豚王 (V Walk)

營業中

休息中

好耐冇去日本，又有啲掛住日本嘅味道。今日就趁住去南昌做嘢，就去咗豚王食拉麵。我哋分別叫咗《黑王》同埋《䐁王》兩款拉麵。《黑王》拉麵嘅湯底濃郁，有一絲焦香，同時帶有豐富嘅蒜味，配埋彈牙嘅拉麵同埋嫩滑嘅腩肉叉燒，真係食到每一啖都充滿層次感，令人回味無窮。碗面仲有少少黑蒜油，令到整體口感更加提升，真係一試難忘！《豚王》拉麵係用豬骨湯底煲成，湯頭濃郁香滑，每一口都感受到豬骨精華嘅濃縮。拉麵本身彈牙，腩肉叉燒亦非常入味，軟腍但唔會散，真係好正。另外，我哋仲點咗份餃子同埋柚子汽水。餃子外脆內嫩，餡料多汁，一啖咬落去爆汁嘅感覺真係超級正；柚子汽水清爽可口，酸酸甜甜，飲落去解渴又開胃。呢次嘅拉麵體驗真係非常滿足！不單拉麵好味、環境又舒適，同時服務亦好好。📍豚王 (V Walk)地址: 深水埗深旺道28號V Walk 2樓L2-21號舖#拉麵 #豚王 #黑王 #白王 #南昌美食 #深水埗 #美食探險 #日本味道 #拉麵控 #美食分享 #餃子 #柚子汽水 #食物攝影 #美味 #食記 #美食日記 #食好西 #香港美食 #拉麵愛好者 #吃貨 #食在香港

在這家豚肉拉麵店，我體驗到了無與倫比的美味與高性價比。店內的拉麵湯底濃郁，豚骨湯精心熬製，既濃厚又不油膩，搭配彈牙的拉麵，口感恰到好處。豚肉片鮮嫩多汁，融化在舌尖，讓人一試成主顧。最令人驚喜的是，這裡的價格合理，讓人能以實惠的價格享受到如此高品質的美味。配料十分豐富，香蔥、海苔和筍乾的加入，增添了層次感和風味。店內氛圍輕鬆舒適，非常適合與朋友聚餐或獨自享用。服務人員親切周到，讓人倍感賓至如歸。這次用餐經驗讓我對豚肉拉麵的熱愛更上層樓，期待再次品嚐！

睇完戲想搵嘢食，就去左食拉麵。入到去都好多位，但係啲侍應見到我地行過黎都係自己做自己嘢無主動黎serve，仲等我地諗係咪自己行入去就得。我主動同counter後面做緊嘢個人講兩位佢先講執緊枱佢點餐係自己係紙仔嗰度圈，同一款湯底都有好多嘢可以㨂，濃味淡味，啲麵硬啲咁。呢個幾好。我地就叫左個豚王同埋限定王，今期係海鮮湯底。我好鍾意個豚王，我叫左啲麵濃湯啲，所以個湯好thick好好食，啲肉都好大塊。最緊要係個秘制辣醬，一定要！唔係好食辣可以試下1，完全唔覺得辣咁滯，但係佢令到個湯香好多同開胃好多。好推薦！海鮮王都好好食，海鮮王無得㨂咁多嘢，個湯嘅濃度定死左，但係都好濃，啲麵都好易就掛到汁。但係兩個麵都係啲木耳唔係好夠爽。腩肉夠冧，份量都好足！餃子就麻麻地，個皮唔脆，有啲淋左，都未到話好香。環境就一般般，見到有隻就死嘅類似蜜蜂嘅昆蟲係窗邊，同埋都有幾隻蚊咁。所以環境麻麻地。整體嚟講係對得住呢個價錢嘅拉麵！

啱啱喺呢家店試咗啲嘢，食完之後真係要讚下佢哋個豚王同埋黑王。🍜 實話實說，幾拉絲㗎嗰啲麵，搞到我個嘴都停唔到，一啖接一啖。豚王嗰碗湯，味道真係正到彈！濃郁豬骨湯底，就算飲到最後一啖，都保持到嗰種鮮香滋味，一啲都唔膩口。至於黑王嘅話，嗰個湯底同豚王一樣厚道，但又加咗啲特別嘅醬汁，帶出少少神秘嘅香味，令人一飲再飲。個面頭擺嗰啲叉燒同木耳，叉燒咬落去既嫩滑又唔油膩，木耳又爽口帶嚼勁，加埋啲唐辛醬，足夠嗌醒味蕾！真係要話，呢間嘅麵做得幾好，麵質夠彈牙，完全吸收到湯底嘅精華，每一啖都係享受。上次同朋友一齊嚟，佢哋都話，下次再揸筷都一定要揸呢家嘅。快啲帶埋身邊嘅啲食客嚟試吓，保證正！👍🍻

今日係v walk 搵食，突然想食拉麵，見到有呢間餐廳，就入去試下，本身本人對商場既連鎖拉麵店冇乜野期望，但食完之後覺得好有驚喜。 首先，先讚一下佢既服務態度，侍應體貼地係有限既地方都比多一張櫈比我地放袋。跟住比紙巾我地用黎遮住件衫，廢事彈到d湯汁。跟住我女朋友唔小心整污糟左條裙，佢特登整d消毒酒精落張紙巾到比佢抹。 係食物質素方面，我地叫左限定裏赤王拉麵配豬肩肉，黑王拉麵配豬肩肉，一隻溏心蛋同豚王餃子王。 1.限定裏赤王拉麵配豬肩肉： 佢既湯底係sell 辛辣，雖然本人唔係好食得辣，但都覺得佢辣得過癮，夠香，忍唔住一啖啖湯咁飲。豬肩肉林同唔肥，所有野加埋好好味。 2. 黑王拉麵配豬肩肉： 一上菜已經聞到香味，湯底非常濃郁掛汁，但唔會過咸，好香既蝦同蒜味，肉碎配料都好香口，面條軟硬適中。雖然冇咩墨汁味，但整體黎講都比一般既拉麵店做得好好多。 3. 一隻溏心蛋同豚王餃子王：溏心蛋同餃子就冇乜特別，同一般拉麵店差唔多。 總結： 比一般拉麵店有驚喜，湯底濃郁香口，但唔會太重口味，非常值得一讚，對得住個價錢，絕對值得一試。

睇完場戲凍冰冰❄️好想食熱嘢，就衝咗入嚟豚王🫠服務態度好好👍🏻嗌咗碗海鹽王，好快已經上菜～本身想嗌份餃子🥟不過可能太遲入嚟已經無賣🥹食完做份問卷又平$10🫠

💙 豚王📍深水埗V Walk 2樓L2-21號舖------------------------------1️⃣ 豚王 $92推薦指數：👍🏻👍🏻👍🏻豚肉有兩片 肉質軟腍 仲有少少粉紅色😆拉麵硬度適中 湯底較鹹🫣配菜有木耳絲2️⃣ 赤王 $96推薦指數：👍🏻👍🏻👍🏻湯底小辣 但肉碎超級辣😂肉和湯底與豚王大同小異 沒什麼特別3️⃣ 豚王餃子王 $46推薦指數：👍🏻👍🏻👍🏻餃子🥟皮薄 煎得不錯 內餡平平無奇😂------------------------------座位非常少 要先點餐 再由店員指示入座😆整體味道一般 太重口味 需不停飲水😂總評味道：⭐️⭐️⭐️環境：⭐️⭐️⭐️服務：⭐️⭐️⭐️

南昌店員服務態度非常惡劣，就算普通咸度都難以入口。從未吃過咁難食嘅拉麵，居然將咁好嘅拉麵品牌做到那麼差真是第一名👍🏽 以前豚王是我心目中最好食嘅拉麵店，今次完全破滅了。許多改善空間，例如點餐嘅機器反應遲鈍反而仲減慢左點餐速度，亦眼見店員知道慢為其他客人口頭下單。呢間店嘅店長跟程序辦事，但完全無用心執行店預日常。有小小交數就算。因為走過黎問換唔換唔換就收左佢。咁嘅態度，個口又咸到不斷飲水。 正常人都不會想要。 咁樣係留唔住客人。餐廳好現實好食一定會再有人返嚟。餐廳賺口碑才會長久落去

來H K兩個禮拜，一直都在忙著溫書，週末也一直沒有出去逛，這家豚王就在家旁邊，聽說是很有名，不過北京沒有所以也沒有吃過。「黑王」來試了試看起來很黑暗的黑王，黑蒜油和豬骨湯在一起熬製的湯頭，上桌之後上面一坨肉末，意外的好吃，寬麵較軟，配上高麗菜，木耳絲和溏心蛋，好好味。「豚王饺子王」中規中矩。感覺店裏可選擇的小吃比較少，不過下次去應該還是要加一盤餃子🥟，不然總覺得不夠滿足😂好鍾意的麵店推薦！

▶︎ 香 港 | 豚 王 @☀︎ 𝗦𝘂𝗺𝗺𝗮𝗿𝘆：世界盃黎啦～睇世界盃點少得宵夜呢「豚王」最近推出左世界盃外帶麵組合組於¹/¹¹/²⁰²²-²¹/¹²/²⁰²²限定發售，售完即止.◈ 「W杯•限定外带麵組合」包括：豚王一杯 x²組黑王一杯 x¹組赤王一杯 x¹組札榥啤酒 ×⁴罐堂食正價拉麵第二碗半價優惠券 ×¹張.簡單加熱就完成左一碗湯頭超濃既豚王麵係屋企都食到堂食般嘅味道加埋冰凍啤酒，邊飲邊睇波，真係好無得彈

世界盃就開波啦，係時候要物色下有冇啲咩好嘢食可以食住睇波⚽️小編發現豚王最近推出咗🏆世界盃限定🏆外帶麵組合：「W杯•限定外带麵組合」深宵睇緊波，再嚟碗熱辣辣嘅拉麵配啤酒，爽呀🤩呢個組合除咗人氣嘅香濃原味(豚王)同墨魚汁黑蒜味(黑王)，今次仲有辛辣味(赤王)🔥配料好足料，有大大塊叉燒同木耳等等，而且又夠味，最重要嘅係所有嘢加熱就食得，20分鐘左右就可以食到同堂食味道無異嘅拉麵🍜另外，入面仲有張第二碗半價coupon，可以同朋友仔一齊去堂食嘆個麵先😆「W杯•限定外带麵組合」$398 : ❥ 豚王一杯×2組❥ 黑王一杯x1組❥ 赤王一杯x1組❥ 札榥啤酒x4罐*⚽️由即日起至12月21號全線分店限定發售🍻*只准18歲以上人士購買∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

四年一度既世界盃即將舉行，我同老公都開始準備緊迎接盛事⚽️ 麵控一向鍾意食豚王，前排行過見到新出既「W杯 · 限定外帶麵組合」，可以留係屋企自己調理，一邊睇波一邊食到豚王濃厚味道🍜W杯 · 限定外帶麵組合有埋個別注版保溫袋俾你拎返屋企入面有1個「豚王一杯」、2個「黑王一杯」同埋全新推出既「赤王一杯」🤤組合內仲包括睇波必備Sapporo啤酒4罐，愛隊入波即刻可以飲返杯🍻雖然係冷藏麵但調理方法簡單，用滾水加熱就食得。包裝後面有詳細說明，話俾你知每樣材料要加要幾耐，有幾款配料擺落滾水加熱20秒就食得，臨時想煮個麵都唔會miss左場波👌🏻率先煮左豚王同赤王試下！兩款湯底都好濃郁，尤其鍾意豚王一杯湯底同堂食不大分別，可以成碗飲晒🤤麵條、叉燒、木耳既口感味道比堂食絕對唔輸蝕，估唔到外賣組合都可以神還原dine in味道！

世界盃就開鑼，雖然今年係亞洲地區--卡塔爾舉行, 唔使捱咁夜, 但係時差既關係, 香港比卡塔爾快5小時, 睇波都有唔少係深夜場，睇波時不知為何總是餓😂😂，總係心思思想食消夜，杯麵？叮叮點心？no no no，我會揀食博多豚骨拉麵，因為果日經過，知道由11月開始，至12月21日豚王會推出「W杯‧限定外帶麵組合」 🤩「W杯‧限定外帶麵組合」 (售價: $398) 包括：豚王一杯 X2 set 赤王一杯 X1 set 黑王一杯 X1 set Sapporo 罐裝啤酒 X4 罐仲有一張半價coupon， 之後去豚王堂食可享第二碗半價優惠。超抵🤩🤩一直係豚王既粉絲，買完返到屋企就忍唔住煮黎食，煮法好簡單，按照指示，用水去煲熱番啲湯及材料就可以，完全神還原堂食既味道，豚王一杯濃郁豬骨湯底，赤王一杯就辛辣，正！仲加配埋札晃啤酒🍻，一邊睇波一邊食拉麵飲啤酒，真係爽！！

四年一度世界盃又嚟啦⚽️FIFA PASS🎫、波衫👕、甚至連賽程表🗓️都印埋出嚟，但好似仲爭咁啲野🤔果然就係爭咗份陪伴深夜睇波嘅宵夜🤩好彩豚王拉麵新推出 — W杯．限定外帶麵組合🌟各位球迷就可以安在家中，一邊欣賞世界盃緊張刺激賽事👀一邊su su聲食拉麵🍜再飲杯冰凍啤酒🍺視覺味覺大滿足❤️.🍜W杯．限定外帶麵組合💰$398✅豚王一杯 x 2、黑王一杯、赤王一杯、札榥啤酒 x 4.🔸豚王一杯豚王經典拉麵 奶白色湯底散發濃郁豬骨香味，味道鮮甜且重膠原質感.🔸黑王一杯喺原有豚骨湯底加入秘製黑醬，更有特製黑肉碎，湯頭帶額外芳香.🔸赤王一杯全新味道 入口先係味噌濃香，辣勁隨後而上，份外惹味.所有外帶組合都包含拉麵、湯底、配料，只要加熱烹調就食得🔥簡單又方便👍🏻而家買「W杯．限定外帶麵組合」，仲有精美FIFA別注版保溫袋及「拉麵第二碗半價優惠券（一張）」贈送😍睇波最忌就係無野食，仲唔快啲入貨準備迎接世界盃盛事😎

最近豚王推出左「W杯·限定外帶麵組合」，宵夜肚餓嘅時候仲可以係屋企嘆到豚王拉麵🤤平時成日去食拉麵嘅我都買左一套番屋企試⚽️ 豚王 W杯限定外帶麵組合 $398/套 （價值 $476）▪️豚王一杯 2個▪️黑王一杯 1個▪️赤王一杯 1個▪️Sapporo啤酒 4罐▪️拉麵第二碗半價coupon一套組合包左4個拉麵，4罐啤酒同優惠卷，仲有冰袋帶番屋企好貼心🫶🏻拉麵入面有齊同堂食一樣嘅材料。包括叉燒、木耳絲、豬骨湯、秘製醬油、唐辛醬等除左個麵分開煮之外，最方便係連埋包裝袋放落熱水煮就可以，加熱15分鐘後倒出黎就食得味道同堂食差唔多，每款麵都有叉燒兩片💮豚王湯底豬骨味濃郁，呈奶白色，唔會好油，麵質都好掛湯，每一啖都食到濃郁豬骨湯味💮黑王除左有叉燒，仲有一球黑色嘅肉碎，味道係三款入面最濃烈，有一種特製嘅芝麻油香味，見佢咁黑應該係加左墨魚汁去整😆💮赤王辣味都幾突出，味道係加左香辣醬油嘅味增湯底，淨係聞已經覺得辣，如果怕辣就可以落少啲唐辛醬另外我仲自己整左溏心蛋同灑左蔥落去，係屋企都還原到係舖頭食嘅味道😋外帶麵係11月1日至12月21日期間限定，係豚王所有分店都可以買到