赤羽居酒屋 (已結業)

我说的幸福是小酒精加大炸鸡和我的好铁子蜂蜜芥末炸鸡🍗大块的炸鸡特别的酥脆，裹上蜂蜜芥末酱又变得鲜甜浓郁🍯，虽然有点油腻，但掩盖不了鸡肉的多汁软嫩辛拉面🍜面条煮的恰到好处，QQ弹中还带着些劲道，配上韩式风味的酸辣咸香汤汁，让面条的滋味不再单调，吃着还挺开胃💸菜和酒的价格在香港都算挺划算的了，喝酒了也才人均两百多，经济实惠还好吃

今日同朋友farewell,見到呢間小店好似都好唔錯喎。而且好耐冇食過串燒，好掛住日本嘅味道。小店個位就真係比較偏僻少少，我哋都搵咗一陣先搵到，咁好彩我哋入去嗰個時間都唔使排隊。今次我哋都嗌左幾多唔同嘅款式嘅嘢食，有串燒炒飯沙律前菜都有😋紫薯餅值得一讚，入面識到啲紫薯肉👍魚干係居酒屋必備😋沙嗲金菇卷覺得鹹咗少少🤔甜酸醬炸雞好食，但個人覺得甜酸醬唔好林喺面，有另外一兜比自己點就會更加好啦！白鱔串同牛舌串必食😋雞軟骨小食😋價錢方面每人二百幾蚊，食物質素都好好，叫咗過下去日本嗰個癮☺️

屯門其實真係有好多好嘢食，呢間絕對係值得一試再試！第一次黎嘅時候，仲覺得幾貴，因為屯門井財街來講，$50-$70既午餐的確比較貴。但係食完之後，就覺得性價比高，所以間唔中都會黎幫襯。呢個咖喱豬扒飯，係我其中一樣最鍾意食。睇相唔覺，實際上係一個好大嘅碟，份量係好多架！食過好幾次，水準依然好好。咖喱味唔算濃或者太甜，襯托炸左嘅豬扒，完全突出到豬扒嘅鮮味同埋肉汁。而且豬扒嘅份量實在好多，每一次食都要分豬扒比其他朋友。除咗主餐之外，仲有一個湯同埋前菜沙律，都算唔錯，以前仲有嘢飲㗎，不過而家飲品就要加錢啦。

這間是不為人知的赤羽日本餐廳， 就在屯門井財街 的一個角落， 有天經過 見到這餐廳 的食物很別緻， 之後選擇去食 ，這食物甚為好食 環境清幽，座位很舒適， 價錢實惠 ，侍應服務好周到

星期六同老公經過見到咁多人排隊，諗住應該唔差，所以我地又排埋一份。等左20分鐘左右就入得，但要同人塔枱坐。環境都算幾迫，好處係有獨立的女廁同男廁，重要超級乾淨，岩曬我呢d潔癖人仕。我同老公一人叫左一個午餐，老公叫左滑蛋鰻魚丼，我就叫左豚骨地獄拉麵。等餐時間超長，等左成30分鐘先有得食，唔怪得排曬隊。飯同拉麵的份量都好細，鰻魚飯的鰻魚得好少，蛋又過老。拉麵屬於粗身的麵，地獄湯一d麵唔辣，重要湯底有說唔出的怪味。只可以講冇下次。

有日心血來潮想去居酒屋食下啲燒物，原來都決定咗去邊一間食，但因為某啲事就臨時就去唔到，亦都因為咁間接去咗今次介紹嘅餐廳。原先都想搵下屯門邊度有居酒屋，之後就搵起平時屯門公路岀九龍嗰陣隱約記得見過有一間係紅橋附近。叫得轉角遇上愛，一啲都無誇張，佢真開係係一個唔會起眼嘅角落，去得都應該有食過，我嗰日係開住地圖先去到😂😂講返食物啦，我嗰日就叫咗個和牛炒飯、牛油焗菇、軟殻蟹、明太子雞翼。上面所講嘅係好味嘅，但我想重點講下佢地嘅燒物燒物就叫咗雞肉、牛舌、茄子、冬菇。我同我朋友食完都一致認同冬菇係最好味嘅佢地嘅冬菇係厚身，而醬汁又夠濃味，最後加上的木魚碎簡直就係錦上添花我地講笑可以為咗串冬菇去食齋雖然講到好好，但都有啲可以改善嘅。第一，相比起其他居酒屋，佢地的燒物或是其他食物都係選擇唔多。第二，佢都嘅酒都係極少，依個亦都係我覺得最唔好嘅地方，希望之後佢地會加返啲食物同酒啦

屋企人提早同我食生日飯，媽咪選擇左呢間日本餐廳，確實令我太驚喜啦！無諗到呢個地方會有好野食😂我覺得舖頭都幾偏僻下，唔容易塭，真係值得一食。訂左位，所以一去到就有位，可能6點太早，所以去食既人唔太多，但甘仲好，可以慢慢享受。叫左好多野食，值得回頭再食！厚燒一口牛舌，我覺得唔錯👍🏻配合牛舌上既多士，味道一流。叫左幾款串燒，雞軟骨，雞皮，雞腎，雞肝，我樣樣都覺的好好食，尤其係雞軟骨！比起出面食到既，口感豐富好多，反而屋企人偏愛雞肝😂🤣所以我食左一小啖就俾左媽咪食嚕。汁燒魷魚桐，肉質鮮美多汁，屋企人話燒得好軟身，值得比高分。生燒鰻魚飯，媽咪最愛既餐，厚身到爆，但我覺得應該係生鱔多d，因為平時日本餐廳食開既都比較薄身，呢間真係好厚身！值得一試！特濃豚骨拉麵，屋企人話面比較咸，反而湯清甜😂照燒牛仔骨，呢款真係偏咸，如果可以改善下就好。鹽燒鯖魚，味道非常清甜，魚味都重，值得推介。軟殼蟹，呢個反而感覺油味太重，但我都見到好多人叫🙈飲品方面，我就叫左呢款巨峰乳酸梳打，味道都不錯。屋企人就叫左自家制檸檬薏米水，不過我無影到相😔3個人食，差不多啦

今日母親節，之前在openrice見到這間食日本菜的餐廳，好像好吸引，中午就來了這裏食午餐。店子不大，中午已經幾多人，午餐只有定食可以揀！價籛唔貴。定食有小食一碟，係魚仔花生，都幾好味。咸咸地有d紫菜。有碗面豉湯，OK唔咸，有d豆腐粒，一碗沙律菜，好fresh，有車厘茄，西生菜，酸酸味味好開胃！叫了豚肉炒雜菜，幾大碟呀，炒得好香，有椰菜，豬肉，金菇，䓤，甘笋絲，冬菇絲。不是好油，幾乾身！鰻魚，好大條，上面有d紫菜絲同葱花，鰻魚甜甜地好食唔腥。苦瓜炒豚肉，還有蛋同豆腐，苦瓜切到薄身，所以唔會好苦，加埋蛋一齊食好香。份量也不呀！！食物好味，價錢合理，服務細心

第一次山長水遠入屯門搵食就試咗朋友推介的隱世小店呢間小店舖面唔大，我哋6點鐘去到唔洗排隊，可以直入，但見到好多張枱已經放咗reserve 紙牌，想晏D去試的朋友預先book位穩陣少少。朋友話呢間小店最名的係串燒，另外仲有炒飯、拉麵、沙律、同各式日式小食，選擇都幾多！串燒質素相當唔錯菇燒得好清甜，忍唔住encore咗燒得好好，好惹味牛舌切到啱啱好一啖食得曬一舊，但味道一般，有雪藏味

赤羽係虹橋有heart小店我推介的top1小店.已成為左我Lunch 必食飯堂之一.今日決定試下食晚飯先赤羽晚餐推介有heart串燒。我地今晚黎過日式串燒之夜。糖心蛋苦瓜抄豚肉燒粟米燒茄子及燒牛舌Encore 左燒粟米及牛舌個牛舌超正!D串燒食得出係一串入魂ga wo.燒雞皮䓤燒牛柳/燒白膳/燒甜薯仔/牛舌/牛舌/燒汁大䓤雞柳/一囗芝士牛配白飯超正!!!最後加多個甜品:芝士餅好滿足好回味的一餐!!赤羽果然係少有的隱世有heart小店.支持支持。下次會繼續多多惠顧的。

屋企附近開左間日式餐廳赤羽.簡約和風設計.播住日本music.一種舒服悠閒的感覺.食物四正食出心思.lee間赤羽一試已成為我的假日飯堂.今日我同男友+媽咪一齊食Lunch.叫左3個定食所以前菜有麻醬沙律+日式前菜+麵鼓湯+野飲我今目食炸豬排定食.個豬扒一D都唔油又夠冧.係就係咁夠肉汁.不過咁ge價錢有咁ge質素.都真係好ok la.男友叫左.苦瓜炒豚肉定食.D苦瓜切到好薄一D都唔苦.仲有炒蛋同豆腐.夠豐富夠健康.good!媽咪叫左個特級炒牛肉野菜定食.適合想食多菜少肉ge人仕.味道幾ok.又多菇菜.媽咪表示滿意再飲埋杯餐飲.好満足咁噗返一個寧靜的Lunch Lee間赤羽夜晚仲有串燒提供.下次會夜晚黎try 下佢地D串燒先.支持本地有heart小店

今天又來這裡，今次是第一次在這裡吃午餐，選擇也算多，有多款拉麵丶烏冬丶定食丶丼飯。我們一行三人不約而同地選了鹽燒鯖魚定食，附送沙律🥗丶前菜丶御飯丶味噌湯，只是$48，還免收加一，極為抵吃。沙律菜色彩繽紛又新鮮，醬汁醒胃，前菜精緻，是一些類似海藻再灑上少許芝麻，很健康的感覺，御飯當然為日本珍珠米，味噌湯不會太䶢。主菜鹽燒鯖魚更是相當味美，外皮燒得脆脆，魚肉鮮嫩又入味，除了唧了檸檬汁，根本不用再點任何醬汁，附上的醬油酸酸的，我就用了來撈飯吃，非常美味呢😋

今天一行7人來這裡吃晚餐，之前朋友過吃午餐，已覺得好抵吃又好味，所以今次選擇這裡。我們點食物好像點放題一樣，因為實在太多吸引的小吃及串燒。每碟小食及串燒的賣相都非常精美，擺盤及碟都很日式，配合著餐廳的裝潢設計，很有氣氛。已記不清我們吃的全部食物，印象最深刻的是軟殼蟹 - 擺盤實在美不勝收，用沙律菜盛著軟殼蟹，再配上一小碟醬汁麻醬凍豆腐 - 麻醬味道香濃，豆腐是不會太爛那種牛油焗金菇 - 香滑美味燒鶉春蛋 - 細細粒中間軟軟的有點流心蛋的感覺另外幾個飯麵味道及口感也不錯。希望這小店可以撐得住，成為屯門虹橋區飯堂💪

朋友經過偶然發現既居酒屋，今日特登過黎試試。玉子燒：非常出色，又滑又多汁，上面既調味恰到好處。椒鹽雞軟骨：炸得剛剛好，不過細份左少少。明太子雞翼：都係必食之一，雖然偏鹹，但味道非常好，明太子味好出！最後黎多幾份串燒，不過不失。呢度枱夠闊，坐得舒服，放工同朋友吹水既另一好地方。

好耐無入過屯門 又俾我揾到你😆平民價錢 燒出水準串燒 🍢🍡揾好嘢食真係要識得鵑窿鵑罅 又一間收埋喺角落的餐廳 第一次嚟 晚上八時半左右 都是滿滿的客人 我等了約十五分鐘 🕘好肚餓吖 咩都想食 一叫就叫到一枱都係🤦🏻‍♀️首先超正脆脆雞軟骨 送酒🍻🍶一流😋鯖魚燒得外脆內軟 唔鞋 唔乾 算是不錯燒蠔⋯細隻左啲厚燒牛舌 最令我失望 感覺似燘過 好鞋 太淋 食左一件就無食 雞肝 唔係好多地方有得食 依度就有喇 仲燒得啱啱好 多春魚其他串燒都唔錯 提提大家 師傅有神速嘅廚技 千祈唔好一次過叫晒所有想食嘅嘢吖 結果我成枱都係食物 食唔切😅