影片
港鐵旺角站 E2 出口, 步行約4分鐘
繼續閱讀
營業時間
星期一至日
13:00 - 22:00
以上資料只供參考, 請與餐廳確認詳情
每位消費$68 一個鐘包一杯嘢飲，地理位置方便，貓貓可愛爆棚，雖然有啲懶，但係唔會好似其他貓Cafe咁不停消費佢哋，比佢哋自己休息，純粹比客人近距離接觸佢哋。雖然地方唔大，但係好闊落。而且唔似其他貓Cafe咁嘈，呢度俾我一個好chill 同埋放鬆嘅感覺而且比我感覺，呢間貓Cafe比其他Cafe更加注重貓貓嘅感受同健康，唔會因為做生意而不停消費貓貓，例如買零食比佢哋做小食。另外，嘢食方面，價錢合理，食物正常，推薦芝士千層焗薯 滿分！重點 佢哋係良心小店💛 極度推薦大家！💛💛唯一缺點就係如果客人着裙就有機會唔方便，因為佢哋啲座位係坐地下，比較日式
繼續閱讀
見到openrice咁多差評冇好評就知呢間舖冇買坊間啲打手套餐，咁多負評，我就去一睹盧山真面目。去之前要打聽下佢執笠未，上社交平台見到仲有出post，就whatsapp問下幾錢一位。復活節假期最後一日，仲未有晚市堂食，所以6點後冇嘢食，可以淨玩貓同埋去坐下，優惠價$48。平時$68/小時（包一飲品），續鐘$38又係包野食/飲品。 唔算貴，我哋住喺附近，就決定直接過去。店內實況地方唔大，但唔會好似出面小店咁將啲枱擺到密質質，呢度仲有好多地方俾貓貓瞓、玩、滾地沙。 貓貓一般都瞓緊覺㗎喇，我屋企嗰隻都係咁，瞓飽食醉緊係瞓到大天光，其實代表主人照顧得佢哋好好，食得好住得好，唔使好似其他貓cafe咁要接客咁辛苦。（其他貓cafe仲會賣零食俾客去餵俾自己店嘅貓咪.......簡直係做生意嘅勁人，又賺錢，同時又餵飽自己啲貓，所以啲貓勁熱情咁接客）貓貓呢度啲貓貓都係超溫純同超懶，但同時都係超乾淨，一啲味都冇。瞓到成隻豬咁。呢隻喺兩個鐘內都冇醒過。呢隻好鍾意摸摸，一停咗就起身要人再摸。呢隻係八掛妹，周圍睇人做緊咩。呢隻係百厭仔，又試圖越獄又玩到反晒肚，又衝嚟衝去，佢仲成日嚇親，彈起咗幾次。 嘢食 我嚟呢度主要玩貓睇貓，真係冇諗住影嘢食，係最後覺得要寫食評為呢間嘢平反下，先至影咗張就飲完嘅嘢飲嘅相。 呢個千層蛋糕其實真係麻麻哋，比較乾同硬，但尚可入口，但唔會encore 特濃朱古力，比平常苦啲嘅朱古力飲品，OK喇，可以飲好耐，另外我哋仲有嗌沙冰，我覺得仲好飲啲，都軟滑嘅。仲有嗌咗兜薯條，堅係新鮮出爐，脆薄博。 --------總結其實我最想講嘅係，去咗好幾間貓cafe，每間都有佢嘅style，有啲貓會熱情啲，會爬你嘅身，但呢個可能係警號，可能佢哋食唔飽想搵你拎嘢食，可能佢唔夠地方瞓要瞓喺你度。要評論一間貓cafe，嘢食我諗只佔總評30%，呢個亦都係點解某間U字頭貓cafe咁爆棚（嗰邊嘢食比較豐富有造型，貓貓數量多又會係你身邊行嚟行去，但其實嗰度冇呢度咁貓貓friendly，又迫又多人）。我比較着緊貓貓同地方係唔係乾淨，貓貓係咪住得舒服，而且唔會被迫接客。 而呢間我見到貓貓係好悠然自在，身心健康，想玩就玩，想瞓就瞓。去貓cafe記得要尊重貓係一個獨立生物，而唔係任意俾你搓圓撳扁嘅公仔。 所以舒服程度呢度係5分，食物就3分，貓貓得意程度係爆棚呀～
繼續閱讀
每人最低消費68蚊，包一杯飲品，若每人叫兩樣野送多一個鍾, 如此類推...店細，約9張細枱，貓少大概5/6隻，感覺店內不太干淨，洗手間在店外，不太方便。基本上所有的貓都聚在收銀機前面，貓都不太喜歡同客人玩，大部分不也不太喜歡被客人摸，沒有逗貓棒，也沒有食物餵貓，職員不會教客人與貓貓玩或互動 ...結果是，坐低半個鍾後開始覺得悶，各枱客人都吾系篤電話就是玩扑克，所以我地本來有2個鍾的時間，結果坐了一個鍾就埋單走了。建議，若行街太攰想抖下，就無乜問題。但若似我地咁，想去摸貓或玩下貓，就吾建議去了。
繼續閱讀
好耐冇去貓cafe好隨機咁搵左呢間幾寧靜 唔多人入面有5隻貓但咁啱都訓緊教😂每位$68一小時，包一杯野飲去到中途有幾隻貓貓終於訓醒左幫貓貓影左好多相全部都好可愛🥰🥰但係OpenRice 最多放12張相所以分享唔到🙈總括而言 貓奴一定要去👍🏼
繼續閱讀
貓貓好得意 老闆話6-7歲貓 唔願玩架咁岩去到有隻新貓1歲半 不過仲未出得黎要慢慢適應其他貓貓坐定定點摸都得😂肥唔係我地叫 呢d叫肥壯😂我地閒日下晝去 唔多人靜靜地碌電話 間唔中行出去吸下貓 好寫意68蚊包1杯野飲叫野食比其他貓cafe好d會送加時去過旺角另外一間食埋野都係1個鐘有d趕而且個間d貓貓有d油 邊間就唔講😂呢邊d貓貓打理得好好老闆應該好錫佢地叫左個熱玫瑰蜜坐左一個鐘就走左 野飲ok休息下一流 會再去（btw iphone openrice app好似無位po相 定係我搵唔到）
繼續閱讀