貴川風味館 (已搬遷) 新店位置

近排個個都係屋企食，個個都驚外出出事，雖然我都好驚啲碗具洗唔乾淨，但由於太想食辣野，都係黎咗食米線！香港有好多米線店，但特別好食都係得幾間，呢間我覺得算係頭幾！呢個係金湯麻辣小鍋米線，叫咗豬軟骨，中辣，但其實食得辣既人應該會覺得中辣唔夠喉，所以我下次可以試一試大辣豬軟骨好淋，啲肉唔會好似其他米線舖咁乾，咬唔到，所以我最鍾意食貴川豬軟骨，真係好正朋友就叫咗招牌麻辣米線，佢叫小辣同豬頸肉，雖然豬頸肉都好好食好入味，瘦肥適中，都我都係最鍾意豬軟骨❤️兩個人嗌埋皮帶一齊食～叫咗香芋珍珠奶茶，味道都可以既，珍珠都有咬勁，整體正常，不過好多冰🧊

今日去左旺角食米線擇左貴川風味館裝修前每次去到都要排隊，裝修後地方大左& 坐得舒服左，但味道吾同左好多，特別係熱拌米線🍜重口味左（吾知係味轉左其他人做，食物味道& 職員都吾同左）好老實禁講以前熱拌既汁係岩岩好，汁份量吾會太多，又吾會太小，依家鹹左d😓😓熱拌汁既味道依家係似豉油味😓😓鹹酸菜都係過份鹹左d😓😓個人推薦： 🐽腩肉/豬頸肉/豬扒/豬軟骨🐽🐷金湯小鍋米線都好味湯底味道好特別吾想食米線既朋友，可以試下菜飯🥗🍚賣相都幾吸引

每次經過這邊也看見這間米線總有人排隊，一直想進去試試。今天早放工經過發現有位，走進去點了經典雲南酸辣米線（小辛）辣，加了蘿蔔、午餐肉及生菜。湯的味道不錯，略油了一點，配合酸菜的味道，酸辣的配搭恰好，更突出雲南米線的風味。加上芽菜伴菜是我的喜愛，厚切的午餐肉是米線的最佳配搭，皮碎肉厚，味道一流，蘿蔔略淡味，失色不少。

以前係附近返學既時候所以成日都會落去食lunch，性價比高既1碗米線真係吸引到不少打工仔上班族學生師奶去食🤩，估唔到而家返工都會係依邊做野，放工一定要去食，簡直係窮人恩物一去到個裝修唔同左，大左好多，可能夾埋左隔黎鋪，闊落左好多，好彩餐牌依舊一樣，我都係嗌返傳統酸辣小窩米線，配左蘿蔔，以前每次食都會食唔哂，因為個份量實在太多，D米線配埋芽菜，艽菜，腐皮真係唔洗食餸都飽，d米線好彈牙爽口，蘿蔔好入味，唔會有渣，食唔到辣既朋友可以order小辣，唔會太刺喉嚨，中意食米線既朋友一定要食貴川

今日想食米線，不過又想吓集團以外嘅米線，行過見到呢間排長龍小店，見咁多人排隊應該唔會太差，所以排隊去試吓。叫咗豬腸腩肉米線中辣，其實味道都ok,不過份量太少，食完唔夠飽。

對於附近上班人士絕不推介！輪候等餐時間過長,如果你只有一個小時午飯時間你不介意只有10分鐘時間吃你可以着去薯粉非一般難吃.叫了一碟 ＂川味＂＂口水雞＂是沒有任何麻辣亦沒有任何辣味跟店員諮詢後店員叫我問老闆娘然後老闆娘告訴我他們的川味口水雞。不辣的.嬲到爆。食咗幾啖就走咗首先嘅時候店員沒有跟我說他們的口水雞是不辣.當我食咗舊雞發現唔辣嘅時候我係要求店員可唔可以加番麻辣油之類比我店員話我可以加返枱上辣椒漿.他們沒有任何麻辣的醬汁給我.在走去問老闆娘她說不知道別家只他們自己的口水雞是不辣的👏🏻👏🏻👏🏻串 犀利點解你唔話俾我聽原來你哋嘅凍檸水係無檬又無茶係口水雞前面加川味 即係唔辣

今日出菜特慢。我只係叫左招牌酸辣米線加腩肉。我等左30 分鐘。間野又唔係細，係呢區出菜咁慢真係肥晒佬我吹左兩次。對面的女仔又等緊到食完我仲等緊。到我寫完食評仲等緊。真係有冇手搞錯，lunch time 就咁冇左

呢度離哂譜 生豬肉都夠膽賣叫左個紅油抄手成粒食食左兩舊之後男友覺得咬落軟淋淋 一睇 生嘅再拆開另一粒 一樣 全生豬肉 即刻同個職員講個阿姐 e e er er 話咩可能係舊豬肉紅d唔收呢碟錢 叫左嗰碟走即刻出去扣喉去診所 醫生話兩個鐘後 洗胃都無咩用建議我地去醫院廣華醫院個急診好多人 排左二個鐘都未郁過不過已經落哂資料今次一定會去食環署投訴依家唯有聽朝再去診所問另一個醫生意見勁驚生蟲 最慘係會有潛伏期 亦唔知幾時發病生蟲唔記得影低罪症 好嬲

今晚同男朋友慶祝，揸住架電單車又唔知食乜好，男朋友提議去旺角，食間佢中學時代經常食嘅米線。一入去間鋪頭已經聞到好香嘅酸辣味，我同男朋友即刻嗌咗個豬軟骨腐皮炸魚片小酸辣米線、麻辣豬耳同麻辣青瓜。碗米線嘅酸辣味道唔錯，無出面其他鋪頭米線咁酸，啱哂我唔食得太酸，又夠大碗，兩個人share都夠食，不過辣度就唔夠，下次應該要叫中或大辣。個麻辣豬耳同麻辣青瓜個汁都好夠味，又夠麻，唯一不足就係個青瓜有少少油炸味同拍得唔夠細粒，太大舊。

旺角平價米線一定係貴川！20幾蚊一個米線 配一個餸$9豬頸肉係一定要嗌 必食炭燒有少少蜜汁好好食！珍珠奶茶加十蚊 不過就冇以前咁好飲 溝淡左 珍珠都唔係好好食 嘢飲可以飲返普通就可以了學生午市可以送野飲

個戴眼鏡姐仔落4次單錯3次，前2次已經冇出聲，次次都係為金湯先食，竟然可以堅持話我叫酸辣湯，又唔復單，自己落錯堅持話個客錯，冇得改單唔緊要，但太大安指意金湯係好味嘅

今日係旺角一支公睇完戲，行過譚仔雖然有d衝動想食，但又唔想突登出到旺角又係食連鎖，咁arm醒起有間非連鎖式既雲南米線，叫貴川風味,,就去試下，去到見都9成滿，好彩我一枝公，揾位冇難度，次次都係食金湯米，今次改試熱拌，一樣有驚喜，好足料，腩肉又係我鍾意既瘦腩，正！會再來好足料

呢間酸辣米線係大學時期經常光顧，真係充滿回憶。價錢咁多件都沒有大幅增加，味道仍舊，所以都依舊十分旺場，晚市都要等一陣先有得食，所以今次一早六半就食晚餐。今次點了木耳雞肉蘿蔔酸辣米線！湯底上枱熱辣辣，碗碗新鮮即整！酸辣湯底十分惹味，最喜歡多酸小辣，入面有少少肉碎，令湯底更加濃厚。餸菜都十分闊綽，份量不少，十分滿意。木耳雞絲正常味道。蘿蔔十分入味清甜，必點！！$47咁大碗食到飽，又點可以唔再黎幫襯呢！

店員分享貴州湯底的酸取自黑醋，立即試試先！湯底酸勁較嗆。此外，還加入自製的貴州辣椒油。遵義被譽為中國辣椒之都，其辣椒一向優質，王靜的辣椒油用貴州遵義辣椒乾和小米辣椒炒成，其中辣椒碎經熱油炸，香脆開胃，吃在口中會咔吱細響。配合用蘿蔔、豬骨熬成的湯底，酸、辣、香，美味絕頂。

貴川曾經是最合我口味的米線店，六年前已經經常食。但近年很少去旺角就沒有再食了，但我仍然會跟朋友介紹這是我最喜歡的米線店。今日要去旺角弄頭髮，就打算借這難得的機會回味一下當年情。餐牌跟我上次來的時候不一樣了。我點了招牌酸麻辣米線(中辣)，配菜選了豬頸肉，滿心期待，但卻換來失望。首先米線沒有煮開，一大餅米線浸在熱湯中，需要自己攪散，什至有一些麵條沒有煮熟，硬硬的。而湯底則沒有什麼特別，辣度不足亦沒有麻辣的感覺。最後只能說唯有豬頸肉保持到水凖，表面香脆內裡鬆軟，最出色是帶點甜味經過今次的經驗，令我不會再介紹朋友來這店了。