賞茶 (已結業)

娜娜這天在荃灣閒逛，想起自己1月時手多多下載了賞茶app，但這年來沒有光顧過，便特地去買杯過過口癮～上一回提過娜娜最愛酸酸甜甜那些，便照舊點了杯百香翡翠，結帳時顯示$26，總覺得這個價錢怪怪的，左右望兩眼，噢原來是加價了不知道是否因為加價了要「回饋下市民」還是什麼，單杯飲品滿$26免費送椰果/波霸。男友二話不說揀了波霸（珍珠）娜娜還在默默心想，百香加珍珠，夾的嗎？誰知喝下一口，正喎😂😂😂看來之後免費送波霸優惠完了，娜娜都會乖乖擺低幾蚊加波霸了........ 賞茶你好古惑呀😂😂😂

上次黎荃灣廣場，見到依間飲品店好飲幾出名，就買左黎飲。上次係飲珍珠奶茶，一入口就種難以形容既奇怪感覺。今次黎度，決定再一試，試佢既冬瓜茶。今次就唔錯，仲幾好味添。 佢仲有一d新推廣產品。

係荃灣廣場行街，行到有少少口乾，見到呢間茶飲好多人排，於是就試下。睇佢menu ,相比起市面上既其他鋪頭，全部茶都算平，平均都平幾蚊左右，於是就俾佢吸引到。睇左一陣，決定左叫個近期好hit 既芝士奶蓋賞紅茶，睇下佢既芝士奶蓋好唔好飲。係等野飲期間，旁邊仲有位可以坐，算係唔錯。杯既包裝無得挑剔，好靚，好有特色，唯一壞處係睇唔到飲左幾多。但個蓋就好有問題，無窿俾人飲奶蓋，要打開個蓋先飲到。試左一啖紅茶，味道好正常。打開個蓋試試個奶蓋，好難飲，隻味道唔識點形容，可能係隻酵味太重，唔建議購買。

$20 一杯甘大杯珍珠奶茶已經賣少見少。珍珠夠「煙un」.份量適中。$20 抵飲！最差係甘小客量都等左15 分鐘！太耐了！荃灣路德圍幾間賣珍珠奶茶起碼要$30 以上一杯。留意番:單同杯上也有金句

今日同同事食完飯，就來了這裏買飲品，見到有仙草，好想飲，不過係凍又卻步了，但見到又可以少冰少甜品，心思思又買了一杯冬瓜仙草，唔貴呀，同事飲熱鮮奶綠茶，香芋珍珠。那時不多人，但也是要等幾耐，入面有3-4人在弄，但也不是很熟手的感覺，有d忙亂，可能咁所以俾預期等耐左，就開始企多人在門口了，不知是否生意手法！我杯冬瓜仙草真的很大杯，選了少冰同微甜，好清涼好舒服的感覺，仙草好滑身，冬瓜草好順喉，飲完覺得冇咁熱氣，好大杯飲了很耐！店員很細聲，完全聽唔清楚，要不停重覆，可以改善下。

賞茶離公司好近，當初未開店時已經超期待，因為同事話佢既珍珠奶綠好好飲，一直都勁想試，自從佢開左，一個月起碼要飲一兩次先心息。今次我加埋仙草，我好鍾意食賞茶既仙草同埋珍珠，都超好食。我不嬲飲呢類飲品都會走冰走糖的，不過唔係間間都可以走糖後仍然好飲，繼天仁之後，令我滿意既，就係賞茶。奶綠既茶味同奶味都好平衡，波霸好煙 un, 份量亦夠曬多，飲曬 d 奶綠都仲有珍珠剩，由頭開心到尾啊。走冰係得8分滿的，menu 有寫，不過店員都會提醒的，覺得唔錯。呢間分店有位坐，坐住嘆，really nice我試過其他飲品，例如賞紅茶，芋頭鮮奶，冬瓜茶之類。不過我覺得最差既係芋頭鮮奶，甜到驚人，好恐怖既甜。個人認為最好飲係波霸奶綠 / 烏龍茶+仙草見佢仲有吐司賣，$15 唔貴，但係我有珍珠仙草食，已經好飽了，所以下次先試佢啦。

今日要多謝賞茶令我放工買杯嘢飲都買到嬲。剛剛6點幾去荃灣廣場分店買嘢飲，本來收銀機前面有一對大陸母女企喺度，但到我差不多行到埋去時兩母女行開咗(大約五米距離)，收銀前面冇任何人，咁我即刻問清楚你哋職員(染灰白頭髮)買一送一優惠，之後再諗咗五秒左右想落單時，嗰兩母女迫埋嚟打尖，我讓咗畀佢哋。等到我同職員落單時，被一位女職員打斷，話我打其他人尖，但呢位職員根本唔知道剛剛被人打尖嘅係我，而其他啱啱到嘅客人唔知情就企咗喺對母女後面(以為兩母女係隊尾)。如果我真係插隊/打尖，相信跟住喺後面十幾個人會起哄，而唔係唔出聲。但女職員唔知頭唔知路，係咪應該問返同我落緊單嘅職員了解咗先，而唔係亂咁無理指責客人??要我無端端花2-3分鐘講返清楚，女職員仲想話只係堅持要排隊啫，一句道歉都冇。喺不斷被佢打斷情況下，最後係落錯單，而且唔肯換。

開左好一排都無試過，今日第1次試下呢間賞茶，叫左杯小時候波霸奶茶，等左5分鐘左右。🤭嘩!!!一試杯野淡到，一啲茶味都無，飲到既只係奶精味，呢杯野$22，堅難飲。

一句說話總結【賞茶之極品波霸賞奶茶】賞茶店名真係改得非常之好多珍珠奶茶店的包裝都平平無奇唯獨是賞茶的杯身設計印有特色繪圖插圖畫精美看得人家賞心悅目令人未喝奶茶已經印象分大大增加可惜珍珠奶茶的靈魂始終係珍珠同埋茶湯平庸唔夠香濃茶味亦不足波霸珍珠煮得太淋沒有應有的嚼勁所以整體以現時珍珠奶茶店林立的香港來說賞茶極其量只能排在二線如果要成功突圍令客人一試難忘的話我諗奶茶方面真係要多花多少少功夫不能再只做花瓶。

同阿女喺荃灣大會堂參加完學校畢業禮，突然好想飲珍珠奶茶。便試下。見到波霸奶茶二點後先有供應，睇相又好似講到好正咁，咪試下。點之一試中伏，仲要我等成 15分鐘先有😑飲第一啖已經甜到想嘔，完全飲唔到茶味。啲 QQ又唔夠彈。下次一定唔會再幫襯。因為買嘢飲，加 $10可配多士（原價$15），所以試下。原本想試花生醬加椰酥醬，但要加 $12，所以只單叫。職員話椰酥醬要等15分鐘，結果要等 25分鐘。多士脆，椰酥香，略嫌太甜，蓋了椰子味道。

睇戲前黎買定杯野飲唔想飲太肥嘅珍珠奶茶取而代之就試下推介嘅消暑冬瓜茶啦～一早叫左少甜少冰點知出黎嘅冬瓜茶都係甜到一個點唔好味，飲左少少已經唔想飲以後都唔會再黎買～😖

上星期六約左朋友去荃灣行街食飲，食完飯行過賞茶，竟然得1個人買緊野(可能太早大家仲未食完lunch)，梗係即刻排隊買啦!無論邊間台式飲品鋪，通常我都係飲冬瓜茶多，但今日想試其他野，有選擇困難症嘅我真係唔知飲咩好，喺無咩時間諗嘅情況之下，就求其叫左百香蜂蜜(鮮)，半糖去冰。店員有禮貌又有耐性，有解釋半糖去冰份量會少左少少，值得一讚。等左一陣終於有得拎，飲一啖超級驚喜，百香果味道超濃郁，係真百嘅香果味道同香味，而且仲有超級多嘅百香果粒，正， 但可能百香果味道太出，只係飲到好少好少蜂蜜味，但係真心杯野係好飲同足料!$23大杯又好味，抵飲！希望下次再飲都咁有水準!

星期日去荃灣廣場 shopping, 順便去辦下年貨, 之前行經呢間飲品店都有好多人等, 可能呢排有 D 凍 ❄, 飲呢類野嘅人相對減少, 所以我就去試下｡ Menu 上有好多飲品都可以揀熱飲, 但熱飲比凍飲少 160cc, 最後我叫左杯凍嘅極品波霸賞奶茶｡極品波霸賞奶茶 (凍)呢款係店舖嘅推薦好茶, 叫左少糖, 但仍然好甜 , 我諗下次應該要叫半糖｡ 茶味唔太夠濃, 可以的話應該改善一下茶同奶嘅比例｡ 珍珠有黑糖味, 但有 D 淋得滯｡

在荃灣廣場心血來潮想飲台式飲品，見天仁茗茶太多人，就黎到賞茶試試。佢係呢度新開左冇幾耐，開係商場入口，好當眼，等候人數也不少。- 冬瓜仙草呢個係冬瓜茶加仙草，好淡，完全冇冬瓜茶味，連用冬瓜茶磚開出黎既都不如；仙草份量亦不多。- 極品孖寶賞奶茶呢杯都算幾貴，對佢有多少期望。其實佢係仙草加珍珠奶茶，仙草同珍珠份量都算係咁；可惜佢又係好淡，無茶味無奶味，少糖之後真係咩味都無。其實同等價錢係天仁飲到好好嘅質素了，望改進，否則再好既鋪位都無用。加油。

不愛珍珠奶茶。試過好幾間的出品都是喝了一半便胃痛。而且沒有奶香或茶香。 珍珠不是太硬欠Q Q，便只是一粒粉團零味道。一天路過荃灣廣場，見一大班人在某角落“聚集”。走近，是「賞茶」。它標榜是傳統味道。唔，甚麼是傳統？試試看吧。那天假日，等了半小時。 呷一口「傳統波霸奶茶」，值。有茶味而不苦澀；非奶粉而是用真牛奶；波霸(珍珠)大少適中，清甜「入味」，Q Q的。飲完一整柸也不胃痛或覺得滯。首次喜歡珍珠(波霸)奶茶上次發現時令飲品。。。。。手工芋頭牛奶。今天又路過，試試看。今天是閒日沒人群，終於可看清門面。手工芋頭牛奶是牛奶冰沙+芋泥，所以只能無糖，不可去冰。但芋泥本身甜。縱使無糖也帶甜。但，芋泥很足也帶奶香。柸的設計很可愛~曾經試過好幾間日本和台灣的茶店，暫時都是最愛「賞茶」~ps. 集齊$150收據可做會員。其後消費儲分。詳情請咨詢店員。放心，店員十分友善和樂意幫忙。