貓山皇 (已結業)

呢排好多人講緊食榴連，又有商戶推出榴連放題，搞到我流曬口水，決定走去元朗食返件榴連甜品止下渴先！其實呢間甜品鋪既可選擇既種類唔多，咁叫左「榴連班戟$58」、「榴連心太軟$58」。等左十幾分鐘，我既榴連甜品到啦！「榴連班戟」有一小碟似係啫喱既小食伴碟，呢款係雪凍左咁食，好香榴連味，分量都多既，班戟皮下包住好多既榴連肉，食落去好有滿足感！「榴連心太軟」賣相都唔錯，有一球雲尼那雪糕同埋少量生果伴碟，切開好香榴連味飄出，不過熱食榴連都幾特別。

前兩日經過貓山皇，雪糕依然停售。貓山皇係其中一間個人比較鐘意推介俾朋友嘅甜品小店。要澄清一點係，我唔係榴槤迷～舖面裝修雖然唔算吸引，入到去又細，擺左啲貨櫃出泥做裝飾同洗手間，但湊湊埋埋，又會覺得幾型幾有工業味，同埋坐得幾舒服，似cafe多過甜品舖～榴槤pancake榴槤拿破崙，都好榴槤，果肉佔嘅比例較重，餅皮正常，整體ok。相對榴槤雪糕，俾人印象深刻，質地好幼滑，creamy得泥又唔會漿口，甜度剛好，榴槤味無其他榴槤甜品咁重，但可能係凍冰冰嘅關係，榴槤迷同非榴槤迷都表示「反而仲好食」忍唔住一啖又一啖～每次幫襯都會叫雪糕，隔一排又會心郁郁想食。榴槤雪糕，究竟你仲會唔會番泥～～～

前幾天晚上在元朗附近食完晚飯，天氣真的熱到出汁，晚上也有29度，一心便想去食個甜品，涼快一下路經一間叫貓山皇嘅甜品屋，心也想試下榴槤製甜品，看看餐牌也挺吸引，便進去看過究竟～座位比較小或細，我的屁股也剛好被包著位置也比較敞寬，四人一枱店內裝修頗特別，大部分係鐵製貨櫃一個個放在店內，真想去試開一下探過究竟店員很快便幫我下單～ 榴槤脆皮夾餅個名幾特別，就先來一個吧！榴槤脆皮夾餅 - 夾餅很脆口很有蛋香味，原來係即叫即做，榴槤肉味又濃又甜香，份量也足，一口一口放入口裏，簡直令我一試難忘，脆中帶點柔軟及榴槤香味，超好食到忘記了價錢添

< 榴槤心太軟 $58 >今日專登走去試多一次口間榴槤專門店，想為大家做多次食評提供真實性！呢個榴槤心太軟交行貨系列之一，其實成個都係朱古力心太軟，名過於實，內餡流出黎都係全朱古力漿，只係入面有啲榴槤肉而已，而外層又乾涸又唔鬆脆，真係當堂嚇左跳！💀

< 榴槤班戟 $58 >今日把心一橫山長水遠黎到試下其他榴槤產品，點知天氣不似預期，又係做唔到我理想既效果，薄薄滑身既班戟皮係唯一可取既地方，榴槤質素亦屬正常水平，可惜榴槤與忌廉既比例為 1:9，1 份榴槤 9 份忌廉，傻的嗎！💀

< 榴槤拿破崙 $56 >第一次黎到主食榴槤甜品既甜品店，本來充滿期望諗住入面有好多榴槤肉，點知全部都係普通忌廉同淡淡既榴槤忌廉，而且塊酥皮又硬又唔鬆化，成件事食完勁漏！希望下次試其他榴槤甜品有新衝擊啦！

未入到貓山王已經聞到好香既榴槤飄香！第一次幫襯，點左個榴槤心太軟。等左一陣就有得食，心太軟要做到流心絕非容易，一切開，朱古力流心即刻湧出黎！入面有香濃嘅榴槤肉，但朱古力味道太濃，蓋左小小榴槤味。不過整體感覺ok！另外榴槤酥皮卷熱辣辣送上，幾十層薄而脆嘅酥皮包住香軟榴槤肉，好味！

係元朗附近做完野 醒起可以食貓山王 立即google未入門口已經聞到陣陣榴槤味😂 叫左榴槤脆皮夾餅 整個夾餅係即叫即做嘅店員輕輕將夾餅煎到金黃色 放入大量榴槤肉夾餅薄得黎超脆 榴槤肉味又濃又香簡直令我一試難忘👍🏼👍🏼👍🏼👍🏼下次一定一定要試埋其他食品😙😙

【2016 年 1 月 1 日】好友和我們一家都愛榴槤當中至愛當然是榴槤之中的極品 ... 貓山王食完晚飯好友就帶了我們去附近的『貓山王』食我們至愛的榴槤甜品這兒的榴槤甜品全部是用貓山王做的我們揀了 2 份榴槤雪糕和榴槤脆皮夾餅，兩款都是 HK$38 一份榴槤雪糕質感幼滑，又有香濃的榴槤味 ~~榴槤脆皮夾餅是即叫即製的，以剛煎至金黃色的夾餅包著貓山王榴槤果肉夾餅又薄又脆，仲好香添 ~~ 裡面又包了好多貓山王果肉咬落去除了嚐到外脆內軟的口感外，還有啖啖香甜濃郁的貓山王果肉，真是太滿足喇 !!!貓山皇香港 新界 元朗 仁樂坊 5 號 利發大廈 D 舖** 以上是以我的口味、喜好和情況作出分享和感受，一試 / 合用與否請自行決定

榴槤班戟卷($58)，就咁望都見到有幾滿既榴槤，個皮薄而滑，唔會影響榴槤既味，食一舊就好似食左舊榴槤咁，好正呀！榴槤甜得黎甘香，果然好幼滑！榴槤心太軟($58)，切開有d失望，無之前澎湃既榴槤湧出，份量少左，心太軟外層夠脆且熱入面朱古力加榴槤質感相當軟綿，味道似榴槤糕旁邊凍既雪糕形成強烈對比，再加少少水果，相對之下，同等既價錢，較推薦班戟卷，因為榴槤份量多好多！

來自新加坡的貓山皇，讓我在元朗可回味新加坡Four Season的難忘滋味。榴槤脆皮卷用上貓山皇的榴槤肉，自然是濃香甘醇，那種甘是貓山皇獨有的味道。加上新鮮焗起，皮脆餡多，香氣四溢，魅力沒法擋！心太軟採用都貓山皇來造，切開發現流出來是百份百的榴槤蓉，興奮不已！貓山皇味道甘香醇厚，帶點酒的甘味，香氣馥郁。而朱古力外層焗成脆面，是高濃度的朱古力，所以整體配合起來都不覺甜膩。

之前好耐試咗次，今次第二次食，個榴槤雪榚真係好重榴槤味，而且食落好滑，完全冇渴喉感覺，真好多時雪榚食完要飲水，個口會好渴，佢反而冇呢種感覺，下次會再試其他榴槤款式甜品

有人話香,有人話臭....我就覺得好香呀.....鋪裡格局好有心思用貨櫃用設計, 開放式廚房叫左一杯夢幻榴槤和榴槤班Q以干冰製造出霧既較果, 尼個想法唔錯....要成$52一杯下次可以外賣$28杯,仲抵食榴槤班Q,大大件果肉, 好彩少CREAM,尼個係唔錯既選擇

飄來榴槤之香～正！雖然好多人都未必啱食，但作為榴槤愛好姐，齋聽榴槤二字就已經好瘋狂！元朗有間貓山皇～初初聽個名以為係齋啪榴槤，哈哈哈～唔好意思，俾多年前本雜誌荼薰咗😅。返番嚟貓山皇，甜品小店細細間，大約容納到二十人左右，可能係因為地方細，所以榴槤軟雪糕只限外賣，但其實33蚊都唔算平啦，不過站於老細個角度，佢都有難處嘅～冇所謂啦!二人行，可以揀多款一齊試，我哋揀左夢幻榴槤雪糕、榴槤脆皮夾餅同榴槤糯米糍⋯原本打算試埋個奶昔，但好似誇張咗啲⋯咁就試住三個甜品先啦～夢幻榴槤雪糕—即叫即整，開放式櫥窗一覽無遺～隔咗一陣，雪糕就帶煙咁飄咗埋嚟！真係好夢幻呀，改名改得好！雪糕質感幼滑，好香嘅榴槤味，好正！仲有啲芒果珠珠伴襯，多重味覺感受，味道好夾！真係外在同內在都咁美!榴槤糯米糍—呢個就反而普通咗啲啲，糯米皮做得煙韌，但略嫌份量太細，$40蚊兩粒就貴咗啲！呢個唔抵食，但榴槤餡係好食嘅，但又略嫌未完全解冰，仲有冰狀口感。榴槤脆皮夾餅—呢個真係正到冇朋友！夾餅係即時整，所以口感真係脆！榴槤餡勁多！每一啖都係榴槤滋味，好香好濃！抵食+++今次就食住咁多先，下次要試埋個班戟同奶昔！榴槤榴槤我愛榴槤！款式唔使

今日屋企人去左元朗買貓山皇甜品回家一齊品嚐呢 ^^圖上：榴槤雪糕：味道最清的一個，中間冇榴槤蓉，但都食到榴槤味！yummy！圖中：榴槤燸米糍：個皮略嫌厚左d！但一咬裡面的榴槤果肉"咇"哂出黎！好似食哂榴槤咁呀！勁好味~~圖下：榴槤布丁：以為布丁會係最淡口所以留返最好先食！點知原來佢係"最重口味"！雞蛋布丁上淋滿"榴槤汁"，極度香濃幼滑！回味無窮呢！好想自己親身去幫襯一次呢！！！