豚組 (已結業)

見到食評不錯，好奇心驅使去試下。星期五晚上8點幾，等六張細枱，等左成30分鐘。炸白豚定食d 生菜絲加埋個芝麻汁真係無得頂。 芝麻真係好香，不過d汁䶢得滯。豬排切五件，炸得好脆，不油膩，還算不錯。食到最後一件已經頂唔順，太熱氣了，同埋有滯滯地既感覺。看來炸豬不是杯茶。

Ordered 2 person dinner set.House special salad - OK.Mix sashimi - not fresh at all, very bad.Grilled meat on stick - meat cut too big, not bite sized.Deep fried prawns and oyster - Just OK, prawns quite oily when it should be dry.Mushrooms baked in butter - Ok.Udon - ok, a bit too soft.Overall, a disappointing experience. They served sashimi after the hot food had already arrived, very unprofessional.

其實到豚組，目標明確，只為一碗炸豬扒飯。我常說香港食肆最貪心，不會獨孤一味，MENU多元化，日本食肆，即使明明是拉麵店，也要加入壽司選擇，以滿足心多多的香港人。不過我常認為，專心，才是成功的關鍵。尤其是日本菜，專心致志，才能烹調出美餚。所以我忽略了MENU上的其他選擇，就為炸物而來。在於食肆環境而言，黃金商場內的日本食肆格局都很相似，四人檯有木屏風間隔，營造獨立空間，另外那邊則是一排排長方木檯，牆上以日文長方木掛牌作為裝飾，稍為感覺有點作狀，不過整個環境也是舒適。點了吉烈白豚飯定食，店員會先給你磨芝麻，利用一條小木柱在有坑紋的碗內把芝麻磨碎，然後加入自家醬汁，稍後先是用來點炸物。基本上磨芝麻是炸物店的指定動作，不過此醬汁略為偏酸，蓋過芝麻香。磨至碎沫狀，豬扒飯也來了，這個自助磨芝麻的玩意似乎是讓你消磨等食的時間。定食包括麵豉湯、小黃瓜前菜、一碗充滿米香的珍珠米飯、大量爽脆椰菜絲和一件挺厚身的炸豬扒。飯後有粒雪米糍甜品。(港式日本食肆的指定動作？)麵豉湯夠清澈，我習慣呷一口才吃炸物，以調和炸物的油膩感。但此炸豬扒選用瘦肉，肉質厚嫩，面層的金黃色炸漿不厚，非常鬆脆，而且完全沒有油膩感，做得

成日係銅鑼灣街頭見到炸豚公仔做promotion, 一直以為豚組淨係得炸野食, 今次第一次試, 原來仲有刺身烏冬甜品等, 感覺即刻覺得冇咁熱氣! 3個人去食, 叫左個2人餐($368) 同芝士包包豚定食..2人餐有好多野食, 沙律汁加入溫泉蛋, 沙律特別在有牛蒡絲, 菜都ok 新鮮, 份量唔細刺身有3款, 肥美度一般, 味道不過不失 牛舌&腩肉串燒: 牛舌夠厚, 入味多汁, 正! 腩肉略為多油, 少少咸, 但香口, 好想一食再食~讚呀! 牛油雜菌: 冇乜咸味 & 牛油味, 普普通通炸蝦+炸蠔: 令人失望, 蝦有霉味, 唔新鮮, 蠔很細隻, 厚粉, 椰菜絲算係最好芝士包包豚定食: 豚好薄, 一切開會漏芝士, 定食嚟講份量好細甜品strawberry 醬牛奶凍: 好味, 好滑, 唔會太甜, good相比起其他炸豚專門店, 豚組勝在選擇多, 但炸物水準確實未如理想, 反而非炸物類表現更好, 加油!

上次朋友連同太座一齊嚟，感覺唔錯，今次就三枝公嚟，侍應俾個二人餐牌，一個 $ 368 另一個 $ 598 ，我哋梗係選個平啦，至在吹水嘛。而家仲有生啤任飲 2 粒 鍾 88 皮，三個嗱嗱淋 Order，個二人餐算多嘢食，我最鍾意吉列蝦大大隻，不過唔夠分，另外叫多隻明太子燒大蝦，吉列蠔始終是我至愛，套餐都有刺身，甜蝦都幾大隻鮮甜,有一點藉得讚嘅係不停為我加酒, 另外個女侍應介紹我哋食燒洋蔥都好甜。一轉眼就二個鐘，我哋一人飲咗 5 杯,都算回本，牛舌都唔錯,最後仲有兩個汁燒豚肉飯,非常滿足,埋單時送咗個免費會藉比我朋友話下次有 9 折。

想當年日式吉列豚還未在香港盛行時，著名而又正宗的日式吉列店大概就只有世貿中心的Tonkichi Tonkatsu Seafood，所以每次想吃吉列定必要預早排隊。N年後終於有新的吉列店要來分一杯羹，那些年的我倆都立刻試過究竟，然後決定短期內不再return. 因為不但不夠鬆化，入口很油膩，而且更沒有好好吸油就serve (這是那些年的comment, 仍然記憶猶新)。中間我們都光顧過旺角分店，但印象不變。今次再訪銅鑼灣總店，用的只是團購優惠，但竟令我倆改觀，意料之外！是次主要來吃芝士豚，都知道這裡吉列的鬆化程度未達我倆都標準，所以芝士豚就是最好的一個variation，因為我倆都喜歡芝士，也喜歡cordon bleu，而因此吉列的鬆化就可以暫時不重視。主角未出場，先有凍豆腐開胃。很的骰的豆腐，但我還是喜歡芝麻醬...想先讚咖啡(跟餐的，MP要了橙汁)很香炭燒味，奶也很滑，在我來說這已經很好。然後就每人一份吉列芝士豚分量強勁！每人一塊也真吃力，加上小妹是吃菜可以吃到飽的人，椰菜絲無限添加真的叫我戰鬥力再減半！說到椰菜絲也見其進步，記得以前連椰菜絲都不夠新鮮爽口，今次吃到的也很爽，只是論幼

兩個人百無了賴在 CWB 行街，見到塊薯餅物件原來係炸豬扒，覺得餓了又有選擇困難症加上好熱，是但呢一間啦。上到去有二枱客，被安排坐廂坐，So Good 不過會郁嘅，入到嚟發覺有其他嘢食，我地叫了一個芝士包包 Set同一個串燒盛合，個定食加 $10有杯無酒精飲品，女友選了巨峰乳酸梳打，我就叫了杯啤酒，因為好熱好快叫第二杯。個餐椰菜絲好爽口，加埋柚子沙律油好好味，另外叫了二只燒原隻帶子，上枱時都幾香，不過好似係是日推介，唔係成日有得食，再加客汁燒雞肶肉同特上牛舌，埋單時送上牛奶布甸都幾好味。坐廂座都幾有私人空間，送咗張 $50 現金劵，招呼都 O.K.，臨走見倒有侍應攞住一只大豬手，好似幾ｏｋ．下次再黎試下，反正有Ｃｏｕｐｏｎ～ｘｄ。

其實之前已經食過好多次, 覺得真係幾好, 地方又坐得舒服得黎, D野又幾好食, 但最近呢次去完, 我諗我以後都唔會再去LU.話說當晚去到就攞左位, 等男朋友仔, 因為去過好多次既關係, 本來都無諗過要睇MENU, 但後來眼尾稍到個MENU好似唔同左, 不過都無理直到男朋友仔到左之後, 先講起個MENU唔到左, 好多以前有而又好味既野, 都無左, 有無搞錯呀, 邊有人D野食越做越少架後來我叫左一個豚肉唔知咩飯, 而男朋友仔就叫左魚生飯.嘩,個豚肉飯黎到, 又DRY又唔好味,食左幾啖就無食了, 男朋友仔個魚生飯都好一般好失望囉,以後都應該唔會再去啦

難得在港與朋友聚會,原來佢哋買咗團購,個人不好此遁不過朋友話就試吓啦,佢哋食團購餐,我見吉列係主打但又唔想食咁飽,有個女樓面問我試唔試細枝清酒推介,我叫咗枝有汽清酒,飲咗一啖覺得太甜,朋友老婆話幾好飲,咁三個男人叫過第枝,我叫咗個吉列蠔,朋友個餐有串燒,我食咗串牛舌幾好味,唔好意思叫番二客比番佢地,跟住又叫客油甘魚刺身,清酒飲完轉飲啤酒,可惜冇生啤,一路兵又加多客汁燒豚肉,三個男人傾唔停,兩位阿嫂食唔停,再加多客味噌魷魚,送啤酒啱啱好,若果飲清酒就味太濃,大家傾吓不經不覺十點,明天各自工務,約咗下次暑假聚會

見係復活節假期就同女朋友去食豚組啦~以為會好多人, 所以都book 定位, 但點知一去到, 都有好多位, 可能d人未黎一坐底就即係叫野食啦!!!!!標準炸物鋪的芝麻醬女朋友叫左個薄紙豬扒定食, 塊野真係好大塊, 但又真係好薄, 女朋友話好似食炸粉, 但我就唔係好覺, 幾好食我就叫左白豚+炸蝦, 白豚幾彈牙, 炸蝦就幾大隻, 幾好食都唔算太貴, 而且可以無限量加菜, 幾好~~可以再食過~

很久以前在電視節目看見豚組的介紹，好像很吸引便很想去試今天終於有機會試！一早BOOK了7點的枱，但7點去到人不算多座位很日式，又有豬CUSION，喜歡豬的朋友會感覺不錯本來想試黑豚，但對價錢有點卻步。又想點A+B餐，但男友點了就想點別的。記得電視節目曾介紹很大塊的薄脆紙豬，我都是因為它才想來豚組。但我心中有掙扎，因為我相信我吃進口中的應該大部份會是炸粉+皮(事實証明是對的！)，但為左一嗜心願就硬著頭皮點了一個薄脆紙豬~哈薄脆紙豬的SIZE果然很大，上面灑上一點紫菜粉，我最喜歡的！吃它要用一個轆切它...當初我以為職員會幫我切~哈原來是要自己動手！(太天真)果然吃到肉的比例不多，但它入口的感覺不算很粉和油，而且脆口，當薯片吃都不錯但就是油很多....不過預左~HAHA因為它真的很大塊.....所以對女仔來說真的是很飽=.=" 男朋友的A+B餐(手震了)吉列蝦好味伴碟的椰菜絲很爽甜，十分好吃！而且黑豚麵豉湯都不錯總結來說都不錯，提供的醬汁都和吉列食物很配，不過價錢對於我這種平民百姓來說是有點貴的，所以我試一次就可以XD門外的發現！

近日有一間團購公司要重組資產聽聞收了客人團購付款但欠合作公司錢不知是好彩定唔好彩呢一日等左男友好耐先食到呢餐晚飯好彩ge是我有等 無等拖到今個禮拜就未必食到又要搞退錢ge問題 lol差唔多十點上到去 人唔算多 十點半last order團購芝士包包餐 有埋飯糰 熱石鍋烏冬 冷豆腐另外要order食物超過$108 咁叫左餃子 吉列豚肉上枱先知芝士包包果塊都有d豚肉枱上有芝麻同醬汁 自己磨幾funny 但期後覺得芝麻唔係幾夠!椰菜可以refill 實在不錯 加上柚子醋十分好味芝士包包配上飯糰還不錯 不過飯糰太凍 變得好硬 食左半個就冇食當然希望芝士可以多d 整體上很不錯! 希望團購左ge其他網友可以退返錢la.

豚組的吉列豬扒水準一般最大問題在於豚肉質素與丼吉的豚肉相比吉列白豚炸得合格, 但肉味稍遜, 雖有肉汁但口感偏硬在眾多吉列豬扒店當中, 豚組的吉列豬扒質素只屬中等質素, 但價錢約 $130 - 180, 以其質素不算便宜椰菜沙律爽脆, Wasabi 和 柚子醋惹味, 可彌補吉列豬扒水準的部份不足芝士包包則太濟, 兩個人也難以消化, 芝士質素亦只屬平價貨色在云云吉列豬扒店當中, 豚組明顯被比下去尤其是豚肉質素尚待改善

平日行經SOGO 門口都見到有舊類似「薯餅」既物體做宣傳細心望真D 其實係一塊豬扒而唔係薯餅今晚就同女朋友去到哩間食飯時間都唔算好多人SOFA位都有豬豬CUSHION，不過唔少都變晒黑豬 點了白豚+ 蠔 +烏冬炸豬外脆，內裡都尚算鬆軟 豬肉味唔係好夠!烏冬幾煙韌, 但豬骨湯底略咸睇返之前D POST 都有加菜加飯, 不過可惜當晚見唔到有咁既服務 失望

兩個人食午餐，不用等位。叫了芝士包包和白豚，第一次食芝士包包，切開芝士是湧出來，不過要襯熱食，芝士凍得好快~另外白豚加個醬汁，好好味呀~~侍應好好人，會不停主動加水同加菜，值得一讚。