煲 真係有原條花膠筒㗎 仲要好多條螺片大大塊好鮮甜 個湯底真係真材實料煮熟第一件事梗係飲碗湯先啦 ，碗湯🥣鮮味十足 雞煮得啱啱好 夠嫩滑 頂級安格斯牛 嚟到一定要叫呢款牛 🤩🤩 呢款牛 牛肉味勁重 完全冇根 油脂分布平均 有入口即溶嘅感覺 自家製鮮蝦木耳雲吞 入邊有大量木耳 包住豬肉同蝦 食到索索聲 木耳好脆 有口感 😁😁紫菜芝士響鈴 打邊爐 吸汁神器 響鈴放過落湯 吸晒啲雞汁 再食更加正 仲有淡淡芝士香 雜菜盤 食咗咁多肉 食返啲草先咁先至健康㗎嘛🥳🥳打邊爐梗係會有啲熱氣 ，飲番個椰青汁 就可以中和返啦