豪園麵家

營業中

休息中

上網見黃大仙依間麵家都幾多人讃，而且話服務態度幾好，於是決定試吓，舖位位於商場內，但唔係地鐵上蓋的商場，行大概5分鐘度的路程，在一間健身中心旁的地下舖，平日晚上七點度，客人唔算好多，大概一半多啲嘅人，但到七點半打後開始多人，叫咗蠔仔碎肉粥（細窩）$81、黑椒薯仔牛柳粒$102、海鮮雜菜煲$101，叫餸包湯同飯，三個人一人$100唔洗，食到好飽，牛柳粒同薯仔都好香口，牛柳粒大大舊，肉軟身，蠔仔粥雖然要細窩，但份量也不少，服務又真係幾好，整體來講不錯.#晚餐#dinner#粥#蠔仔#湯#餸#中式#牛柳#黑椒#薯仔#服務#人情味

今晚冇煮飯，專登嚟到豪園麵家食佢嘅鑊氣小炒。每個鑊氣小炒都附送白飯和例湯蟲草花無花果豬骨湯清甜足料，唔係味精湯，飲完會好頸渴。黑椒薯仔牛柳粒 $102牛柳粒好軟嫩，剛炒起食，口感外脆內軟，朋友係咁話好食。就連薯仔都好好食，薯仔🥔入口鬆化，令人印象深刻，整體都係水準以上。味菜炒牛柏葉 $100牛柏葉爽口彈牙，味菜爽口，炒得夠鑊氣，唔錯。黑醋欖角味一字雞翼$68呢個整抵食，大大碟，即叫即整，雞翼新鮮即炸，外脆內軟，入口juicy嫩滑，個黑醋汁好醒胃，令人越食越想食，一啲都唔覺得膩。豪園麵家嘅小炒，真係好夠鑊氣，真係食好多次都唔會厭。

返工放飯時間好想好想食蠔仔餅，上OpenRice睇吓黃大仙邊度有得食，搵到豪園麵家有，咁就行過去食去到見到餐廳地方好寬敞，座位都好舒適，店員都好有禮貌，我一個人點食蠔仔餅同雲吞麵，店員主動介紹雲吞麵有下午茶餐，價錢平過單點仲有飲品送，而蠔仔餅就會跟白飯同餐湯，但我得一個人食唔到咁多，所以就叫店員唔需要比白飯我蠔仔餅好大塊，呢間餐廳冇用太多脆漿，主要係鴨蛋同蠔仔，蠔仔係細細粒個種，份量好多，好鮮甜無腥味，個人喜愛落胡椒粉同沾魚露食雲吞麵大大粒雲吞，每粒都有隻大蝦🦐，麵質爽脆，冇鹼水味

在黃大仙現崇山的「豪園麵家」，是60年老字號，體現了獅子山下的精神，寫下了「不朽名句」。餐廳除了麵食之外，還提供其他中西美食：港式茶餐，中式小菜等一應俱全。我還是最欣賞這裏的即炒中式小菜，夠鑊氣，而且食材優質。“枝竹豆腐火腩煲”，炆得相當入味，材料豐富，有肥瘦相間的火腩肉、枝竹、滷水豆腐，和獻汁配搭得非常好。“京都豬扒”，豬扒肉質鮮美上乘，細嫩多汁，口感特別好，還配上新鮮菠蘿，酸甜醒胃。“柱侯牛腩撈麵”，到麵家當然要嚐麵食啦！牛腩炆得特別腍軟可口，柱侯醬亦很入味。麵質爽口彈牙，但沒有鹼水味。小菜還附送老火例湯和白飯，性價比奇高，充分宏揚獅子山精神。

朋友係黃大仙地膽，想食好嘢真係要靠佢呢間係佢經常幫襯嘅小菜館，原來呢間小菜係咁受歡迎㗎 星期一晚都咁多人‼️佢極力推薦我食「黑椒薯仔牛柳粒」&「啫啫芥蘭煲」🍲⭐️黑椒薯仔牛柳粒呢道菜嘅亮點係薯仔🥔薯仔外層炸的夠金黃、夠脆中間嘅薯感有口感，唔會太粉‼️整碟都炒得好夠鑊氣牛柳粒香而軟腍❤️⭐️啫啫芥蘭煲肉碎辣辣哋非常惹味，送飯一流⭐️咸蛋黃一字雞翼見到呢樣好抵食，就叫嚟試試‼️睇落去好吸引，不過味道就差啲淨係得咸蛋黃沙沙哋嘅口感，然後就咩味道都無～～

這天晚上我約了朋友在黃大仙吃晚飯，經過家人的介紹，我們便決定來到這間餐廳試一試，店內環境寛敞和清潔衛生，店內的客人廷多，證明食物質素應該不錯香脆煎蠔餅($102)蠔餅煎得十分脆口，蠔十分新鮮十分多，海水味比較淡，十分容易接受，鴨蛋爽彈鮮美，份量十分多黑椒薯仔牛柳粒($102)薯仔外脆內軟，牛柳粒香稔軟嫩，非常新鮮，黑椒份量控制得好，不會太辣，份量非常多，非常抵食蟲草花無花果豬骨湯老火湯經過長時間熬製，湯料十分足，加入一些中藥材，相對健康，十分入味鹹蛋蒸肉餅($85)肉餅口感十分彈牙，十分新鮮，用豉油調味，味道恰到好處，不會太鹹整體來說，食物的質素非常高，食物的選擇十分多，食物的份量非常多，食物的用料非常新鮮，食物的賣相很吸引，食物的定價相對合理，而店員亦有良好的服務態度，所以我認為這間餐廳是值得再去惠顧

天氣凍凍地，當然食下煲仔飯配合下難得冬天，今晚友好帶我黃大仙地鐵站附近，入到店內、店外都坐滿不小人，証明今晚應該無選擇錯🥰🥰其實都聽過粉麵好優勝，但見到選擇太多🤪🤪🤪🤪臘腸排骨煲仔飯當然係我首選😍😍😍即叫即做，所以見好多客人一坐低就點選煲仔飯先😋😋嘩，送到來，果然不是細細煲，都算足料大煲，店員會先幫手落豉油，大約等分半鐘左右為最佳時間，一煲香噴噴煲仔飯出現🥰🥰🥰排骨擺滿飯面。臘腸就切片為4片，如果係一條會更滿足，飯焦師傅功力十足，火喉控制得不錯，飯焦範圍廣泛，仲好脆口，又唔會太燶咬落去痴住啲牙。超滿足。再點了椒鹽九肚魚😍小菜之選，外層炸到好酥脆，魚肉細緻可以連骨一齊食，滿分。最後點選杯凍檸茶完美的一餐😚😚☺️

收工的時候有時候都好想吃到一些簡單的家常菜，今次我們兩人就來到這一間位於現崇山的豪園麵家試一試！這一間餐廳原來已經有很久遠的歷史，餐廳內還能夠看到一些歷史的剪影，而且餐廳的格局舒服，坐得也很舒適。我們二人點了酸辣手撕包菜，薑蔥雲耳班腩煲，乾扁豆豉雞。晚市套餐會配有白飯和例湯。酸辣手撕包菜，一上菜的時候已經聞到香噴噴的酸辣香味，這個菜的酸味和辣味調配得非常適中。咸道也剛剛好。手撕包菜烹調的時間恰到好處，菜葉依然保持脆綠，而且爽口好吃～非常值得大家試試！另一道餸是乾蔥雲耳班腩煲。上菜的時候，這個煲還是熱辣辣的，很有鑊氣。薑蔥的香氣十足，味道也非常可口。而且餐廳給的班腩份量也很多，性價比非常高，推介大家去食！最後是乾扁豆豉雞，同樣一上菜的時候已經看得出份量很足夠！而且豆豉的香氣十足，雞肉的底味醃得很入味，而且雞肉熟度剛剛好，保持到嫩滑多汁。再加上豆豉的襯托，這一道菜非常好吃！

呢日去黃大仙逛街, 有啲肚餓, 先吃個下午茶。這間茶餐廳鄰近地鐵站, 商場地舖, 環境清潔闊落, 下午茶中西式套餐都有, 當然不會錯過。豬軟骨鮮茄湯通粉鮮茄湯底很鮮味, 通粉煮得不會太腍, 豬軟骨夠爽脆。跟餐配以香腸炒蛋夠香口, 還有脆口牛油多士, 絕對啱食。雲吞牛腩河河粉夠爽滑, 鮮蝦雲吞很足料, 鮮蝦餡料夠大隻, 做到皮薄餡靚。牛腩炆得很腍, 腩汁夠曬入味, 配埋西生菜, 足料。小食咖哩魷魚夠爽脆, 醬汁惹味不太辣。一字雞翼炸得夠曬香口, 鹹蛋黃味夠甘香, 沾滿表面, 雞翼肉質嫩滑, 一字式件頭更方便進食。茶餐還有餐飲, 可以輕鬆暢敘一番。

交換完手信，和朋友於其住所附近覓食。餐廳以麵食出名，除了粉麵，亦有不同的小炒、小食等，種類繁多。雲吞麵 🍜既然湯麵最出名，當然要試試。湯底夠熱，麵質夠爽，雲吞夠彈。雲吞除了爽彈，亦夠大粒，皮薄饀靚。蠔仔粥🦪奶白色的粥底，配上大大粒香滑的蠔仔，還有些方魚和肉碎，加上香蔥芹菜等，材料十足，很美味。乾炒牛河 熱辣辣，香噴噴的牛肉河粉，麵條分明，牛肉爽滑，各種配料包括芽菜、韮黃、香蔥、洋蔥和醬油帶出其香濃鑊氣。麵包西多士和菠蘿油是去茶餐廳必點的食物之一，金黃色的西多士上面有塊正在溶化的牛油，中間夾住花生醬，配糖漿，很邪惡，但很好味。而菠蘿油亦很鬆化，中間的牛油令整個菠蘿包生色不少。

今朝同媽咪🧑🏻黎到屋企附近的豪園麵家食早餐餐廳設室內外座位，環境光猛原來豪園麵家源於6️⃣0️⃣年代黃大仙徙置屋邨創立的小麵檔，現選址現崇山商場繼續將獅子山精神延續早餐選擇豐富，有個厚切麥皮餐跟奇亞籽，健康之選🫰🏻午市提供潮式麵食，港式茶記食物晚市提供小菜，入秋仲有雞煲火鍋等==========🔹西餐 $54菠蘿包外皮微脆，做到一般麵包店港式菠蘿包的味道，口感算幾鬆軟密度中等豬扒選用薄身的，調味適中，口感有嚼勁薯餅帶輕微薯味，口感香脆煎雙蛋煎到燶邊，蛋黃流心帶微微蛋香，調味不重腸仔屬正常水平配菜番茄🍅及生菜絲🥬新鮮推介指數：8/10==========🔹Set B 餐（三餸$44, 另加雞扒$15)雪菜肉絲，叉燒，五香肉丁配米粉雪菜不過鹹，肉絲有口感叉燒帶微微蜜汁味，口感緊實五香肉丁辣度高米粉煮的時間拿捏得不錯，口感不過腍加配雞扒外皮煎至金黃色夠香脆，肉質緊實有嚼勁，有適量調味👍🏻推介指數：8/10==========🔹澳洲厚切麥皮跟加奇亞籽及煉奶 $30麥皮煮得夠滑，稀稠度適中，有輕微調味，即使不加煉奶也不覺太淡口加入奇亞籽增加纖維，更飽肚及健康推介指數：8.5/10==========跟媽

呢間餐廳開業已久，由舊時平時新村檔仔搬到而家既大鋪。餐廳主打中式麵如雲吞麵、炸醬撈麵等等。晚間就做小炒，食過好多次味道同鑊氣都唔錯。餐廳比一般茶餐廳乾淨及光猛，鋪面面積大，坐得舒服，而侍應姐姐都十分有禮貌。當日一行二人叫左兩個餸，分別係黑椒薯仔牛柳粒及拔絲欖角骨。我每次黎都會嗌黑椒薯仔牛柳粒，牛柳煎香，薯仔炸香後再落鑊炒勻，汁既調味帶甜咸，後勁有小小黑椒既辣。薯仔炸得熟透外皮香脆食落軟熟唔生，牛柳食到口感、有牛味而無筋，上菜時香噴噴就算送飯定送酒都係一流，唯一可以彈既就係醬汁可以多D，令每粒薯仔都可以包滿醬汁。 食厭左咕嚕肉既朋友可以試下拔絲欖角骨，排骨炸香後以黑醋、欖角既調製成既醬汁炒勻，入口帶甜酸，酸酸甜甜撈飯一流。排骨肥瘦勻稱唔會一舊肥一舊瘦肉，而且軟骨都咬得碎，岩哂鍾意咬軟骨的朋友們。除左以上菜式，我試過其他小炒如煎蓮藕肉餅、炸蠔餅及雞煲等等既菜式味道都唔錯，可以一試。總結黎講餐廳食物質素幾好，環境乾淨，但價錢就相對比其他茶餐廳高小小，不過一分錢一分貨，對自己好D,食落自己肚無所謂啦～

黃大仙現崇山商場原來都有幾間餐廳，今次竟然發掘到一間小菜館，街坊價錢又幾好食，難怪到夜晚時間就已經差唔多坐滿人。土魷蒸肉餅 $85超級鍾意食肉餅嘅我，點左一個土魷蒸肉餅，要整肉餅真係好花功夫，要整到個肉餅有咬口又有要半肥瘦均勻真係唔多，但呢到個肉餅真喺合哂何車，土魷剪成細粒灑喺肉餅上，蒸完之後聞到土魷嘅鹹香，肉餅食落去都juicy, 配合土魷粒一齊咬立即將味道提鮮，所以真係落少少豉油都已經好夠味，送飯真係一流。薑蔥一字雞翼煲$90煲仔上喳喳聲又香噴噴，一字雞翼係有炸過再煲上，所以佢外皮係脆卜卜，配上好惹味嘅醬汁，又係送白飯一流，雞翼一開二變做一字骨，咬得好方便，而且份量都唔少，好滿足。時菜牛肉$81清清地都要叫啲菜食下，簡簡單單來一個時菜炒牛肉， 蔬菜好新鮮，菜心係翠綠色，食得出菜心的清新味，牛肉稍為醃過，但炒得好嫰滑，不會過老。餐廳都有煲仔飯食本身好想叫，但每個小菜都跟一碗白飯同湯，惟有下次再去食過啦!小菜館都食到廚師嘅水準，價錢親民別有一番滋味，所以喺點解好多人放工會選擇落嚟食小菜嘅原因。

入秋喇， 是時候吃最殘忍的「煲仔飯」😂去了現崇山地下間豪苑麵家, 6點半左右已經幾乎爆滿，人流好旺，環境光明舒適，有個大電視，牆壁貼了獅子山下精神。煲仔飯當然係配我最愛嘅蠟腸喇！#蠟腸排骨煲仔飯（$98）食煲仔飯最開心就係聞到 #飯香 及 食到 #脆卜卜飯焦排骨超嫩滑😋加埋香口臘腸配上特製甜豉油 無得輸呀 食完個身暖笠笠不可不點這個✅#皇牌麵（$45）香氣撲鼻一碗有齊雲吞，水餃，魚皮餃，墨魚丸，牛丸😍好豐富呀一次過滿足曬餃丸口感🥰正雲吞水餃好足料巧手自製爽口麵食幼麵無鹼水味而且爽口充滿彈性✅#煎蓮藕肉餅（$98）一碟有8件， 煎到金黃色好靚大小適中，厚薄剛好 咬起來蓮藕粒爽口一ｄ都唔油 仲好有口感添配白飯中湯，太滿足原來佢地仲開了 #豪園餅店下次要去 #龍蟠苑 試試

【花雕醉雞+刀削麵🐣抵食讚😋】友人講左好多次要帶我去食花雕醉雞刀削麵，講左半年終於去左lol 食過先知又一力作，打工仔飯堂，中菜真心我fav!  性價比極高，份量多又好食___ ___ ___ ___ ___ ___ ___✨花雕雞 涼拌刀削麵✨口水雞 涼拌刀削麵 花雕雞😍😍😍大讚 皮肉之間有啫喱凍👍🏻👍🏻 味道剛好，香濃嘅花雕酒味，雞肉嫩滑入味 加上杞子仲有花雕蛋正！口水雞味道還好，辣比麻多，勝在雞肉嫩滑🥰涼拌刀削麵 涼拌份量都好多，女仔一個人食唔晒，男仔食都會好飽，涼拌有青瓜絲，大量麻醬，花生同酸辣醬，刀削麵係寬條麵，好透薄都掛汁😋 小編覺得涼拌配花雕雞同口水雞味道有啲太重，下次黎會食返湯，仲平啲添🤑成間都份量都好多😂好抵食 ___ ___ ___ ___ ___ ___ ___