豚王 (已結業)

分店要關閉了我印象中的豚王不是太impressive這次來比多次機會它還是一樣令我失望湯 沒有很香 多味精麵 軟左一點整體來說比較差店員又沒有很貼心都係一蘭既麵好食d

每次食豚王一定會叫赤王！去嘅辣度好夠 最吸引嘅地方係佢個湯底超濃郁濃郁到好似醬汁咁 但佢唔會過咸不每一擔麵都加少少湯 每一啖都好夠味另外想讚佢個配菜木耳好爽好脆身叉燒都好好食 似腩肉部分 唔會成塊係瘦肉

今日嚟到曾經紅極一時嘅豚王，去到門口見到冷冷清清，食飯時間竟然唔使排隊😮職員態度麻麻，連冷氣壞咗都無事先告知客人，大熱天時要流住汗咁食一碗熱辣辣嘅拉麵😰個人鍾意食辣，所以去親豚王都只係食【赤王】。湯底依然濃厚，不過可能太耐無食，感覺上麵條質感唔同咗🤔幼身嘅麵條尚算爽口，不過掛湯力不足；兩片薄身嘅叉燒肉質嫩滑，但食落有淡淡嘅油膉味😨每間舖頭嘅沒落都一定有原因，出品有無用心，客人絕對會感受到，個人嚟講應該唔會再有下次幫襯，拉麵行業競爭咁大，可以選擇嘅仲有好多😌

好耐之前朋友介紹來已經好鐘意，咁多年黎，我每次去都可以好快有位坐同寫完要個點既拉麵都好快有得食，所以第一令我滿意就係員工既效率。 第二，我鐘意黎呢度就係個麵既湯底都好好飲，湯裡面既醬油都好香。 不過寫到要幾辣就爭少少，因為level 2既辣同level 3既辣都可以爭好遠。 不過普遍好滿意，所以去親尖咀，幫襯得多d 係豚王了。

又係突然好想食一種食物今次輪到拉麵🍜哈哈哈，咁啱身處尖沙咀，於是走左去食豚王。由於時間尚早，可以直接入座，唔使等位。今次揀左食有啲辣嘅赤王拉麵，配有少許辣肉醬&辣味份，湯底係溫和嘅辣，好好味。除左呢樣之外，麵條&豚肉都好好味服務員好體貼，會主動遞上餐巾，當時件衫俾拉麵湯整污糟！！！

呢間之前都食過，整體都唔錯所以反食。食物：呢排出咗幾個新嘅湯底，有龍蝦同埋大廈。就咁望覺得蝦比較吸引所以叫咗大蝦湯底。另外加咗餃子同埋豬肩肉，糖心蛋1.）湯底味道好濃郁，好夠蝦味！應該係落咗蝦子嗰啲咁嘅嘢，所以味道比較濃，湯底都比平時厚身一點，今次新餐牌唔錯！其他配料方面亦都非常足夠保持水準👍🏻。2.）配菜餃子方面就普通少少，餃子皮本身可以再脆D，火候未夠，餡料亦都係正常，咁當然佢主打唔係配菜所以唔會因為咁減分嘅。屬於正常醫肚小食。3.）糖心蛋就值得一讚。一般糖心蛋淨係蛋黃係流心，其他正常。豚王嘅都係，唯一令佢得出嘅就係佢係調味左先至再做應該係，所以令到佢味道會再突出一啲。抵讚！服務：因為今次係同幾個人一齊去落單佢有啲混亂，上菜同埋點餐嘅嘢唔一致。扣少少分，但係整體侍應都非常樂於幫助。環境：淨係食個晏晝就唔好咁多要求。環境唔算寬躺，但係一定唔係人生見過最逼嘅餐廳。屬於正常范圍絕對可以接受。價錢：俾我感覺佢都係走中高檔路線。價錢人頭食咗大約$120左右。咁當然以食晏晝飯來講就比較貴，咁喺尖沙咀仲要食豚王，預咗要比返多少少錢嘅。唔係平少少偏貴但係都可以接受。

今日突然好想食拉麵 於是就同左朋友嚟到尖沙咀揾食 點知去到其他餐廳好多人排🤢🤢🤢 所以我地就周圍行下 我地經過豚王 由於吾想等的關係 我地就入左去試下~我同朋友就叫左豚王同黑王😛 豚王係普通豬🦴湯底 所以逞奶白色 因為叫左濃郁的關係飲落有d咸 麵身我就叫左幼麵 軟硬適中 叉燒腩肉一半肥一半瘦 雖然未去到入口即溶 但叉燒切到好薄！另外朋友就叫左黑王 湯底係由墨魚汁整成 所以湯底逞黑色 配菜都係叫左椰菜 估吾到分量都幾多😙整體以連鎖拉麵質素都幾好 仲好多吾同湯底選擇👍🏼

早幾個月豚王🍜有個限定王蟹味噌王🦀，我miss左冇食到勁唔開心😫點知原來尖沙咀棉登徑嗰間豚王有得食返之前嘅限定王㗎😲😲有蟹味噌王🦀，黑松露王🍄，海老王🦐，仲有平時嘅豚王🐖同赤王🌶有得食返之前嘅限定王，我表示興奮🥰今次就食咗蟹味噌王🦀同埋海老王🦐首先講個蟹味噌王先，一pat蟹膏係叉燒面，我建議唔好將pat蟹膏撈勻落湯底度，而係每食一啖面就夾一啖蟹膏一齊食🥣，咁就可以淡淡都食到濃郁嘅蟹膏味啦🤤佢有兩隻蟹鉗，不過係無味嘅🤷🏻‍♀️，大家都係Focus返落pat蟹膏度喇😂另一個海老王🦐，味道就好香，有好濃蝦味，不過湯底比較油，唔好飲咁多湯就OK🤭下次再試埋個黑松露王先🤗

豚王一直係我最愛拉面之一, 有食過的人都知, 佢地係主打4款拉面, 不過今次黎到呢間分店, 發現呢間改左, 冇左原本4款主打, 全部變做期間限定。我揀左蟹王, 湯底比較清, 我比較鐘意佢原本既濃湯底多D, 有兩隻小蟹鉗, 但冇味的........仲有一pat蟹膏, 非常鮮味, 整體而言, 比較普通，都係鍾意佢個4大主打多D

一行7人，在尖沙咀吃lunch，可以坐得曬7人，係好有難度的，加上冇book位。搵左一陣，唯有去依間吃貴lunch。一碗麵，吃得飽女仔，味度冇咩特別，咁就$89難怪lunch time冇咩人。

豚王不嬲都是我最愛的拉麵之一，當知道在尖沙咀的棉登徑開左間有齊豚王之前的限定王店~~在一日的晚上，就同朋友一同去到哩間充滿限定王的豚王食拉麵了~~坐下時，也是要先在紙上寫上自己想食的拉麵，當我看餐牌時，有三款限定王，蟹味曾王，黑松露同埋海老王，因為之前食過蟹王麵，清清的湯底加上蟹膏，真的一流的享受，所以就點了蟹味曾王，回憶一下了，蟹味曾王上到時，感受到湯底的香味，一口蟹膏，加上幼身的拉麵，同埋湯的味道，真的最高的享受，不過唔知當日是唔是太肚餓的關係，麵底都好像有點少的情況，所以點了一隻糖心旦來食，都保持到水準，流心效果一流~~豚王的水準都是KEEP到，會再去食的。

之前都有食過豚王，但感覺好一般，係填飽知肚就算嘅感覺。今次第一次嚟呢間分店，有驚喜。雖然職員服務依舊一般般，但食物卻係出乎意料外嘅水準（比起其他分店）。呢間分店舖面唔錯，吧檯望住開放式廚房煮麵，因為會乾淨企理，一邊食一邊睇住一碗麵嘅旦生都唔錯😂唔知係我太耐冇食定係呢家店特別，佢冇左今期限定王揀，但以前出現過嘅限定王都有得揀。所以我就叫左個蟹味的王，但男朋友依舊專一地揀返豚王。佢係唯一嘅雞湯底，清清地唔會好油，撈埋啲蟹膏醬都唔會好咸，味道岩岩好。麵的軟硬度適中，份足剛剛好，略嫌蟹鉗沒有鮮甜味。豚王湯底濃而不膩，豚肉軟腍。當然唔少得必食溏心蛋做到流心效果，蛋黃有鮮甜味。次次都一定要嗌，因為真係唔係度度都係溏心。而今次敗北嘅係燒叉燒，太咸，柚子味不足。綠茶汽水，無普通可樂咁甜，貪得意嗌嚟飲下🤣

老老豆豆，豚王係香港拉麵中我嘅NUMBER 1。（個人意見ONLY，不喜勿插！） 味道濃，豚片多，麵量足夠，多配料，最重要配合起上來十分之配合，價錢公道，100$有找。 其實都食過好幾間拉麵店，而豚王暫時都係我心見中的第一位。雖然經常性好多人排隊，次次都無半小時都29分鐘，人龍長長的。 店舖位置唔多，無錯係無咁寬鬆，仲有少許迫添。。不過食物搭夠就OK啦是不？ 朋友推介黑蒜話係必食，不過我怕我啲靚牙變黑😛一般我都係食普通豬骨湯，一啖湯一啖麵，正！通常我都唔會飲哂啲湯，因為怕太肥同油，不過豚王啲湯係可以成碗飲哂，下次大家可以TRY TRY！

本身想食對面店的拉麵，但因為圈太多人便隨便入了一間沒有人的拉麵店。誰不知如此難食！是我食過那麼多間拉麵之中最難食的一間。比自己煮的麵還要難食！想中伏的話，極力推薦🙂　

一支公，尖沙咀唔知食乜，去咗棉登徑豚王。好耐冇嚟，原來裝咗修，以前感覺warm啲，現在以黑為主，就好有型。以前去豚王，多數食「豚王」，因為唔使諗，又好味。今次見佢出咗個海老王，求其點咗，點知出事。個麵好細，唔緊要，我唔mind，98蚊一碗拉麵，唔飽就預咗㗎啦，邊個話過食拉麵一定要飽㗎。但可能我心急，海老王原來冇蝦㗎，頂，我本來想食隻蝦咋。自己又衰，睇字唔睇圖，真係冇蝦㗎。我要蝦呀。所謂「海老王」原來只係加啲蝦味味精，成堆粉咁上，擺明係咪精，但又幾好味。喂大佬，上市咁有錢，畀隻蝦都得掛，海老王要隻蝦啫，點解唔畀我喎。除咗冇蝦，其實整體又ok，又乾淨上菜又快，希望下來再嚟食，海老王會有蝦啦。