豪宴海鮮酒家

營業中

休息中

都明個飲食難做，樓面服務好好，新年時候，餐牌選擇多，唔洗硬食套餐，我地5個人叫左8樣野食，有2個菜色🤢，唔推薦!避風塘大虎蝦8隻🤢 接近3百蚊，但係，肉質真係好霉，係唔洗咬，一放入口，合埋口已經爛，成pat野，我地初初冇留意，一人一隻，大家以為自己咁岩果隻唔新鮮，冇講，到我地有人再食第二隻時 (果陣已經食哂...) 再講出黎，先知隻隻都係咁，睇落好大隻，調味好惹味可口，但，大蝦真係霉，呢碟係最難食同唔抵食... 本身想同經理講，但屋企人先話食哂先講... 所以提提大家，大蝦既菜色唔好叫...燒汁薯仔牛仔粒🤢 牛仔粒好細粒，口感麻麻地，味道亦都一般，唔好食。好食既有❤發財好市 生菜底❤ 如果髮菜再多D就更好! 好味瑤柱蛋白炒飯❤ 好有鑊氣，好香口，飯粒粒粒分明，唔油膩，份量十足!清蒸沙巴班仔❤ 唔算好大條，但蒸得岩岩好，豉油調味香，魚肉肉質嫩滑魚香茄子煲❤ 送飯一流，咸香味濃西蘭花帶子❤ 正常發揮~豉油雞 半隻❤ juicy嫩滑 唔肥膩

(回憶系列第三集)80年代小學時已經成日落紅磡黃埔，當年係旺角讀書，D同學仔大多數住係紅磡同黃埔，所以一放假就落紅磡黃埔睇戲食飯，當年仲有兩間戲院，黃埔花園仲係地盤唔俾入㖭!而當年紅磡灣中心對出有塊臨海嘅空地，對正維港係煙花景，雖然地方唔大，但好奇怪，哩個咁細細嘅海皮空地好似有種魔力，吸引你去流躂，所以當年經常同D同學朋友仔係到吹水吹到半夜，之後睇住佢填海，填到紅磡碼頭都搬走埋! 維港美景煙花景從此消失! 而朋友同學仔亦都無再聯絡，我亦都無再嚟哩到浦.當時落紅磡灣中心，必然會經過哩間豪宴海鮮酒家，四十多年哩個舖位都轉手無數次啦! 但好奇怪，我又一次都無嚟幫襯過，於是襯今次寫回憶錄，就去會一會佢地.行到門口，無限唏噓，原本係海邊對到正維港，已經被半島豪庭遮蓋!推門入去幫襯，眼見嚟幫襯嘅都係老一輩街坊，點咗份椒鹽脆皮豆腐，片皮鴨一食同芝士龍蝦伊.椒鹽脆皮豆腐最滿意，哩道菜好奇怪就係...... 以前好似從來未見過哩道菜，係哩幾年先突然出現，外層超脆內層又熱又軟滑! 好味推介!片皮鴨一食皮脆肉嫩，食哂成碟已經好飽，片皮鴨相信唔係即燒即制，當然好正常擺到凍，如果隻片皮鴨有翻D溫度更理想.龍蝦伊

My dad has a habitual gathering with his friends and this place is their recent favourite. They serve tasty Cantonese cuisines with a high amount of wok hey! Elder people will love their dishes. Great place for chitchats and catch up. This was the stir fried longevity noodles with a big braised abalones. The noodles had a hint of smokiness form the wok hey, and it’s addicting. Abalone was huge and succulent. The Chinese sweet soups in this place are also very good. We like the free flow hot red

幫襯左一次，我諗未必有下次😅😅成間茶樓感覺係比老人家去坐得好迫，酒樓空間唔大，同埋係冇知客喺門口安排座位，要同啲阿姐講你幾多位，想等位。然後佢哋就會係咁喺度大嗌，邊個嚟先，有邊個等緊枱等等，都幾混亂，如果萬一遇着唔講理既人，就好容易有爭枱嘅情況出現。點心味道麻麻，冇乜邊樣好食，個鳳爪排骨飯啲飯係偏林，不過都幾足料嘅，有四五粒排骨同埋一隻完整嘅鳳爪(有啲酒樓啲鳳爪得兩隻腳趾😆😆)叉燒腸，竟然係包左翠玉瓜，我自己覺得麻麻。蝦餃有四粒，普通。粉果都係好普通鮮蝦腐皮卷，硬硬地咁最離奇嘅係，出去埋單，張單係得金額，完全冇列出消費項目，雖然話我叫咗五個點心加兩個人嘅茶錢， $120都幾經濟實惠，咁但係你張單都唔可以就咁出個總數㗎，工人姐姐去街市買菜叫人手寫單就話啫🤷🏻‍♂️🤷🏻‍♂️

豪宴海鮮酒家經過看見有間酒家～豪宴海鮮酒家， 就入去試一下。 餐廳感覺裝修不久，比較光猛。 最吸引是門口有幾個大魚缸，裏面有巨型大閘蟹，鮑魚，龍蝦，鮮蝦 石斑魚，等等。滑蛋炒蝦球我們先點了個滑蛋炒蝦球。 這個炒蝦球賣相吸引， 滑蛋炒得非常嫩滑， 不會過熟， 還有少許流質。 蝦球非常巨型，爽口彈牙， 唯一覺得他味精重了一點， 少一點味精更加好。中式牛柳這個中式牛柳肉質鮮嫩， 我很怕牛肉太靭， 這個牛柳做得剛剛好。 美中不足是牛柳汁略嫌過鹹，要撈飯吃。西蘭花炒班腩西蘭花炒班球賣相也非常吸引，紅紅綠綠的。 西蘭花嫩綠爽脆， 班球炒得不錯， 非常嫩滑。不過數目略嫌少了一點，只有數塊班球。

一行8人有大有細，疫情下座位少了距離濶了坐得舒服，仲夏4寶超抵食8人可叫2款，我哋叫咗龍蝦同雞，龍蝦有份量，連埋個蚶好大份味道也很好，雞皮脆肉嫩也好味道。本來想叫冬瓜盅但沽清，下次book 位時要訂定。另外我哋仲叫咗幾個餸，特別推介欖角骨，真係好好味，欖角和蜜糖包住炸過嘅排骨條，咸甜交集，外脆內軟，正價錢非常合理，味道好，服務可以嘅都有換碟，環境就一般喇始終唔係華麗裝修，但都企理舒服嘅應該會成為家庭眾會嘅飯堂

同老公撐枱腳落紅磡呢一間中式餐館食嘢 星期一至四 片皮鴨一食只要88蚊 勁抵食 分量唔少 大大碟 特式菠蘿咕嚕肉 全部用瘦肉榨啖啖肉 味道整得唔錯 炸咗雲吞皮做碟夠特色 小朋友好開心 炸魷魚鬚味道偏鹹 分量又唔夠多 下次會叫其他餸再試真啲

今日同bb上完堂，係去冒險樂園之前，就選擇左去尼度飲個茶喇。尼度環境都唔錯，有卡位，洛地玻璃，夠開揚。我地點左燒買，灌湯餃，欖角蒸排骨，腐皮卷，煎釀尖椒同燒味飯。燒買入面有好多蝦肉，好味彈牙，排骨方面，用欖角蒸，好香，排骨略嫌偏肥左少少，灌湯餃好味，湯汁同餃既味道好配，再加少少醋提鮮煎釀尖椒都唔錯，唯略嫌個尖椒有點太淋。，腐皮卷就普普通通，外面唔太夠脆，燒味飯就屬正正常常，不過不失。整體黎講，大部份都唔錯，如果係附近行開會再黎幫襯。

星期日全家出街食晚飯.見附近豪宴做緊片皮鴨優惠就去book位.得意既係如果預訂片皮鴨要加$20,即係$158.即場叫反而原價$138.我一向以為預訂係為咗幫餐廳預算食材,應該有優惠先係㖭.入到去,環境都幾嘈,坐大枱真係要大聲講野對面先聽到.片皮鴨片得厚已經係常態,見怪不怪.舖係碟顯得份量好足,因為片得好厚肉.而且有好多塊餅皮中間界開咗,好難包到鴨件.皮係脆既,有油但唔甘香,肉孩而無味.應該最滑既2隻鴨脾都乾,孩,韌.叫咗片皮鴨2食,另一味餸係涼瓜鴨件,加咗芡汁炒起碼救咗無味既問題,但肉質既致命傷始終無法挽救.咕嚕肉唔脆而且炸粉超重,口感非常差.但係用嚟裝咕嚕肉既脆片沾咗甜酸汁後反而唔錯.但似我明明叫咕嚕肉,唔通脆片先係主菜?支竹班腩煲,支竹乾又硬,魚腩唔滑.依味餸同上面提過既咕嚕肉都令我諗起街邊幾十蚊一盒果種3餸飯.冬瓜盅特別在冬瓜外面既青色皮已經刨晒,即係可以成個食/飲,裡面有扇貝柱,蝦,瘦肉,夜香花.飲落清得嚟都算有鮮味,算係挽回一啲分數.蝦醬通菜,全名應該係蝦醬浸通菜吧,食唔出炒過.以後好難再幫襯

近近地就揀左附近間酒樓試下晚餐中菜小炒，貪佢個位置夠就腳近火車站同燈光火猛。眼望酒樓面積不大, 但夠晒燈光火猛，可能對出就有一排地窗望到街境, 所以燈光令人覺得醒神。3個人開飯, 望下餐牌見到佢晚市有做推廣優惠,本來想點片皮鴨的,但已賣晒,於是就點左另一個優惠蒜蓉海蝦籠仔蒸飯。呢個飯最後基本上食完晒其他餸先上枱(酒樓侍應話係即叫即蒸,所以需時…….)。雖然要等,但呢個籠仔飯真心正，啲手切蒜係個蝦既表面，而蒜香味滲晒落個飯到,啲飯唔係一般米粒,係好有咬口既綿密感同米香，再配上啖啖蒜香真係一流，忍唔到口食左兩碗~~真心推介仲有另一味都口感深刻，就係蜜糖薯仔牛柳粒，牛柳係爆香個外面有點脆而咬入每啖都保持到多汁，當然最緊要係唔會難咬開，仲有個重點會D薯仔都係外層食到脆口的，而每粒薯仔既外面都有薄薄的蜜糖包圍住，夠晒惹味,呢個餸值得點想當然而，去得酒樓食飯都會例點番個燒味拼盤，啲义燒同燒鵝都不錯，油雞就一般(不過點既係燒味拼盤無得改另外類型既燒味)意猶未盡，見到燒乳鴿38蚊一隻咁抵, 就點左一隻試下,侍應話係即燒要需時等一下。我心諗即燒咁勁?!咁呢38蚊都值回票價。 等左大約20分鐘左右，都唔算

歐遊3星期回港，雖然食過幾餐難食既中餐止下癮，但始終同係香港食既酒家差得遠！返到香港，立即約家人去酒樓食飯。今日去既酒樓係係屋企附近既「豪宴」入面環境光明乾淨，而且有卡位適合小家庭。當日雖然係平日，但客人非常多，侍應們都忙到𣎴可開交。托家人同經理稔熟既福，一早叫經理預留$68半隻片皮鴨。雖然豪宴屬質素中上酒家，但價錢非常合理，只係街坊價。天氣咁熱，先點一個冬瓜盅消下暑。冬瓜盅份量十足而且配料豐富，我地三個人爭d飲唔哂。再嚟就係主菜片皮鴨，話雖如此係半隻份量，但我地三個人都食唔哂。燒鴨皮薄油脂甘香，每一啖都被香到不得了既油香充斥口腔。片皮鴨當然要配上潤餅一齊食，餅皮勝在薄，配上京蔥、海鮮醬剛好減輕油膩感又惹味。我地仲叫左一味咕嚕肉，呢味咕嚕肉係用南瓜脆餅做伴碟，睇得又食得是日埋單3個人都唔使$300，豪宴果然係出色街坊食堂！

一家8人打算星期日晚同老豆開開心心慶祝生日，早幾日前已經訂咗間房同壽包，仲有職員打電話嚟確認咗2次!當晚預定時間前10分鐘我哋到咗睇下有冇得早啲拎定檯，好聲好氣同門口個姓李嘅短頭髮女經理拎檯，佢話冇人訂檯喎，仲質疑我哋有冇訂，「邊個話你知留咗間房俾你㗎」，佢話張檯仲被客食緊，未可以執檯住（我哋屋企人識呢度其中一位員工，佢當晚冇返，但之前有幫我哋睇當晚得我哋一檯客訂咗房）。我哋明顧客唔係大曬，但佢嘅態度真係好差，不可一世咁😤一齊等嘅幾張檯客都入曬去，淨係得返我哋係度等⋯之後等咗半個鐘，終於被安排坐係出面一張大檯😤未坐低，就見到檯布上有個細路鞋印同啲小食物碎。諗住佢會換過張檯布，點知佢就咁搵張餐巾遮住個鞋印就算😨啲碗碟一啲都唔乾淨、有食物積有條頭髮，都算，費事煩，我哋自己洗☹️落單有漏咗一次單、叫飯同啤酒等咗10分鐘都唔嚟要催😵但其他上菜上得幾快同食物質素接受到。到最尾，佢叫上壽包同蛋糕，過咗5分鐘，佢番返嚟同我哋講 冇！壽！包！😡😡😡😡😡有冇搞錯，老人家生日、一早訂檯有落單、我都見到佢印俾我張對菜單有壽包（即係我哋係有訂檯有落壽包），佢而家竟然講賣曬？！我哋真係火都嚟，問佢落曬單點解都係咁

從火車站行落橋，見到間光光猛猛嘅酒樓，就入去食個晏先深海魚腩炒河，大大塊魚塊，有口感，但略鞋，不過有魚味配菜不少，$88合理灼生菜，夠青綠，爽口$22,OK啦！環境優靜，午巿人不算多，可能真的要攪多少少優惠才可以吸引更多人流了

星期日和太太到此酒樓飲茶，叫咗幾個點心，先嚟咗個雞仔包（凍嘅），蝦餃- （皮好厚少蝦，30 元正），牛栢葉（極少 ，大點），燒賣（一般），牛腸（少牛）。之後，沒有通知下，將我們嘅嘢推埋一邊，加兩個位撘台。五個點心，兩位茶，合共170元