豚丼のぶたはげ (康怡廣場北座)

營業中

休息中

位於太古康怡廣場嘅「BUTAHAGE豚丼のぶたはげ」，係一間主打日式豚丼嘅過江龍餐廳🍴最近推出咗冬季限定嘅松葉蟹丼同埋一人前鍋物松葉蟹丼將松葉蟹拆肉起膏，用料豐富，份量夠足！包括蟹鉗、蟹肉、蟹腳同蟹膏。松葉蟹係日本三大名蟹之一，秋冬亦係松葉蟹當造嘅季節✨蟹膏好香濃，鮮味十足！蟹肉嫩滑鮮甜；蟹鉗同蟹腳肉質緊實，充滿鮮味，大滿足哦陸空三拼鍋物冬季限定嘅一人前鍋物定食，價錢實惠，可以自選湯底、主食同醬汁，拼出最適合`自己嘅組合！陸空三拼鍋物包括牛五花、豬五花同雞腿肉，一次過食晒三款肉～牛五花、豬五花都好juicy，肥瘦適中，吸滿壽喜燒湯底。雞腿肉就好嫩滑，沾上日式胡麻醬就更加滋味！鍋內仲有豐富配料，包括野菜、菇菌、炙燒豆腐等等，佐飯一流天婦羅5點春菊、茄子、南瓜、海老、北海道帆立貝，每款各有一件。天婦羅炸得酥脆可口，唔油膩，保留咗食材本身嘅鮮味，好好食呀！

日本過江龍店推出冬季限定不用$100食火鍋或松葉蟹😍好正！不用$100就食到日本三大名蟹🦀之一嘅松葉蟹！蟹肉鮮甜嫩滑，蟹鉗和蟹腳的肉質緊實，讓每一口都充滿滿足感。特別是蟹膏，香濃甘甜，為整碗飯增添了層次感。一人前「陸空三拼鍋物定食」只需$78！☺️ 就能享受牛五花、豬五花和雞腿肉的完美組合。自選的鰹魚湯底清鮮，搭配炙燒豆腐和新鮮野菜，還有胡麻醬，為鍋物增添了獨特的風味。😋 天氣凍凍地食真係好啱！ 😚

難得喺太古搵到一間超抵食嘅日式料理餐廳，百幾蚊就可以食松葉蟹，一人前鍋物都係一百蚊左右就搞得掂，絕對係糧尾恩物！‣ 松葉蟹土鍋飯 $108米飯相當之軟熟可口，即場煮十幾分鐘，每一啖飯都充滿住蟹嘅鮮味。賣相都超級精緻，再加上旁邊嘅蟹味噌同三文魚籽，直程將成個飯嘅鮮味提升去另一個層次，忍唔住將啲飯焦都食埋，呢個價位絕對冇得輸。‣ 雙滿足鍋物 $96識食一定食牛五花同豬五花，肉嘅份量都唔少，食完一個都夠你捧住個肚走。我自己就嗌咗胡麻醬配烏冬，係一個食落好舒服嘅組合，而烏冬本身都好有咬口好滑溜，選擇困難嘅話嗌呢一款就啱晒。‣ 天婦羅5點 $48天婦羅唔會好油膩，南瓜炸完之後更加食到本身嘅甜，而茄子亦都炸得好軟稔，入口綿滑。絕對不得不提就係虎蝦同帆立貝，兩者依然保留到彈牙爽口嘅口感，值得一試。‣ 半熟蛋 $10每次見到半熟蛋天婦羅都忍唔住叫，因為覺得炸完仲保留到半熟嘅狀態真係相當之吸引。咬落去見住啲蛋黃慢慢流出嚟，十蚊一隻好抵食。‣ 帆立貝茶碗蒸 ＋$15蛋嘅質感好滑溜，真係入口就化咗。搭配帆立貝，簡直係完美嘅組合。‣ 期間限定甜品 ＋$12最後叫返一個慕絲，酸酸甜甜好解膩。

在港也能品嘗鮮味松葉蟹一個人都可以盡興，可以食好啲經過見到呢間豚丼のぶたはげ有松葉蟹食就被吸引進去了原來係餐廳最新推出嘅冬季限定松葉蟹丼同埋一人前鍋物我就叫咗個「松葉蟹丼」賣相相當吸引，用料豐富飯面佈滿細長嘅蟹腳同滿滿嘅蟹肉包括蟹鉗、蟹肉、蟹腳同蟹膏份量絕不馬虎蟹鉗同蟹腳肉質緊實且充滿甜味碗內還有優質松葉蟹拆肉起膏，蟹膏香濃甘甜將蟹膏和飯伴混一起吃，啖啖鮮味無窮令人極至滿足！日日都想打邊爐梗係叫個陸空三拼鍋物一鍋已包括牛五花、豬五花及雞腿肉仲有野菜、菇菌同炙燒豆腐等。滿滿嘅材料可以自選鰹魚湯/壽喜燒/胡麻擔擔湯湯底我就揀咗鰹魚湯，唔夠可以再加湯主食可以白飯/烏冬，我揀咗烏冬配埋自選醬料胡麻醬/柚子醋味道都唔錯，特別是雞腿肉，非常嫩滑鮮美加埋啲彈牙烏冬落去煮夠晒飽豚丼のぶたはげ (BUTAHAGE) 太古康山道1-2號康怡廣場北座地下G3號舖@butahagehk#BUTAHAGE 豚丼のぶたはげ #松葉蟹丼 #松葉蟹土鍋飯 #陸空三拼鍋物 #雙滿足鍋物 #北海道 #小夏美食情報 #美食圖鑑 #香港美食 #太古美食

未夠夜晚7點入座，全場起碼5張空檯都要人搭檯，仲要係平排痴埋坐隔籬啊種，檯與檯之間一條罅隙都無，個安排好唔合理。講埋食物，諗住快快脆脆食完就走，點知食咗一啖已經唔想再食，炙燒三文魚無油香，食得出唔新鮮，帶子某幾粒幾腥下，成個飯都唔新鮮，得腥味無鮮味，食到反胃，無食晒就埋單。成個餐最好味應該係個湯，淡口但至少唔難食。仲有一點，全部QR code落單，仍然要收加一，成個體驗由食物品質到服務都唔值呢個價，絕對無下次。

之前食過九龍灣嗰間覺得啲豚肉都幾好食，見咁啱太古有分店就去咗食。-今日照叫咗特盛豚肉眼丼，total有成六至$7豚肉，同埋都幾厚身，不過今次唔係每塊都有肥肉，冇肥肉嘅會比較乾身。-另外叫咗雞肉天婦羅定食試吓，雞肉天婦羅，超級Juicy，唔講完全唔知食緊雞肉，呢個超有驚喜，所以再叫多個天婦羅小食，有海老、南瓜、皇帝菜、冬菇、茄子。全部都冇炸到乾身，而且個天婦羅漿亦都唔厚，海老食落都幾彈牙，下次嚟應該會再encore天婦羅定食😋

源自於北海道十勝帶廣的人氣豚丼專門店「豚丼のぶたはげBUTAHAGE」創立於1996年,香港已有兩間分店.除得獎豚丼出名外,不時推出的新菜單亦創新有質素.同行母親較少吃丼物,當日亦被驚喜到!今個夏季限定推出2款海鮮丼物,包括「什錦海鮮天丼配溫泉玉子」及「特上活鮮•鯛魚湯茶漬飯」由即日起供應,喜歡吃丼物的朋友仔不要錯過喔~🔸什錦海鮮天丼配溫泉玉子($88/供應至8月13日)看似簡單的天丼,但吃落不簡單🤩因為當中天婦羅材料相當豐富,有帆立貝、小貝柱、甜蝦、露筍、南瓜、本菇及茄子,啖啖都有不同口感.炸皮金黃亦酥脆不油膩,連同溫泉玉子拌勻享用,滋味滿分~🔸特上海鮮•鯛魚湯茶漬飯($156 /供應至9月3日)一種丼物有兩種食法.先嚐當中7款新鮮特上海鮮.有鯛魚片、油甘魚粒、吞拿魚蓉、三文魚、三文魚籽、小貝柱及甜蝦仁.吃到一半可加入被熱壺盛載著的清甜鯛魚湯.灑上紫菜絲,白芝麻和芥末,製成鯛魚湯茶漬飯.日本產米飯吸收湯汁後,香氣昇華!🔸帶廣豚角包($38)餐廳以豚肉為名,當然要嚐一個! 角包鬆軟,中間加入油脂豐沛的頂級稀有KAMIKOMI豚肉片及清爽生菜,必叫小食!

週末去豚丼本家吃個充滿北海道風味嘅晚餐😋最近推出嘅期間限定🐟特上海鮮鯛魚湯茶漬飯 ($148) 有鯛魚片、油甘魚粒、吞拿魚蓉 、三文魚、三文魚籽、小貝柱及甜蝦仁，鯛魚湯以火爐加熱，好有特色，啱晒打卡！先品嚐原味海鮮丼味道，底部係暖飯，海鮮鮮甜😋 海鮮丼餘下1/3時，拌入芝麻、芥末和紫菜，可加入熱騰騰嘅鯛魚湯做茶漬飯。鯛魚湯就咁飲都好味，所以直接當湯飲😋🍤什錦海鮮天丼配溫泉玉子 ($88) 有豐富嘅角切天婦羅配料，除咗貝類海鮮外，仲有露筍、南瓜及甜蝦等配料，金黃色天婦羅酥脆，炸粉唔厚，拌上温泉玉子蛋汁，口感及味道更豐富😋 兩款定食都附有味噌湯和醃蘿蔔餐廳以正宗北海道豚丼而聞名，小食點咗🐷帶廣豚角包($38)，製作需時約20分鐘，外型似台式刈包，北海道豚肉燒得香軟，脂肉均勻，秘製醬汁入晒味，仲有生菜及沙律醬，好味😋餐廳座位空間闊落，環境舒適

因為整牙，唔係好食到野，呢晚就喺太古搵魚食。原本想搵鯖魚之類的定食，蕩下蕩下，見到呢間都有幾個魚餐嘅定食，加上未食過呢間，就入去試下啦。大約六時入座，好多位呀。打開menu，發現鰻魚定食平普通鰈魚吸引好多，就試下。個餐好豐富，有：1- 鰻魚飯：店員教我有三個食法。鰻魚冇骨，又淋，好適合我這種咬唔到野嘅人。2- 麵鼓湯3- 蒸蛋：都有幾多料4- 刺身四件：有蝦有三文魚有元貝，都幾大件，食完冇肚痛。5- 前菜6- 甜品：呢個真係有驚喜，原本以為係乳酪，點知係乳酸呆慕絲再加一層藍莓醬，本人就覺得非常好味。值得讚賞之處：1- 坐得舒服，環境算寧靜2- 服務態度幾好，最後我問台員有冇咩優惠時，佢好用心答。3- 食材新鮮今次係第一次黎食，一定會再黎試其他野食。原來出示當MCL票尾可以有八五折，下次可試試！幾個建議：1- 門口提供消毒搓手液2- 提供茶而唔係水3- 店名叫「BUTAHAGE豚丼のぶたはげ」，完全唔知點讀，唔知點樣介紹比人，都係同人講寺左美X隔離間日本野食...會不會考慮改個中文店名？

喺太古揾舊同事食飯，見到Kornhill有間日本餐廳 – 豚丼本家 BUTAHAGE，環境都幾闊落，感覺舒適，價錢都唔貴✨由即日起至 9 月 3 日喺全線分店推出全新季節限定─「特上海鮮.鯛魚湯茶漬飯」，一於入去試試佢😍▫️特上海鮮·鯛魚湯茶漬飯擺碟好精緻，鯛魚湯由一個藍色雲石感茶壺同火爐烘住，好有日本嘅儀式感🌸海鮮丼包含 7 款特上海鮮,除咗主角鯛魚片,仲有油甘魚粒、吞拿魚蓉 、三文魚、三文魚籽、小貝柱同甜蝦仁，附上鯛魚湯組成「特上海鮮.鯛魚湯茶漬飯」。件件厚切超有「肉地」🤪品嚐完原味海鮮丼後，就可以加入鯛魚湯。入口以鯛魚嘅鮮味為主，後韻清香，夏天食非常消暑解渴。加入芝麻、紫菜等配料，令珍珠米飯口感更豐富🫶有種小清新嘅感覺😄▫️燒雞丼配明太子本人係明太子忠粉❣️所以見到有呢三個字即刻點。雞肉用獨家調味料，風味好特別，香香甜甜。明太子好新鮮，有別一般超市嘅質素😂😂同丼飯好夾，令味道恰好平衡😄▫️帶廣豚角包角包軟熟，北海道帶廣豚肉同秘製醬汁融合，有沙律醬，如果俾我帶返公司做早餐就好了!!▫️帆立貝茶碗蒸兩粒大大粒嘅帆立貝，茶碗蒸好滑嫩，仲有白果，好正宗。

係太古康怡廣場北座有間唔起眼既日式餐廳，但入面既食物都算多元化，有lunch set今次揀左個天婦羅烏冬定食，天婦羅蝦好大隻，最好食既係佢跟餐個甜品，應該係黑糖蒟蒻：清清甜甜咁夏天食好消暑。

睇OpenRice食評，話這兒的刺身好新鮮，所以今晚特來試下。叫了一客極上八重海鮮刺身井，$10多加茶壺蒸。井飯的刺身真係非常新鮮，大海蝦很鮮甜，還有三文魚、吞拿魚、三文魚子、魷魚、帶子，飯入口軟糯。茶壼蒸很有蛋香，有帶子粒和菇。埋單 $158。

平日夜晚無咩人。我叫咗稀有豚肉丼同炙燒三交魚帆立貝丼，仲加埋個套餐。（有前菜、湯、甜品、茶碗蒸）個套餐30幾蚊真係抵玩，前菜無特別，個湯就好有誠意，大碗過一般餐廳，入面仲會有豬肉粒，飲哂都唔會口渴同幾飽肚。個茶碗蒸有細嘅帶子仲有蝦仔，賣相同味道都唔錯。甜品係寒天，會有個黑糖嘅汁，好似無味啫喱咁啲黑糖點完好似無點咁，哩個就真係唔識欣賞。豚肉丼佢雖然叫店內主打，味道就普通，有啲似日本1000yen 以內會食到嘅質素。三文魚帆立貝丼就比想像好，三文魚燒得幾香，帆立貝就唔算大隻但隻數足同幾鮮味。重點，食哩間真係要加餐。

今日中午同Mina爸經開太古康怡行街，順便搵下呢度有咩好嘢食，行過見到來自北海道十勝帶的豚丼專賣店Butahagehk，見到佢又出新嘢喎，入去坐低試吓先😁Butahagehk座位寬敞坐得舒服，刺身丼擺盤非常靚，性價比高，啱晒鍾意食日本丼飯的大家。✨今次選咗以下食品✨🌟 極上八重海鮮刺身重新上市，由8款海鮮組成，包括：油甘魚、赤海蝦、三文魚、赤身、帆立貝、螺片、墨魚同埋三文魚籽，每款海鮮都好鮮味又大大件，滿足到大家八種要求，食完非常滿足💪🏻🌟 北海道帆立貝大赤蝦丼大大隻又鮮甜嘅赤蝦刺身，配埋晶瑩剔透嘅北海道帆立貝，配埋用左上乘日本珍珠米煮成的飯底，一試難忘😌⭐️依家購買任何定食，只要加$33就可以，改做以下套餐：飲品🍸、甜品、沙律及茶碗蒸

早幾個月食過butahage嘅豚肉丼覺得好正,今次嚟想試埋佢其他嘢😋我地叫咗稀有豚腩丼(特盛)定食豚腩燒得好香口,肉質好嫩👍🏻配埋甜甜地醬汁送飯一流😍不過感覺同豚肉丼分別唔大上天丼定食天婦羅炸得夠脆,粉漿唔會太厚👍🏻定食係跟前菜,豚肉味噌湯,茶碗蒸同甜品豚肉味噌湯好足料,有豚肉,紅蘿蔔,白蘿蔔,薯仔等等茶碗蒸蛋夠滑,面頭有冬菇最底有小貝柱#hkfoodie#openrice#butahage