豚王 (威靈頓街)

營業中

休息中

非常失望 未試過寫差評 但都覺得一定要打食評 唔想佢哋收一百蚊碗麵，但係俾啲幾十蚊嘅貨色 繼續咁樣落去!疫情中期前其實佢係幾好食～ 幾乎隔日就食～一向只食2辛豚王 所以好清楚個味道！但係明顯疫情後 個湯底同麵底都有唔同 唔知係咪慳皮 所以湯底熬製同個麵品質都唔好拉麵同湯係各有各分開～拉麵入口係冇味好似食緊麵粉一様! 🤮而個湯係死鹹同鹹到乸喉!🤮(本身也好食得鹹)湯底鹹到咁都可以令到個拉麵係唔入味!唯獨兩塊細細嘅叉燒 不過不失不過如果得兩塊叉燒入得口 真係唔建議去食！

今日去食碗拉面， 好好味，超濃豬骨味，個豬骨味超濃，好中意佢嘅麵質地，啲云耳浸咗湯好好味，裝修好有日本feel，飲水都好有日本feel，放啲水壺喺你桌上，是免費的，連啲湯都飲埋， 一個星期會食兩三次😋😋😋

果日做完運動去搵嘢食，本來打算去食餃子，咁啱經過豚王而朋友又想試吓就入咗去。星期五嘅中環，我以為都會多人，點知入面得2個客，我次次都例牌叫黑王，好鍾意食佢黑肉醬啲肉碎，因為都成年冇食過，都有啲期待。上餐見到賣相都冇咩分別，一夾就知份量縮晒水，麵好少，啲肉薄到好似張紙，一夾就爛，中間嘅黑色肉醬，變哂做醬，一落水即熔，肉碎少左好多，之後連我最鍾意嘅辣芽菜都停止供應，真係相當失望。雖然佢冇加到價，但食物質素下降，所以都清楚反映到佢咁多分店都結業嘅原因。

豚王 🍜地址: 中環威靈頓街69號地舖1. 經典豚王：我自己覺得佢個湯底不過不失，不過都係鍾意佢個面嘅質感，爽身，唔太硬都唔會太淋，睇佢賣相的而且確一半，但係我覺得佢成碗拉麵都已經好夠味，唔需要我再加七味粉🌝2. 赤王：用咗佢哋自己秘製香辣控油混合味噌，平時唔食開辣嘅千祈唔好掂呀😂 要量力而為！🔥🔥 中環的而且確有好多間拉麵舖，依家可能係性價比偏高嘅😉，亦都可以搵到呢間鋪， 見到唔少遊客都會試！知佢咩料啦🤣#假日好去處#拉麵#香港拉麵#中環好食推介#中環拉麵#中環打卡#中環餐廳

今日中午同同事喺中環搵食，周圍都係人，見豚王相對少啲人，於是同事就提議不如食豚王啦😀排咗一陣間終於有位，豚王店鋪有點細，所以大家都會坐得有啲迫😅其實餐牌選擇唔多，最後我揀咗：豚王拉麵 $92溏心蛋 $19等左一陣，拉麵到喇～發現拉麵配料唔係好多，所以最後都決定加溏心蛋。但係碗拉麵已經$98, 再加溏心蛋$20好似有點小貴，不過無左溏心蛋就好似無咗拉麵個靈魂，所以最後都加咗。拉麵最重要嘅叉燒都係無嘜驚喜，我個人覺得較為薄同埋肥，所以今餐真係普普通通😂

星期六的中環比平日更人少，所以午餐時間去吃拉麵都不用排隊等位了📍位置：近香港站 C 出口站，在石板街上的小巷，自家麵旁邊。🏠環境：紅色的招牌橫額，室內空間不大，以深啡色的木系為設計，設有吧台和木枱，裝潢如同一般的拉麵店。🤵🏻服務：人手點單，不收加一。🍽️午市：提供五款拉麵，多項配料和麵底可自選，並可加錢配不同小食。豚王 $92自選野菜和腩肉，份量剛好，湯底沒有熊拉麵那麼好喝，哇淺啡色，味道算濃郁，幾片腩肉薄切而白灼，肥而不膩，麵身是扁平，掛湯不錯。吃過中環不同的拉麵店，這間質素普通。

剛巧與朋友相約於中環交收及小聚，我們沒有選擇富麗堂皇的食肆，而選擇了一間簡約而氣氛平和的拉麵店，當踏入店內時，店員親切地招呼我們就坐，牆上掛着推介食物的海報及菜單上寫着豚王、赤王、黑王、翠王等，特別的拉麵名稱，有些好奇是什麼的種類🤔隨即店員向我們講解他們的拉麵種類，推介燒叉燒、流心蛋、餃子，當然我哋照單全收啦！😁我朋友揀選了他們的王牌＂豚王＂，而我就揀選了黑王（墨汁味）比較特別。當兩碗熱辣辣的拉麵到來品嚐時，湯底和拉麵的質感十分配合，其滋味暖在心頭，他的燒叉燒，雖然細細粒，但第一啖入口時，他的油脂及肉香，留於味蕾上再三回味😍他的流心蛋，果然流心兼滑溜，餃子皮薄餡多搭配餃子醋非常出色！在店內令人感到平和而舒適的氣氛，就係這樣簡單的一頓美味晚餐，已讓我和朋友在此刻感受到食物及環境帶來的幸福！😍

This was the most amazing experience i had in Hong Kong so far. Len loi waitress were very helpful in choosing the best meal i had in a while. Thank you to all the staff for amazing food 😁

行完大館有啲餓⋯⋯落到威靈頓街見到豚王好而冇食過今日食返次啦！🥢3月限定《鰹魚王》味道比平時嘅濃，有小小偏鹹，平時都會飲少少湯，今日真係飲唔到😅🥢《豚王》不過不失，同以前食過都係差唔多，麵質都依然ok ，保持到水準👍🏻

返工下就四點放lunch行過威靈頓街睇吓有咩食, 路過尼間拉麵店門面望落唔錯, 於是入去一試入到去冇人招呼自己坐低咗, 望望餐牌, 得幾款湯底揀, 等咗2分鐘, 啱啱畀餐牌畀我嘅哥哥唔見咗人影, 我拎住點餐紙望望煮梗麵嘅廚房哥哥, 眼神接觸咗兩次, 佢無理到我🥹 等多2分鐘, 頭先畀餐牌畀我嘅哥哥終於拎住袋外賣返咗嚟喇, 於是我嗌咗黑湯底試試, 仲諗住起身走人添🤕等梗嘢食嘅時候望望周圍, 望到前面有伙記正在休息中, 突然側面有個男士起身嗌埋單冇人理會, 嗌多次先有個瞓梗教嘅女伙記起身埋單, 佢個樣好似就嚟想喊咁好唔開心有人打擾到佢休息🤔眼望幾乎全餐廳嘅伙記都落梗場, 但仍然開門接客, 有order就serve完繼續落場, 係正常運作嗎🤔總結: 食物質素一般, 服務態度非一般, 環境衛生一般, 以尼個地段嚟講可以有其他好多更好嘅選擇🤭份量偏少, 就算我一個女仔食完都唔夠飽, 湯底味道普通無驚喜, 尼個價錢同味道我會寧願過隔離食立體派或者一幻

豚王拉麵一向是我的摯愛，餐廳主打四款拉麵，包括豚王、黑王、赤王及翠王。四款拉麵各有特色，味道各有千秋。今日午餐點了黑王，可以選擇個人口味或廚師推薦的口味，包括挑選湯底濃度、配菜及麵的種類和辛辣程度。雖然已經幾年沒有食過豚王拉麵，但味道方面沒有令人失望，仍然保持水準。跟據餐牌所講「黑王裡秘制香味油的漆黑帶光的色澤，是來自豚王的另一秘傳日本傳統黑醬」，這獨有的香味油味道，難以用筆墨形容。餐廳還有提供「替玉」，就是加麵底的意思。

オープンしたばかりで、すぐに食べてみたくなりました. ここは日本食レストランです. 最初はあまり望みがありませんでしたが、余裕がなければ試してみることにしました. 私は彼の顔が本当に好きです！ 麺の割引があります。スーパースープはシェフの前に座って食べます。豚肉を真剣に切るのを見ました。今度は試してみます黒にんにく油が残っていて、全然苦くない！ 「色」より美味しいもの

The tonkotsu (red version) is fine if a little bland - there’s no particular depth of flavour (even if you opt for maximum richness), the portioning of meat is relatively frugal and it is unclear what the difference between thin and thick noodles at this establishment is given that everyone seems to be given the same thin noodles anyway. The extractor in the kitchen is in need of a clean (noting that this is quite readily visible to customers) as does the extension cable running across the top o

自從有咗拉麵群組，常常出現拉麵嘅相搞到我日日都好想瘋狂咁食拉麵，今日經過豚王又來食下。豬骨湯依然濃厚，湯底味道都好香好飲，麵條都有麥香。熱度同份量足夠，好好食。

疫情期間，周圍都封晒，邊到都唔洗去，有時想食好西都怕出街，媽呀，我好掛住日本呀！而最近見到豚王推出嘅外帶麵—「黑王一杯」當然要試一試佢！黑王一杯$78經過冷藏嘅正宗博多豚骨拉麵，翻熱之後依然係正宗嘅博多豚骨拉麵，味道同係餐廳食嘅差唔多，而且煮法非常簡單，只要Set定Timer，將唔同嘅大包細包依次序全部擲晒落水加熱，再倒埋一碗就係啦🥰所有材料一包包裝好，而且仲有說明書，應該都好難出錯啦掛😂詳細說明食用方法明明係廚藝白痴，煮完都當堂覺得自己係拉麵師傅呀，易甩晒衣媽些！至於味道方面，濃濃嘅豬骨湯底，家常秘製黑醬油，濃郁但係唔算太油膩，終於唔使係屋企食雜糧啦！🥰