貴族蛋糕

營業中

休息中

我們日常食品, 少不了西餅蛋糕, 星期六妹妹生日, 為了加強氣氛及給她驚喜, 我特別去旺角 太子道  ”貴族蛋糕”  預先訂了生日蛋糕.  這間餅店的出品, 是我家人最愛.  店內有好多款產品,   蛋糕仔, 鳳梨酥, 選擇豐富.自家製的朱古力, 麥提莎脆脆, 開 party 至合適. 曲奇餅,  馬加龍,  日常小點, 下午茶最正.蛋撻, 傳統食品, 熱辣辣.  平加正.今次我選訂 馬騮仔  造型蛋糕, 原因妹妹生肖屬猴, 她又好鍾意 Monkichi,   特定圖案, 每磅HK$260,    蛋糕設計好有特色, 造型可愛活潑,  不但妹妹見到好開心, 家人也大讚選得不錯.   鬆軟有蛋香, 水準不錯味道好.頗多鮮果, 忌廉夠香滑, 口感豐富, 甜度適中, 吃得很滿足, 壽星女拍照拍不停. 裡面更有多層忌廉.  壽星女完一件, 又添一件取蛋糕時, 幸好多買兩款, 菠蘿蛋糕, 每件$6, 買5送1,  好抵食. 另外, 多買了一件  美國芝士餅 $20,  芝士餅濃而不膩, 家人高興之餘, 全部吃清, 重提我下次買多D.   Ha Ha Ha !!

今晚一家人食生日飯, 之前已經喺附近貴族蛋糕預訂左個大生日蛋糕準備今晚切櫥窗有好多唔同款式既造型蛋糕, 如果老人家擺大壽見到個壽桃造型既蛋糕, 應景之餘又見得到大場面, 老人家一定歎喜😍呢款就係之前預訂左既籃球造型蛋糕, $520 兩磅起, 都合理既, 蛋糕份量要足夠, 先整到唔同既精美圖案嘛😁佢入面係雜果夾層既蛋糕, 連埋d 香滑既cream 一齊食, 口感更滑更美味🤤見到有得賣士多啤梨雪莓娘, 都順手整番件先, 入面大大粒士多啤梨, 食落去好正架😍友人話見到木糠布甸賣緊$20一杯, 好抵所以買左杯黎食下, 一層一層既布甸&木糠, 個樣見得人之餘亦可以減低膩感香芒布甸係本人至愛, $16一個當然要買埋啦,下面個底係滿滿既芒果肉, 好香甜架😍

一向都好喜歡蛋糕🍰，麵包，曲奇同甜品經常性來花墟睇花，選購花卉植物原來甜蜜的幸福就在咫尺 - 貴族蛋糕！餅店看起來經營歷史悠久各式各樣的產品都是悉心製造創作賣相吸引的朱古力最吸晴的就是創意無限的生日蛋糕只要你有什麼心水提出來，師傅就炮製一個獨一無二嘅蛋糕，這是一種無價的幸福讓您和家人朋友一起分享罐裝曲奇（$152）貴族蛋糕會將其中$3捐出給世界宣明會以作慈善用途，曲奇好味之餘更顯意義！曲奇款式繁多，味道不同，外型吸引鬆脆可口，不會感到油膩，真的好味極了由於包裝非常精美，小妹會考慮用作送禮用途，這非常合適得體尤其喜愛合桃曲奇🍪，心形曲奇也贏了不少少女心慈善標籤🏷️清楚列明受益慈善機構，行善積德鮮忌廉芒果瑞士卷（$42）家人很喜歡瑞士卷，平時自己學整實在易整難精，難道極高這個真的很有自家製感覺，好味又窩心蛋糕非常鬆軟，香滑嘅忌廉配合陣陣既芒果香，每口都很香滑，很滿足木糠布甸（$20）芒果布甸（$16）小妹是傻的，瘋狂地愛上木糠布甸，芒果布甸除非自家製，出街選購的話，從來未食過這麼多芒果肉既芒果布甸，鮮味，回味。木糠布甸係我近期嘅最愛，軟滑甜蜜，每口慢慢品嘗，幸福不就是可以這麼簡單嗎？大家來一

貴族旦糕位於花墟附近，價格相當親民，同埋質素都好好👍🏻👍🏻一個美國芝士蛋糕都係22蚊😍😍有淡淡既忌廉香，甜度適中。朱古力有好多款式，每樣都好好味咁🙈🙈於是每樣叫左一粒試下，$72/100gram果仁朱古力真係粒粒果仁係入面。門市曲奇$50/半磅，$98/1磅，好多款揀，好鬆脆同埋唔算甜，正👍🏻👍🏻👍🏻依間餅店每款都有心思，同大型連鎖店既味道好唔同。而且甜度適中，老人家都岩食👍🏻👍🏻

其實呢間蛋糕店我也不太認識，就是早前經過太子花墟買花，又適逢我媽咪生日，見到呢間店既壽桃蛋糕好吸引，就訂左一個HKD500/2磅起，好大好靚，用料十足呢大大個可以好夠人食，下次外婆大壽都考慮係到訂返個先至於味道同餡亦係很不錯，滿滿的生果，食落口唔會膩仲有配埋刀同蠟燭，蛋糕真係好味鬆軟但唔會一切就散，做得很出色，配上的生果份量好多，蛋糕入面的生果帶點爽脆，好正呢本身以為主打蛋糕，點知發現朱古力HKD72/100g又唔算貴所以又買左小小試下，我每款揀左一粒試下先想不到好好食喔，最重要有朱古力味但唔會過甜，感覺更健康，而且果仁香脆無平時外面吃到的朱古力當中的果仁有’憶’味，我最喜歡就係手上呢一粒，白朱古力夏威夷果仁但唔會好甜，岩曬，又好香脆加濃濃朱古力味女人始終係女人，最鍾意買野，睇下睇下又睇中呢個鮮芒果忌廉卷HKD42睇到個夾心已夠吸引買返屋企同人分甘同味鮮芒果夾著忌廉，而且芒果無黑點，足證好新鮮，入口香軟，芒果香甜，不過個人覺得有香甜芒果，蛋糕的甜度可以再調低一點，會更好味，不過純個人意見，可能年紀大了，對甜的要求度也降低了，哈.......其實而家好多集團式或連鎖店經營的可能某方面更優

呢間「貴族蛋糕」每一次去花墟都會經過，雖然名叫「貴族」，但係價錢相當親民，今日趁要上朋友屋企，唔想兩手空空，所以路過時打算買啲嘢上去探訪。盒裝曲奇：懷舊餅店有自家製嘅曲奇，相信對於香港人來講都唔係陌生，呢度嘅曲奇款式好多，有散裝同埋禮盒裝兩種，當然如果係自己食嘅話，散買嘅話價錢會平好多，但係既然用嚟送禮，買盒裝曲奇，會顯得更加大方得體。呢盒曲奇裏面款式多達10款，有腰果，合桃同朱古力味等等，款款食落都非常鬆軟，牛油味相當香濃，甜度亦唔高，適合一家大細食。鮮忌廉芒果瑞士卷：係好多香港人中，瑞士卷算係由細食到大，呢度嘅瑞士卷，雖然賣相普通，但係店員強調係用新鮮芒果製造，非常有誠意，以$42 一條來講，價錢算係合理。瑞士卷蛋糕口感非常鬆軟，忌廉細滑亦都唔太甜，食落唔會好滯，芒果粒嘅大細非常適中，整體配搭唔錯。木糠布甸：木糠布甸聽落非常易整，只係一層馬利餅碎，一層加咗煉奶嘅忌廉。但係煉奶同忌廉嘅比例，以及每一層嘅鋪排，都非常講技巧。貴族蛋榚整出嚟嘅木糠布甸，賣相非常吸引，入口極之creamy, 每一層都整得好整齊，忌廉同煉奶嘅比例都近乎完美。芒果布甸：芒果布甸由細食到大，細個每一次到酒樓食點心

成日行花街都見到呢間cake shop，今次老媽子生日，真係落實試試佢先！今次最主要訂左一個2磅價值$500既壽桃蛋糕同老媽子賀壽，真係唔講得笑，又好睇又好食！去拎糕果陣一睇，不得了！今次我做仔既，重唔威返次比d家姐睇？！因為個壽桃堅靚，成個賣相都好鮮豔，重要按我要求，係塊心心白朱古力牌上面寫左我要寫既字！母親大人。生日快樂！(後面有d麻雀做左襯托，唔好介意。。)當晚切壽桃時，點埋附有既蠟燭，真係好靚啊成個畫面，絕對無買錯，最緊要老人家歡喜果日我有8個大人食呢個壽桃，每人都可以分到大大件架！呢塊牌結果係無食到既，因為實在太靚太有意思了將壽桃切開，可見入面一d都唔馬虎，唔係只係出面做得正，入面既傳統忌廉什果蛋糕都好掂架外層紅色既壽桃皮都食得架！重一d都唔甜，就好似一層薄薄既麵粉皮禁！而入面既忌廉唔會太多，蛋糕部分好鬆軟，加埋有少少什果粒係入面，都幾有咬口架除左壽司蛋糕之外，我重買左個芝士蛋糕，因為好似呢間餅店都幾出名呢樣野。同埋佢都只係$22一大個，點都試下佢啦！不論切落去定拎上手，手感都好實在，食落口，有陣濃濃既芝士味，有少少咸咸地，唔係一般好甜既果d芝士蛋糕黎，都幾特別，絕對值得一試

平時經過都有留意呢間蛋糕店叫做貴族蛋糕，位於花店嘅中間位置，位置開陽，入去睇吓有乜嘢禮盒買比親戚。蛋糕店嘅陳列櫃有多款朱古力、件裝蛋糕，甜品以及麵包等選擇，種類繁多。見到日本芝士蛋糕🎂咁吸引，而且係我至愛，所以最後買咗一整個，食落去牛乳同埋芝士味道非常濃郁，軟綿綿口感嘅蛋糕，好味。而且我們有點肚餓，同朋友一人揀選一個木糠布甸同埋芒果布甸，賣相好吸引，用一個透明杯裝住。芒果布甸入面有好多芒果肉，而且芒果肉非常新鮮鮮甜，芒果布甸好滑溜，食落去有口感。木糠布甸面頭上面好多木糠碎，而且Cream 非常重嘅奶油味道，食落去好Creamy。最後見到紅色嘅曲奇禮盒，賣相精美，忍唔住買咗一盒返屋企試吓。打開見到有唔同款式味道嘅曲奇餅，大約有10款，最特別係有心型，食落去曲奇鬆脆，一次過滿足晒我哋啲食慾。

老婆係貴族蛋糕訂了2磅生日蛋糕, 老遠要我從新界走出黎攞, 連鎖蛋糕店屋企附近多的是,不知為甚麼總要去太子訂蛋糕香港天氣實在太熱, 走在街上都難頂, 但見到櫥窗上的西餅蛋糕, 有種降溫解暑的感覺, 日本大福及芒果忌廉卷都很吸引, 價錢都OK菠蘿蛋糕, 真係有半片菠蘿, 出面麵包舖賣緊嘅5蚊菠蘿包, 菠蘿影子也沒有不太花巧的蛋糕盒今晚PARTY的2磅的生日蛋糕EMOJI, 做型可愛, 似乎簡單了一點, 但...有時候會問自己, 買野比小朋友, 應從大人角度睇, 還是從小朋友角度睇生果沒有放在蛋糕面上, 反而放在四角加上蠟燭, 更可愛更亮麗蛋糕香滑鬆軟, 且忌廉不太甜, 忌廉配芒果粒, 超正! 開始明白,  老婆為什麼老遠也要訂這間其實, 自己也私下買左芒果忌廉卷及菠蘿蛋糕作早餐, 芒果忌廉卷也能尋找昨晚生日蛋糕的味道返到公司, 打開膠袋, 那陣菠蘿香氣湧出, 食落質地鬆....軟..., $6真係好抵啊!

這間名為「貴族蛋糕」，實質價錢相當親民的餅店，在太子區已開業多年了。對這區都頗為熟悉的我，也已做了它的顧客多年，雖然不是經常幫襯，偶爾還是會買它的蛋糕、曲奇等東西吃。 最近，我又試了它的「鮮忌廉芒果瑞士卷」、「木糠布甸」和「芒果布甸」,和「盒裝曲奇」。「鮮忌廉芒果瑞士卷」賣相普通，與大型的連鎖餅店，好像「美心」、「東海堂」、「聖安娜」相比，賣相是較遜色的。幸好，它的味道相當不會，忌廉幼滑，蛋糕鬆軟，芒果也甜，內涵甚佳呢！ 兩款布甸，「芒果布甸」也不錯，味道香甜，口感也好。但「木糠布甸」就不太好，馬利餅碎太多，煉奶與淡忌廉偏少，兩者的份量比例有欠平衡。 至於它的「盒裝曲奇」嘛，這店子的曲奇是店中的招牌出品之一，款式既多，味道也不錯，送禮自奉都適宜。如果是自己吃，當然是散買啦，但這次我是送禮，就要買盒裝了。這盒曲奇，我雖然沒有吃，但對這兒的曲奇，我可是滿有信心的。

今年媽咪生日決定向屋企親自下廚，順便再揀返個特色蛋糕開心一下，記得早排同事提起上次訂咗個壽桃立體蛋糕慶生，問佢拎電話打去預定一個先。蛋糕店位於花墟附近，離地鐵站大約7-10分鐘左右，非常方便。店家門口凍櫃都放有好多不同款式嘅蛋糕。見到凍櫃入面有我最愛嘅木糠布甸，緊係要買杯返去試下，仲有家姐鐘意既日本芝士蛋糕，芒果布甸，一次過買哂返去等大家都開心一下。差啲唔記得咗要拎蛋糕，實在買得太開心😆壽桃蛋糕果然係招牌蛋糕，造型設計都好喜歡，而且媽咪仲好鐘意，蛋糕內餡係新鮮什果cream cake , 味道好懷念好有細個兒時感覺，蛋糕鬆軟綿密，什果鮮甜，而且蛋糕附近仲圍住好多生果，好款都好甜好美味。蛋糕2磅起-$500（2磅）木糠布甸 $20口感較實，餅乾碎非常多，味道軟滑香濃。芒果布甸 $16芒果味香濃，入口順滑。日本芝士少甜蛋糕 $22味道不算太甜，比較健康，口感濕潤鬆軟，芝士味濃郁。

今日星期六放工後好想出去旺角花園街走走，行到賣花街嗅覺傳來很香的出爐蛋撻味道，立即感覺肚子餓了，走到餅店前蛋撻已沽清只剩下幾個椰撻，心有點不甘便入餅店看看還有沒有再出，在餅店有很多款甜點，忍不住買了一些回家，有芝士蛋榚、木槺布丁，芒果布丁及曲奇餅，這家餅店售價不貴，出品都不錯。芝士蛋糕只賣$22，口感鬆軟滑，相當好賣的，如果要買的一定要早，因每日出量不多，限量發售的。曲奇餅也值得推介，不但入口鬆化而且還可做善事，因這間餅店老闆娘將每買1盒曲奇便會捐出$3到宣明會。芒果布丁及木槺布丁也很好，不會太甜，真材實料，芒果是用新鮮芒果做的。

哥哥生日這重大日子絕對不容忽視，所以做妹妹的我早已到朋友推薦的「貴族蛋糕」訂了一個生日造型蛋糕給他。雖然今次是為了生日蛋糕而來，但我不得不說這蛋糕店實在太吸引了，單是說這裏有陣陣的牛油香已經十分誘人，再者這裏還有不同款式的蛋糕、西餅、曲奇餅、蛋撻和手工朱古力等，所以我最終還買了鮮芒果忌廉卷和手工朱古力回家。蛋糕店的食物吸引外，老闆娘還十分有善和細心，到了我拿蛋糕的時候，先給我看看蛋糕的樣子，見我愛「相機食先」，她還耐心的等候我把蛋糕的照片拍下後才跟店員小心翼翼地把蛋糕放進盒子裏，同時又把鮮芒果忌廉卷和手工朱古力好好的放進袋子裏。生日造型蛋糕 $520/2磅由於老闆娘和店員把生日蛋糕包裝得非常好，即使由蛋糕店到哥哥屋企路途也頗為遙遠，到了切蛋糕的時候，蛋糕的樣子還是跟早前在蛋糕店來拍下照片的樣子一樣，而哥哥看到這漂亮的蛋糕時都感到十分驚喜! 另外，這造型蛋糕$260/磅，但全都是兩磅才能訂製，起初我還有點擔心吃不掉這蛋糕，但它實在太美味了，不知不覺間我們已把它吃掉了。整個蛋糕都被幼滑的忌廉包著，蛋糕中間還有兩層忌廉和雜果，而蛋糕本身的口感輕盈又鬆軟，同時又滲出淡淡的蛋香味，甜度剛好，即使

呢一日，我好想買盤栽，於是去咗太子。行吓行吓，經過貴於蛋糕，聞到陣陣焗爐香，就不自覺行咗入去。一入到去，麵包、曲奇和蛋糕响我的四周圍，唔好以為蛋糕好 old school，有精緻的，也有特色的。有多款不同的曲奇，仲可以試食 tim~我又點忍得住唔帶幾款口味的曲奇返屋企呢~門市曲奇大大盒的曲奇，不但有得食，仲好有愛心，因為每賣出一盒曲奇，就會捐 $3 俾世界宣明會，確實沒有不支持的理由。打開盒子，款式高達 10 款，款款食落口都係非常鬆軟，改變了以往罐裝曲奇硬磞磞的印象。我一邊睇世界杯，一邊不停咁食，真係忍唔到口。麥提莎脆脆、咖啡脆脆呢兩款脆脆都只是以蛋白製，所以味道較蛋黃製的曲奇清新，而它們的口感同樣鬆軟，麥提莎和咖啡味是非常突出。南瓜籽脆脆、杏仁脆脆呢一款的脆脆較之前的脆脆硬身少少，因為分別是以南瓜的種籽以及杏仁製成。硬落非常香脆，但不會感覺熱氣，是比較健康的一種。

以前成日幫襯位於太子花墟既貴族蛋糕，因為佢有啲好老土好搞笑嘅造型生日蛋糕，而且蛋糕裏面非常之好味，真材實料！最難忘佢嘅壽桃同壽星公造型，訂過幾次呢整蠱年靑朋友，但個個都話真係好好食！所以非常之難忘！今日帶阿囝行返去花墟買花，忍唔住帶阿囝去見識下，當然係去買下蛋糕食！以前成日買呢啲曲奇餅請同事食，今日我阿仔都唔執輸，差唔多每一款都試食晒，樣樣都話好好味，所以買咗包雜錦曲奇俾佢返去慢慢嘆！見到有菠蘿蛋糕，佢話我哋只係在茶餐廳食過冇菠蘿嘅菠蘿包，但呢個菠蘿蛋糕面頭真係有菠蘿㗎喎！言下之意，佢又要買來試吓！我仲買咗一個芝士蛋糕！返到屋企將菠蘿蛋糕及芝士蛋糕雪住佢，第二朝一早，佢竟然自動彈起身就話要食早餐，原來心掛掛個菠蘿蛋糕！最愛呢啲傳統嘅餅店，樣樣真材實料，唔似出邊嗰啲連鎖蛋糕店，蛋糕輕飄飄食落去得陣風！支持老店！