影片
港鐵油麻地站 C 出口, 步行約3分鐘
繼續閱讀
電話號碼
65872021
營業時間
今日營業
11:30 - 23:00
星期一至六
11:30 - 23:00
星期日
14:00 - 23:00
以上資料只供參考, 請與餐廳確認詳情
下午茶時間，諗住食個 tea set，但原來呢度係冇嘅，雖然係咁，見 menu 都有食物吸引到我，就繼續吧。佢哋有好幾款涼拌小食，叫份豬耳啦，有幾種辣，但我係超少辣喎，老闆就話出聲就ok，因為即叫即調(辣度)，咁就 tailor-made 我的辣味豬耳喇。由於即調，就算得我一枱客，都要等等，坦白講，呢種等係值得嘅，因為個味道真係啱我。另外叫咗份豬手麵，老闆話個麵係同出面不同嘅，似上海湯麵同幼身烏冬。一嚟到就試咗件豬手，嘩，估佢唔到咁'林'，超正，而且有好多芽菜，好味。個麵呢，就互相纏繞住，食時有啲論盡，味道... 如老闆所言似烏冬。小小的店，竟然見到有獨立洗手間。
繼續閱讀
因為喺附近返工嘅緣故，會經常幫襯。睇落好似平平無奇，一間普通餐廳，但真係好好食。本人特別推介豬扒/雞扒餃子手工面，豬扒煎得好靚，餃子皮薄餡靚，手工面都好入味(因為好多時啲麵都冇湯底嘅味，但呢間真係好食)。如果鍾意食辣仲可以轉麻辣湯底😋😋 都推介海南雞飯，飯同雞都好好食，海南雞飯醬料又任加🤤如果唔太肚餓都可以叫淨餃子，佢好多款餃子，而且餃子全部都皮薄餡靚。唯一缺點係等得比較耐，因為都係老闆娘自己煮。
繼續閱讀
逢返油麻地開夜必食，星期五難得放工都買到煎雞扒配酸辣手工麵(雞扒唔係日日有，好多時放工叫定外賣自取時 已話賣晒）女仔食雞扒+手工麵實夠飽，男士既話雞扒加埋餃子應該會好d.酸辣係佢地自家既，可以要多酸辣菜，好開胃湯底特別，出面食唔到。唔係死酸死辣，值得一試，同埋唔係味精湯（有d 鋪頭食完我要係咁飲水）有手工麵同米線選，我勁鐘意佢個手工麵😍同d 湯好夾。雞扒煎得岩岩，味道正 餃子有生餃賣，通常會買椰菜餃返屋企，就咁滾又得，煎又得不論係新客熟客佢地一樣好友善會同你傾下計， 我會繼續支持😋
繼續閱讀
油麻地廟街附近搵食，經過此店，入內一試，點了秘製豬軟骨麵，甚有驚喜！豬軟骨炆到好入味，肉質軟滑，軟骨既爽又黏，非常好食！麵亦軟硬適中有彈力，亦好食！餐廳整潔，老闆斯文有禮，加分。期待下次試埋其他菜式。
繼續閱讀
夜晚冇飯開，在公司附近隨機搵間小店外賣飯盒。呢間小店在橫街，座位不多，不過環境乾淨。今晚叫左海南雞飯，50蚊有找。一小時回到家，打開見到雞同飯的份量都好足。雞多滑，飯更是有驚喜，凍左都好香好夠味，食下食下就食哂。送例湯，打開更是不得了，係椰子煲雞腳，好濃好鮮。呢個價錢，性價比超高！
繼續閱讀