影片
開飯介紹
悠閒自在的貓貓Cafe有輕食、茶飲和甜品供應，客人可以一邊品嚐輕食，一邊跟貓咪互動，用餐則按時收費。
繼續閱讀
營業時間
今日營業
13:30 - 22:30
星期一至五
13:30 - 22:30
星期六至日
11:30 - 22:30
以上資料只供參考, 請與餐廳確認詳情
有關獎賞計劃
亞女成日想養貓，但係養貓貓唔係一時衝動架嘛，一定要諗清楚，咁啱同個friend講開，佢話荃灣有間貓cafe，所以趁住亞女而家仲係返半日，就比佢感受吓。貓貓cafe喺眾安街，搭車都算方便，上到去職員就介紹價錢、餵及摸貓貓須知，$58/鐘（每人），其後$38/鐘，$118就無限時任坐！茶水免費提供，有3部飲品、蛋糕自助售賣機，肚餓都有得充飢🤣。記得飲品要冚返個蓋，如果唔係貓貓會飲架。入cafe係需要著祙嘅，入去前需要更換一次性拖鞋，另外，職員話驚貓貓小便或整爛我哋啲嘢，所以比個超級大索袋比我哋，叫我哋將隨身物品放入去。cafe空間感好大，木系裝修好舒服，貓貓一啲都唔驚人，全場可以任坐。每一個鐘可以買一次零食（凍乾）餵貓貓，半份$6，一份$12，一拎住個零食盒，貓貓就即刻好熱情跟住我哋🤣。我買咗一杯凍咖啡$10，藍莓芝士蛋糕$19，超抵。但當我坐低想食嘅時候，啲貓貓就好興奮，跳上我張檯到🤣，幸好職員見到，幫手抱番佢哋落地。𢭃貓棒係免費借用同貓貓玩嘅，但12歲以下就唔可以喇！所以亞女就餵零食同摸貓貓。入場前，職員會講有2隻黑色圍巾的貓貓會有啲脾氣仔，要留意。另外，紅色圍巾貓貓係唔可以食零食，記得唔好餵呀！Cafe內有兩個洗手間，好乾淨，整體都好舒服，見到咁多貓貓好開心，絕對可以減壓，除此之外，仲有好多桌遊同漫畫提供，不過我都係鍾意摸貓貓多啲。
繼續閱讀
貓之茶房除咗係貓Cafe之外平時更經常幫助「浪浪」們尋找新家園店裏面嘅主子大部分都係領養返嚟㗎如果鍾意仲可以申請拎養𠻹佢哋每個月會捐款同捐物資給流浪貓機構實在太有意義將愛心延續落去❤️❤️🔹🔹🔹🔹🔹🔹🔹🔹🔹🔹🔹🔹鍾意貓咪屋企又唔可以養呢度就可以解決又可以當作休息放空hea 吓🤩乾淨整潔 空間大 好有多座位提供包括有日式茶座或者高身少少的座位🔹🔹🔹🔹🔹🔹🔹🔹🔹🔹🔹🔹首先入場需要俾$58門票錢之後每一個鐘$38又可以選擇$118無限玩茶水間沖茶包或水免費供應👍又有board game又有大量嘅漫畫啱晒朋友聚會或者自己一個嚟放鬆一下🔹🔹🔹🔹🔹🔹🔹🔹🔹🔹🔹🔹Cafe以自助售賣機形式售賣飲品同三文治蛋糕曲奇餅供應巧克力蛋糕棒極了🔹🔹🔹🔹🔹🔹🔹🔹🔹🔹🔹🔹與其他貓咖啡館相比貓很可愛工作人員也很好貓又乖 與貓咪互動時留意身上圍巾主子有咩特別注意店員時常保持場內整潔所以絕對無異味同零貓毛店員幫主子進行檢查 抹面 抹眼睛工作人員好有禮 又細心女仕們有有需要廁所仲有M巾🥰👉🏻可以買貓貓小食喂貓貓
繼續閱讀
第一次來到貓貓Cafe，之前對呢間貓之茶房已經久仰大名咗好耐啦，今次終於有機會親自造訪！餐廳環境闊落，乾淨企理！入去同貓貓玩之前，店員會先提供即棄拖鞋同埋消毒酒精搓手液，另外店員亦會好頻密咁清潔場地嘅地板同設施等等～假日入場費 (首小時)💰HK$68平時平日嘅首小時係$58，假日去都係貴$10喳，價錢相當合理～如果想食下午茶或者少少輕食的話，Cafe內都有自助機提供飲品同埋輕食(有曲奇、三文治同蛋糕等等)，另外仲有免費茶水提供！可以一邊同貓貓玩，一邊食輕食嘆杯茶，對於貓奴來講，真係世界級享受啊～柚子芝士蛋糕💰HK$19蛋糕表面有一層柚子啫喱，散發住陣陣嘅柚子香氣，口感清涼爽滑，配埋柔滑細膩嘅忌廉芝士同最底層嘅餅底，整體層次分明，口感豐富多樣～藍莓芝士蛋糕💰HK$19蛋糕表層嘅藍莓醬散發住濃郁甜美嘅藍莓果香，藍莓嘅酸甜同忌廉芝士嘅甜味相互融合，形成咗一種風味絕佳嘅酸甜平衡～無糖可口可樂💰HK$5白桃紅茶(免費)呢個茶集合咗紅茶嘅醇厚茶香同埋白桃嘅甜美，仲會有一股悠長柔和嘅回甘餘韻～
繼續閱讀
今天我們來到貓之茶房呢度位於荃灣，舊式大廈裏估唔到有咁可愛嘅地方入去之前職員會同我哋簡單介紹同貓仔相處嘅技巧，我哋換好鞋，消毒雙手，拎一個大袋袋住我哋啲物件放埋一邊之後，可以同貓仔一齊玩貓嘅數量都有好多，數唔到😂店舖有好足夠嘅活動空間，亦都能提供足夠地方比客人同埋貓仔互動我哋可以買貓零食餵貓佢地好可愛餐廳裏面都有自助售賣機，可以點選飲品、三文治及蛋糕等等 朱古力松露蛋糕感覺唔錯，夠香濃藍莓芝士蛋糕上邊酸酸甜甜嘅藍莓醬幾好味綠茶牛奶（少甜）味道濃郁，綠茶味都重朱古力咖啡嘅味道都恰到好處，甜度適中整體嚟講，如果你係鍾意貓嘅朋友，可以來睇吓貓仔，放鬆心情，感覺開心自在平時沒有養寵物，今次經驗都令到我哋會了解到點樣同貓仔相處😊
繼續閱讀
🍽 今日放假諗住去荃灣行吓街，行行吓見到呢間貓cafe，有啲興趣就走咗上去玩啦～ 原來一直有個咁好嘅地方，之前都唔知道！😺 環境同服務呢間cafe唔單止食物正，環境仲好乾淨，一入到去就感覺好舒服。睇得出貓貓都被照顧得好好，有啲貓咪仲戴住頸帶，示意佢哋唔可以食零食。同埋為貓貓嘅健康著想，佢哋每隔一段時間先有餵零食嘅時間，仲有限定賣幾多份零食，唔會過量，真係好有心❤️。店內仲提供咗好多貼心設施：有board games、漫畫同其他書籍，見到好多人一邊玩桌遊一邊同朋友、家人傾偈，成間店都好溫馨📚🎲。另外仲有免費充電器可以用，真係諗得好周到！而且店內仲有逗貓棒，方便大家同貓貓玩耍，唔使怕唔識點同貓咪互動～店家仲準備咗一本貓咪介紹書，介紹每隻貓貓嘅性格，等你可以更加了解店內嘅貓貓，真係好窩心嘅設計😊。🐾😺 食物（輕食）🍪 抹茶合桃曲奇呢個抹茶合桃曲奇咬落去鬆脆可口，抹茶味唔會太苦，又有牛油香，甜度適中，食落去唔會覺得膩，啱啱好～🍵🍰 柚子芝士蛋糕柚子芝士蛋糕帶有清香嘅柚子味道，酸酸甜甜嘅感覺同濃郁嘅芝士好配合！呢款蛋糕食落去清新唔滯，好適合作為下午茶甜品🍊🧀。🥤 抹茶鮮奶（由機械沖成）呢杯抹茶鮮奶都幾smooth，抹茶味濃但唔會太苦，奶味同抹茶味融合得啱啱好，飲落唔似機械沖成嘅👍。呢間貓Cafe比我嘅感覺好溫馨溫暖❤️ 係優閒食下午茶、玩Board game、傾計嘅好地方！非常推介大家去呢間貓Cafe支持吓佢哋！
繼續閱讀
您可能會有興趣的...