賞茶 (青衣站) (已結業)

今時今日，台式飲品已經係香港人嘅家常便飯，隨時隨地總有一間係左近，所以閒閒地一星期飲左三兩杯都唔出奇。賞茶在9月尾新推出的新款藥飲，今日終於試了！之前我都講過，飲珍珠奶茶飲到有點悶。最近部出了「奶酪黑糖奶茶」好似有點新意，雖然依舊是黑糖奶茶但味道溫和，不算太甜，加了奶酪更加偏向奶香味重。飲珍珠奶茶飲到悶的時候，不妨一試。

公司附近有賞茶，放工通常都會心思思去買番杯黎飲，總覺得收工飲一杯先係完美的一天。而古早味系列 - 黑糖波霸系列係我經常點的。✅奶蓋黑糖波霸鮮奶$28波霸採用台灣天然黑糖熬煮，令每一顆都充滿了濃濃的黑糖香味。飲用前，要搖 10 秒，波霸Q 彈、有嚼口

呢間鋪店員有啲台灣親切感，又唔太多人排隊，問建議會耐心講解俾客人聽。你知啦，台式飲品咁多選擇，唔係成日飲真係唔知邊杯好邊杯唔好，但熟悉啲既店員就可以以佢經驗同了解我需要就建議返岩飲既俾我。講到呢杯桂花烏龍波霸，店員話係用桂花糖，所以冇得少甜，但桂花就唔係死甜味，都ok既，信左佢都真係ok，桂花糖好清香。烏龍都好清新，重茶味，珍珠有咬口。紙杯設計又靚，色彩繽紛猶如遍地開花 🌼 好人一生平安 🙏🏻 真係要多多支持

以前一向我都好中意飲普通奶蓋，來來去去都係果一兩間有得賣，近年通街都開滿手搖茶店，普通奶蓋進化成芝士奶蓋，之前試過好幾間芝蓋都係接受唔到隻味，整到咸咸臭臭咁，直至試過賞茶，一試愛上，同拉埋好友一齊飲賞茶既芝士奶蓋係有細細粒粒芝士碎溝入奶蓋，而不是用偏咸的 cream cheese , 所以是香甜，而不是咸臭，再配埋清茶底就非常好，就咁一個single 芝蓋未夠皮，點個double 就過足口癮，地點又方便，地鉄一出閘就是了

說起青衣這間賞苶。其實已經幫襯過十次以上了（但一直還未登記做會員， 亦是第一次在這裏發表食評）看著它多次更換餐牌後就等於加價…… 主要因為地點太就腳，每次出閘青衣3樓基本上都會看到， 尤其是在夏天真的好難忍口。有時候沒太多人排隊的時候就忍不住會去點一杯，我通常點「小時候」系列（即是沒有咖啡因）加胚芽（現在已經沒有胚芽了）那天心血來潮就點了奶蓋黑糖鮮奶，因為是固定甜度，所以還真的覺得有點太甜， 波霸的彈牙程度滿意，量亦相當充足， 幾乎每口都能喝到波霸，黑糖系列杯裝感覺比平日賞茶的較少，對於女生來說剛剛好。

上星期去左旅行，返到香港勁想飲珍珠奶茶！今日下午又經過青衣城，二話不說衝去『賞茶』買返杯嘆下🤤🤤諗住普普通通飲杯「珍珠奶綠」不過睇睇下menu又見到「桂花烏龍波霸奶茶」又有啲掛住桂花的清香😍最後都係「桂花烏龍波霸奶茶」贏左😂今日發現「桂花烏龍波霸奶茶」入左main menu, 太好了！「桂花烏龍波霸奶茶」有固定甜味，但不會甜到封喉，係清清嘅花香甜味！珍珠煙韌有咬口，一啖啜到兩三粒可以𡁻好耐😂另外，頭先睇menu見到好多款飲品都悄悄地加左價。不過整體黎講，『賞茶』都仲係抵飲嘅～

今日經過青衣城，見到『賞茶』又想飲🤤望到counter有新品推出：桂花烏龍系列睇poster覺得呢個配搭幾特別，估計味道應該唔錯，價錢仲要唔貴，大大杯都只係＄24👍🏼👍🏼個人覺得抵到爛！今次揀左『桂花烏龍波霸奶茶』試下。呢個系列有部分茶飲係固定糖度，大家要注意喇😉開頭都有少少擔心會太甜，不過『賞茶』無令我失望😍頭一啖巳經飲到清香桂花味，好特別！間中仲會飲到一粒粒桂花碎，所以記得搖匀先好飲～慢慢會嚐到烏龍茶味。雖然話糖度固定左，但係絕對唔會過甜，我反而覺得有啲淡😂大家可以放心！珍珠依舊軟糯好味，所有味道配合得好好，絕對係好抵飲嘅新品喔！

成日經過青衣城都想飲珍珠奶茶，不過無乜選擇，有一次經過賞茶，試左杯『波霸奶綠』然後經常心思思想買黎飲，一試上癮😍今日走去買杯波霸奶綠少甜少冰雖然去到都有5、6個人排緊但好在落單同出茶都好快手，所以唔會等得太耐，飲品好快到手賞茶啲珍珠（即係所謂嘅『波霸』）係坊間大珍珠嘅size，好食在粒粒都好軟糯，好好咬口叫左少甜但係甜味都仲係好重，我諗如果係正常甜度應該會超甜⋯⋯不過茶味都好出，唔會俾甜味同奶味蓋過，重點係：『波霸奶綠』只售20蚊個人覺得好抵！因為好多舖都愈賣愈貴，閒閒地都三、四十，所以呢杯超抵飲！舖頭店面都好整潔，細細間舖但裝修都有用心，員工態度都ok～抵贊！

今日約左人喺青衣城食飯，一出閘就見到賞茶，最近香港嘅台式飲品店都牽起一片點糖珍珠風，賞茶亦加入左戰團，不得不讚張poster非常吸睛。由於未夠鐘食飯，雖然每日限量100杯，但可能2點先開始供應，6點九都仲有得賣，個人黎講講比較鍾意奶茶多過鮮奶，於是揀左黑糖波霸奶茶，價錢只係$25，價錢比其他黑糖鮮奶或者奶茶，抵飲。等左唔洗夠5分鐘已經有得拎，影完相即刻試試，雖然甜度固定，但飲落唔算好甜，波霸珍珠依舊無令我失望，軟綿綿得黎夠煙韌，奶茶奶味香濃，茶味都可以嘅，但整體黎講個黑糖味差左少少，如果黑糖味可以濃返啲就更好，但整體黎講係唔錯嘅，下次試埋奶蓋黑糖波霸鮮奶先。

每日收工都經過青衣站個閘口岀，每次見到都想試，但成日都好多人，今日終於都無乜人，一於去試下有好多選擇，諗左一陣，都係揀反珍珠奶茶試下呢d基本既飲品先！叫左個極品波霸賞茶，半糖走冰。第一反應就比個包裝吸引左，好文青味道方面，奶味比較重，茶味真係唔太夠，只知係奶茶味，已叫左走冰但都唔夠茶香，可能個人偏好茶味濃郁點既奶茶鐘意奶味重既就應該會幾鐘意。珍珠口味方面，全部都淋既，軟硬適中，唔會有些唔熟。整體而言，都ok既，但價錢方面就有點唔值。對於想止珍珠奶茶引既人都可以既

同阿媽行行下街有D口渴，就去左呢間店買杯野飲。之前飲過佢嘅波霸奶茶，係好飲嘅，所以今次就試下第二款，手工芋頭奶綠。綠茶底幾好飲，入面有粒粒芋頭，有芋香，整體唔錯~我叫左少糖，但都係偏甜，下次應該要半糖會更好。呢間台式飲品店最有特色嘅除左佢係用波霸而唔係用珍珠呢兩個字之外，就係佢隻杯好靚，應該係用台灣海島做主題?上面有條海豚個樣歪歪地，幾搞笑~