賞茶 (MOSTown新港城中心(4期))

營業中

休息中

賞茶是香港其中一間最出名的本土連鎖台式飲品店，開業踏入第十年，陪伴住香港人成長，分店開遍港九新界，連黃竹坑、奧海城都有新店。近期以全新風格示人，仲推出了以紅茶為原材料製作而成的全新風味配料「紅茶粉粿」，今次去到馬鞍山新港城千色店裡的分店試下。黑糖奶蓋珍珠奶茶$39厚厚的奶蓋入口綿密順滑，跟甜味的黑糖珍珠頗為合襯，奶茶茶味濃郁，甜中帶鹹的微妙配搭，層次更加豐富。粉粿珍珠招牌奶綠$34 加蘆薈$5奶綠是以綠茶泡製的奶茶，將綠茶的清新和奶香完美融合，加入全港獨家首創的紅茶粉粿，以紅茶為原材料製作，自帶含蓄的茶味餘韻，口感較為煙韌，相比珍珠會更加易咬。蘆薈配料清爽解渴。翡翠檸檬$30 加仙草$5今年最興嘅手打檸檬茶，翡翠檸檬採用台灣新鮮綠檸檬汁，再配搭上等綠茶調製而成嘅碎冰特飲，味道冰爽酸甜，混合柔嫩細滑的仙草，豐富了多重口感。黃金烏龍$20加珍珠$4黃金烏龍茶湯成金黃色，茶香溫潤回甘，選擇了無糖及走冰，甜度較低，令茶香更加濃醇，珍珠質感粉糯QQ有咬口。

以前好仲意飲佢地嘅珍珠奶茶🧋而家就轉左口味，試飲左佢地嘅茉莉綠茶😍叫左走甜👍🏻熱的。味道清新可口👍🏻👍🏻清新之選👍🏻👍🏻👍🏻💕💕

一向我都好鍾意飲台式飲品，呢間係我飲過好差既一間，今日買左杯小時候波霸牛奶茶，都唔知自己飲緊咩，牛奶好似奶水咁 ，無味加有陣怪味，叫少冰比勁多冰，店員又無咩禮貌，真係好難飲，唔會再幫襯！

多數係沙田分店買同埋都係飲冬瓜茶 咁岩經過見到馬鞍山有就買返杯 點知返到屋企飲第一啖 一陣酒精味係個口散出尼 再打開聞一聞 點解都有酒精味 同埋點解啲色同味都同平時係沙田買嘅唔同 最後再試多左啖 都仲覺得有酒精味 實在飲唔落口 以後都唔會係馬鞍山個間買

一直飲開賞茶，每次都係嗌少糖少冰，今日攞到返屋企飲嘅時候，發現杯嘢淡到成杯水咁，真係唔知講咩好。😅佢加價加到$26我都接受，找錢嘅時候冇錢找我都原諒佢，但係杯嘢咁難飲我真係接受唔到囉。以後都唔會再飲😀

好耐冇飲過賞茶嘅黑糖奶蓋茶🤤🤤平時要$30幾蚊，今日$24真係幾抵，所以其中一杯俾多$3加料要波霸最後只係$27就飲倒黑糖奶蓋波霸🤩---🍼奶蓋方面：賞茶嘅黑糖奶蓋係有啲甜同埋飲完會好口渴，但係好飲嘅🤣 而且我覺得份量唔會好少，我飲曬成杯都仲有，可能因為我冇乜攪勻 (詳見留言圖)🌿茶底方面：我自己就覺得烏龍係最好飲😋綠茶個味唔太夾🤔賞紅茶就有啲普通🧐所以我推薦大家飲 黑糖奶蓋烏龍😏👍🏻

平日飲開嘅珍珠奶茶喺我屋企、公司附近就係某台式飲品店。今日入左馬鞍山同朋友聚會，朋友介紹我試賞茶，講解波霸喺指珍珠大笠啲。（不過我覺得個名不討好😂）🧋來個傳統「波霸奶茶」半糖 $24飲落去真係有比較喎，茶濃奶多，珍珠夠，甜珍珠大笠，恰度煙軔彈牙😋😋😋

今天經過賞茶，買它的蕎麥茶加蘆薈，走冰走甜。只是港幣22元。我十分喜歡喝它的蕎麥茶，因為蕎麥味很濃郁。而且味道不會澀。而且它的茶底也很香濃， 不會淡如水。配上嫩口的蘆薈， 增加了整杯飲料的口感。喝起上來很有咬口。在賞茶的配料中，我最喜歡就是加它的蘆薈了！！當我在等的時候，發現它5月有優惠，「五月有賞茶妹妹生日賞」桂花凍烏龍奶茶只是港幣10元！！這個價錢能夠喝手調飲料超級便宜呢！而打後的日子也有不同的優惠，實在讓人心動呢！

最近係馬鞍山行行吓🏃🏻‍♀️，先知原來🤩新開咗間賞茶，不過地方有少少隱蔽🤭，係千色店入面。見平時都係飲嘢多，今次就買芋圓先吓😆。賞茶嘅外賣盒同杯都好有心思💛，會有啲圖畫、公仔，好靚😍！-🍴紅豆芋圓仙草凍($25) - 唔好睇佢剩係得細細杯，裏面有好多紅豆、仙草同芋圓🤤！好足料！紅豆好甜，一定要配埋仙草、芋圓一齊食。仙草好滑，而且一吸入口，好快就唔見咗😂。芋圓幾煙韌，係偏向實嘅口感。以依個價錢，食到咁嘅質素，一啲都唔貴！