賽馬會滘西洲高爾夫餐廳

營業中

休息中

餐廳內有大玻璃遠眺整個草地和山頭，令人心曠神怡☘️⛳️ 不少食客都三五成群，嘆酒食嘢，chill 住喺度spend成個下午。餐廳亦都有戶外座位，啱晒啲鐘意大自然嘅朋友。餐廳面積算大，有好多位，職員人手充足，服務算殷勤。是日因為閃暴要等場地重開關係，就去咗餐廳坐坐休息，叫咗個乾炒牛河同凍檸茶同朋友share。乾炒牛河 👌🏻炒出嚟鑊氣不足，焦香味欠奉，味道尚何，唔太油膩、食完碟底唔會淨番一攤油，呢點抵贊。份量不算大，牛肉不靭，配嘅辣椒醬較辣，若配余均益辣椒醬會更出色。凍檸茶 👌🏻西餐廳嘅凍檸茶唔可以同茶餐廳相比，無溝茶葉，以紅茶茶包沖泡出嚟，所以茶味不足，叫咗少甜，真係唔甜，抵贊。

朋友發現有個Christmas 2023 and New Year 2024"Free Driving Range Practice Dinner BBQ Package”,人均三百幾蚊包船飛、自助晚餐同埋driving range + putting green,好抵玩😍😍😍自助晚餐好豐富！！雖然稱唔上每一樣野都好好，但有某幾樣都好出色😍😍😍好似沙律上既蕃茄麵包、apple crumble、豆腐花都好正仲有廚師負責個bbq爐，咁既價錢超值！

🍲剛踏進這家店，第一樣來了碗西洋菜湯。初一啖，湯底清新，西洋菜的清甜滋味充滿 mouthfeel，簡直係開胃之選。然後來個生菜粟米沙律，沙律好鮮，解油膩得好!🍗主餚方面，隻豆豉雞香味撲鼻，豆豉味同雞肉好夾，咬落去雞肉又滑口，好過癮。黑椒豬扒賣相吸引，配上青椒同洋蔥，味道濃郁。呢個黑椒汁夠kick，好啱肉食控嘅胃口。🍰甜品時間，木桶豆腐花真係令人驚喜，滑嫩得黎味道又甜美，難怪係人氣之選。食完噉多好嘢，加上呢間氣氛靚，景色正，真係食得開心又滿足。下次打完波，一定再黎，真係值得推介嘅好地方！

全港唯一公眾哥爾夫球場入邊仲有間餐廳價錢合理嚟到都可以一試！泰式檳寧香烤雞鎚- 雞槌外面鬆脆，雞肉裡面仍然可以保留肉汁雞肉又滑又香！香味濃郁的香茅雞鎚加上檸檬真的很加分！整個把香味推高到另外一個層次🤤價錢：$62炸魚薯條配他他醬汁-大份飽肚又好吃😋 外脆內軟價錢：$92餐廳服務員的態度都好有禮貌及餐廳樓底比較高，俾人好舒服嘅感覺！餐廳外面嘅環境十分之唔錯係咁靚嘅環境之下食住好味嘅食物真的好放鬆🫶🏽好似去左旅行一樣心情💕

小朋友要嚟學哥爾夫球，所以早啲搭船過嚟，食埋個午餐先開始。我叫咗炸豬扒日式湯烏冬。炸豬扒幾出色😋首先佢係分開上，唔會浸淋左啲豬扒。同埋佢有兩款醬汁俾你點，一個係日本蛋黃醬，一個係類似燒肉汁嘅酸酸甜甜炸豬扒汁，個人偏喜歡酸甜嗰個醬汁。豬扒內裏仍然可以保留肉汁，外邊鬆脆。至於個烏冬，就味道一般，又唔係難食，又唔係超級好味。但係個炸豬扒值得一讚👍🏻餐廳環境當然很好，因為望住個哥爾夫球場。服務員的態度也很好，價錢不是太貴，作為一個高爾夫球場唯一餐廳，價錢合理，可以再來幫襯！

呢度嘅晚餐套餐$198一位，就咁食都有啲貴，不過佢有推出免費練習場晚飯套餐，提早book定咁呢個價錢就係包埋來回船飛，仲有兩個鐘高爾夫球練習場，抵到爛。餐湯係冬瓜瘦肉湯，仲有陳皮薏米去煲，啲冬瓜超甜吸晒成煲湯嘅精華。🐮柱候蘿蔔牛腩佢個牛腩汁勁濃郁，攞嚟撈飯一流，而啲有腩就吸晒啲腩汁味，仲要有埋牛筋，蘿蔔亦都好甜唔會有渣。🐟X0 醬西蘭花炒青衣柳可能我少食魚，我食唔出青衣柳同龍脷柳有咩分別，不過都炒得好香好多XO醬，而且啲魚肉都好嫩滑。最後，仲有生果同埋豆腐花做甜品。

我唔記得打咗幾多次電話先book 倒晚餐加練習場😅😅之前未嚟過，所有野都覺得好新鮮，坐船入去已經覺得好好，船班次好密，係固定班次，每20mins 一班，唔需要等客滿，有冷氣。HKD190已包括船票，晚餐同練習場費用，非常抵玩(當然知道當中係有馬會補貼🤣)，租桿另收費的💸一到步環境非常好，見唔倒高樓大廈，牌都係英文，好似去咗旅行🧳咁，當然可以行嘅地方唔多，因為人地book 咗場打波嘅我地係唔可以入去嘅。餐廳有indoor 同outdoor ，我地選擇坐outdoor , 其實都怕有蚊，不過地方打理得乾淨，無乜蚊Menu 其實得幾個餐，跟湯，小菜，白飯同甜品，飲品自助，有茶同水。其實都有收費drink menu 嘅，我地另外叫🍻，好似2x 一杯。先嚟係湯，幾足料，有花生，瘦肉…小菜我地揀咗xo 醬西蘭花🥦，咕嚕肉同豆腐，其實就唔係好有鑊氣，不過都正常味道同水準，食材都算新鮮。甜品好豐富，有豆腐花，cheesecake 同西瓜，cheesecake 好味，芝士味濃❤️， 可能食咗cheesecake 先，所以西瓜唔甜😅

今次約咗朋友嚟打高爾夫球，大家就諗住試吓呢度嘅餐廳先。我同朋友今次都試咗佢哋嘅印尼炒飯，覺得質素冇話特別出色。例如啲飯硬硬地，肉都冇話特別鮮嫩。但係喺度食主要都係食個景 食飯嘅時候望住窗外一大片綠色都頗放鬆寫意。

滘西洲高爾夫球場是香港唯一的公眾高爾夫球場，內設餐廳亦開放給公眾使用。在西貢專屬碼頭，坐船去滘西洲的船程為約15分鐘。高爾夫球場會所餐廳位於高爾夫球場旁，可看見遼闊的草地，令人心曠神怡。餐廳設有室內座位和半開放式座位。餐廳室內樓底高，空調足夠，裝修簡潔舒適。福建炒飯88元，份量足夠，蝦仁彈牙，冬菇味濃，海參爽口，瑤柱絲惹味，雞肉嫩，炒飯混入了蛋絲，配料還有紅蘿蔔和芥蘭，醬汁不會過咸，整體口感豐富。

今日我嚟到高爾夫球場專屬餐廳， 由於餐廳有套票形式可以食飯加打高爾夫球，所以我當然唔輸蝕玩套票喇，價錢係超值。餐廳會提供一湯一主菜同甜品，主菜大約有8個選擇，飲品則咖啡同茶。今次湯係西洋菜湯，夠曬足料識合我平時少湯水既我。然後，主菜登場我叫咗一個菠蘿咕嚕肉同西蘭花魚柳，份量適中如果大食就應該唔夠，味道一流，配合高爾夫球場既環境簡值係5星享受。最後就係甜品，原先以為甜品都係得個cake之類，但估唔到佢有一碗豆腐花，2塊西瓜同思疑紅莓mousse，有驚喜味道都出符意料好食。總結，環境一流，服務一流，食物一流。

☆賽馬會滘西洲高爾夫餐廳𝘑𝘰𝘤𝘬𝘦𝘺 𝘊𝘭𝘶𝘣 𝘒𝘢𝘶 𝘚𝘢𝘪 𝘊𝘩𝘢𝘶 𝘗𝘶𝘣𝘭𝘪𝘤 𝘎𝘰𝘭𝘧 𝘊𝘰𝘶𝘳𝘴𝘦 𝘙𝘦𝘴𝘵𝘢𝘶𝘳𝘢𝘯𝘵這次推介的絕對是香港一日遊的好地方！位於西貢滘西洲高爾夫球場⛳️這個開放給公眾的golf場很少人關注，一直以為打高爾夫球都是不可高攀的興趣，但其實這裏沒有入場門檻，而且非常抵玩，真的是很好的體驗～現在更設有套餐優惠，2小時練習場、來回船票+晚餐只需每人$175，不過記得要提前預約而場內的咖啡室更供應各式小食、咖啡和啤酒，環境優美，面對著一片草原，彷如去了外國渡假村🏔-🍖 馬來肉骨茶𝘾𝙝𝙞𝙣𝙚𝙨𝙚 𝙝𝙚𝙧𝙗𝙨 𝙨𝙤𝙪𝙥 𝙬𝙞𝙩𝙝 𝙥𝙤𝙧𝙠 𝙧𝙞𝙗𝙨 𝙖𝙣𝙙 𝙜𝙖𝙧𝙡𝙞𝙘 𝙨𝙚𝙧𝙫𝙚𝙙 𝙬𝙞𝙩𝙝 𝙙𝙚𝙚𝙥 𝙛𝙧𝙞𝙚𝙙 𝙙𝙤𝙪𝙜𝙝 𝙨𝙩𝙧𝙞𝙥偏愛南洋美食的我來到便被餐牌上的星馬菜吸引，不得不點的是經典的肉骨茶個人不喜歡藥材味過重的bak kut teh，但這鍋味道香濃回甘，調味剛剛好，排骨肉汁鮮嫩，熬到得十分軟稔加上新鮮炸起的鬆脆油炸鬼，味道非常夾，來到不妨一試！(˶‾᷄ ⁻̫ ‾᷅˵)推薦指數: 8.5/10.🧈 馬來咖央牛油多士𝙏𝙤𝙖𝙨𝙩 𝙬𝙞𝙩𝙝 𝙠𝙖𝙮𝙖 𝙖𝙣𝙙

上網book左個$175 package包來回船飛，2小時練習球道，中式晚飯套餐（由於疫情關係，由buffet改為中式套餐）前菜係一個蕃茄牛骨湯，中規中矩，好有家的味道，唔覺有落味精，而且湯渣非常充足！打完golf飲返碗湯真係好舒服！主菜就嗌左咕嚕肉+炒蝦球。咕嚕肉份量都幾多！而且甜酸度拿捏得岩岩好！而炒蝦球居然出奇地多！因為有成6大粒！而且粒粒都幾彈牙幾新鮮! Size亦幾大舊！而且佢用左XO醬炒，所以會有少少辣～唔食得辣嘅朋友就可能要嗌其他set啦！另外一人一碗白飯添！最尾黎到甜品環節，仲以為得一款，點知有成3大樣！真係好飽呀！有兩舊西瓜，豆腐花，藍莓芝士蛋糕。西瓜都幾甜，豆腐花正常啦，唔會話好滑，但勝在大碗，而且cheese cake亦都好好食，但會漏左少少🤏咁。So far, dinner package係幾抵！仲配埋個靚景一齊食飯真係一流！

滘西洲位於西貢半島🏝係香港面積第6大嘅島嶼💫亦係全港唯一嘅公眾高爾夫球場🏌🏻‍♀️呢度風景如畫🏞擁有翠綠嘅山巒🌳彷彿置身外國🌍好似去咗一趟旅行咁🛫🔸All Day Breakfast（$92）（橙汁、早餐香腸、煙肉、松露醬炒蛋、炒蘑菇、烤蕃茄、焗豆、炸薯餅、多士及即磨咖啡或茶）大愛黑松露炒蛋😍嫩滑鬆軟👍🏻蛋香濃郁🍳蘑菇香口惹味🍄蕃茄亦相當juicy🍅但多士烘得有點乾🍞煙肉略嫌overcook🥓食落有啲似脆片豬肉乾🙈🔸特色公司三文治 配薯條（$78）（煙火雞、火腿、吞拿魚、蛋沙律、蕃茄、生菜及全麥多士）由豐富餡料疊砌而成🥪麵包烘至微脆🥯新鮮蔬菜🥬配搭多種肉餡🐔鹹中帶甜😚百般滋味盡集其中🙆🏻‍♀️值得推介✨🔸星洲炒米（$76）米粉炒得恰到好處👏🏻芳香微辣嘅咖喱口味🌶配以鮮蝦🦐洋蔥🧅甜椒🫑雞蛋等🥚增添味覺層次😽望住綠草如茵嘅高爾夫球場⛳️享受下午茶☕️感受下嗰份悠閒愜意😎絕對係人生一大享受🎉

book咗2人晚飯套餐，包發球練習。打之前先食個早飯。啡茶水任裝。樓底好高好舒服，本身想坐室外，但唔鍾意聞到煙味，唯有坐室內。小菜有八款可揀，呢個係海參雞絲豆腐，份量足，撈飯食一流。湯大大碗，飲得過，畀啲湯料大家睇下。xo醬蜜糖豆炒花姿，花姿爽口，但冇雞絲嗰個咁豐富。食到一半，成個室內突然光咗，原來係電動簾拉起曬向太陽嗰邊嘅窗簾，畀大家喺室內都睇到日落嘅美景。booking仲係用紙筆嘅傳統方式做，呢啲位反而幾跟得上現代科技，佩服。套餐仲有包甜品，同男朋友討論緊可能係一嚿桂花糕或者蛋糕嘅時候就上菜：居然個甜品都咁精彩，一次過滿足三個願望！嚟呢度試晚飯套餐加打波真係令我開咗眼界，亦都捧住個肚走！呢個景真係唔話得，手機都影出個廣告感覺。

這間餐廳以往提供buffet，現在因疫情，一律改為中式晚飯套餐上菜，我還是第一次享用這服務。餐廳樓底非常好，外牆採用全落地玻璃，可遠望Golf場及大海，感覺非常舒適及悠閑😎 $155的套餐包例湯、小菜、白飯及甜品，咖啡或茶自助式任飲，是超級抵食的，味道更有板有眼。西洋菜例湯有很多湯渣，菜湯清甜美味。XO醬西蘭花炒青衣柳，份量不是太大但味道不錯，菜跟魚柳也很入味，魚肉厚身有咬口。最驚喜的是甜品，原來有三款，感覺非常良好😂 豆腐花嫩滑，芝士蛋糕味道濃郁，西瓜少甜消暑，是完美的假期體驗。