影片
港鐵太古站 A2 出口
繼續閱讀
電話號碼
28383306
開飯介紹
Lubuds旗下的粥麵店，裝潢結合懷舊及文青風格，更播放著七、八十年代的廣東歌，讓食客享受高級酒樓質素的手工點心及粥粉麵飯時，能更體會本土文化。
繼續閱讀
營業時間
今日營業
11:30 - 21:00
星期一至五
11:30 - 21:00
星期六至日
10:00 - 21:00
以上資料只供參考, 請與餐廳確認詳情
有關獎賞計劃
平時同屋企人嚟太古飲茶，通常去太古城嗰幾間酒樓，今次就試吓呢間裝修時尚嘅中式餐廳。11點前落單可以用早茶價錢，大約$35至$45一個點心，茶介每位$5都幾抵～-早茶時間唔多人，所以都好快上菜，今日兩個人嚟，所以淨係叫咗五款點心試吓。鮮蝦炸雲吞（$36）望落雖然細舊咗啲，但係熱辣辣即炸，而且入面舊蝦都幾彈牙🍤趣致椰香奶皇包（$35）有豬仔造型好得意，麵包軟熟而且真係流心😍-百花釀魚肚（$36）嘅魚肚超厚身，食落好滿足～叉燒腸（$42）好足料，入面嘅叉燒切到幾大粒👍🏻脆米花枝球（$38）又唔同口感，外面嘅脆米好似食緊米通咁，而入面嘅花枝膠好彈牙～😋-點心質素整體嚟講都唔錯，如果想坐得舒服啲方便傾偈，可以考慮吓嚟呢度
繼續閱讀
見到走青開咗姊妹店走青加底有（小炒、小菜和煲仔菜）食品種類和走青不一樣又可以多一個選擇👍，不過今日不期然都係行咗去走青享受返一個美滿嘅晚餐😊環境優雅，有水準的粥粉麵加上多款的懷舊點心，員工又殷勤有禮，令人如沐春風！😍•即蒸腸粉又滑皮薄餡靚👍•牛筋湯麵又入味又夠腍👍•鴛鴦臘腸卷夠懷舊又香口👍•及弟粥夠棉滑又足料👍•橙汁卷而家真係好少見，竟然有機會可以喺度試到👍•港式奶茶又香又滑，啱晒我口味👍
繼續閱讀
喺附近住咗一段時間，好好奇呢間餐廳，點解疫情尾段開業到而家都空空如也。多謝恆隆送現金券俾我有機會試吓呢間餐廳，上一次試呢間餐廳集團嘅高檔法國餐係喺大館，都係得個樣嘢食唔OK，服務唔OK。今次都一樣😅😅今晚咁啱得我一個人自己食，既然有現金券就嚟試吓啦。去到門口都知道服務麻麻哋，接待處冇人，服務員見到我一個人，就就一皺眉頭，知道我有現金券，個樣好唔情願咁。最後安排我喺個冷氣機風口下面，佢仲要毫不客氣攞開咗另外張枱客人嘅物品俾我坐。到坐低嘅時候，我同佢反映冷氣機啲風都幾犀利，佢話係得呢個位㗎啦，一係你排過隊啦。我最後話，我外賣啦，心諗咁嘅服務無謂坐，既然恆隆一番心意，外賣啦，都試吓呢間嘢嘅質素。當我見到外賣嘅時候，真係笑咗出嚟。佢隻碗好大好大，好多湯。跟住當我搵我嘅牛筋嘅時候，得嗰幾條。你唔好睇相好似好多牛筋，全部都奀滋滋，我專登擺我對日本筷子影相。我對筷子已經短，碗麵仲要細到得我半對筷子嘅長度😅好明顯，食完，完全唔覺得有食過嘢。咁試埋佢個合桃糊，多份量唔少，以為都好仲有個甜品。嘩救命呀！唔單止開粉，仲要開到一嚿嚿😦合桃糊俾你咁樣演繹真係好淒涼，完全冇合桃味，成口粉，死甜。我最後選擇，自己煮個公仔麵算😆😆😆當攞外賣嘅時候見到原來係呢個集團，我已經心裏一沉，又係呢個集團，好伏。好抱歉，我係一個唐人，對服務同質素有要求嘅一個食客。就算係鬼佬，住得喺香港一段時間，都會知自己食緊啲咩。我終於明白點解你個餐廳長期冇人幫襯….
繼續閱讀
2024.8.12環境清雅，牆身以書法擺放，富中國色彩，又有日式建築風格，聽著70，80年代的中文金曲晚餐。食物質素非常高，偏貴！交通方便，在商場地下，值得推介！😁🥰
繼續閱讀
週末午膳時間唔洗得位，梗係入啦。枱與枱之間好濶落，坐位都夠大，好舒服。餐具有公雞，走懷舊路線咁，加上聽住張國榮，陳慧嫻，獅子山下，仲有其他經典八十年代電視劇金曲，可惜裝修不是懷舊風，有少少投入唔到。未入嚟前只係隨意「立」下 menu, 以為飲茶，原來又唔完全係。因為諗住飲茶嘛，所以點咗點心嘆下。叫咗份炸両，百花釀魚肚同叉燒包。先上炸両，擺盤幾好，麻醬同甜醬喺一碟，豉油另一碟。食落呢，嗰條油炸鬼太多粉，唔夠脆。唔夠飽嘅，食依個可填肚。魚肚反而有驚喜，可能平時少飲茶，對我嚟講係唔常見嘅點心。佢一碟3件，魚肚上有蝦膠，再之上有蝦籽，味道清清哋。試過就咁食，又試過點炸両碟豉油，個人覺得有豉油好味啲。有1個叉燒包被蒸籠到汗水整濕包底，係依個瑕疵。好味㗎，又冇肥豬肉，甜度適中。
繼續閱讀