貓毛

營業中

休息中

屯門有好多小店駐守， 最近發現有間小店「貓毛」，本身以為係貓Cafe，原來係主打特色Burger🍔 價錢親民之餘，仲要勁足料，好大份🥳 不過佢堂食位置不多，外賣為主🛍️ 但因為我屋企距離比較遠，所以就決定堂食😃🐱 貓霸漢堡套餐 $69漢堡餡有牛肉扒x2，菠蘿，芝士，生菜，蜜糖芥末醬~ 佢地嘅牛肉漢堡扒係即日製作，每層肉有成1️⃣2️⃣0️⃣g架！睇落有成2cm厚，好足料，而且口感軟腍，牛味突出🥸 加上菠蘿同蜜糖芥末醬，增添豐富口感，甜甜酸酸幾開胃😗 會跟埋薯條及同野飲，薯條份量唔少，炸得金黃香脆😍 野飲叫左貓毛朱古力 (加$8)，飲落甜甜地，好飲😆🍟 加菲漢堡套餐 $68漢堡餡有豬柳x2，芝士，生菜，將軍醬~ ☺️ 豬柳有醃過，不過有少少鹹，如果重口味嘅人會好鍾意食！個芝士係即溶芝士黎，勁重芝士味，正🤩 另外會跟埋薯餅同野飲，薯餅亦較大份，質地較淋，好好食🥰 野飲就叫左「香港人」朱古力 (加$22)，用左60% 朱古力，甜度相對較低，我就比較鐘意飲呢款😌總括而言 (5個💜係最高)好味指數 : 💜💜💜🤍🤍服務態度 : 💜💜💜💜🤍環境打卡 : 💜💜🤍🤍🤍回頭指數 : 💜💜💜🤍🤍📍貓毛🏢屯門青棉徑3號好勝大

唔知知你知唔知咩叫4B區？如果我講屯門虹橋你知唔知係邊？如果你通通都知你一定係一個屯門人其實係屯門虹橋景峰區都不少小店，之前朋友住左係呢附近，一知要搬走，最唔捨得唔係間屋🤣係最唔捨得都係附近既小食店最近我就去左附近搵野食，朋友就話公園左仔附近有間專賣Burger嘅小店因為佢地d Buger 既漢堡每塊都足足有120g 架嘩,聽到都有d 流口水~所以就襯阿仔去上興趣班,即刻去買定外賣等放學呢間小店唔算係好當眼既位置,唔係朋友教定我行，我都未必識黎等係文尾再教大家行黎搵食，重點要介紹佢地既漢堡啦漢堡總類都有差不多十款，單點價錢由 $30-$56 不等，同時亦照顧唔同朋友需要，有豬/牛肉選擇朋友仔就話，如果要試就一定要試佢地既貓霸漢堡 ，因為足足有兩塊大牛肉扒架，加埋菠蘿片🍍同蜜糖芥茉醬，非常Yummy所以我都決定點左呢個皇牌試下，單點呢個漢堡就$56 加多$13 就可以轉套餐套餐可以選擇薯條🍟或者薯餅同一杯飲品當時店主同時有推介我加錢試下佢地既特飲，朱古力，每杯加$8-22/不等除左呢個貓霸之外，我都擔心唔夠食🤔所以都打算叫多一個，開頭想試吓豬肉漢堡，諗諗下又好想試下貝羅菇🤭所以最後都係點

黎緊搬去屯門，先行到附近視察環境。見到虹橋隧道前一間平民漢堡店，就決定試試。叫左兩個餐加一份雞翼。貓霸漢堡套餐（$69）🍟🍔漢堡既靈魂-大大塊牛肉x2 ，肉汁豐富，配上新鮮燒菠蘿，酸酸甜甜，連埋蜜糖🍯芥末醬，味道一流。外邊2 塊麵包微微的脆. 口感滿分加菲漢堡套餐 （$68）🍟🍔豬柳2 大塊配上將軍醬，係普通既漢堡店，絕對係難得一見。貓毛朱古力🍫🥤香滑濃郁既朱古力飲品，可可味道十分突出。Oreo 奶昔 🥛🥤滿滿既Oreo 碎配上香甜奶昔，口感豐富。有別於其它市面上既Oreo 奶昔，唔會太甜。最後肥寶寶話唔夠飽，叫左雞翼x5食，雞翼係即叫即炸，表面有小許辣粉，配上蜜糖芥末醬同將軍醬，外脆內軟。本身其實係買去黃金海岸沙灘🏖️到chill下既，可惜天公不造美，一買完就落大雨⛈只可堂食。好彩店長即時幫忙開枱令我們可以即買即食🥰🥰🥰。

今日同朋友去左屯門既貓毛食漢堡包🍔之前聽朋友介紹話好好食😋 所以專登搭車入去食的❤️我地點左一個炸雞拼盤（兩個雞腿🍗兩件雞翼同兩件雞扒）份量超大超大，每隻雞髀都超大隻 炸完出黎超juicy 超好食 咬落去好脆 我點左泰雞同蜜糖芥末！同啲雞超夾每一淡都會點啲sauce😋😋我地仲點左一個貓霸漢堡， 有超大塊牛肉同菠蘿🍍 估唔到兩者可以咁match🥹🥹 咬落去係兩種口感😳 跟餐仲有一塊薯餅同一份薯條🍟，份量真心多。都係炸得好脆好好食😋 但真心要讚佢地既oreo 朱古力奶昔，甜得黎好好飲！！配炸雞漢堡真係一流呀🍔🥤佢地現在做緊可以whatsapp 落單， 咁去到就可以即刻拎黎食，唔洗等好方便！ 同埋佢地做緊草印花活動，岩哂我朋友成日食🤣🤣🤣

作為1個鍾意食漢堡既貓奴知道有間食漢堡既鋪頭叫"貓毛"已經吸引左我既注意仲要係手打漢堡終於黎左試今次試左兩個漢堡貝羅菇漢堡同埋芝士漢堡（豬）兩隻包上枱好大隻 好難一啖咬哂而且食之前記得攞定紙巾隨時抺嘴 同埋唔好講矜持因為實食到成嘴係有堂食但最好攞返屋企食唔駛咁"呢hea"講返味道貝羅菇漢堡加左黑松露醬更加惹味食落菇味好香手打牛肉漢堡好香牛脂味好juice口感好好咬落唔會散開芝士漢堡（豬）落左茄汁所以酸酸地好開胃豬漢堡有驚喜 諗住唔好叫哂兩隻牛漢堡試下豬都好真係估唔到都咁香咁juice

聽朋友介紹係屯門紅橋過小小有間食特色漢堡飽好出名, 今日就去試下佢!!!@@夜晚8點令去到都已經好多人幫襯, 睇黎真係冇伏! 因為地理位置比較隠閉, 所以真係好食先吸引到咁多人去幫襯..我同朋友揀左2個餐SHARE食, 一個貓霸漢堡, 香炸雞翼. 貓霸漢堡好大個, 好高, 一啖咬唔哂, 內有2塊牛肉, 一片菠蘿, 蜜糖芥末醬, 牛肉大塊十分JUICY, 夾住菠蘿食唔會覺得好漏, 加埋蜜糖芥末醬甜甜地, 包皮烘到好香脆, 包面既芝士亦好香口, 真係一試難忘呀!!!香炸雞翼有5隻, 炸粉有別於連鎖店, 呢個係再脆D再金黃色D, 而且大大隻, 有肉地! 杯朱古力好濃, 中意飲朱古力既朋友要黎試下呢杯喇!

餐廳以小店經營，主打多款特色漢堡包🍔 除此之外亦有超人氣嘅炸雞套餐同小食🍟 一定有款啱你心水😙 堂食位置唔多所以見好多屯門友都係外賣攞走🤪 而且依家仲可以WhatsApp落單添！方便又快捷，係宵夜嘅好選擇😆🍗 炸雞派對 $83 食肉獸表示超級滿足🐷 雞扒雞鎚同雞翼各兩件💕 全部都係即叫即炸，外層炸至金黃色😆 咬落去香脆可口，肉質鮮嫩多汁而且件件都好大塊😛 另外仲有四款唔同口味嘅醬汁添🤣 整體份量十足，大件夾抵食😋 超級推介🥰另外跟餐包括薯條或薯餅同特色飲品😉 薯條同薯餅都炸得啱啱好😳 外脆內軟，咬落去脆卜卜，食落口亦唔會乾爭爭🤪 香港人朱古力（$22）採用咗60%嘅朱古力調製而成嘅飲品🤩 甜度適中同時散發住香濃嘅朱古力味，朱古力控表示要瘋了😍 伯爵奶茶朱古力（$14）都OK，淡淡嘅伯爵茶味搭配朱古力都幾match～

屯門虹橋多美食 相信好多人都知無意發現呢間主打漢堡 炸雞 朱古力飲品既小店 價錢親民 仲好足料 升級做套餐🍔🍟🥤仲可以有埋薯條/薯餅 仲有埋杯嘢飲 真係好抵食😋芝士牛肉漢堡🍔 配薯餅 $62（牛肉 芝士 茄汁）外脆內軟既漢堡包配上手打牛肉 牛肉味濃 唔會鞋口 仲有件即炸既薯餅炸到金黃色 內裏係粒粒嘅薯仔 好有咬口😋貝羅果漢堡🍔 配薯條 $69（牛肉 貝羅果 黑松露醬）烘烤個既漢堡包 外脆內軟 貝羅果有啲似大啡菇大大個 好厚 仲好juice 漢堡牛肉配上黑松露醬 成件事好match 🍔貓毛朱古力🥤(跟餐）香濃朱古力味 唔會太甜🤎Oreo 朱古力奶昔🥤（跟餐）滿滿既Oreo碎配上朱古力奶昔 奶味比朱古力濃 奶昔香滑🤎貓毛 @hair_of_cat📍 屯門青棉徑3號好勝大廈地下低層1B-1C號舖#hairofcat #貓毛 #漢堡包 #屯門美食 #相機食先 #食好西 #hkig #Tuenmun #foodblog #hkfoodie #foodie #foodieblogger #foodiehk

今次去虹橋食一間隱世手工漢堡走過一排排大廈去到最外面先找到建議於景峰站落車穿過後面隧道就到小店所有小食即叫即整等候時間要15-20分鐘下次去要最好用WhatsApp 落定單漢堡有10款選擇主打有牛肉和豬肉揀及一款雞扒選擇🍔貝羅菇漢堡（跟餐配薯條）包含一塊牛肉及一去貝羅菇醬料是黑松露醬配料有洋蔥及生菜牛肉好厚實，目測有2cm厚度，食得出手打牛肉肉粒，貝羅菇滲出的水份加上豐富醬汁配搭一齊食唔會太乾身。薯條是厚身不規則切成，面層灑上香草粒，份量超多！🍔貓霸漢堡 （跟餐配薯餅）包含有兩塊牛肉及一塊菠蘿醬料是蜜糖芥末醬配料有生菜及芝士牛肉好厚實，仲要兩塊，觀感上更豐富配埋厚厚嘅燒菠蘿，有口感菠蘿＋蜜糖芥末醬同牛肉都幾夾套餐包一杯飲品，加少少錢可轉為特飲🥛貓毛朱古力及🥛OREO 奶昔朱古力飲落口好滑身，奶昔口感會更濃密，甜度更多，朱古力奶昔面層更有碎Oreo粒粒，味道更濃！

貓毛【Overall 評分： 6★滿分| ☆為半分】食物質素：★★★★★打卡指數：★★★★環境感覺：★★★★衛生指數：★★★★服務質素：★★★★抵食指數：★★★★★★回頭指數：★★★★☆🔜 屯門紅橋一向多小店駐守，若食厭左連鎖餐廳，不彷黎一轉紅橋，有意想不到驚喜呢😆 最近新發現嘅小店「貓毛」主打特色Burger，價錢親民之餘，仲要勁足料，好抵食🥳 另外，仲有炸雞，串燒等供應。.🔜 小店營業時間：15:00-03:00 (星期二休息），夜媽媽突然肚餓都可以買到🤣 仲可以電話/Whatsapp 遙距落單添～. 🔜 特別優惠：凡購買一個漢堡，即獲一個印章，儲夠一定印章，可免費換取指定嘅漢堡/飲品/小食。如「下雨」時購買，印章更係加倍添🤣 值得一提嘅係，小店仲有存卡嘅貼心服務，吾洗下下都拎住張卡，省卻麻煩又可減少吾見嘅機會🙊────────────────────【辣雞堡 $35】漢堡餡：炸雞扒，蕃茄，生菜，洋蔥，秘製辣醬。漢堡煎得好香脆。炸雞扒外脆內軟，富肉汁。配上蕃茄，生菜及洋蔥，增添濕潤感同口感。秘製辣醬嘅加持，令漢堡更惹味.【貓霸$56】漢堡餡：牛肉扒x2，菠蘿，芝士，生菜，蜜糖芥末醬

屯門紅橋旁的美食街，我間中都去食好西因為呢度價錢夠平民，食物種類多。今日行到街尾，見到有間「貓毛」漢堡包🍔就試吓佢🤩食落好驚喜！非常好味🤤叫左2個set ，分別係招牌嘅 貓霸漢堡 同超人漢堡。強烈建議大家叫set ，因為食漢堡配薯條同汽水，係人生一大樂事😂貓霸漢堡：係2層牛肉+菠蘿🍍，岩曬我呢啲牛魔王，肉質唔乾，夠juicy ，2塊大大嘅牛肉🤩真係食肉獸必叫嘅一款♥️而且加左菠蘿，令成件事唔會太膩👍🏻滿分 超人漢堡：因為老婆想食雞蛋，所以叫咗呢個豬肉+炒蛋漢堡。佢真係好開心🥳因為個蛋仲厚過塊包👍🏻而且豬肉漢堡亦醃得好惹味👍🏻仲要加埋鹹蛋沙律醬。好邪惡但好好味😋都滿分未食完已經望住個餐牌，打算下次再嚟食埋其他款👍🏻屯門友唔好錯過呢間正嘢👍🏻👍🏻

街頭漢堡❗️美式漢堡❗️呢間街坊小店嘅漢堡，款式種類多❤️路過已經聞到勁香煎漢堡嘅香味極受附近街坊歡迎，我係度食左半個鐘，已經見到不斷有人嚟外賣🥡呢度仲有蓋印仔優惠好貼地呀☔️落雨天仲有雙倍印仔添，不論大雨定細雨‼️「煙肉漢堡」首先麵包兩邊會先烘脆，真係即時加分呢個漢堡包好高身，有煙肉、豬肉漢堡、蕃茄生菜❗️塊漢堡好有肉汁，一啲都唔乾洋蔥忌廉汁更加係亮點❤️比平時嘅醬汁更加香濃，越食越滋味「辣雞漢堡」秘製辣汁完全係一個記憶點好有水牛醬嘅feel❤️不過塊雞扒嘅粉漿厚左啲，所以食嘅時候感覺有啲負擔「香港人朱古力」呢杯真係必飲🍫朱古力味極度濃郁，會令我追住飲

今日同個妹入屯門探朋友，走個陣勁好彩路過左一間又平又好味嘅漢堡店！因為超級香所以忍唔住想試一試，不過無冷氣所以本身打算外賣攞走。點知好唔爭氣咁就坐左係佢個韆鞦椅上面無走到了🤣我叫左個辣雞漢堡+薯條+汽水套餐，都只係盛惠四十幾蚊。件辣雞超級juice又大份，足足一隻手掌大，辣辣地好頂癮。炸雞拼盤超級大份！居然有兩隻火雞咁大嘅髀、兩件炸雞同兩隻雞翼，件件都炸得外脆內嫩，不過配搭嘅蜜糖芥末醬同將軍醬就唔太好味。我地仲叫左杯招牌貓毛朱古力，非常香濃嘅朱古力，唔會太甜，解渴解膩～最後食唔曬打包帶走，特此紀念😋

虹橋 美食，巨型漢堡店 「貓毛」主打漢堡同炸雞🍗，店主不定期就會推出唔同既餐單，仲有生酮餐，生酮飲食者都岩食👍🏻👍🏻依家佢地仲推出兩個優惠，好抵食！1️⃣凡惠顧任何漢堡，炸雞拼盤有優惠，大雞拼盤減$5，細雞減$32️⃣凡購買一個漢堡，即可獲得一個印仔💮 ☔️落雨過去買，印仔💮是Double儲夠指定數量印仔，送指定飲品及食物🥳🥳我係食肉獸，即刻order番個漢堡包同炸雞先🍗貝羅菇漢堡包🍔主角當然係勁大塊貝羅菇，爽口彈牙，無添加手打牛扒配搭上黑松露醬，配料仲有生菜🥬同洋蔥🧅，超大個又足料，口感豐富，食唔停口！🤤🤤加餐仲有薯條或者薯餅及飲品🥤大雞拼盤，雞扒兩塊、雞髀兩件，雞翼兩隻，即叫即炸，新鮮脆口，肉質鮮嫩多汁，仲有4款不同口味醬汁配搭（洋蔥醬，將軍醬，泰雞醬，蜜糖芥末醬）

📍屯門青棉徑3號好勝大廈地下低層1B-1C號舖今日入咗屯門搵個friend 吹水食lunch，個friend 就話帶我去食一間高汁街方🍔店，我就一定想食啦，仲話可以WhatsApp 落單，方便快捷又簡單👍🏻👍🏻👍🏻。1. 貓霸漢堡配薯條🍔🍟🥤$56+$13 - 真心冇諗過咁大舊🫣🫣🫣大舊到唔可以一口食都係第一次🤣🤣🤣貓霸🍔有兩大塊手打漢堡扒配菠蘿🍍，煎到外脆內軟，七成熟啱啱好👍🏻👍🏻塊手打漢堡扒用咗73黃金比例，所以食落口又唔會太肥以又多汁，再加上一塊菠蘿🍍酸酸甜甜令到超級開胃😂😂😂 再加上粗薯條真係食到😋😋😋2. 炸雞鎚配薯條 🍗🍟🥤$34+$13 - 隻炸雞🍗超大件，炸得啱啱好，彈牙多汁，咬落口卜卜脆🤣🤣🤣，食落口唔會乾爭爭👍🏻👍🏻👍🏻餐廳有outdoor 坐位，😁😁平民價錢，又可以WhatsApp 落單👍🏻👍🏻👍🏻仲可以儲印仔換食物，食物CP值勁高汁，啲手打漢堡扒係真材實料，最緊要就係好食又大件👍🏻👍🏻👍🏻絕對推介