貳號冰室

營業中

休息中

食咗四日白粥頂唔順。攞完藥睇到2號咁多人即刻去食。🥢【蔥油雞扒飯】雞扒就夠大，同我手掌差唔多。食落去外皮脆口內嫩滑，好耐未食到肉味，配埋啲香蔥及油勁香，隻蛋就正常水準。🥢【炒牛河】飽得滯就食咗一啖試下味，都係香味比較重。如果唔中意食太油膩可以只係夾面頭度唔夾到底度。🥄【嘢飲】我就飲咗一啖牙痛就唔評價。聽朋友話D嘢飲素質唔會差都算OK。（當時唔記得飲低）特別好食又唔至於，有70水準。食完之後搭van仔FIN吓FIN吓咁返屋企沖涼訓覺。

今日放工後，心血來潮決定去旺角覓食，就見到間人頭湧湧嘅貳號冰室我點咗個豬小排木耳米線、豬仔包同凍奶茶。豬小排木耳米線，米線口感爽滑，豬小排炆得好稔，咬落去肉質軟嫩，味道調得剛剛好，鹹香適中，木耳又爽脆，同豬小排搭配得天衣無縫。跟住食豬仔包，麵包外皮金黃酥脆，一咬落去「咯咯」聲，入面嘅豬肉餡料香噴噴，多汁又鮮美。最後一定要讚下佢哋嘅凍奶茶，茶味濃郁，奶味香滑，入口先苦後甜，冰凍嘅口感將奶茶嘅味道凸顯得更加出色，飲完一口，成個人都精神曬。

今日去咗間叫“貳號冰室（旺角）”嘅餐廳，就係銀行中心隔離一入到去，餐廳環境都幾有港式冰室嘅feel，綠白相間嘅裝修講下嘢食啦，嗌咗個“鮮蕃茄雞粒通粉·炒滑蛋/套餐，價錢$42。嗰個蕃茄雞粒通粉，湯底濃濃嘅番茄味，通粉煮得啱啱好，唔會太腍，雞粒都幾多下，咬落去有啲口感，不過如果蕃茄味再酸啲就更正啦，感覺有少少偏甜。炒滑蛋真係超級滑，好似食緊雲朵咁，蛋香十足，配埋個上面撒咗黑芝麻嘅日式湯種包，包軟綿綿，黑芝麻又香，簡直係絕配。仲有杯奶茶，茶味濃郁，奶味又夠香滑，沖出嚟嗰啲泡泡都好靚，不過就覺得有少少偏甜，如果可以調節甜度就perfect啦。總體嚟講，呢間冰室嘅嘢食都幾有水准，價錢都合理，下次可以再嚟試下其他嘢食。

就喺朗豪坊對面，食飽飽過條馬路去朗豪坊睇新出嘅異形超正👻🐔嫩滑海南雞（半只）細嫩味濃，雞大大只咁，每次入口都啖啖肉好滿足，調料都俾咗兩份，唔使爭😋🥩牛肉眼煎蛋飯（黑椒汁）超大嘅肉眼扒占滿大半只碟嘅位置🤤將飯與黑椒汁混合埋一齊夠曬味😋🍤蝦球酸湯米線一定要撈暈晒先正！米粉中帶有酸菜好好食🤤一啖蝦一啖湯咁好過癮，食完都忍唔住飲多兩啖湯🤣🍦升呢西多配雪糕（黑糖）西多士占滿黑糖煉奶（底部超多），再加上雪糕，甜食愛好者狂喜，旁邊仲配有棉花糖更加開心😝🫘雪糕紅豆冰夏日行到熱辣辣呢個系我嘅最愛，攪拌杯底軟綿綿嘅紅豆和牛奶混合，仲有香草味嘅雪糕球喺面超開心😚🍍菠蘿油一大片巨厚嘅冰涼黃油和菠蘿包果然絕配🤤外面有張紙，搦起食完全唔怕整污糟隻手超方便👏🏻🧋冰鎮凍奶茶奶茶里面冇再加冰， 成支滿滿份量足🤩連著冰桶一齊上嚟，飲到後面都仲系冰冰咁😋成餐落嚟巨滿足，每樣嘅量真嘅足，整體性價比超高，櫃桶都有備紙巾，呢點抵贊👍🏻不愧過咗飯點都依然咁多人😝

星期五晏晝出咗旺角朗豪坊，因未夠鐘接小朋友諗住食個茶餐先，而且當時見到餐廳有好多空位，不過個女侍應阿姐堅持要客人搭枱，而且態度好差，所以最後冇食到就走啦，以後都唔會再幫襯，完全趕客

旺角其實有咩好食呀？求其搵咗一間茶記食呢間叫做2號冰室嚟嘅咁我就去到係中午時間所以揀咗兩個午餐食。一個午餐係香煎魚柳飯啊配黑椒汁另一個午餐係西炒飯嚟嘅，咁我平時就比較少食西炒飯嘅咁今日就係呢個2號冰室試一試佢啦咁西炒飯都係冇乜特別嘅咁正常茶記嘅質素啦如果香煎魚柳，呢個魚柳都唔算滑煎乾咁有黑松露汁配襯吓都係一個唔錯選擇，但係茶記嚟講呢個質素都算係咁啦兩個午餐成為$120不過不失啦，而家喺香港食個午餐$60都走唔甩㗎啦，物價高漲啊

茶餐廳既快, 加上遊客區.  完全可以比遊客 體驗香港生活. 入座起 1分鐘 就已經有職員問係唔係點餐.點完餐起計既 1分鐘 就已經上餐飲. 放低餐員1分鐘收碟今次到店時間既時間係下午茶時段. 奶油豬套餐 ( $29)不過不失. 因為個奶油豬 唔太夠奶油, 問店員可唔可以比多少少既時候. 店員充滿疑惑, 唔係好知點算. 最後拎左去加少少練奶. 夠吋雞蛋三文治套餐 ( $35 ?)( 價錢唔太肯定)雞蛋真係幾足料. 唔錯, 如果可以烘底就更好.雪菜片頭湯少線 ($50)片頭爽口,  彈牙, 十分好味.加上貳號菜脯, 味道升華

今日去郎豪坊行街，之前食個quick lunch, 附近好多茶記，哩間系正郎豪坊對面最方便。－位置旺角地鐵站出口2分鐘，超方便－內部裝修環境光猛，但座位比較窄，吾夠人數通常要搭檯，舒適度普通。－服務正常， —伙計沒有大大聲，茶記算不錯。 —不收微信支付不方便國內旅客－ 衛生可以－ 旺角午餐哩個價錢，算性價比中上。－食物質數正常茶餐廳，無驚喜，無失望。最後買左個菠蘿椰絲包返屋企做下午茶，切開中間差不多真空，仲少過麵包鋪買的雞尾包，無椰絲味，失敗，拉低了性價比。

去到店舖叫外賣,叫咗飯餐叫杯凍飲然後講一句冇餐跟就出咗單，之後話取消唔俾取消杯嘢飲，之前一直幫襯開🔺包錯外賣🔺冇包餐具🔺漏食物都試過，而家取消杯嘢飲都咁難！叻仔麻煩老闆見到，再培訓一下。員工又或者好態度解釋都可以，麻煩睇返錄影check check佢，佢係當左我係遊客定點？服務性行業係咁？ 哈 哈哈食物質素基本同之前一直一樣，咖喱就最好食，自從舖頭開大咗，連埋隔籬舖頭相通，服務態度越嚟越差，超級過分。重點重點麻煩老闆真係睇返29/1/2024收銀員工

上星期下午茶時間，嚟到朗豪坊附近搵食，嚟到呢間試食。下午茶餐由$30一個菠蘿油加熱奶茶，到最貴$62嘅安格斯牛肉湯河都有，但我都係睇唔啱，結果要咗個常餐，沙嗲牛麵配半件油多、一條香草腸及蔥花炒蛋，一杯熱奶茶，盛惠$56。先唔講食物，講燈光。由於呢間餐廳啲燈全部都係黃光，所以影出嚟嘅食物及餐牌都係偏黃色，沙嗲牛肉麵同奶茶算係好彩有一次唔係出現黃色，被我拍低咗。講返食物，蔥花炒蛋，啲蔥得幾粒，而且淡口，食落個味道似加咗幾粒蔥花嘅老麥嘅炒蛋，香草腸烚熟唔係煎，係油多有些少鹹鹹地，其餘兩樣係無味嘅。沙嗲牛肉麵，賣相唔得，而且啲麵煮得過腍，唔得爽，唔好食，沙嗲牛肉一般，食唔到沙嗲應該要有嘅香味。奶茶算係呢個餐比較好嘅一樣嘢，但收成$56一個常餐，附近唔知會唔會有更好嘅選擇呢？

呢排早左返工，趁有時間歎返個早餐先。係旺角隨便搵左呢間就腳既餐廳，裝修幾靚又坐得舒服，就去試吓。叫左個經典早餐，沙嗲牛麵、炒滑蛋、日式湯種包、凍檸茶，盛惠$43，係旺角食算合理。沙嗲牛麵啲牛肉非常之嫩滑，啲湯唔好太鹹，公仔麵正常。炒蛋方面，都好滑，有驚喜嘅係個包，出奇地好食，個質地幾特別，同一般嘅包好唔同，有咬口，裏面好多提子乾😬總體而言，食物質素同價錢都合理，最緊要坐得舒適，有機會可能會encore的😀

今日喺旺角買完燈飾，我想食得平平哋，所以就去咗姨甥仔每次路過都要買蛋撻嘅2號冰室，睇吓係咪真係咁好味先。見到餐牌確實好抵，於是我哋叫咗：- 兩件蛋撻- 焗豬扒飯- 豬扒酸湯米線- 菠蘿冰- 柑桔蜜先講兩個蛋撻，堂食熱辣辣真係好鬼正，好鬆脆👍🏻焗飯同米線都好正，好足料，食到好飽。只係飲品就甜咗少少，唯有自己加少少水溝稀，不過從另一個角度講，咪即係大杯咗🤣🤣🤣咁多嘢食埋單幾多錢呀？只係$168，比起我屋苑啲茶餐廳仲抵👍🏻👍🏻一定再試

點了豬小排酸辣米線（$56）跟乾炒牛河（$70），米線和豬排份量都較少，味道可以，酸菜好味。牛河河粉幾硬，口味算淡，牛肉也沒幾件。環境很嘈，不知道是設計還是太多人問題，坐對面都要大聲少少講話

建議行多幾步去其他茶餐廳。門口是一位年輕的男主任。之前食過幾次都係沒禮貌, 沒經驗. 點知, 今天可能打機打太耐, 沒精神, 竟黑我臉. 明明好多位, 竟指我去一個好逼的位. 最奇係, 這麼垃圾的茶餐廳, 會在附近再開. 沒服務, 低質素, 價錢貴,  食物難食; 相信再有人食機會好低. 早餐之前試過沙嗲牛肉麵. 真心出奇地難食, 麵過火, 牛肉好難食. 去樓上食麥當勞好食好好多. 可能就腳, d 人貪方便求其食所以見不少人食. 食過就真係好唔得.

眼見十一點三了、 匆匆忙忙點了兩份早餐！沙嗲牛麵：一上檯聞到好香沙嗲味！牛肉大大片（不老、無筋）、麵淥到剛好👍炒滑蛋跟著半份多士、份量剛好。鮮油菠蘿包：剛出爐菠蘿包夾著鮮牛油👍菠蘿包好軟熟。奶茶香濃。早餐真唔錯！